Parlaq İmzalar Nəşriyyatı

Shortcuts

• Address
• Telephone
• Opening Hours
• Alerts
• Contact The Business
• Claim ownership or report listing

• 

  Want your business to be the top-listed Media Company? Click here to claim your Sponsored Listing.

  Country:

  City:

  

Our Story

Cəmiyyətimizin xilasının, parlaq gələcəyimizin yalnız kitabla mümkün olduğunu dərk edərək, kitab qoxusu ilə məst olan bir kollektivlə, elə də asan olmayacağını anladığımız bu məsuliyyətli işə başladıq. Məqsədimiz kitabın bir dəyər olduğunu çatdırmaq, kitabsız bir insanın ruhsuz bədən olduğunu anlatmaq, ölkə kitabçılığına yeni bir nəfəs gətirməkdir. Biz düşündük ki, ən müqəddəs iş kitab ərsəyə gətirməkdir. Bunun üçün kitabın işlənilməsinə çap keyfiyyətinə yüksək həddə diqqət yetirdik. Bəzən bir cümlənin düzgün ifadə olunmasına görə kitabın çapını bir gün yubatdıq, oldu ki, bir kitabı 6-7 dəfə təkrar oxuduq. Bəzən keyfiyyət naminə bir kitabın üzərində iki ay işlədik. Biz düşündük ki, ən üstün insan kitab oxuyan insandır. Bunun üçün ən şərəfli işin kitab oxuyan şəxslərə xidmət etmək olduğunu özümüzə prinsip qəbul etdik və ilk dəfə olaraq oxucular üçün hər birinin hazırlanması və icrası günlərlə vaxt alan müxtəlif xidmətlər yaratdıq. Kitab alanlara müştəri deməyə, anbardakı kitablara “mal” deməyə, kitab haqqında “satmaq-almaq” ifadəsi işlətməyə utandıq. Bunun üçün bizim müştərilərimiz yoxdur, bizim OXUCULARIMIZ var, bizim anbarda “mal”ımız yox, XƏZİNƏMİZ var, bizim kitablarımızı alanlar yox, KİTABLARIMIZA QOVUŞANLAR var. Biz – ilk dəfə olaraq kitablarımıza zəmanət verdik. Belə ki, oxuduğunuz kitab xoşunuza gəlməsə, kitabı rahatlıqla geri qaytara bilərsiniz. Biz – ilk dəfə olaraq rayonda və ya şəhərkənarında yaşamasından asılı olmayaraq, hər kəsin kitaba əli çatsın deyə “bütün Azərbaycana kitabların pulsuz çatdırılması” xidmətinə başladıq. Belə ki, artıq bu kampaniya ilə ucqar rayonlarda yaşayanlar belə 2-3 gün ərzində kitablarımızı rahatlıqla əldə edirlər, özü də paytaxtdakı qiymətə. Biz – ilk dəfə olaraq hər kitab nəşr olunanda oxucular məlumatlansın deyə “növbəti kitab” sms-məlumat xidmətinə başladıq. Belə ki, artıq bu xidmət vasitəsi ilə yüzlərlə oxucu yeni kitablarımız nəşr olunanda bu şad xəbəri telefonundan oxuyur. Üzərində rəqəm yazılmış kağızlar, heç vaxt üzərinə hərflər döşənmiş kağızlardan üstün ola bilməyəcək. Heç vaxt rəqəmli kağızları toplayanlar, hərfli kağızlara sahib olanlardan üstün ola bilməyəcək. Rəqəmli kağızlar daim enib-qalxacaq, hərfli kağızlar isə həmişə öz qüvvəsində qalacaq.