26/09/2026
🔴 & :Umushikiranganji wa mbere arabandanya urugendo rwo gusuzuma uko ibikorwa vya Leta biriko biragenda mu ntara no mu makomine.
==================
📅Kuwa 24 Nyakanga 2026, Umushikiranganji wambere, Nestor Ntahontuye, yaragendeye intara za Gitega na Buhumuza, aho yagendeye inyubakwa za Leta zasubiwemwo, zitegekanijwe kwakira ibikorwa vy’inzego z’intara z’ibisata vyose vya Leta.
📍Muri komine Muyinga, intara ya Buhumuza, Umushikiranganji yagendeye ishirahamwe Soteb, rikora ibikorwa vyo gucukura no gutunganya inzahabu. Yanavuze ko umwimbu w’inzahabu uriko uratera imbere, ugereranije n’imyaka iheze.
✍️Umushikiranganji yanavuze kandi ko Leta iriko irategura amasezerano mashasha hagati yayo n’abakora ubucukuzi bw’amabuye y’agaciro, kugira ngo urwo rwego rutange inyungu ku mpande zose.
Yashimangiye ko ubucukuzi bw’amabuye y’agaciro buri mu nzego Leta yashize imbere mu gushikira intumbero z’iterambere ry’igihugu.
📌yarangije ahamagarira abashoramari kurushiriza gushora imitahe muri urwo rwego, naburya hagamijwe kwongera umwimbu w’amabuye y’agaciro arungikwa mu mahanga.
