Izere FM, Ijwi ry'iterambere rusangi, RUMONGE, Rumonge (2025)

14/01/2025

: Abiyunguruza bava mu gisagara ca Rumonge baridoga bavuga ko kwiyunguruza bitoroshe muri kino gihe

Abo bidoga ni bamwe mu biyunguruza bava mu gisagara ca Rumonge baja mu ntara ya Bururi abandi bava mu gisagara ca Rumonge baja mu ntara ya Makamba. Bavuga ko bitoroshe kwiyunguruza muri kino gihe kuko ngo iyo bashatse gufata ingendo bataronka ikibunguruza iyo bakironse naho babazimbwa,mbere bamwe muribo bagahitamwo kubiheba .

Kuruhande rwabakora akazi ko kwunguruza abantu n'ibintu nabonyene ngo ntivyoroshe mukazi kabo kamisi yose biturutse kwikena ry'igitoro nayo bamwe murabo bahisemwo kwicarika ivyuma vyabo mu nzu kumvo ry' ikena ry'igitoro. Yaba abiyunguruza,yaba abunguruza abantu n' ibintu basaba abajejwe intwaro gutorera inyishu ikibazo c'ikena ry'igitoro mu maguru masha kugira nabo boroherwe.

10/01/2025

DUHANE IJAMBO

Urwaruka n’abakenyezi bafise amahirwe yo kwiteza imbere aho baherereye ngo kuko nivyo bizobashikana kw’iterambere rirama. Bamwe mu rwaruka bakora urudandazwa ndengambibe bamenyesha ko hariho abagira intambamyi zishingiye ku mico n’imigenzo na cane cane ukwikengera ku bigeme. Ivyo biranashikirizwa n’abatumire bagizwe n'abajejwe intwaro, n’abari mu mashirahamwe aho bahamagarira urwaruka kurengera intambamyi zibabuza kwiteza imbere.

Ido nido ni mu kiganiro Duhane Ijambo c'ino ndwi co kuri uyu wa gatandatu igenekerezo rya 11 Nzero 2025, mutegurirwa na Studio Ijambo igisata co kumenyeshamakuru ca mu mugambi wayo Je na we mw'iterambere. Kuva igihe c'isaha zine zo mu gitondo (10h00').

kuri 97.1MHz, 90.6MHz, 98.6Hz na www.izerefm.org

Gira j’aime, ugire ico ushikirije hanyuma ugire partager

for Common Ground

09/01/2025

: Kutamenya ivy'irondoka rijanye n'amagara meza bituma ibitigiri vy'inda z'ishushu vyiyongera

Ivyo bivugwa na bamwe mu bigeme bo ku mutumba wa Gitwe, zone Buruhukiro, komine Rumonge, aho bamenyesha ko bakunze guhura n'ico kibazo co gutwara inda zitipfujwe ahanini bivuye ku kutamenya ivyirondoka rijanye n'amagara meza.

Abobigeme bagasaba abajejwe irondoka rijanye n'amagara meza kubaronsa inyigisho zijanye n'irondoka rijanye n'amagara meza gutyo bibafashe kwirinda inda zishushu n'indwara zifatira mubihimba vy'irondoka.

Naho atabitigiri vy'abigeme batwaye inda z'ishushu atanga, ivyo vyemezwa n'umukuru w'uwo mutumba wa Gitwe. Jean Pierre Niyonzima, akavugako kenshi abo bigeme bahendeshwa amafaranga n'ibindi bagaca bagwa mungorane zo gusama inda batipfuje.

Uwo arongoye umutumba wa Gitwe agahamagarira abigeme kugendera indero runtu mukwirinda ubushurashuzi; abavyeyi bakagiriranira ib**aniro n'abana kubijanye n'irondoka rijanye n'amagara meza nogukomeza indero yo kuziko.

, ,

09/01/2025

: Abigeme b'abanyeshure barataburiwe amakaye n ivyambarwa vy'ishure

Abo bigeme b**a Ku mashure shingiro n iry' inyuma y'ishure shingiro ari Ku mutumba iri muri commune
Nk'uko bavyigana ngo ku munsi wa kabiri w'iyi ndwi bagize baravyuka ngo baje kw'ishure basanga impuzu zabo zatabuwe ibipande vyagiye ngo karigunguza mw'iri joro ryakeye basanze n'amakaye yabo yatabaguwe.

Abo banyeshure bamenyesha ko atari ivyo gusa bibabayeko Aho umwe muribo amenyesha ko ahora asha ukuguru atabona uko bigenze ngo isafuriya y amamesa ikiterura akamusukako amamesa ariko arakaranga ngo hari n umunsi ikibuye cakorokeye aho baryamye batabona aho caciye.
Ayo makuru aremezwa n umuyobozi wa Lycée communal Nyamibu ishure imwe muzo abo bana b**ako Aho avuga ko biteye ubwoba hakenewe guhumurizwa kw'iyo mitima ihungabaye.

Y'aba Abo banyeshure,y'aba abavyeyi ndetse n umuyobozi kw'ishure basaba uwubishoboye wese gufasha abo barerwa kuronka ibikoresho vy'ishure narirya ngo bish*tse Bari mu bukene budasanzwe.

08/01/2025

: Abanyagihugu barashima kuba basubiye kuronka amazi meza

Abo nibamwe mubanyagihugu bo kumutumba wa Mutakambara, zone gatete, komine n'intara ya Rumonge, bavugako bari bamaze ikiringo c'amezi 2 batabona nayakoroka. bakamentesha ko bitari vyoroshe mubuzima bwabo bwa misi yose kuko ngo iyo bakeneye amazi meza bayatuma mubibanza vyakure aho ibido imwe y'amazi meza bayirihira amafaranga ari hagati y'igihumbi nigihumbi n'amajana atanu ayandi nayo bakayavoma mubinogo ndetse no mukiyaga ca Tanganyika.

Abo banyagihugu bagasaba igisata kijejwe gutanga amazi kuri uwo mutumba gufasha abanyagihugu babituye mumaguru masha hataraduka ibibazo biturutse kwibura ry'amazi meza.

, ,

04/01/2025

: Abanyagihugu bo mu ntara ya Rumonge bahamagarirwa kwitwararika gukora ibikorwa Rusangi kuko ngo ari vyo bituma iterambere ryiyongera

Ivyo vyashikirijwe n'umushikiranganji wo kwivuna abansi Alain Tribert Mutabazi aho yari yateye iteka ibikorwa rusangi vyabereye kwishure shingiro rya aho bita kwa Ngando mu gisagara ca Rumonge muri komine n'Intara ya Rumonge. Ivyo bikorwa bikaba vyaranzwe no gucanga béton n'umusenyi hamwe no gushira iyo béton mu binogo vy'inkingi z'inyubako igeretse izoba igizwe n'ibirasi munani kuri iryo shure.

Inyuma y'ivyo bikorwa Rusangi Mustanteri wa komine Rumonge mw'Ijambo ryiwe yamenyesheje ko komine arongoye yihaye ihangiro ry'ugushigikira igisata c'indero mu guhamagara uwubishoboye wese gutanga intererano kugira ibikoresho bikenewe bigurwe mu ntumbero y'ugushigikira ico gisata. Nayo Buramatari w'intara ya Rumonge yashimikiye kw'ijambo ryo kugira umwete ryashikirijwe n'Umukuru w'igihugu c'Uburundi mugihe yariko aripfuriza umwaka mushasha abarundi kuko ngo atamwete ntagikorwa cokoreka neza.

Uwo yaserukiye ubushikiranganji bwo kwivuna abansi n'ukwitaho abahoze kurugamba yamenyesheje ko yaje nk'intumwa y'umukuru w'Igihugu muri ubwo bushikiranganji ngo abeneguhugu babone ko amahoro n'umutekano bihari; rero ivyo bihari ngo ni ukuja kukivi. Alain Tribert Mutabazi hamwe n'icegera ca mbere c'uwaserukira ibanki nkuru y'igihugu biyemeje gushigikira igisata c'indero mu gutanga intebe zizofasha amashure azikenye mu Rumonge.

03/01/2025

DUHANE IKAMBO

Amashirahamwe n'ama coperative afise uruhara runini mw'iterambere ry'umwigeme n'umukenyezi. Bamwe mu rwaruka baba muri zone , komine , intara ya bameneysha ko imigambi bakorera hamwe ibazanira iterambere irimwo n'urudandaza ndengambibe. Ariko barafise intambamyi zijanye n'imyuzurira ikunda gutwara imirima.

Ido nido ni mu kiganiro Duhane Ijambo c'ino ndwi co kuri uyu wa gatandatu igenekerezo rya 04 Nzero 2025, mutegurirwa na Studio Ijambo igisata co kumenyeshamakuru ca mu mugambi wayo Je na we mw'iterambere. Kuva igihe c'isaha zine zo mu gitondo (10h00').

kuri 97.1MHz, 90.6MHz, 98.6Hz na www.izerefm.org

Gira j’aime, ugire ico ushikirije hanyuma ugire partager

for Common Ground

31/12/2024

: Umuyobozi bwa Radio Izere Fm isamiranira mu gisagara ca Rumonge muri komine n'intara ya Rumonge bwipfurije abakunzi bayo umusi mukuru mwiza w'umwaka mushasha wa 2025.

31/12/2024

: Abanyeshure bari mu buruhuko bw'igice ca mbere c'umwaka w'ishure wa 2024-2025 bongewe imisi ine y'ikiruhuka

Ivyo biri mw'itangazo ubushikiranganji bw'indero, inyigisho za kaminuza n'ubushakashatse bwashize ahabona kuri uyu wa kabiri igenekerezo rya 31 Kigarama 2024 aho bumenyesha abenegihugu bose cane cane Abanyeshure ko igice ca kabiri c'umwaka w'ishure wa 2024 ushira uwa 2025 kitagitanguye kuwa 2 Nzero 2025 ahubwo kizotangura ku musi wa mbere w'indwi iza igenekerezo rya 6 Nzero 2025.

28/12/2024

: Izere Award 2024, ku ncuro yayo igira gatandatu

Abaririmvyi 26 harimwo abakobwa babiri nibo bahiranirwa ibibanza 4 muri iryo higanwa ry'abaririmvyi bo mu ntara ya Burunga, mubumanuko bw'uburundi, ihiganwa ritunganwa na nsamirizi Izerefm FM ikorera mu Rumonge muntumbero yo gutezimbere umuziki n'abanyamuziki muri ako karere. Muri abo baririmvyi harimwo abaririmba mu mirwi 2 ariyo Forever Band na Band Family. Naho Bose babishoboye, udushimwe turategekanijwe kubaririmvyi bane bagiye kuza ubwambere.

Murahawe ikaze ku kibuga c'umupira co mugisagara ca Rumonge, kuri uwu wa gatandatu, kuva isaha 8 z'umutaga.

27/12/2024

DUHANE IJAMBO

Abakenyezi batowe ngo baserukire abandi bafise uruhara runini mu kwerekana akarorero keza k'ababatoye, na cane cane mu bijanye n'iterambere.
Ivyo bivugwa na bamwe mu bakenyezi n’abagabo harimwo abari mu ntwaro, mu ntara yagutse ya na . Aho bamenyesha ko biheza bikagira ingaruka mu gushigikira iterambere ry’umukenyezi, kuko ishusho berekana mu kibano ari ngirakamaro.

Ido nido ni mu kiganiro Duhane Ijambo c'ino ndwi co kuri uyu wa gatandatu igenekerezo rya 28 Kigarama 2024, mutegurirwa na Studio Ijambo igisata co kumenyeshamakuru ca mu mugambi wayo Je na we mw'iterambere. Kuva igihe c'isaha zine zo mu gitondo (10h00').

kuri 97.1MHz, 90.6MHz, 98.6Hz na www.izerefm.org

Gira j’aime, ugire ico ushikirije hanyuma ugire partager

for Common Ground

24/12/2024

: Biteguriye Noël naho hari abatorohewe gusuma akanyama kubera ibiciro

Mugihe kuri uwu wa gatatu igenekerezo rya 25 kigarama 2024 abakirisu kw'isi bahimbaza umunsi mukuru wa Noël, muri komine ya Rumonge naho barawiteguriye aho kw'isoko ya , inka 32 zabazwe kuri uwu wa kabiri buca hahimbazwa uwo munsi.

Naho biri uko, abanyagihugu bavuga ko Noël ibasanze mu bukene budasanzwe bivuye ku biciro vyimonogoje mu kuduga harimwo ibiciro vy'inyama, abantu bakunda kwihereza kuri uwo munsi mukuru. Aho ni mu gihe mu mwaka uheze, ikiro c'inyama y'umusoso uragugwa amafaranga 11.000 y'amafaranga, ubu ikaba iri ku mafaranga 21.000 y'amarundi, nayo iy'igufa ikaba iri ku mafaranga 19.500 mu gihe mu mwaka uheze yagurwa 9.500 y'amarundi.

, ,

22/12/2024

: Intebe zigera 200 nizo zaronkejwe igisata c'indero

Iyo ngabire yatanzwe kur'uyu wagatandatu n'ishiramwe MECI Microfinance rijejwe kuziganya n'ukuguranana riri kumutumba wa Cabara, zone Kigwena, muri Commune n'intara ya Rumonge, zikaba zahawe igisata c'indero muri commune Rumonge. Eliane Niyoyitungira, umwe mubarongoye urwego nshingwantwaro rwa MECI Microfinance amenyeshako imvo nyamukuru yogutanga izo ntebe muri ico gisata ari ugushaka kwunganira commune Rumonge kw'ihangiro yihaye yogutezimbere igisata c'indero.

Bénigne Nintunze arongoye igisata c'indero muri komine ya Rumonge yarakengurutse kuri iyo ngabire aca ahamagariye nabandi bose babishoboye gufasha mugutezimbere ico gisata.

Musitanteri wa Komine Rumonge Augustin Minani yashimiye MECI Microfinance kuriyongabanwa nawenyene akaba yaciye ahamagarira n'ayandi mashirahamwe guterera mur'ico gisata.

Tubamenyeshe ko kiretse izo ntebe 200, hari n'abandi biyemeje izindi ntebe zo guterera ico gisata. Aho ni mugihe hari hamaze iminsi havugwa ubukene bw'intebe burangwa ku mashure atandukanye muri iyo komine ya Rumonge.
, , ,

22/12/2024

: Arasaba ubufasha inyuma yo kugira isanganya

Uwo ni Buntubwimana Gedeon n'umusore avuka mugacimbiri ka Kigobe, umutumba wa Magara, komine Bugarama, intara ya Rumonge. Avugako yagize isanganya, akubita ukukuru kugish*tsi kwaciye gukomereka, acaja kwivuriza mubitaro prince Louis Rwagasore vyo mu gisagara ca Bujumbura aho bamuvuye uko bashoboye ariko bahavuye bamurungika kwivuriza hanze y'igihugu. Aho bitahavuye bimworohera bivanye namikoro make.

Gedeon Buntubwimana agasaba uwo wese yoba afise umutima wogufasha kugira ico akoze mukumufasha aronke amafaranga yivuze maze amagara yiwe asubire kubaneza.

Murikigihe ubwo buryo bwokwivuza hanze butaraboneka Gedeon Buntubwimana yaciye abarasubiramumuryango mukurindira ko ubwo buryo buboneka. Nayo ngokubipfuza kumushigikira bomwakura kuri 65 137 343.

, , , ,

21/12/2024

: Sheikh Salum Nayabagabo yimitswe mumabanga yokurongora Comibu

Kuri uwu wa gatandatu niho sheikh Nayabagabo Salum yimikwa mu mabanga yo kurongora umuryango w'abaislam mu Burundi Comibu mu kiringo c'imyaka itano, mu birori vyabereye ku kibuga Ingoma mu gisagara ca aho abahurikiye mw'idini rya islam bavuye mumihingo itandukanye y'igihugu baribavyitabiriye.

Mw'ijambo ryiwe, shehe Nayabagabo yashimiye leta y'uburundi ukuntu ishigikira umuryango w'abaislam mu vy'iterambere. Agasaba ko yobandanya gurtyo.

Nayo kubijanye n'imigambi azoshira imbere, harimwo ugukomeza ubumwe mumuryango, ngo agiye kuba umusuku wa bose, haba abaislam ndetse n'abarundi muri rusangi, ibindi azoshira imbere n'imigambi y'iterambere mu vy'amagara y'abantu, mu vy'indero n'ubutunzi aho M***i Nayabagabo ngo bagiye kwicarahamwe kugira bahagurukire ibibazo vyose vyerekeye ubutunzi n'iterambere mu buislam, kurondera itungarusangi, kurikingira no kurikoresha ivyo vyagenewe. Ikindi yamenyesheje nugukomeza imegenderanire myiza na leta mubikorwa vy'iterambere.

Uwo arongoye umuryango w'abaislam mu Burundi yamenyesheje ko vuba hagiye gushirwaho inzego ziserukira uwo mu ryango mu ntara zose zitanu zigize igihugu c'uburundi no mu makomine hisunzwe indinganizo nshasha. Nayo mumazone hazotegurwe amatora y'izo ndongozi.

Nayo kubibaza ko Comibu ari isahani abatowe kurongora uwo muryango barirako, yabasavye kuvavanura n'ivyo vyiyumviro ahubwo batahure ko ari ikibuga caguse co kwifashisha mu kurondera ineza ishingiye kw'iterambere ry'umuryango w'abaislam no gushira mu ngiro yambonakazoza y'igihugu cifashe mu mwaka wa 2040, giteyimbere mu mwaka wa 2060. Ivyo vyose kugira bishikweko asaba ubufashe bw'umwe wese aba muvyiyumviro, inguvu n'uburyo.

Reverien Ndikuriyo, umunyamabanga mukuru w'umugamwe cndd-fdd yariyateye iteka ivyo birori, yashimiye intambwe abaislam bagezeko mumigambi y'iterambere. Yahamagariye abaislam gukomeza ibikorwa nabo ngo ntacobatazokora mugushigikira imigambi y'iterambere. Indongozi nazo mur'uwo muryango yazisavye kwirinda ico cose cobatandukanya kuko indongozi nyazo ntizisamburana ahubwo ziruzuzanya.

Sheikh Salum Nayabagabo yatowe muri ayo mabanga n'inama ya bose kuwa 9 munyonyo 2024, yasubiriye Sheikh Shabani Ali Lwamba https://www.facebook.com/100063941291916/posts/1007821581359209/?app=fbl

, , , ***i,

21/12/2024

: Hatanzwe imfashanyo ku miryango 235

Iyo mfashanyo yatanzwe n'ishirahamwe ku miryango yahuye n'imyuzurira y'ikiyaga Tanganyika igera ku 235. Iyo mfashanyo yari igizwe n'ibitenge 235, ibido 235, indobo 235 n'amatoroshi 235.

Hakizimana Gilbert umuyobozi mu bijanye n'iterambere ry'ingo n'imibano yarashimiye ishirahamwe ONU Femme. Uyo muyobozi yaboneyeho akaryo ko gusaba abaronkejwe iyo mfashanyo kuyibungabunga birinde kubidandaza.

Abaronkejwe iyo mfashanyo barashima bagasaba ayandi mashirahamwe kuza kubafata mu mugongo. Tubamenyeshe ko Ishirahamwe ONU Femme ryabandanije gutanga imfashanyo nkizo no mubindi bice birimwo abahuye n'iryo duga ry'amazi y'ikiyaga Tanganyika.

20/12/2024

DUHANE IJAMBO

Abakenyezi bakora urudandanzwa njabukambibe barakeneye gushigikirwa n'ikibano, cane cane n'abo bubakanye kugira bashobore gukora neza urwo rudandazwa baheze baterere mw'iterambere ry'imiryango yabo n'iryigihugu.Mbega wewe ubona umekenyezi akora urwo rudandazwa ashigikiwe gute aho ubaye?Wibaza kwari kubera iki akeneye gushigikirwa?

Ido nido ni mu kiganiro Duhane Ijambo c'ino ndwi co kuri uyu wa gatandatu igenekerezo rya 21 Kigarama 2024, mutegurirwa na Studio Ijambo igisata co kumenyeshamakuru ca mu mugambi wayo Je na we mw'iterambere. Kuva igihe c'isaha zine zo mu gitondo (10h00').

kuri 97.1MHz, 90.6MHz, 98.6Hz na www.izerefm.org

Gira j’aime, ugire ico ushikirije hanyuma ugire partager

for Common Ground

18/12/2024

: Nta mumenyeshamakuru arekuriwe gutanga ivyavuye mu matora bitaremezwa n'umugwi ubijejwe CENI

Ambassadrice Espérance Ndayizeye arongoye inama nkuru ijejwe ivyokumenyeshamakuru mu Burundi CNC, yabishikije kuri uwu wa kabiri mu kiganiro yahaye abamenyeshamakuru. Kubwiwe ngo urwego CNC kuva 09 kigarama 2024 ruriko rurihweza ivyapfunditswe i mu nama yabahuje n'abarongoye ibimenyeshamakuru bikorera mu Burundi mukurabirahamwe uko ivyo bimenyeshamakuru vyokora igihe c'amatora yimirije mu mwaka wa 2025 mukwubahiriza amabwirizwa atandukanye harimwo ibwirizwashingiro ry'igihugu; aho muri iyo nama barahanahanye ivyiyumviro ku mategeko ngenderwako ku bamenyeshamakuru igihe c'amatora yo mu 2025 aho abayobozi 59 kuri 60 b'ibimenyeshamakuru barayemeje bakanayaterako igikumu.

Muri ayo mategeko, nk'uko bishikirizwa n'uwo arongoye inama nkuru ijejwe kumenyeshamakuru CNC, abo barongoye ibimenyeshamakuru biyemeje ko abamenyeshamakuru igihe c'amatora imbere; hagati n'inyuma yayo, bazokora bisunga amategeko mugutanga amakuru anonosoye neza kandi batazotanga ivyavuye mumatora batahawe uruhusha n'umurwi ubijejwe.

Espérance Ndayizeye, amenyesha ko inama nkuru ijejwe ivyokumenyeshamakuru atacoitazokora kugira umumenyeshamakuru mu Burundi akore umwuga wiwe yubahiriza amategeko kandi akore yisanzuye.

Ahamagarira abamenyeshamakuru gukora bisunga ayo mategeko yose, bakirinda gutanga ivyavuye mu matora y'aho bazobabaherereye, batahawe uruhusha n'umurwi ubijejwe mu ntumbero yo kutajuragiza abanyagihugu.

, , ,

Izere FM, Ijwi ry'iterambere rusangi

14/01/2025

10/01/2025

09/01/2025

09/01/2025

08/01/2025

04/01/2025

03/01/2025

31/12/2024

31/12/2024

28/12/2024

27/12/2024

24/12/2024

22/12/2024

22/12/2024

21/12/2024

21/12/2024

20/12/2024

18/12/2024

Address

Telephone

Website

Alerts

Contact The Business

Shortcuts

Share

Category