SHEKİ MEDİA

SHEKİ MEDİA 🔴 ƏN SON VACİB XƏBƏRLƏR

• "Sheki Media" xəbər portalı 2018-ci ildən şimal-qərb bölgəsinin xəbər ehtiyacını qarşılamaq üçün fəaliyyət göstərir.

• Dünyadan, ölkədən, Şəkidən operativ şəkildə ən son maraqlı və vacib xəbərləri izləyicilərimizə çatdırmağa çalışırıq.

⚡️Sabah Şəkinin Baş Zəyzid və Vərəzət kəndlərinin təbii qaz təchizatında fasilə yaranacaq.Bu barədə Zaqatala Regional Qa...
08/06/2026

⚡️Sabah Şəkinin Baş Zəyzid və Vərəzət kəndlərinin təbii qaz təchizatında fasilə yaranacaq.

Bu barədə Zaqatala Regional Qaz İstismar İdarəsi məlumat yayıb.

Buna səbəb payız-qış mövsümünə hazırlıq işlərinin aparılmasıdır.

Məlumata görə, iyunun 9-da saat 10:00-dan etibarən işlər yekunlaşanadək adıçəkilən yaşayış məntəqələrinin qaz təchizatı müvəqqəti dayandırılacaq.

2026-2027-ci tədris ili üzrə Bakı şəhəri və ölkənin müxtəlif bölgələrində fəaliyyət göstərən bir sıra lisey və gimnaziya...
08/06/2026

2026-2027-ci tədris ili üzrə Bakı şəhəri və ölkənin müxtəlif bölgələrində fəaliyyət göstərən bir sıra lisey və gimnaziyaların 7-ci sinfinə qəbul prosesi başlayır.

Bu barədə Təhsil İnstitutundan məlumat verilib.

Bildirilib ki, şagird qəbulu mərkəzləşdirilmiş imtahan əsasında həyata keçiriləcək. Qeydiyyat 9-19 iyun tarixlərində aparılacaq.

Qeydiyyatdan keçmək üçün valideynlər (və ya qanuni nümayəndələr) şəxsi kabinetlərində “Sorğu yerləşdir” bölməsinə daxil olaraq öncə “Mərkəzi imtahanla qəbul” düyməsini, sonra isə imtahan keçiriləcək mərkəzi və müvafiq məlumatları seçməlidirlər.

Qeyd edək ki, lisey və gimnaziyalara qəbul ildə bir dəfə – tədris ili başlamazdan əvvəl “Şagirdlərin elektron yerdəyişməsi” (sy.edu.az) sistemi vasitəsilə qeydiyyatdan keçmiş və imtahanda iştirak hüququ qazanmış şagirdlər üçün təşkil olunur.

İmtahanda şagirdlərə tədris dili və riyazi təfəkkürü ölçən müxtəlif tipli suallar təqdim edilir. Müvafiq bal toplayan şagirdlər seçim mərhələsinə buraxılır. Qəbul olunan şagirdlər üçün sistemdə avtomatik sorğular yaradılır və sənəd qəbulu prosesi aparılır. Lisey seçimi 2 mərhələdə, ehtiyac olduqda isə 3 mərhələdə həyata keçirilir.

Bölgəmizdə mərkəzləşdirilmiş qaydada qəbul aparılacaq lisey və gimnaziyaların siyahısı:

● Oğuz şəhəri Emin Abdullayev adına 2 nömrəli internat tipli texniki və təbiət fənləri təmayüllü lisey;

● Şəki şəhəri kimya və biologiya təmayüllü lisey;

● Zaqatala şəhəri akademik Zərifə Əliyeva adına texniki fənlər təmayüllü lisey;

Hər bir müəssisə haqqında ətraflı məlumatı “Şagirdlərin elektron yerdəyişməsi” portalında “Mərkəzi imtahanlı liseylər” bölməsindən əldə edə bilərsiniz.

Balakəndə 7 otaqlı fərdi yaşayış evi yanıb. "SHEKİ.MEDİA" xəbər verir ki, hadisə bu gün günorta saatlarında rayonun Qays...
08/06/2026

Balakəndə 7 otaqlı fərdi yaşayış evi yanıb.

"SHEKİ.MEDİA" xəbər verir ki, hadisə bu gün günorta saatlarında rayonun Qaysa kəndində qeydə alınıb.

Kənd sakini Svetlana Hudulovaya məxsus ikimərtəbəli fərdi yaşyış evində yanğın olub.

Yanğın nəticəsində evin ikinci mərtəbəsində olan 4 otağın və evin dam örtüyünün yanar konstruksiyaları yanıb.

Evin birinci mərtəbəsi və ətrafda olan digər tikililər yanğından mühafizə olunub.

Yanğının söndürülməsi üçün əraziyə Balakən rayon Dövlət Yanğından Mühafizə Hissəsinin texnikası və şəxsi heyəti cəlb olunub.

Yanğın söndürülüb və xəsarət alan olmayıb.

Faktla bağlı araşdırma aparılır.

İyunun 6-da (06.06.2026-cı il şənbə günü) Ədliyyə Nazirliyinin qeydiyyat orqanları tərəfindən 556 nikahın bağlanması döv...
08/06/2026

İyunun 6-da (06.06.2026-cı il şənbə günü) Ədliyyə Nazirliyinin qeydiyyat orqanları tərəfindən 556 nikahın bağlanması dövlət qeydiyyatına alınıb.

“SHEKİ.MEDİA” xəbər verir ki, bu barədə Modern.az-a Ədliyyə Nazirliyindən məlumat verilib.
Ətraflı

Bildirilib ki, qeyd olunan tarixdə ölkə üzrə yüzlərlə ailənin rəsmi nikah qeydiyyatı aparılıb. Nikahların dövlət qeydiyyatı qanunvericiliyə uyğun olaraq qeydiyyat şöbələri və aidiyyəti qurumlar vasitəsilə həyata keçirilir.

Qeyd edək ki, Azərbaycanda son rəsmi statistikaya əsasən, gündəlik orta hesabla 130-135 cütlük (təxminən 270 nəfər) rəsmi olaraq evlənir. Bu rəqəm il ərzində qeydə alınan ümumi nikah göstəricilərinin günlərə bölünməsi ilə hesablanır.

⚡️Azərbaycanda sosial şəbəkələrə qoşulma yaşının 16-dan başlanması təklif olunur.Yaş məhdudiyyətli sosial şəbəkə platfor...
08/06/2026

⚡️Azərbaycanda sosial şəbəkələrə qoşulma yaşının 16-dan başlanması təklif olunur.

Yaş məhdudiyyətli sosial şəbəkə platformaları üçün 50 min manatadək cərimələr nəzərdə tutulur.

🔴Qaxda 1 tondan artıq çətənə kolu məhv edilib.Qax Rayon Polis Şöbəsinin əməkdaşlarının keçirdikləri “Xaş-xaş-2026” şərti...
08/06/2026

🔴Qaxda 1 tondan artıq çətənə kolu məhv edilib.

Qax Rayon Polis Şöbəsinin əməkdaşlarının keçirdikləri “Xaş-xaş-2026” şərti adlı kompleks tədbirlər nəticəsində Uzuntala kəndi ərazisində yabanı halda bitən narkotik tərkibli bitkilər aşkar edilib.

Ümumi çəkisi 1 ton 200 kiloqram olan 3300 ədəd çətənə kolu məhv edilib.

Azərbaycanda məktəblərdə şagirdlərin internetdən istifadəsi filtrlənib."Report" xəbər verir ki, bunu elm və təhsil nazir...
08/06/2026

Azərbaycanda məktəblərdə şagirdlərin internetdən istifadəsi filtrlənib.

"Report" xəbər verir ki, bunu elm və təhsil nazirinin müavini Firudin Qurbanov parlamentdə İnzibati Xətalar Məcəlləsi, "İnformasiya, informasiyalaşdırma və informasiyanın mühafizəsi haqqında" və "Uşaqların zərərli informasiyadan qorunması haqqında" qanunlara dəyişiklik layihələrinin müzakirəsi zamanı deyib.

Onun sözlərinə görə, əksər tədqiqatlar göstərir ki, sosial şəbəkələr psixi nəticələrə gətirib çıxarır:

"Müxtəlif ölkələrdə müxtəlif yanaşmalar var. Alternativ yanaşmalar var. Yalnız qadağalarla deyil, təhlükəsiz sosial şəbəkələrə inestisiyalar yatırmaq üçün dünyada çağırışlar var".

Nazir müavini əlavə edib ki, mütəxəssislərin fikrincə, rəqəmsal savadlılıq daha yaxşı nəticə verə bilər:

"Hazırda Azərbaycanda məktəblərdə "TikTok"a çıxış bloklanıb. Şagirdlərin məktəblərdə internetdə istifadəsi filtrlənib".

Şəkidə gecə saatlarında avtomobilin vurduğu piyada - Sərdar Abdulmənəfovun vəziyyəti açıqlanıb.Şəki Rayon Mərkəzi Xəstəx...
08/06/2026

Şəkidə gecə saatlarında avtomobilin vurduğu piyada - Sərdar Abdulmənəfovun vəziyyəti açıqlanıb.

Şəki Rayon Mərkəzi Xəstəxanasından "SHEKİ.MEDİA"ya verilən məlumata görə, iyunun 7-də saat 21:40 radələrində Şəki rayonu ərazisində baş vermiş yol-nəqliyyat hadisəsi nəticəsində 1999-cu il təvəllüdlü bir nəfər (kişi) xəstəxananın Təcili tibbi yardım şöbəsinə hospitalizasiya olunub.

Müayinələr zamanı pasiyentə sol qol və sol diz nahiyələrinin kəsilmiş-deşilmiş yaraları diaqnozu qoyulub. Ona zəruri tibbi yardım göstərilib.

Hazırda vəziyyəti stabil qiymətləndirilən şəxsin müalicəsi müvafiq şöbədə davam etdirilir.

Ermənistan MSK bütün seçki məntəqələrindəki bülletenləri hesablayıb.İlkin nəticələrə əsasən, “Vətəndaş müqaviləsi” parti...
08/06/2026

Ermənistan MSK bütün seçki məntəqələrindəki bülletenləri hesablayıb.

İlkin nəticələrə əsasən, “Vətəndaş müqaviləsi” partiyası 49,81%, “Güclü Ermənistan” bloku 23,29%, “Ermənistan” bloku 9,94%, “Çiçəklənən Ermənistan” partiyası isə 4% səs toplayıb.

Bununla da, hər 4 partiya parlamentdə mandat sahibi olacaq.

🔴Axşam saatlarında Şəki şəhərində piyadanı avtomobil vurub."SHEKİ.MEDİA" xəbər verir ki, Şəkinin Baş Zəyzid kənd sakini,...
07/06/2026

🔴Axşam saatlarında Şəki şəhərində piyadanı avtomobil vurub.

"SHEKİ.MEDİA" xəbər verir ki, Şəkinin Baş Zəyzid kənd sakini, 1999-cu il təvəllüdlü Sərdar Abdulmənəfovu şəhər ərazisində avtomobil vurub.

O, Şəki Rayon Mərkəzi Xəstəxanasına çatdırılıb. Faktla bağlı araşdırma aparılır.

Address

Sheki

Telephone

+994505198333

Website

Alerts

Be the first to know and let us send you an email when SHEKİ MEDİA posts news and promotions. Your email address will not be used for any other purpose, and you can unsubscribe at any time.

Contact The Business

Send a message to SHEKİ MEDİA:

Shortcuts

Share

Category