https://www.facebook.com/1669971969954731/

Écho Haiti TV

Informações para nos contatar, mapa e direções, formulário para nos contatar, horário de funcionamento, serviços, classificações, fotos, vídeos e anúncios de Écho Haiti TV, Empresa de comunicação e notícias, São Paulo.

18/10/2025

Jèn jwè seleksyon Nasyonal U17 peyi Dayiti, Théodor Djuny Junior, sove kite delegasyon seleksyon an, ki nan peyi Lespay jodi 18 Oktòb la, pandan ekip la t ap pral asiste yon match ant "Baselòn ak Jirona" nan chanpyona Liga. Enfòmasyon yo ta fè kwè jèn jwè ki soti nan AFA, yon klèb nan komin Aken, sove san paspò li, kote li pral rate chans li pou jwe pou seleksyon an, nan Mondyal U17 ki pral fèt peyi Kata apati mwa novanb k ap vini la.

18/10/2025

Flash! Prezidan VIREAH a Sonet Jean Noël voye gwo mesaj bay bandi viv ansanm yo ki anpeche popilasyon an pase sou wout Nasyonal yo.

18/10/2025

Komisè Muscadin te debake nan Payan, men kòman yo te resevwa l

18/10/2025

Ansyen chèf sekirite Palè nasyonal la, Dimitri Hérard tonbe anba sanksyon peyi Etazini pou soutyen li ap bay ak òganizasyon teyoris "Viv Ansanm" depi lè l li evade nan prizon an na lane 2024, se sa Depatman Trezò ameriken fè konnen nan yo kominike yo pibliye ayè vendredi a. Yo fè konnen depi apre evazyon li nan penitansye nasyonal, ansyen polisye a bay zam epi fòmasyon ak divès chèf gang nan peyi a, nan sans sa Dimitri Hérard patisipe nan alimante atak nèg ak zam yo sou popilasyon, a daprè sa Lèzetani fè konnen. N ap fè konnen tou yo sanksyone chèf gang Bèlè a Kempes Sanon pou ajisman li nan destabilizasyon peyi Dayiti, epi tou sezi byen tou ak enterè yo ta genyen nan peyi Etazini.

18/10/2025

10 minit farinay lapli nan Pòtoprens dlo ak fatra anvayi Moun ba Lali ak Pòs Machan.

18/10/2025

Gwo deklarasyon fèt nan Nip jodi 17 oktòb 2025 lan ! ARICE Dieusseul ki se yon potansyèl kandida pou pòs Senatè nan depatman Nip, fè seri deklarasyon sa yo nan yon rankont li te genyen ak ekip politik li sou depatman .

17/10/2025

Aprè 10 minit farinay lapli nan Pòtoprens dlo ak fatra anvayi Moun ba Lali ak Pòs Machan.

17/10/2025

Flash! Yon gwoup militan manke bat nèg Arab la sou channmas la pandan li vin depoze yon jèb flè sou plas Desalin nan.

17/10/2025

APN Tigwav la gon nouvo Direktè non li se Wilking Dicette, se Direktè kabotaj la Joissant Paul, ki te fè enstalasyon sa jedi 16 Oktòb pase a, Direktè Dicette ranplase Carole Exavier nan pòs sa.

17/10/2025

Direktris dwàn Miragwàn lan Marie Carmel Larochelle pèdi djòb li, se Safary Appolon ki ranplase l nan pòs sa ayè jedi 16 oktòb 2025 lan .

17/10/2025

Jodi jedi a Fòs Sispresyon Gang (GSF), anonse yo deja an aksyon nan peyi Dayiti, apre rezolisyon 2793 (2025) Konsèy Sekirite Nasyonzini an, ki te adopte 30 septanm 2025, pou te chanje Misyon Sipò Multinasyonal Sekirite (MSS), ki vini pou kounya Fòs Sispresyon Gang (GSF), ki pral gen yon manda yon (1) lane. "Tranzisyon sa a reflete eksperyans ki te aprann pandan misyon MSS la epi li bay yon manda elaji ak yon kad operasyonèl ranfòse pou GSF la. Manda elaji ak responsablite prensipal yo." se sa yo anonse sou Kont X Fòs sila. Y ap genyen 5 500 pèsonèl an inifòm ak 50 anplwaye sivil, sa ki pral genyen pou travay sou tèren an, pou pote pi bon rezilta nan tèt kole ak Lapolis Nasyonal ak Lame Dayiti, pou mennen operasyon ak pwoteje enfraskti yo nan peyi a.

17/10/2025

Responsab nan Direksyon Jeneral Dwàn yo nan peyi Dayiti, ranplase Marie Carmel Larochelle nan tèt dwàn Miragwàn lan jodi jedi a, apre anpil pwotestasyon pou te ranplase Direktris la ke yo te akize de koripsyon, se Safary Appolon ki ranplase nan tèt bwat sila. Nan menm seremoni sa, ke Hilaire Valery Direktè siveyans Dwanyè t ap mennen an, rive enstale Gumé Yvenson ak Chevalier Jean Denis kòm Direktè adjwen dwàn Miragwàn lan. Yon viktwa pou anpil moun ki t ap manifeste kont Marie Carmel Larochelle, depi kèk jou ki akòz yo te denonse li paske li ta patisipe nan kèk zak koripsyon pandan ki t ap mennen dwàn Miragwàn lan.

Endereço

São Paulo, SP

Telefone

+50938825932

Site

facebook.com

Notificações

Seja o primeiro recebendo as novidades e nos deixe lhe enviar um e-mail quando Écho Haiti TV posta notícias e promoções. Seu endereço de e-mail não será usado com qualquer outro objetivo, e pode cancelar a inscrição em qualquer momento.