Caspian Press

Caspian Press Azərbaycanda və dünyada baş verən ən son xəbərlər 🌐

14/04/2026

Bakı şəhərində aprelin 14-də axşam saatlarında gözlənilməz hava hadisəsi qeydə alınıb.

Caspian Press xəbər verir ki, yağışla müşayiət olunan bu hadisə şəhər sakinləri arasında təəccüb doğurub.

Mütəxəssislər bildirirlər ki, yaz aylarında hava kütlələrinin tez-tez dəyişməsi, isti və soyuq axınların toqquşması nəticəsində belə halların baş verməsi mümkündür. Bu səbəbdən aprel ayında dolu yağışı nadir olsa da, qeyri-adi sayılmır.

Hazırda hava şəraiti sabitləşsə də, yaxın günlərdə dəyişkən hava şəraitinin davam edəcəyi ehtimal olunur.

12/04/2026

Dənizkənarı Milli Parkda əkilmiş təbii güllərin bir hissəsi naməlum şəxslər tərəfindən zədələnib.

Caspian Press xəbər verir ki, sosial şəbəkələrdə yayılan görüntülərdə ərazidəki güllərin tapdalandığı, qoparıldığı və ciddi şəkildə yararsız hala salındığı görünür.
Şəhər sakinləri isə baş verənlərə narazılıq bildirərək ictimai yaşıllıqlara daha ciddi nəzarət olunmasını tələb edirlər.

Qeyd edək ki, Dənizkənarı Milli Park paytaxtın əsas istirahət və turizm zonalarından biridir və burada yaşıllıqların qorunması xüsusi əhəmiyyət daşıyır.

05/04/2026

Sumqayıtda dəm qazı faciəsi: 6 uşaq zəhərləndi, biri həyatını itirdi.

Sumqayıtda bir ailənin 6 azyaşlı övladı dəm qazından zəhərlənib. Hadisə şəhərin Hacı Zeynalabdin Tağıyev qəsəbəsində baş verib.

Caspian Press xəbər verir ki, məlumata görə, uşaqlar hamam otağında olarkən dəm qazından zəhərləniblər. Onlar dərhal xəstəxanaya çatdırılıb və ilkin tibbi yardım göstərildikdən sonra evə buraxılıblar. Lakin azyaşlılardan birinin vəziyyəti sonradan qəfil pisləşib və o yenidən xəstəxanaya yerləşdirilib.

Həkimlərin səylərinə baxmayaraq, 2024-cü il təvəllüdlü Gülcənnət Cəbrayılovanın həyatını xilas etmək mümkün olmayıb.
Hazırda digər uşaqların müalicəsi davam edir, onların vəziyyətinin stabil olduğu bildirilir. Faktla bağlı araşdırma aparılır.

22/03/2026

İçərişəhərdə şən abu-hava

20/03/2026

İçərişəhər stansiyasında retro vaqonlar bəzədilib.

09/03/2026

Martın 10-da gözlənilən hava şəraiti. (10.03.2026)

Milli Hidrometeorologiya Xidmətinin məlumatına əsasən Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin 9-dan 10-da keçən gecə bəzi yerlərdə az yağıntılı olacağı ehtimalı var. Şimal-şərq küləyi gündüz cənub-şərq küləyi ilə əvəz olunacaq.

Havanın temperaturu gecə 2-4° isti, gündüz 5-8° isti olacaq. Atmosfer təzyiqi 776 mm civə sütunundan 779 mm civə sütununa yüksələcək. Nisbi rütubət gecə 70-80 %, gündüz 60-65 % təşkil edəcək.

Azərbaycanın rayonlarında bəzi yerlərdə arabir yağıntılı olacağı, dağlıq ərazilərdə qar yağacağı gözlənilir. Gecə və səhər bəzi şərq rayonlarında arabir intensivləşəcəyi ehtimalı var. Axşama doğru yağıntılar tədricən kəsiləcək. Bəzi yerlərdə arabir duman olacaq. Mülayim qərb küləyi əsəcək.

Havanın temperaturu gecə 0-4° isti, gündüz 5-10° isti, dağlarda gecə 8-13° şaxta, yüksək dağlıq ərazilərdə 15-20° şaxta, gündüz 2-7° şaxta olacaq.

Gününüzün uğurlu keçməsi diləyiylə Caspian Press hava proqnozunu təqdim etdi.

05/03/2026

Bizim gücümüzü sınamaq istəyənlərin başı “Dəmir yumruq” vasitəsilə yarıldı.

05/03/2026

"Biz Azərbaycan xalqını proseslərin gedişatı ilə əlaqədar məlumatlandıracağıq" – CASPİAN PRESS

05/03/2026

Müdafiə Nazirliyindən açıqlama.

İranın Naxçıvana hücum etməsiylə əlaqədar Azərbaycan Respublikası Müdafiə Nazirliyi açıqlama verib.

Kaspian Press xəbər verir ki, açıqlamada deyilir:

5 mart tarixində İran İslam Respublikasının silahlı qüvvələri tərəfindən İran ərazisindən pilotsuz uçuş aparatları ilə Azərbaycan Respublikasının Naxçıvan Muxtar Respublikasının Naxçıvan beynəlxalq hava limanına və digər mülki infrastruktura hücum aktları həyata keçirilib. Pilotsuz uçuş aparatlarının texniki parametrləri və bu hücumların təfərrüatları araşdırılır.
A zərbaycan Respublikası Müdafiə Nazirliyi hər hansı hərbi zərurət olmadığı halda, İran İslam Respublikasının silahlı qüvvələri tərəfindən ölkəmizin ərazisində mülki infrastruktura qarşı törədilən hücumları qəti şəkildə pisləyir.
Baş vermiş hadisəyə görə məsuliyyət tam şəkildə İran İslam Respublikasının üzərinə düşür.
Azərbaycan Respublikası Müdafiə Nazirliyi ölkəmizin ərazi bütövlüyünün və suverenliyinin müdafiəsi, mülki şəxslərin və mülki infrastrukturun təhlükəsizliyinin təmin olunması üçün zəruri cavab tədbirlərini hazırlayır və bu hücum aktları cavabsız qalmayacaq.

05/03/2026

Naxçıvan vurulması zamanı sakinlərin qorxu dolu anları– CASPİAN PRESS

05/03/2026

İran Naxçıvana zərbələr endirib.
Azərbaycan Respublikasının Naxçıvan Muxtar Respublikasına İran İslam Respublikasının ərazisindən dron hücumları həyata keçirilib.

Caspian Press xəbər verir ki, 1 ədəd dron Naxçıvan Muxtar Respublikasının Hava Limanının terminal binasına, digər bir dron isə Şəkərabad kəndində məktəb binasının yaxınlığına düşüb. Hava Limanının binasına zərər dəyib, iki nəfər mülki şəxs xəsarət alıb.

03/03/2026

Caspian Pres xəbər verir ki, Əmək Məcəlləsinin 108-ci maddəsinə əsasən, bayram günündən əvvəlki iş günü bir saat azaldılır.

Bu səbəbdən 20-24 mart Novruz bayramı, 20-21 mart isə Ramazan bayramı ilə əlaqədar olaraq 19 mart (cümə axşamı) ölkə üzrə qısaldılmış iş günü olacaq.

Qeyd edək ki, 20-30 mart tarixlərində ölkədə ardıcıl 11 gün qeyri-iş günü olacaq.

Address

Baku

Website

Alerts

Be the first to know and let us send you an email when Caspian Press posts news and promotions. Your email address will not be used for any other purpose, and you can unsubscribe at any time.

Shortcuts

Share

Category