Komine Bubanza

Komine Bubanza Bubanza, Ibanze Imbere m'Urugamba rw'Amahoro, Umutekano n'Iterambere Rirama Kandi Ridakumira!

Komine Bubanza Imirimo irangurirwa muma zone agize komine igiye kworoha....................................................
01/09/2026

Komine Bubanza Imirimo irangurirwa muma zone agize komine igiye kworoha................................................................................
Bihagarariwe na Sabbas Niyokindi Musitanteri wa Komine Bubanza , hatanzwe imashine nyabwonko zo mubiro hamwe n'imashine zisohora impapuro zikongera zikazifotora kubarongoye amazone agize iyo komine.

Mw'Ijambo ryo gushikiriza izo mashine yashikirije, Sabbas Niyokindi yamenyesheje ko izomashine zatanzwe mu ntumbero yo gusahiriza ibikorwa birangurirwa muma zone, aho ni mugihe ngo vyahora bigorana na cane cane mugisata c'inyandiko ndangamuntu. Yarangije asaba ko izomashine zokoreshwa neza kandi zikabungabungwa.

Abarongoye amazone bashimye kubw'izo mashine baronkejwe, bagasaba kandi ko komine yobandanya ibashigikira no mubindi.

Komine Bubanza: Zangendo zigamije gusangira ikiyago n'abenegihugu bo muma zone ayigize zari zatunganijwe na Musitanteri...
31/08/2026

Komine Bubanza: Zangendo zigamije gusangira ikiyago n'abenegihugu bo muma zone ayigize zari zatunganijwe na Musitanteri wayo Sabbas Niyokindi zasozererewe muri zone kuri uyu wa 31 Myandagaro....................................................................................

💁Mw'Ijambo ry'ikaze rya rongoye zone amenyesha ko amahoro n'umutekano bisasagaye mumitumba yose igize iyo zone. Eka mbere ngo n'abenegihugu bayo bari kukivi. Mugusozera ijambo ryiwe, yasabiye umutumba wa kuronswa abahuza kuko ngo uwomutumba ntabo ugira kubera ari mushasha.

🎙️Mw'Ijambo ahanini rigizwe n'impanuro rya Musitanteri wa komine Bubanza yasavye abenegihugu b'iyo zone kubandanya babumbatira amahoro n'mutekano aho ni mugihe iyo zone ifatanye n'ikibira. Mugihe hari abenegihugu bakijuragirika baja mw'ikomine kuronderayo utu na turiya, yabahamagariye kuza baritura intwaro ku mutumba vyanse biture zone maze muri komine hashikeyo ivyagoranye. Mugihe ikibazo c'ubukene bw'ifumbire y'ihinguriro , uwo arongoye komine Bubanza yagabishije abajejwe gutanga iyo fumbire bikika mukiza mugutanga iyo fumbire kubadandaza ko uwuzofatwa azohanwa. Mumpanuro ziwe kandi, Uwo arongoye komine Bubanza yasavye abenegihugu kwitwararika gukora ibikorwa vy'iterambere rusangi. Ku kibazo c'abana baheba amashure ku bwinshi, Musitanteri yahamagariye abavyeyi guhimiriza abana babo gukunda ishure yanahamagariye kandi abaraho kwijukira kwandikisha abana babo mubitabo ndangamuntu no gufutisha ababo mugihe bitavye Imana no guhagarika ingeso mbi yo guharika. Mugusozera, yibukije abaraho ko igihugu gifise ihangiro ryo kuzoba cifashe muri 2040 kandi giteyimbere muri 2060 aca agirako abasaba gutera n'imiburi buri ibiti 10 vy'amavoka kuri buri rugo hamwe n'ikawa.

💌Nayo mw'ijambo ryiwe, umushingamateka yatowe muntara ya Bujumbura bakaba n'imvukira ya zone yahamagariye abenegihugu kuza baritura abajejwe kubatunganiriza yaba sentare yo kumugina, abajejwe intwaro ku mutumba eka mbere no muri zone imbere yo kujuragiza abantu babajana mubiro vy'umushikirizamanza wa repuburika kandi ibibazo bafise vyategerezwa gutorerwa umuti na sentare yo kumugina. Yasavye kandi abaraho kubandanya babumbatira amahoro n'mutekano, gucungera neza ikibira kugira ngo ntihagire abaguma bajayo ngo bagiture no kwirinda ingeso mbi yo guharika kuko ngo iri mubituma haduka amatati mu miryango. Mugihe Uburundi bwimirije amatora mumwaka wa 2027, yasavye abobenegihugu kuguma kukivi bagakora ivyotuma bitezimbere kugira ngo baterere mu rugendo rw'imbonakazoza igihugu gifise.

Muri ico kiyago, abenegihugu baronse akanya ko gushikiriza akababakiye aho bashikirije ibibazo bitari bike ahanini bigizwe n'ibura ry'ifumbire, ubukene bw'abigisha bwibonekeza mu mashure ari kumitumba babako n'ibindi.

🎤Kubwabo, umuhanuzi wa Musitanteri muvyo ajejwe harimwo amategeko, icariho c'umushikirizamanza wa repuburika i Bubanza n'uwurongoye igiporisi muri komine Bubanza, inyuma yo kubasomera zimwe mu ngingo ziri mugitabo mpanavyaha c'Uburundi, basavye abenegihugu bari bitavye ico kiyago kugira urunani rw'intamenwa mukugwanya kuko ngo irakorwa kubwinshi muri iyo komine. Bahamagariye kandi abadandaza b'ibinyobwa vy'ihinguriro kwubahiriza ibiciro.

Abenegihugu bo muri zone Muramba bahamagarirwa karandurana n'imizi ingeso mbi yo guharika no kwijukira kuza barandikisha...
27/08/2026

Abenegihugu bo muri zone Muramba bahamagarirwa karandurana n'imizi ingeso mbi yo guharika no kwijukira kuza barandikisha abana babo igihe bibarutse...................................................................
Biri mu mpanuro Sabbas Niyokindi Musitanteri wa Komine Bubanza yashikirije kuri uyu wa 27 Myandagaro uwumwaka, inyuma yo kwifadikanya nabo mu bikorwa vy'iterambere rusangi vyo kwubaka ikiraro c'uruzi Nyamugerera gihuza imitumba ya Ciya na Mugimbu yo muri zone Muramba.

Mw'Ijambo rya arongoye zone yashimiye uburongozi bwa komine ku kuntu bababa hafi mukubashigikira muri ico gikorwa co kwisanurira ibiraro, aho ngo Komine yabaronkeje isima n'ivyuma bitari bike.

Mw'Ijambo ryiwe, Sabbas Niyokindi Musitanteri wa Komine Bubanza yamenyesheje ko komine arongoye atako itazokora kugira ngo ishigikire abo benegihugu bihaye ihangiro ryo kwisanurira ikiraro, akabasaba kubandanya bagira umwete kugira ngo imvura izotasure ico kiraro carahejeke gukorwa. Uwo arongoye Komine Bubanza yahamagariye abaraho kwirinda ingeso mbi yo guharika no kwijukira kwandikisha abana bavutse mu bitabo ndangamuntu.

Mwomenya ko muri ivyo bikorwa rusangi Musitanteri ywarikumwe na umunyamabanga w'umugambwe CNDD-FDD muri komine Bubanza hamwe na Olivier Nsabimana arongoye igisata muvyo kijejwe harimwo ugutumatumanako hakoreshejwe amabarabara y'imigenderanire.

Ibicishije mu gisata muvyo kijejwe harimwo amabarabara y'imigenderanire, Komine Bubanza yatanze imifuko 50 y'isima n'ivy...
20/08/2026

Ibicishije mu gisata muvyo kijejwe harimwo amabarabara y'imigenderanire, Komine Bubanza yatanze imifuko 50 y'isima n'ivyuma bizosahiriza abenegihugu bo kumitumba ya Ciya na Mugimbu yo muri zone Muramba iriko iriyubakira ikiraro co kuruzi Nyamugerera. arongoye igisata muvyo kijejwe harimwo amabarabara y'imigenderanire yamenyesheje ko inyuma y'urugendo bagize kuri icokiraro basanze Komine Bubanza yotera intege abo benegihugu ari nayo mpamvu batanze ivyo bikoresho.

Muntumbero yo kurabira hamwe ivyokorwa kugira ngo isoko nkuru ya Bubanza ikingirwe ivyotuma isha, Musitanteri wa Komine ...
09/08/2026

Muntumbero yo kurabira hamwe ivyokorwa kugira ngo isoko nkuru ya Bubanza ikingirwe ivyotuma isha, Musitanteri wa Komine Bubanza arikumwe na bamwe mubagize inama mpanuzwajambo y'iyo komine baragize urugendo muri iyo soko , hari ku mugoroba wo kuri uyu wa 07 Myandagaro.

Muri urwo rugendo, vyaribonekeje ko igihe iyo soko yubakwa hatigeze hasigazwa inzira za kizimyamwoto zotabara haramutse haba isanganya ry'umuriro muri iyo soko.

Arikumwe n'umwe mu bahanuzi biwe, bamwe mubarongoye ibisata bitandukanye bigize ubuzima bwa komine hamwe n'umunyamabang...
09/08/2026

Arikumwe n'umwe mu bahanuzi biwe, bamwe mubarongoye ibisata bitandukanye bigize ubuzima bwa komine hamwe n'umunyamabanga w'umugambwe CNDD-FDD muri komine Bubanza, Musitanteri wa Komine Bubanza yashikirije icese kuri uyu wa 08 Myandagaro ikiraro cubatswe kuruzi , aho ni kw'ibarabara rihuza amazone ya na riciye ku mutumba wa , aho ni inyuma y'amezi 8 uruja n'uruza rutoroha kubakoresha iryo barabara, ivyo navyo bikaba vyari vyatewe n'isambuka ry'ico kiraro ryatewe n'imvura nyinshi yaguye mu kwezi kwambere.

🎤Mw'Ijambo ryiwe, Sabbas Niyokindi Musitanteri wa komine Bubanza yasavye abenegihugu kwitwararika gukora ibikorwa vy'iterambere rusangi, kubungabunga inyubakwa rusangi no kuja kukivi bagakora kugira ngo biteze imbere. Uwo arongoye komine Bubanza yashimiye kandi abenegihugu bo kumutumba wa Bukinga k'ukuntu bafashe nka nkama ibikorwa vyo kwubaka ico kiraro, aho bagize uruhara ruboneka muvyo bashoboye.

🎙️Afashe ijambo, umunyamabanga w'umugambwe CNDD-FDD muri komine yashimiye abajejwe intwaro k'ukuntu bitwararika ibikorwa vy'iterambere, ivyo navyo ngo bibonekera mu migambi iyo komine iriko irarangura. Yasavye abenegihugu kuzigama inyubako rusangi gufata mu minwe Imbonakakoza igihugu gifise no kubumbatira amahoro n'mutekano.

Mugihe himirije amatora y'umukuru w'igihugu, asaba abenegihugu gutekana bakitegurira amatora neza.

Yaba uwurongoye zone Musigati, uwurongoye zone Muramba eka n'abenegihugu bo muri ayo mazone barashimira komine kubw'iyubakwa ry'ico kiraro kuko ngo gifise akamaro kanini.

Komine Bubanza Abajejwe intwaro bahamagarirwa kugenzura aho barongoye mu guhimiriza abenegihugu ibijanye nisuku n'isuku...
06/08/2026

Komine Bubanza Abajejwe intwaro bahamagarirwa kugenzura aho barongoye mu guhimiriza abenegihugu ibijanye nisuku n'isukura, Buri wa Kane w'indwi, umusi wahariwe isuku n'isukura,mu gihugu cose.

Muri ivyo bikorwa bijanye n'isuku n'isukura biriko biragera ku ntambwe ishimishije nubwo hari utuntu two gukosora , nkuko tubishikirizwa na Musitanteri wiyo Komine Sabbas NIYOKINDI, kuruyu wa 06 Nyandagaro 2026, aho yagendeye Quartier zitatu zo muri Zone Bubanza ,harimwo Quartier Matonge ,Ruvumvu na Centre ville Bubanza. mu ntumbero yo gusuzuma uko abenegihugu baho uko bitabira ibikorwa vyisuku n'isukura, aho babaye naho bakorera imirimo ya misi yose .

Musitanteri akaba yashimiye cane indongozi zirongoye Zone Ku kamo bitavye mu guhimiriza abo barongoye gushira mu ngiro uwo mugambi w'Igihugu.

Musitanteri Yabandanije atera akamo abenegihugu bigaraga ko batarasukura aho babaye naho bakorera ko bobinyarutsa mu kiringo cindwi imwe, kugira igisagara kigume gisayangana.Inyuma yaho bagategekanya gutanga ibihano hisunzwe amategeko kuruwo wese bizogaragara ko atitabiriye uwo mugambi kukagagazo.
nayo ngo abubaka amazu bategerezwa kwubaka kijambere bakaduza amagorofa ,kandi bakubahiriza amategeko yo guca amabarabara y'imigenderanire.

Barashima cane ku ntererano y'ibikoresho bigizwe n'isima n'ivyuma bizofasha gusanura ikiraro co kuruzi Nyamugerera gihu...
05/08/2026



Barashima cane ku ntererano y'ibikoresho bigizwe n'isima n'ivyuma bizofasha gusanura ikiraro co kuruzi Nyamugerera gihuza umutumba wa na .

Aho hari kuruyu wa kabiri igenekerezo rya 04 Nyandagaro 2026,aho Sabbas Musitanteri wa Komine Bubanza yari yishikiye kukiraro Kiri kuruzi gihuza umutumba wa na Mugimbu aho yari yagiye kwirabira Aho abene gihugu biyo mitumba bagejeje kwubaka ico kiraro aho yaciy abemerera ivyuma nisima vyokubandanya kwubaka ico kiraro

Abenegihugu bafadikanije n'indongozi zabo muri ayo ma zone ya na bashimye cane kubwiyo ngabire yo gusanura ico kiraro kuko ngo vyagorana kujabukana ibintu .

Nayo Musitanteri akaba yabahaye n'impanuro zo gukorana umwete no gukunda ibikorwa rusangi kuko ngo nivyo bizobashikana kwiterambere rirama kumitumba yabo.

make ibikorwa vyinshi

Komine Bubanza basabwa gukorana neza mu runani kugira bagwanirize hamwe icoza gishaka guhungabanya umutekano..............
05/08/2026

Komine Bubanza basabwa gukorana neza mu runani kugira bagwanirize hamwe icoza gishaka guhungabanya umutekano..................................................................
Ako ni akamo Sabbas Niyokindi Musitanteri wa Komine Bubanza yateye kuri uyu wa 04 Myandagaro abarongoye ibisata bitandukanye bikorera muri iyo komine mu nama yabakoresheje.

Nk'uko vyavugiwe muri iyo nama, ngo bimwe mu bishobora guhungabanya umutekano vyibonekeza muri iyi minsi harimwo ubwicanyi mu turere tumwe tumwe, aho ngo mu kiringo kitarenze amezi abiri gusa abantu batanu bagizwe na bane bo muri zone n'umwe wo muri zone bishwe, ivyatumye abantu batandatu bafatwa ku mvo z'amatohoza.

Muri iyo nama haravuzwe kandi ikinyobwa kitemewe n'amategeko ca , cibonekeza ku mitumba yose igize iyo komine, mbere ngo bamwe basigaye bayinywa ku mugaragaro.

Haravuzwe Kandi n'abantu bakoresha nabi ubutungane mukwigira commissionnaire b'imanza bakorana na bamwe mu bacamanza bagateranya abantu ivyo bikaba vyotuma haba no kwihanira, ivyo navyo bituma bamwe mu barongoye amazone bidoga ko
hari abarongoye amasentare n'inyamiramabi, mu mazone badashaka gukorana n'abajejwe intwaro, ivyo navyo ngo bishobora gutuma gutuza ivyaha bimwe bimwe bigorana.

Muri iyo nama, munyamabanga w'umugambwe CNDD-FDD muri Komine Bubanza yarasavye abitavye iyo nama gushira imbere akarangamutima ko gukunda igihugu, gutyo ngo indongozi zibere akarorero keza abandi mu gukora ku neza y'abenegihugu.

Sabbas Niyokindi Musitanteri wa Komine Bubanza yahamagariye abaraho kuja baramumenyesha, ingene vyifashe mu bisata barongoye kandi ngo bakorane neza, kugira ngo umutekano n'iterambere bisasagare mumitumba yose igize iyo komine.

Komine Bubanza : Mugihe umusi wa gatandatu wambere w'ukwezi kw'8 ari umusi mukuru w'amakomine, komine Bubanza ntiyasigay...
01/08/2026

Komine Bubanza : Mugihe umusi wa gatandatu wambere w'ukwezi kw'8 ari umusi mukuru w'amakomine, komine Bubanza ntiyasigaye inyuma mu guhimbaza uwo musi.

Inyuma yo kumenyesha ivyaranguwe n'iyo Komine mu mwaka w'ubutunzi uheze, Sabbas Niyokindi Musitanteri wa komine Bubanza yashikirije n'ivyo komine arongoye igiye kurangura muri uno mwaka w'ubutunzi. Yarangije yashimye uruhara rw'imvukira z'iyo komine mw'iterambere ryayo, akanabasaba kubandanya. Arashima kandi ingene abenegihugu b'iyo komine bijukiye gutanga amakori n'amatagisi.

Mw'Ijambo ryiwe, arongoye inama mpanuzwajambo ya , inyuma yo kwibutsa akamaro k'uwo musi, yasavye imvukira z'iyo komine gufata iyambere muguteza imbere komine nko kugwiza amazu yakira ingenzi, ibitaro n'ibindi. Uwo arongoye inama mpanuzwajambo ya komine yasavye abanya Bubanza kugira umutima wo guharanira inyungu rusangi hakuguma bashaka gushira inguvu ku nyungu zabo bwite.

Mw'Ijambo ryiwe, umunyamabanga w'umugambwe CNDD-FDD muntara ya akaba n'imvukira y'iyo komine arashima ibikorwa vy'indongozi z'iyo komine aho ngo mumwaka w'ubutunzi uheze batunganije neza uburyo iyo komine yaronse. Mugihe Uburundi bufise Imbonakakoza aho buzoba ari igihugu cifashe muri 2040, igihugu giteyimbere mu mwaka wa 2060, yahamagariye abaraho gufata iyambere muguteragira ibiterwa nk'ikawa n'ivoka vyashizwe imbere kugira ngo bisahirize igihugu mugushika kuri iyo mbonakazoza.

Ivyo birori vyari vyatewe iteka n'indongozi zitandukanye uhereye kumukuru wasentare ijejwe kwubahiriza ibwirizwa shingiro , umunyamabanga w'umugambwe CNDD-FDD muntara ya Bujumbura, abashingamateka batowe muntara ya Bujumbura bakaba kandi ari n'imvukira za komine hamwe n'izindi ndongozi.

Mwomenya ko nk'uko vyama bigenda, ibirori vy'iwo musi mukuru vyarangijwe no gusangira hagati y'abavuka komine.

Address

Bubanza

Website

Alerts

Be the first to know and let us send you an email when Komine Bubanza posts news and promotions. Your email address will not be used for any other purpose, and you can unsubscribe at any time.

Shortcuts

Share

Category