SUMTV, Sumqayıt (2026)

15/05/2026

29–30 may tarixlərində Bakıda “Qarabağ Mədəniyyət Xəritəsi – Hər rayonun öz səsi” adlı festival təşkil olunacaq.

SUMTV xəbər verir ki, festival Azərbaycan Respublikası Mədəniyyət Nazirliyinin maliyyə dəstəyi, “İçərişəhər” Dövlət Tarix-Memarlıq Qoruq İdarəsi və “Qeyd – Sosial Maarifləndirmə” İctimai Birliyinin birgə təşkilatçılığı ilə keçiriləcək.

“Qeyd – Sosial Maarifləndirmə” İctimai Birliyinin Baş katibi Aysel Tahirova bildirib ki, festivalın əsas məqsədi Qarabağın zəngin musiqi irsini, mədəni müxtəlifliyini və hər rayonun özünəməxsus mədəni səsini geniş ictimaiyyətə təqdim etməkdir.

Onun sözlərinə görə, tədbir çərçivəsində Qoşa Qala meydanı ərazisində geniş konsert proqramı təşkil olunacaq.

Aysel Tahirova qeyd edib ki, festival Qarabağın mədəni yaddaşının yaşadılması, milli musiqi ənənələrinin qorunması və bölgələrin mədəni irsinin tanıdılması baxımından xüsusi əhəmiyyət daşıyır.
az .gov.az

12/05/2026

Yunanıstanda yayımlanan "Survivor" yarışmasında bədbəxt hadisə yaşanıb.

SUMTV xəbər verir ki, iştirakçı Stavros Floros ayağı kəsilərək ciddi xəsarətlər alıb.

Yunan mətbuatının yaydığı məlumata görə, qəza Agios Dominikos bölgəsində baş verib.

Bildirilib ki, Stavros Floros çəkilişlərdən kənar vaxtda balıq ovu etdiyi zaman turist qayığı ona çırpılıb.

Hadisədən dərhal sonra çəkiliş heyətinin operativ şəkildə müdaxilə etdiyi, Florosa hadisə yerində ilkin tibbi yardım göstərildiyi qeyd olunub.Daha sonra yarışma iştirakçısı təcili tibbi yardım maşını ilə xəstəxanaya aparılıb.

"Hazırda əldə olunan məlumata əsasən, qəza iştirakçının çəkiliş prosesi xaricində balıq ovu etdiyi zaman turist qayığının ona çırpılması nəticəsində baş verib. İlk andan etibarən yaralıya yardım göstərilməsi və təhlükəsiz şəkildə xəstəxanaya çatdırılması üçün bütün zəruri addımlar atılıb. Hadisənin səbəbləri və bütün detalları aidiyyəti liman qurumları tərəfindən araşdırılır. İştirakçısının vəziyyəti ağır olsa da stabildir və həyati təhlükəsi yoxdur" - deyə "Survivor Yunanıstan" tərəfindən yayılan açıqlamada qeyd edilib.

Qəzadan sonra yarışın yayımı dayandırlıb.

12/05/2026

Azərbaycan Respublikasının Prezidenti İlham Əliyev mayın 12-də Bakı Olimpiya Stadionunun ərazisində mayın 17-22-də keçiriləcək "Hər kəs üçün yaşayış yerləri: təhlükəsiz və dayanıqlı şəhərlər və yaşayış məskənləri" mövzusuna həsr olunan Ümumdünya Şəhərsalma Forumunun 13-cü sessiyası (WUF13) ilə bağlı görülən işlərlə tanış olub.

SUMTV xəbər verir ki, Dövlət Şəhərsalma və Arxitektura Komitəsinin sədri Anar Quliyev və WUF13 Azərbaycan Əməliyyat Şirkətinin icraçı direktoru Adil Məmmədov dövlətimizin başçısına görülmüş işlər barədə məlumat verdilər.

Qeyd edək ki, tədbir məkanı Bakı Olimpiya Stadionu və onun ətrafında formalaşdırılan ümumi əməliyyat əhatə dairəsi üzrə 53 hektar təşkil edir. Bunun 43 hektarı əsas tədbir məkanı, 10 hektarı isə əsas nəqliyyat terminalı və parklanma-transfer zonası kimi planlaşdırılıb. Qeydiyyat, sessiya, sərgi, media, nəqliyyat, texniki təminat, könüllülər və məkan xidmətləri vahid əməliyyat sistemi kimi təşkil olunub.

Yüksək səviyyəli qonaqlar və nümayəndə heyətləri üçün xüsusi zonalar ayrılıb. Burada dövlət və hökumət nümayəndələrinin qəbulu, ikitərəfli görüşlər, istirahət sahəsi və qidalanma xidməti üçün xüsusi məkanlar nəzərdə tutulub.

Açılış və bağlanış mərasimlərinin təşkil ediləcəyi tədbir zalı 6000 nəfərə qədər iştirakçını qəbul edə biləcək. Mövcud hazırlıq səviyyəsi forumun yüksək iştirakçı axınını, çoxsaylı paralel tədbirləri və beynəlxalq nümayəndə heyətlərinin qəbullarını uyğun şəkildə planlaşdırmağa imkan verir. Forumun əsas müzakirə və paralel tədbirlərinin olacağı zona 3,55 hektar sahəni əhatə edir və iclas zalları, tematik sessiyalar, BMT tədbirləri, paralel görüşlər və ikitərəfli danışıqlar üçün nəzərdə tutulub. Burada müxtəlif formatlı rəsmi və işgüzar görüşlərin eyni vaxtda keçirilməsi üçün şərait var. Forum zamanı gündə təxminən 300-ə qədər paralel sessiya, görüş və tədbirin keçirilməsi planlaşdırılır.

Tədbirdə BMT-nin 6 rəsmi dili - ərəb, Çin, ingilis, fransız, rus və ispan dilləri ilə yanaşı, Azərbaycan və türk dillərində də sinxron tərcümə təmin ediləcək. Eyni zamanda, əlilliyi olan şəxslər üçün beynəlxalq işarə dili xidməti nəzərdə tutulub.

10/05/2026

“Azərbaycan durduqca mən var olacam” deyən, müstəqil və müasir Azərbaycanın qurucusu - Ümummilli Lider Heydər Əliyevin anadan olmasından 103 il ötür.

Azərbaycanı tarixin çətin sınaqlarından uğurla çıxaran Ulu Öndər Heydər Əliyev düşünülmüş və cəsarətli qərarları ilə təkcə müstəqillik dövründə deyil, bütün dövrlərdə xalqına xidmət edib. Siyasətdən iqtisadiyyata, mədəniyyətdən ictimai hadisələrə qədər bütün sahələrdə onun tarixi imzası var. Onun qeyri-adi idarəçilik bacarığı, polad iradəsi və yüksək vətənpərvərliyi bu gün də hər bir azərbaycanlı üçün nümunədir.

“Gedəcəyik, inanın ki, gedəcəyik”, “Biz onlarsız yaşaya bilmərik” deyən Ulu Öndərin vəsiyyəti şərəflə və qürurla yerinə yetirildi. Prezident, Ali Baş Komandan İlham Əliyevin rəhbərliyi ilə Azərbaycan möhtəşəm qələbələrə imza atdı!

Bu gün yumruq kimi birləşən güclü və qalib Azərbaycan unudulmaz liderini ehtiramla anır!

07/05/2026

Gənclərin sevimlisi, tanınmış müğənni Ayaz Babayev Sumqayıt sakinlərinin qonağı olacaq. Sənətçi "Kimyaçı" Mədəniyyət Sarayında geniş proqramla çıxış edəcək.

SUMTV xəbər verir ki, 16 may tarixində şəhərin ən böyük mədəniyyət ocaqlarından biri olan Kimyaçı Mədəniyyət Sarayının səhnəsində populyar müğənni Ayaz Babayevin solo konserti baş tutacaq.

Sənətçi gecə ərzində rəqəmsal platformalarda milyonlarla dinləmə sayına çatan ən sevilən hitlərini və yeni təqdim etdiyi bəstələrini canlı orkestrin müşayiəti ilə ifa edəcək. Konsertin təşkilatçıları yüksək səhnə enerjisi, xüsusi işıq effektləri və fərqli atmosferlə yaddaqalan bir şou hazırladıqlarını bildirirlər.

Musiqili gecə saat 19:00-da start götürəcək Hər büdcəyə uyğun təyin olunan biletlərin qiyməti 10 manatdan başlayaraq 60 manatadək dəyişir.

Biletlər artıq həm şəhərin mərkəzi kassalarında, həm də onlayn platformalarda satışa çıxarılıb:

Fiziki biletlər: Şəhər kassalarından əldə oluna bilər.

Elektron biletlər: iTicket tətbiqi və saytı vasitəsilə QR formatda təqdim olunur.

Diqqət: QR formatlı biletlər yalnız tədbir günü aktivləşir. Tamaşaçılardan giriş zamanı gecikməmək üçün iTicket tətbiqində şəxsi hesablarına öncədən daxil olmaları xahiş olunur.

02/05/2026

Mayın 1-də Heydər Əliyev Mərkəzində "TAĞIYEV: MƏKTƏB" bədii filminin təqdimat mərasimi baş tutub.

SUMTV xəbər verir ki, təqdimatda Bakı Media Mərkəzinin rəhbəri Arzu Əliyeva, Alyona Əliyeva, hökumət rəsmiləri, mədəniyyət xadimləri və digər qonaqlar iştirak ediblər.

Filmin nümayişindən əvvəl çıxış edən kinoşünas, rejissor, Əməkdar incəsənət xadimi Ayaz Salayev bildirib ki, bu ekran əsəri yalnız bir tarixi şəxsiyyətin həyatını əks etdirmir, eyni zamanda, milli yaddaşın və mənəvi dəyərlərin bərpası baxımından da xüsusi əhəmiyyət daşıyır.

"Hacı Zeynalabdin Tağıyev bugünkü Azərbaycanı görə bilsəydi, yəqin ki, yalnız arzularının deyil, bəlkə də heç təsəvvür edə bilmədiyi bir gələcəyin gerçəkləşdiyinin şahidi olardı. Biz bu gün elə bir dövrdə yaşayırıq ki, Tağıyev dövründə əsası qoyulan quruculuq, millətçilik və maarifçilik ideyaları özünün ən parlaq ifadəsini tapır", - deyə Ayaz Salayev bildirib.

Daha sonra "TAĞIYEV: MƏKTƏB" bədii filminin nümayişi olub.

Film böyük xeyriyyəçi Hacı Zeynalabdin Tağıyevin həyat hekayəsinə həsr olunan "Tağıyev" filminin sonuncu - dördüncü bölümüdür.

Bakı Media Mərkəzinin istehsalı olan filmdə XIX əsrin sonu - XX əsrin əvvəlində Bakı və regionda baş verən mühüm tarixi hadisələrə toxunulur.

01/05/2026

Azərbaycan Respublikasının Prezidenti İlham Əliyev, birinci xanım Mehriban Əliyeva və ailə üzvləri mayın 1-də Bakı şəhərinin Səbail və Yasamal rayonlarını əhatə edən İslam Səfərli küçəsinin yenidənqurmadan sonra açılışında iştirak ediblər.

SUMTV xəbər verir ki, Bakı Şəhər İcra Hakimiyyətinin başçısı Eldar Əzizov dövlətimizin başçısına və birinci xanıma görülmüş işlər barədə məlumat verdi.

Bildirilib ki, Azərbaycan prospektindən başlayaraq Nigar Rəfibəyli küçəsinin bir hissəsi də daxil olmaqla, İslam Səfərli küçəsi boyunca Mirzəağa Əliyev küçəsinədək olan ərazi tam şəkildə abadlaşdırılıb. Bu ərazidən Mərkəzi Parka piyadaların rahat hərəkəti üçün keçid təmin olunub.

İslam Səfərli küçəsi ilə kəsişən 8 küçədə, eyni zamanda, Təbriz Xəlilbəyli və Mirzə İbrahimov küçələrinə qədər olan hissədə abadlıq işləri yerinə yetirilib. Abadlaşdırılan küçələrin ümumi uzunluğu 1350 metrdir. Bu küçələrdə su və çirkab sularının axıdılması xətləri tamamilə yenilənib, qaz xətləri yeraltı sistemlə əvəzlənib. Bundan başqa, küçələrdə yerləşən müxtəlif təyinatlı binalarda yenidənqurma və bərpa işləri görülüb, sakinlərin və şəhərimizin qonaqlarının istirahəti üçün lazımi şərait yaradılıb, oturacaqlar qoyulub, geniş yaşıllaşdırma işləri həyata keçirilib.

01/05/2026

Sumqayıt Şəhər İcra Hakimiyyətinin başçısı Zakir Fərəcov şəhərin 17-ci mikrorayonunda sakinlərlə növbəti səyyar qəbul keçirib. SUMTV xəbər verir ki, Açıq dialoq

01/05/2026

Azərbaycanın Avropa parlamenti ilə bütün sahələrdə əməkdaşlıq əlaqələri dayandırılır.

SUMTV xəbər verir ki, bununla bağlı müddəa Milli Məclisin plenar iclasında müzakirə olunan qərar layihəsində əks olunub.

Qərar layihəsi səsə qoyularaq qəbul edilib.

Qərara əsasən, Milli Məclisin Avropa Parlamenti ilə bütün istiqamətlər üzrə əməkdaşlıq əlaqələri dayandırılır. Parlamentin Avropa İttifaqı-Azərbaycan Parlament Əməkdaşlıq Komitəsinin fəaliyyətində iştirakına son qoyulur.

Avronest Parlament Assambleyasının nizamnaməsinə uyğun olaraq Milli Məclisin bu təşkilatda üzvlüyünə xitam verilməsi barədə prosedur qaydalarının icrasına başlanılır və prosedur dövründə Milli Məclisin nümayəndə heyəti Avronest Parlament Assambleyasının tədbirlərinə qatılmayacaq.

01/05/2026

Azərbaycan Dövlət Akademik Opera və Balet Teatrının Simfonik Orkestri, solistləri, xor kollektivi və balet artistlərinin iştirakı ilə aprelin 29-da Sumqayıt şəh

SUMTV

15/05/2026

12/05/2026

12/05/2026

10/05/2026

07/05/2026

02/05/2026

01/05/2026

01/05/2026

01/05/2026

01/05/2026

Address

Telephone

Website

Alerts

Contact The Business

Shortcuts

Share

Category