08/06/2026
भूकम्पपछि देशको अवस्थाबारे प्रधानमन्त्रीले आज राष्ट्रिय सभामा जानकारी दिनुभएको छ।
प्रधानमन्त्रीका अनुसार गएरातिको भूकम्पका कारण केही परम्परागत घर तथा भवनमा चिरा पर्नुका साथै संरचनागत क्षति भए पनि हालसम्म ठूलो क्षति वा मानवीय हताहतीको खबर आएको छैन।
भूकम्पको केन्द्रबिन्दु पुनाखा नजिक रहेको अनुमान गरिए पनि पुनाचाङछु जलविद्युत् आयोजनाहरूमा कुनै क्षति नभएको प्रधानमन्त्रीले स्पष्ट पार्नुभयो। साथै, उच्च जोखिममा मानिएका हिमतालहरूको पानीको सतह पनि सामान्य अवस्थामा रहेको जानकारी दिनुभयो।
स्थानीय सरकार तथा विपद् व्यवस्थापन विभागले देशभरबाट विवरण सङ्कलन गर्दै क्षतिको पूर्ण मूल्याङ्कन गरिरहेको छ।
गएराति करिब ११:३६ बजे ५.५ म्याग्निच्युडको भूकम्प गएको थियो। भूगर्भ तथा खानी विभागको प्रारम्भिक प्रतिवेदनअनुसार भूटानका उत्तरी क्षेत्रमा हल्कादेखि मध्यम कम्पन महसुस गरिएको थियो भने दक्षिणी क्षेत्रमा यसको प्रभाव तुलनात्मक रूपमा कम रहेको थियो।
अधिकारीहरूले यसलाई कम गहिराइमा उत्पन्न भएको मध्यम खालको भूकम्प भएको बताएका छन्। सर्वसाधारणलाई सतर्क रहन र सम्बन्धित निकायबाट जारी हुने आधिकारिक सूचनाको मात्र पालना गर्न आग्रह गरिएको छ।
