26/07/2025
👑Nk’uko mwagiye muravyibonera ejo ku munsi wa gatanu itariki 25 mukakaro niho ibirori vya Miss Burundi igice canyuma vyaba.
🥳Ibirori vyari vyatewe iteka na Nyenicubahiro Angeline Ndayishimiye, umutambukanyi w'umukuru w'igihugu, abandi bateye iteka ibirori ni Marie Chantal Nijimbere umushikiranganji w'ubudandaji, amahinguriro n'ubukerarugendo, Ambassadeur W***y Nyamitwe, Imelde Sabushimike umushikiranganji w'ugushigikirana, Jacques Bigirimana umuyobozi mukuru w'igisata c'ubukerarugendo, Rossalynn Kamariza umuyobozi w'ishirahamwe ryatunganije ibirori, , , , n'abandi.
1️⃣Igice cambere caranzwe n’intambo z’umugwi ndagakaranga Troupe , ijambo ry’umutambukanyi w’umukuru w’igihugu hamwe n’amajambo y’abarongoye amashirahamwe agiye atandukanye, ndetse na Miss Burundi 2023 Lellie Carelle Ndayizeye yaragize ico ashikiriza.
👤Umutambukanyi w'umukuru w'igihugu mubutumwa yahaye abahiganywe akaba yabateye intege mubikorwa barangura vyo kwiteza imbere no mumigambi bafise yagize ati" Si abagabo gusa bashobora kuba imboneza, namwe murabishoboye" aca abahamagarira no gushigikirana bagashira inguvu hamwe kugira bashikire iterambere. Yabasavye kandi kwirinda abagenzi babi, yavuze ko yifuza ko Uburundi bushika aho umwana wese w' umwigeme ashika ku ntambwe aterera biboneka mw' iterambere.
2️⃣Igice ca kabiri caranzwe no gushikiriza imigambi aba miss bafise hamwe no kubazwa ibibazo bimwe bimwe bijanye n’imigambi bashikirije.
👩Miss Burundi Kellia Lagloire Kaneza akaba yatahukanye imodoka nshasha ikoreshwa n' umuyagankuba, imiliyoni 25 z’amafaranga y'amarundi, itike y'indege izomushikana mu gihugu ca , amafaranga y' ishure ya kaminuza mu kiringo c'umwaka, imashini nyabwonko n'ibindi.
✍️Icegera ca mbere ca Miss Burundi Habarugira Kessia yatahanye imiliyoni 15, icegera ca kabiri Bazahica Tania yatahukanye imiliyoni 10, uwufise umugambi mwiza Miss Développement Iteka Nelly Charlene yatahukanye imiliyoni 10.
📌Twobamenyesha yuko muri iryo higanwa habayemwo akabirya gashasha aho hatanzwe agashimwe ku mwigeme yitwaye neza ariwe Miss
Mugisha Jennifer
🎙️Kubaririmvyi bari batumiye nka T ntiyaronse umwanya wo kuririmba indirimbo nyinshi zishoboka kubera umwanya wabaye muto gushika aho banamwaka na microphone. Abandi baririmvyi bateramishije ivyo birori yari Andy Mwag na Toussaint All Saint ariko nabo nyene nta ndirimbo nyinshi baririmvye.
