03/02/2026
Milla Dairy LLC üçün gözəl bir təklifim var! Ümid edirəm ki, faydalanarlar. İnsan təbii dadı izahla yox, görmək və duymaqla əldə edir.
İçi süd ilə dolu inək maskotunu şəhərin gediş-gəlişli məkanlarında yerləşdirirsən. Yanında da Milla loqosu ilə informativ lövhə qoyursan: İstədiyin təbii südü sağ və al. Burada əsas məqsəd, get-gedə soyuqlaşan, süniləşən və rahatlıq axtaran insanlara o nostalji hissləri qaytarmaqdır. Həm də insan psixologiyasında öz əməyi ilə əldə olunan malın bir xüsusi ləzzəti var. Necə ki, ilk maaş, əkib, düzəldib ərsəyə gətirdiyin misallar kimi.
Məqsəd:
Milla süd çeşidlərini təcrübə ilə tanıtmaqdır. “Təbii və dadlı” anlayışını real seçim aktına çevirmək. Viral paylaşımlar və UGC yaratmaq.
Hədəf
Şəhər mərkəzi auditoriyası (ailələr, gənclər). Gediş-gəlişli zonalarda olan təsadüfi istehlakçılar.
Kampaniya mexanikası (Core)
Daşınan “Milla inəyi” hər məmədə fərqli süd çeşidi: Yağlı, yağsız, laktozasız, uşaq südü və s.
İnsan
Qabını seçir, istədiyi südü doldurur, aparır və dadır.
Lokasiya
Nizami küçəsi (torqovu), Bulvar və ölkə üzrə gediş-gəlişli nöqtələr. Bir sözlə, viral effekti yaradan ərazilər.
Media kanalları
On-ground, İnteraktiv stend, Sampling + qab verilməsi.
Digital
Instagram / TikTok Reels (reaksiyalar) Influencer live & stories UGC hashtag.
PR
“Şəhərdə süd verən inək” xəbərləri, yerli media reportajları, “inəyin hər məməsində bir başqa ləzzət.”
KPI
UGC sayı, Sosial media reach, sampling conversion, brand sentiment
