Jacqueline.D profissional multidisciplinar

06/08/2026

Ou menm ki te patisipe nan seleksyon UNILA ki te fè rekou aprè premye lis la te fin soti a, se moman pouw ale sou sit inivèsite a epi klike kote ou wè ki ekri "todas as convocatórias estão disponíveis no Portal de Documentos de UNILA", wè si nomw la. paske nan moun ki te fè rekou yo, gen 13 kandida ki deja echwe depi nan etap enskripsyon an.

06/08/2026

4 GWO POSIBILITE POU ETRANJE ENTEGRE MACHE TRAVAY, FÈ SWIT A YON ETID KE OU TE DEJA KÒMANSE AK ETIDYE ISIT BREZIL
1) REVALIDE DIPLÒM: se yon opòtinite ke tout etranje genyen pou entegre mache travay la nan brezil ak yon diplòm ke moun sa te deja genyen nan peyi kote li soti a. Pou sa fèt, inivèsite ki ofri sèvis sa ap soti yon edital pou dekri tout sa kandita dwe swiv poul kapab pran sèvis sa epi wap genyen egzamen pou fè an plizyè etap, sa depan de kou kandida te gradye a.
2 e 3) SELEKSYON ESPESYAL POU MIGRAN YO: ladanl ou jwenn entegrasyon epi reentegrasyon.
Premye a, inivèsite a toujou genyen 10 plas diponib pou migran kote chak kandida sa yo chwazi yon metye. 10 plas sa yo, se pou 10 premye moun yo. Toujou gen lis moun kap tann nan ka dezistans kèlke nan 10 premye moun yo, men se pa yon bagay ki toujou fasil pou gen dezistans.
Reentegrasyon an, se lè yon etranje kapab pwouve li te kòmanse etidye yon metye nan peyil kote li pat fini ak li men li vle repran ou fè swit a menm etid sa.
4) PSI ke invèsite UNILA ofri chak ane pou kèk peyi nan amerik-latin lan. kote inivèsite sa toujou gen posibilite ofri anviwo 500 plas pou etranje ki vle etidye nan brezil jwenn chans yo, san garanti zafè paspò, viza, pasaj avyon pou kandida seleksyone yo.
Nou kapab toujou rete veyatif, fè rechèch paske opòtinite yo la.

06/08/2026

Jodi a ki se 6 out 2026 la, UNILA ap gen pou pibliye lis definitif tout moun ki enskri nan seleksyon pou vin etidye lakay li. Lis sa ap genyen tout non ki te deja pibliye yo ak lòt non patisipan ki te fè rekou pou konnen poukisa non pa yo pat soti nan premye lis ki te pibliye a. Aprè piblikasyon jodi a, tout moun ki enskri yo pral swiv ki sa ki pral soti nan etap 5 lan pi devan.
Bòn chans mesye dam.

03/08/2026

Nan peyi ayiti, kòman nou jere zafè enklizyon nan lekòl ak enstitisyon nou yo?
Toujou gen pou tout moun san esepsyon? rich, pòv, endikape, moun lavil, moun andeyò, moun ki pa gen kay, etc? Kòman nou jere sa?

Send a message to learn more

03/08/2026

Kòman edikasyon kapab ankouraje devèsite imèn?
Bay repons lan nan kòmantè a.

Send a message to learn more

31/07/2026

Ann pale sou Edikasyon, Enklizyon sosyal ak Divèsite imèn!
Fè lide paw pase nan kòmantè a.

Send a message to learn more

31/07/2026

Biolojikman genyen yon sèl ras imèn. Men mond sa chaje ak divèsyon ki fè youn lòt ou lòt panse ke yo siperyè ou yo enferyè kote yo gade sou keksyon po ak ran sosyal yon sitwayen.
An reyalite, kiyès ki siperyè? kiyès ki enferyè? kiyès ki konsidere kòm standard? kiyès ki pa konsidere kòm standard? kiyès ki blan? kiyès ki nwa? Se yon ansanm keksyon ke nou dwe poze tèt nou.
Biblikman palan, Bondye kreye lòm sanble ak li. Èske Bondye te kreye moun blan, nwa, jòn, wouj etc.?
Men poukisa nan mond lan gen tout divèsyon sa yo? Youn pa vle wè lòt paske li se moun nwa, li se andikape, li se moun ki pa gen kote pou li rete, li se moun ki gen kòb etc.
Si nou ta fè yon ti refleksyon sou ti souf nap respire a, sa ta dwe fè nou konprann vrèman konbyen sa enpòtan bagay ki rele divèsite imèn lan. Li rann yon anbyan pi rich, plis gen valè epi ekilibre. Se youn nan pi gwo rezon ki fè anndan lekòl nou yo nou dwe fè pwomosyon pou sa ki rele enklizyon an. Pa bliye, lekòl se milye fòmèl ki enstwi tout sitwayen anndan yon peyi. Timoun nou yo dwe apresye, familyarize epi konvive ak tout moun. Pa gen moun pase moun, nou tout gen yon sèl jèn. Konsa ann lite pou yon edikasyon ekilibre kote tout moun kapab chita ansanm pou aprann.

30/07/2026

Vizit teknik jwe yon wòl fondamantal nan ansèyman ak aprantisaj anndan lekòl nou yo, sitou nan matyè syantifik tankou matematik, bioloji, fizik ak chimi. Men kèk rezon ki fè yo tèlman enpòtan:
Li:
1) fè koneksyon ant teori ak pratik;
2) ede timoun yo fè esperyans dirèk ak matyè lap etidye a;
3) ankouraje kiryozite ak motivasyon lakay timoun nou yo;
4) enspire yo pou fè chwa yon karyè ke yo tap renmen travay sou li;
5) ensyantize yo travay an ekip ak genyen konpetans sosyal.
Tout bagay sa yo se fwi vizit teknik kapab ofri timoun nou yo. Pa kenbe yo sèlman nan 4 kwen sal klas la, soti ak timoun yo.
Foto anba montre kèlke bagay timoun yo kapab benefisye nan yon vizit teknik matyè matematik.

30/07/2026

UNILA ap vanse nan etap seleksyon pou etranje vin etidye lakay li yo. Nap swiv nan kalandriye a, inivèsite sa deja nan 3° etap kote tout etranje ki te enskri ki reponn ak kritè edital la te mande a kapab wè non yo pibliye kòm moun ki enskri anba kritè yo.
Gen rekou kap fèt pou moman kote lis final tout moun ki te respekte kritè yo pral soti nan 4° etap la.

30/07/2026

Ou nan Paraná, Curitiba? Pwosè pou revalide diplòm ke ou reyalize nan peyi etranje ouvè enskripsyon li soti 23/07/2026 pou rive 21/08/2026 nan inivèsite federal nan Paraná (UFPR)
Ou menm ki se imigran ki soti ayiti ak lòt peyi ki te gentan gen diplòm nan yon inivèsite kèlkonk, siw vle MEC rekonèt diplòm sa, ou dwe patisipe nan pwogram sa jis pou w fè revalidasyon an.