Lerik şəhər A.Nuriyev adına 1 saylı texniki fənlər təmayüllü məktəb liseyi

01/09/2025

29.08.2025-ci il tarixdə Lerik şəhəri Arif Nuriyev adına 1 nömrəli texniki fənlər təmayüllü məktəb-liseyində növbədənkənar Pedaqoji Şura keçirildi.
Pedaqoji Şurada 4,6 və 9-cu siniflərin monitorinq (4 və 6-cı siniflər) və buraxılış (9-cu sinif)imtahanlarının ətraflı təhlil olunmuş nəticələri müzakirə edildi.

23/08/2025

🌿 Hər bir məktəb – gələcəyin toxumlarının səpildiyi müqəddəs torpaqdır.

2024–2025-ci tədris ilində 10 məzunumuz ali məktəbə qəbul olaraq həyatlarının yeni səhifəsinə qədəm qoydu.

✨ Qürurla qeyd edirik ki, 11a sinfinin 11 şagirdindən 9-u tələbə adını qazanaraq zəhmətlərini gerçəkliyə çevirdilər.

🌍 Biz bütün məzunlarımızı ürəkdən təbrik edir, onların hər addımında uğur və yeni zirvələr diləyirik. Bu günün sevinci sabahın daha böyük uğurlarının müjdəçisidir.

15/08/2025

17/07/2025

🎓 Fəxrlə və Qürurla! 🌟

Azərbaycan Respublikası Elm və Təhsil Naziri cənab Emin Əmrullayevin müvafiq əmrinə əsasən təhsil yolunun hər addımında zəhməti, əzmi ilə seçilən şagirdimiz Məhərrəmzadə Xədicə Şaiq qızı tam orta təhsilini xüsusi nailiyyətlərlə başa vuraraq, Qızıl nişan və xüsusi nümunəli attestata layiq görülüb.

Bu uğur təkcə Xədicənin deyil — bu, bir ailənin, bir müəllimin, bir məktəbin sevincidir. Çünki Xədicənin uğuru gələcəyə ümidimiz, sabaha inamımızdır.

📖 “Elm ağacdır, əməl onun meyvəsi.” – deyilib. Xədicə həm elmin, həm də əməyin rəmzinə çevrilərək gənc nəslə örnək oldu.

Bu böyük uğur münasibətilə başda məktəb-liseyin direktoru, Əməkdar müəllim Gültəkin Şıxəliyeva olmaqla, bütün pedaqoji heyəti, o cümlədən Xədicəni və onun ailəsini səmimi-qəlbdən təbrik edir, qarşıdakı həyat yolunda ona sonsuz uğurlar arzulayırıq! 💐

30/06/2025

🎓 9-cu sinif şagirdlərinə attestatların təqdimatı və valideynlərlə görüş 🎓

Məktəb-liseyimizdə 9-cu sinfi başa vuran şagirdlərimizə ümumi orta təhsil haqqında attestatlar təqdim olundu. Bu görüş, yalnız bir sənədin verilməsi deyil, həm də onların həyatında yeni bir mərhələyə keçidinin rəsmi ifadəsi idi. Qeyd edək ki, bir şagirdimiz - Canməmmədova Ruslana Rusif qızı əldə etdiyi yüksək nəticələrinə görə Qırmızı(Fərqlənmə) attestata layiq görülmüşdür.

Məktəb rəhbərliyinin təşəbbüsü ilə şagirdlərin valideynləri ilə görüş də təşkil olundu. Görüş zamanı şagirdlərimizin təhsil uğurları, qarşıda duran seçimlər və gələcək planlar haqqında səmimi müzakirələr aparıldı.

26/06/2025

26 iyun Azərbaycan Respublikasının Silahlı Qüvvələri Günüdür.
Xalqımızın qürur mənbəyi olan Azərbaycan Ordusunun yaranması günü münasibətilə bütün hərbi qulluqçularımızı təbrik edirik.

24/06/2025

İyunun 24-də Bakı Konqres Mərkəzində Respublika Fənn Olimpiadaları qaliblərinin mükafatlandırılması mərasimi keçirilib.

Lerik şəhəri A.Nuriyev adına 1 nömrəli texniki fənlər təmayüllü məktəb-liseyinin IX sinif şagirdi Canməmmədova Ruslana Rusif qızı Biologiya fənni üzrə ll yeri tutaraq gümüş medala layiq görülmüşdür. Bu münasibətlə başda məktəb-liseyin direktoru, Əməkdar müəllim Gültəkin Şıxəliyeva başda olmaqla, məktəb-liseyin bütün heyət üzvlərini, şagirdin valideynlərini, ən əsası isə şagirdimizi səmimi qəlbdən təbrik edir, yeni uğur və nailiyyətlər arzu edirik. Biz səninlə fəxr edirik👏👏👏👏

Qeyd edək ki, 2024-2025-ci tədris ilində sözügedən olimpiadalarda 8 fənn üzrə ümumilikdə 95 nəfər qızıl, 170 nəfər gümüş və 249 nəfər bürünc medal qazanıb.

23/06/2025

📘 Pedaqoji Şura: Gələcək Tədris İli üçün Yol Xəritəsi 🎓

Məktəb-liseyimizdə növbəti Pedaqoji Şura iclası keçirildi. İclas zamanı tədris prosesinin təşkili ilə bağlı bir sıra əhəmiyyətli məsələlər geniş müzakirə olundu.

🔹 Məzunlara attestatların təqdim olunması,
🔹 Yeni tədris ili üzrə dərs bölgüsünün təşkili,
🔹 Şagirdlərin sinifdən sinfə keçirilməsi,
🔹 Cari təşkilati və tədris məsələlərinin müzakirəsi,
🔹 Hesabatlarının dinlənilməsi və s. kimi məsələlər gündəliyin əsas müzakirə mövzularını təşkil etdi. Sonda, səmərəli fəaliyyətinə görə bir neçə heyət üzvü təşəkkürnamə ilə təltif edildi.

Bu kimi iclaslar məktəbdaxili idarəetmənin təkmilləşdirilməsi, tədris prosesinin daha planlı və səmərəli təşkili baxımından mühüm əhəmiyyət daşıyır.

20/06/2025

Bu gün məktəb-liseyimizin 11-ci sinif şagirdlərinə attestatlar təqdim olundu.

Məzun olmaq – keçmişlə vidalaşmaq, gələcəyə ümidlə boylanmaqdır. İndi bu gənclərin qarşısında həyatın yeni səhifəsi açılır. Hər bir attestat – biliklə yazılmış, zəhmətlə möhürlənmiş bir tale başlanğıcıdır.

Bütün məzunlarımıza uğurlar arzulayırıq! Yolunuz açıq olsun!

18/06/2025

Şahmat dərnəyimizin uğurları...

Şahmat – yalnız oyundan ibarət deyil, o, düşüncənin, səbrin və uzaqgörənliyin məktəbidir. Bu gün biz sevincliyik, çünki məktəbimizin şahmat dərnəyinin bir neçə üzvü uğurlu çıxışlarına görə diplomlarla təltif olundu.

Bu nailiyyətlər sadəcə bir mükafat deyil – bu, zəhmətin, əzmkar məşqlərin və intellektual səylərin bəhrəsidir. Hər bir gedişdə düşünən, hər oyunda strategiya qurmağı bacaran bu gənclər gələcəyin ağıllı və müdrik insanlarıdır.

Uğur qazanan şagirdlərimizi təbrik edir, onlara yeni-yeni zirvələr arzulayırıq. Unutmayaq: şahmat taxtasında qazanılan qələbələr, həyatın mürəkkəb oyunlarında da bizə doğru qərar verməyi öyrədir.

16/06/2025

Lerikdə “İdman hamı üçün” lahiyəsi çərçivəsində keçirilən kütləvi idman tədbirində şagirdlərimiz də fəal iştirak etdilər.

15/06/2025

Milli Qurtuluş Günü Azərbaycan xalqı üçün böyük ictimai, siyasi və tarixi əhəmiyyətə malikdir. Bu mühüm tarix dövlətçiliyimizin qorunması baxımından xüsusi önəm daşıyır.