28/08/2025
Milyarder Uorren Baffet:
"Ayrı-ayrı biznesin iqtisadiyyatını anlamaq – bütün bir sahənin uğurlu inkişafını proqnozlaşdırmaqla eyni şey deyil.
Mən internet şirkətlərinə və ya texnoloji bizneslərə baxanda düşünürəm: «Bunların hamısı əladır». Mən özüm də kompüterdə oturmağı sevirəm, Amazon-dan kitab sifariş edirəm və müxtəlif onlayn xidmətlərdən istifadə edirəm. Amma problem ondadır ki, onların hansının qalib gələcəyini bilmirəm. Əgər kiminsə qalib gələcəyini bilməsəm – ora investisiya etmək mənim üçün maraqlı deyil. Mən sadəcə kompüterdən zövq almaq üçün istifadə edirəm, amma pul yatırmıram.
İnvestisiyalarda ən vacib şey – öz səriştə dairənin sərhədlərini bilməkdir. Onun nə qədər geniş olması əhəmiyyətli deyil – siz hər şeydən baş çıxarmalı deyilsiniz. Əsas odur ki, nələri bildiyinizi, nələri bilmədiyinizi aydın dərk edəsiniz və bu sərhədləri aşmayasınız. IBM-in qurucusu Tom Uotson yazırdı: «Mən dahi deyiləm, amma bəzi şeylərdə ağıllıyam və həmin şeylərdən uzağa getmirəm».
Məsələ bundadır. Mən bəzi şeylərdə anlayışım varsa və bu dairədə qalırsam – hər şey yaxşı olacaq. Amma əgər mən heç nə anlamadığım sahələrə yalnız hamının bundan danışdığı, səhmlərin artdığı, qonşuların həyəcanlandığına görə maraqlanaraq investisiya etməyə başlasam – sonda pulumu itirəcəyəm. Və bu da haqlı nəticə olacaq."
