21/11/2025
ENFÒMASYON ENPÒTAN
Depatman Edikasyon Etazini an anonse ke Enfimyè (Nursing) pa konsidere ankò kòm yon “professional degree”
(yon nivo Etid pwofesyonèl Siperyè avanse).
Sa a gen gwo konsekans pou etidyan enfimyè k ap pran prè pou fè etid nan domèn nan.
Limit prè yo ap bese
Si enfimyè pa klase kòm diplòm pwofesyonèl ankò, etidyan yo pa ka prete gwo kantite lajan tankou anvan.
Etidyan gradye yo ap kapab prete $20,500 pa ane sèlman.
Total yo ka prete rive $100,000 sèlman, men sa depan de S*k la tou.
Anvan sa, diplòm pwofesyonèl yo te ka prete pi plis lajan, pafwa plis pase $200,000.
Yo pral retire prè “Grad PLUS” yo apati 1 jiyè 2026
Prè sa yo te pèmèt anpil etidyan kouvri depans yo.
Sa ka fè li pi difisil pou etidyan enfimyè avanse nan metye a
Etidyan k ap fè MSN, DNP, PhD ka jwenn mwens asistans finansye.
Asosyasyon Enfimyè Ameriken (ANA) ak lekòl enfimyaj yo di desizyon sa a pral agrave mank enfimyè nan peyi a.
Yo di tou ke diplòm avanse tankou MSN, DNP, PhD se diplòm pwofesyonèl, paske yo mande fòmasyon avanse, pratik klinik, ak responsablite pwofesyonèl.
Nan langaj senp:
Depatman Edikasyon an ap di:
Enfimyaj pa nan menm kategori ak medsin, dantistri, famasi oswa lwa.
E poutèt sa, yo deside bese lajan prè etidyan enfimyè yo ka resevwa.
