Province Muramvya

03/07/2025

Turakeje Umurongozi w'Intara ya Gitega tukamwifuriza kuzororanirwa muri ayo mabanga.
Mukurindira ko urubuga ruhindurirwa intumbero, urubuga rubaye ruragarika kubashikiza amakuru.
Turashimiye cane abitanze mu kuremesha ikiyago ( communicateur ) na mwebwe mwese mukurirana mu gatanga n'intererano kuri runo rubuga.
Imana ibahezagire cane.
🙏🙏

25/06/2025

Birabujijwe kandi kuzindukira mu birabo mu mwanya abandi bari ku kivi

23/06/2025

Kuri uyu wa mbere, igenekerezo rya 23/06/2025, mu gihe Buramatari yariko araraba ko Abenegihugu bari ku kivi mu gisagara ca Muramvya yasanze hariho bamwe mu benegihugu b'imburakimazi bari munzu zerekana amareresi mu mwanya w'akazi.

Baciye bafatwa bajanwa mu bikorwa vy'inyungu rusangi ahariko harubakwa ingoro y'amanama mu gipolisi, bene ayo mazu nabo bakazocibwa amande yinjira mu kigega ca komine.

23/06/2025

Mu gitondo co kuri uyu wambere igenekerezorya 23-06-2025, Buramatari w'Intara ya Muramvya yakoresheje y'umutekano kubahurikiye muri komite y'umutekano mu ntara.
Inyuma yo guhana amajambo basanze umutekano wifashe neza maze bapfundika ibi bikurikira:
1. Gukurikiranira hafi abadandaza ibinyobwa vya Brarudi no guhana abaduza ibiciro
2. Gutunganya inama za komite y'umutekano ihurikiyemwo bose ku rwego rwa komine, Zone n'imitumba mu ntumbero yo kurwanya ubusuma buto buto
3. Mu bikorwa rusangi, ibikorwa vyo gusibura amabarabara no guca imikobeko
4. Gutegura ibikorwa vy'abanyeshure mu buruhuko
5. Mu bijanye n'uburimyi Abenegihugu basabwa gusozera irima ryo muci, BPAE nayo ikihutira gutanga imbuto z'ibigori zirobanuye bafise
6. Abenegihugu bagasabwa kandi kuziganya umwimbu w'ibiharage kugira ntibawubawumarire kw'isoko

30/05/2025

Kuri uno wa gatanu igenekerezo rya 30-05-2025, Nyenicubahiro Umukuru w'Igihugu c'Uburundi akaba n'Umukuru w'Inama Nkuru y'inararibonye yateye iteka ibirori vy' imyiyamamazo bisozera ico kiringo mu ntara ya Gitega vyabereye muri komine Muramvya.

Mw'ijambo yashimikiye ku bimenyetso vyerekana ko Demokrasi iriko irashingimizi mu Burundi aca atuma abagumyabanga kwigisha abandi guhunda amajwi Umugambwe mwiza wa

Twobamenyesha ko mu Ntara ya Muramvya ikiringo c'imyiyamamazo ku migambwe itandukanye caranzwe n'ituze ntangere.

30/05/2025

29/05/2025

𝗜𝗺𝗽𝗳𝘂𝗻𝘆𝗮𝗽𝗳𝘂𝗻𝘆𝗼 𝘆'𝗶𝘃𝘆𝗮𝗿𝗮𝗻𝗴𝘂𝘄𝗲 𝗸𝘂𝘃𝗮 2020-2025

Muri iki kigabana tugiye kubayagira muri make ingene ibisata vyagiye biratera imbere muri iyi myaka itanu irangiye

𝗜. 𝗜𝗻𝘁𝘄𝗮𝗿𝗼, 𝗨𝗺𝘂𝘁𝗲𝗸𝗮𝗻𝗼 𝗻𝗮 𝗣𝗼𝗹𝗶𝘁𝗶𝗸𝗲
I.a. Mu bijanye n'intwaro, abatowe n'abagenwe mu mabanga baserukira abenegihugu baratunganije imirimo yabo ijanye no gukemura ibibazo vy'Abenegihugu no kubagendera kugira bigishwe ibijanye no kububambatira amahoro n'umutekano, kwiteza imbere n'ibindi,....

I.b. Mu bijanye n'umutekano, intara ya Muramvya co kimwe n'iyindi mihingo y'igihugu yaranzwe n'umukano, imirwi y'abagizi ba nabi yari yihaye intumbero yo guhungabanya umutekano kw'ibarabara RN2 yarasambuwe iratuzwa, imirwi y'abasuma b'inka n'abiba intsinga za Regideso yarasambuwe na bamwe muri abo basuma barafashwe bongera barashengezwa.
Ivyo vyose bikaba vyash*tsweko mu gukorera hamwe mu nyabune.

I.c. Mu gisata ca politike, abanya migambwe babanye neza, inama zibahuza n'abajejwe intwaro zaratunganijwe mbere n'imyiyamamazo ikaba iriko igenda neza cane.




5/n

29/05/2025

𝗧𝘂𝗯𝗶𝗯𝘂𝘁𝘀𝗲 𝗶𝘁𝗲𝗴𝗼 𝗿𝗶𝘁𝘂𝗻𝗴𝗮𝗻𝘆𝗮 𝗜𝗻𝘁𝗮𝗿𝗮, 𝗸𝗼𝗺𝗶𝗻𝗲, 𝘇𝗼𝗻𝗲 𝗻'𝗶𝗺𝗶𝘁𝘂𝗺𝗯𝗮 𝗿𝘆𝗮 𝗸𝗲𝗿𝗮 𝗻𝗮 𝗿𝗶𝘀𝗵𝗮𝘀𝗵𝗮

𝗜. 𝗛𝗶𝘀𝘂𝗻𝘇𝘄𝗲 𝗶𝘁𝗲𝗴𝗲𝗸𝗼 𝗿𝘆𝗮𝗵𝗮𝗵𝗼𝗿𝗮
Intara ya Muramvya yari igizwe na Komine 5, ama zone 15, imitumba 99 n'ubucimbiri 393.

𝗜𝗜. 𝗛𝗶𝘀𝘂𝗻𝘇𝘄𝗲 𝗶𝘁𝗲𝗴𝗲𝗸𝗼 𝗿𝗶𝘀𝗵𝗮𝘀𝗵𝗮
Intara ya Muramvya izoja mu ntara zitatu:

1. Igice kinini cagiye mu Ntara ya 𝗚𝗶𝘁𝗲𝗴𝗮 kuko hazojayo, komine yagutse ya 𝗠𝘂𝗿𝗮𝗺𝘃𝘆𝗮 igizwe na Komine Bukeye, Muramvya n'igice ca Komine Mbuye na 𝗞𝗶𝗴𝗮𝗻𝗱𝗮 igizwe na Komine Kiganda , Rutegama n'igice ca Komine Mbuye

2.Mu ntara ya 𝗕𝘂𝗷𝘂𝗺𝗯𝘂𝗿𝗮 hazojayo zone 𝐑𝘆𝗮𝗿𝘂𝘀𝗲𝗿𝗮 na 𝗞𝗶𝗿𝗮𝗺𝗮

3.Mu ntara ya 𝗕𝘂𝘁𝗮𝗻𝘆𝗲𝗿𝗲𝗿𝗮 hazojayo zone 𝗕𝘂𝘀𝗮𝗻𝗴𝗮𝗻𝗮 yongeweko imitumba ya 𝗞𝗶𝗴𝗲𝗿𝗲𝗸𝗮 na 𝗕𝘂𝘀𝗲𝗸𝗲𝗿𝗮 yo muri zone Bukeye.



4/n

26/05/2025

Mu gihe hari abibaza igituma Intara zagabanijwe twobamenyesha ko hari amategeko yagiye arabaho agabanya canke yongereza intara, ama komine, Ama zone n'imitumba

✅ 01/Ntwarante/1962: Hashizweho itegeko ritunganya ama 𝗮𝗿𝗼𝗻𝗱𝗶𝘀𝗲𝗺𝗮 mu gihe 𝗧𝗲𝗿𝗶𝘁𝘄𝗮𝗿𝗲 zahindutse 𝗜𝗻𝘁𝗮𝗿𝗮

✅ Mu mwaka w'1965 hashirwaho itegeko ritunganya gushasha ama komine ava kw'181 aja 79. Muri ico gihe ama komine amwe amwe yabaye ama Zone, igihugu cari kigabuwe mu ntara 8, Arondisema, ama komine n'ama zone

✅️Mu mwaka w' 1982, hashizweho itegeko bwirizwa rikura intara ku 8 rizishira kuri 15, ikomine ziva kuri 79 zija kw' 114 ico gihe Arondisema zica zirafutwa.

✅️Mu mwaka wa 1998 niho havuka intara ya Mwaro mu makomine 11 yari agize intara ya Muramvya; yaciye isigarana 5 amakomine 6 nayo aja ku ntara ya Mwaro.

𝗠𝘂 𝘃𝘆𝗼 𝘁𝘄𝗮𝘁𝗼𝗵𝗼𝗷𝗲, 𝗴𝘂𝗵𝗲𝗿𝗮 1962 𝗴𝘂𝘀𝗵𝗶𝗸𝗮 2025, 𝗜𝗻𝘁𝗮𝗿𝗮 𝘆𝗮 𝗠𝘂𝗿𝗮𝗺𝘃𝘆𝗮 𝘆𝗮𝗴𝗶𝘆𝗲 𝗶𝗿𝗮𝗿𝗼𝗻𝗴𝗼𝗿𝘄𝗮 𝗻'𝗮𝗯𝗮 𝗕𝘂𝗿𝗮𝗺𝗮𝘁𝗮𝗿𝗶 𝗯𝗮𝗸𝘂𝗿𝗶𝗸𝗶𝗿𝗮 :

1. NDIKUMANA Bernard
2. BARARUSABIRA Prime
3. MIBURO Etienne
4. NTAVYIBUHA Tharcisse
5. NYANDWI Raphaël
6. NKURIKIYE Germain
7. NZISABIRA Gabriel
8. NYANDWI Raphaël (de retour)
9. NDAYISENGA Gérard
10.SIBOMANA Adrien
11.BAZA Antoine
12.NDIKUMANA Bernard de (retour)
13.NDARUBAGIYE Léonce
14.SINARINZI Aaron
15.KANA Pierre
16.NIYUNGEKO Nestor
17.Hon. NDORICIMPA Rogatien
18.NZIGAMIYE Sylvain
19.Hon. BARUTWANAYO Joachim
20.Hon. NDAYIZIGA Oscar
21.Hon. NTWENGAMBABAYE Daphrose
22.NIYUNGEKO Emmanuel
23.Hon. NICIMBESHE Laurent
24.NZAMBIMANA Diomède
25.NDIKUMASABO Euphrem




3/n

25/05/2025

Abibajije igituma Muramvya yabaye umurwa mukuru wa politike kuva 1924 ni kuberako imbere yaho umurwa mukuru wa Politike Umwami wese yawushira aho akunze kuruta ahandi hagati ya Bukeye, Kiganda, Mbuye na Muramvya

25/05/2025

𝗠𝘂𝗿𝗮𝗺𝘃𝘆𝗮: 𝗜𝗸𝗶𝗻𝗷𝗮𝗻𝗮 𝗰𝗮 XV-1966(28/11/1966).

Kuva Uburundi bwa Nyaburunga bubayeho ku mwami Ntare Rushatsi Camabarantana( Ntare rufuku yafukuye uburundi) mu kinjana ca XV gushika 1966 hakuweho intwaro ya cami agahava anagandagurwa, Umwami wanyuma Karori Ndizeye,
Muramvya yabaye Umurwa Mukuru w'Uburundi mu 1924 igihe Petero Ryckmansi yashaka ko umwami Mwambutsa Bangiricenge yiga amashure matomato mugushiraho ishule ry' abana b'abaganwa( création de l' école des fils des chefs ganwa), ukikujwe n'ibindi birimba vy'umwami ari vyo Bukeye, Kiganda na Mbuye.

Niho ubuzima bw'igihugu bwabarizwa harimwo kwagura Uburundi, amabanga ya politike, umunsi mukuru w'umuganuro n'imigirwa bijanye, Ubutungane, ibijanye n'imibano, ibijanye no kwamabaza Imana baciye kuri kiranga (gusenga) mu masengero (mu gitabo i Kiganda na gatabo kubadashoboye gushika mu gitabo) , ubuvuzi kama,Ku gikingira ingoma y' uburundi Karyenda n'ibindi vyinshi vyerekana ko ihanga ry'Abarundi ryari ryitunganije ku rwego rwo hejuru

Ako kahise kajanye n'ubuhinga, imico n'imigenzo, ibicurarangisho kavukire, gutunganya igihugu, ibibanza vy'iratiro vyaranze ivyo biringo vyose ni Ubutunzi ku gihugu bushobora gufasha mw'iterambere ry'igihugu mu gihe vyoba vyatunganijwe neza.

Hari bike bimaze kwandikwa n'abahinga be n'abashakashatsi ba kahise ariko vyose birakwiye gucukurwa bikandikwa,maze ivyo ibibanza bigatunganywa neza kugira Abana bacu bavyigishwe neza, bakongera bagatemberezwa muri ivyo bibanza mbere uburyo bwotangwa n'abahagendeye bugasahiriza mw'iterambere ry'igihugu mu gukwega ingenzi.

Aho rero Reta, abanyamitahe, n'abashigikira imigambi ya Reta( Partenaires au developpement) boshiramwo imitahe gutyo bigatuma kahise k'igihugu n'ibibanza bijanye bitazimangana ahubwo tukabivyaza umwimbu mw'iterambere kugira ikigega c' igihugu kibomboke.

Inyuma y'igandagurwa ry'umwami wa nyuma Karori Ndizeye hagashirwaho repuburika ya mbere, Muramvya yakuwe mu murwa mikuru y'igihugu ihinduka umurwa mukuru w'intara gusa.
Ivyaranze ico kiringo gushika ubu, abagenwe ngo bayirongore (Buramatari) uhereye mu 1962 gushika 2025 ni mu nkuru ikurikira.

Woba umaze kugendera kimwe mu bibanza vy'iratiro bijanye na kahise biri mu Ntara ya Muramvya? Woba umaze kubisoma mu bitabo bivuga intara?

Utarabigendera canke ngo ubisome, waracerewe kuko umuntu atamenye iyo yavuye ntamenya iyo aja 👏

24/05/2025

Mu gihe Intara ya Province Muramvya igiye gufatana n'izindi ntara kugira bibe intara 1 ya Gitega, tugiye kubayagira amateka yayo kuva ibayeho gushika ubu.
Kazoba ari akaryo kandi ko kubashikiriza bimwe muvyaranguwe muri iyi myaka itanu (2020-2025) mu bisata vyose bigize ubuzima bw'Intara
Ntimutangwe gukurikirana no gushikiriza intererano zanyu




1/n