Punjabvision.com, Alberta (2025)

07/26/2025

ਵਿਲੱਖਣ ਅਦਾਕਾਰ ਕੇ ਕੇ ਮੈਨਨ
47 ਸਾਲਾ ਕ੍ਰਿਸ਼ਨ ਕੁਮਾਰ ਮੈਨਨ ਉਰਫ ਕੇ ਕੇ ਮੈਨਨ , ਸ਼ਾਇਦ ਉਸ ਤੇ ਜਾਨ ਛਿੜਕਣ ਆਲ਼ੇ ਪ੍ਰਸ਼ੰਸਕ ਨਾ ਹੋਣ, ਪਰ ਉਸ ਦੀ ਅਦਾਕਾਰੀ ਦੀ ਕਦਰ ਕਰਨ ਵਾਲੇ ਬਥੇਰੇ ਹਨ । ਉਹ ਬੜਾ ਭਾਵੁਕ ਅਤੇ ਨਰਮ ਦਿਲ ਇਨਸਾਨ ਹੈ , ਅਤੇ ਆਪਣੇ ਖੁਦ ਦੇ ਸੰਸਾਰ ਵਿਚ ਰਹਿਣਾ ਪਸੰਦ ਕਰਦਾ ਹੈ । ਉਸ ਨੂੰ ਪੈਸੇ- ਧੇਲ਼ੇ ਦੀ ਲਾਲਸਾ ਨਹੀਂ, ਪਰ ਪਰਦੇ 'ਤੇ ਵਧੀਆ ਕਿਰਦਾਰ ਨਿਭਾਉਣ ਲਈ ਉਹ ਕੁਝ ਵੀ ਕਰ ਸਕਦਾ ਹੈ । ਉਹ ਜਦ ਸਕਰੀਨ ਤੇ ਨਜ਼ਰ ਆਉਂਦਾ ਹੈ ਤਾਂ ਇੰਜ ਮਹਿਸੂਸ ਹੁੰਦਾ ਕਿ ਉਸਦਾ ਪੂਰਾ ਸ਼ਰੀਰ ਹੀ ਐਕਟਿੰਗ ਕਰ ਰਿਹਾ ਹੈ । ਗੱਲ ਕਰਨ ਦਾ ਲਹਿਜਾ , ਸ਼ਬਦਾਂ ‘ਤੇ ਉਸ ਦੀ ਪਕੜ ਅਤੇ ਠਹਿਰਾਅ ਇਸ ਅਦਾਕਾਰ ਨੂੰ ਐਕਟਿੰਗ ਦੀ ਦੁਨੀਆਂ ਦਾ ਬੇਤਾਜ ਬਾਦਸ਼ਾਹ ਬਣਾਉਂਦੇ ਹਨ । ਹਾਲਾਂਕਿ ਕੇ ਕੇ ਮੈਨਨ ਦਾ ਫਿਲਮੀ ਸਫ਼ਰ ਐਨਾਂ ਸੌਖਾ ਨਹੀਂ ਸੀ । ਫਿਲਮੀ ਦੁਨੀਆਂ ਵਿੱਚ ਕਦਮ ਰੱਖਣ ਦੇ ਬਾਅਦ ਕਈ ਸਾਲਾਂ ਇਸ ਅਦਾਕਾਰ ਨੂੰ ਪਛਾਂਣ ਨੀ ਮਿਲੀ।

ਕੇ ਕੇ ਮੈਨਨ ਨੇ 1990ਵਿਆਂ ਦੇ ਅਖੀਰ ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਟੈਲੀਵਿਜ਼ਨ ਅਤੇ ਥੀਏਟਰ ਤੋਂ ਕੀਤੀ, 1999 ਚ ਪਹਿਲੀ ਫਿਲਮ “ਭੋਪਾਲ ਐਕਸਪ੍ਰੈਸ” ਮਿਲੀ ਜਿਸ ਵਿੱਚ ਮੈਨਨ ਦਾ ਰੋਲ ਪਸੰਦ ਕੀਤਾ ਗਿਆ ਪਰ ਫਿਲਮ ਨੂੰ ਸਫਲਤਾ ਨਾਂ ਮਿਲੀ । ਉਸ ਨੂੰ ਅਸਲ ਪਛਾਣ 2004 ਵਿੱਚ ਫਿਲਮ “ਬਲੈਕ ਫ੍ਰਾਈਡੇ" ਵਿੱਚ ਇੰਸਪੈਕਟਰ ਰਾਕੇਸ਼ ਮਾਰੀਆ ਦੀ ਭੂਮਿਕਾ ਨਾਲ ਮਿਲੀ। ਇਸ ਤੋਂ ਬਾਅਦ, ਉਸ ਨੇ “ ਸਰਕਾਰ" (2005) ਵਿੱਚ ਵਿਸ਼ਨੂੰ ਨਾਗਰੇ, “ਗੁਲਾਲ" (2009) ਵਿੱਚ ਦੁੱਕੇ ਬਾਨਾ, “ਸ਼ੌਰਿਆ" (2008)ਵਿੱਚ ਬ੍ਰਿਗੇਡੀਅਰ ਪ੍ਰਤਾਪ, ਅਤੇ “ ਹੈਦਰ" (2014)ਵਿੱਚ ਖੁਰਮ ਮੀਰ ਵਰਗੇ ਮਜ਼ਬੂਤ ਕਿਰਦਾਰ ਨਿਭਾਏ।

ਮੈਨਨ ਦਾ ਸਫ਼ਰ ਮੁੱਖਧਾਰਾ ਅਤੇ ਸਮਾਨਾਂਤਰ ਸਿਨੇਮਾ ਦੇ ਸੁਮੇਲ ਨੂੰ ਦਰਸਾਉਂਦਾ ਹੈ। ਉਸ ਨੇ “ਬੇਬੀ" (2015) ਅਤੇ “ਦ ਰੇਲਵੇ ਮੈਨ" (2023) ਵਰਗੀਆਂ ਵਪਾਰਕ ਫਿਲਮਾਂ ਵਿੱਚ ਕੰਮ ਕੀਤਾ, ਪਰ ਉਸ ਦੀ ਪਛਾਣ ਜ਼ਿਆਦਾਤਰ ਉਹਨਾਂ ਫਿਲਮਾਂ ਨਾਲ ਹੈ ਜੋ ਕਹਾਣੀ ਅਤੇ ਕਿਰਦਾਰ ਦੀ ਡੂੰਘਾਈ ’ਤੇ ਜ਼ੋਰ ਦਿੰਦੀਆਂ ਹਨ।

ਮੈਨਨ ਦੀ ਸਭ ਤੋਂ ਵੱਡੀ ਖੂਬੀ ਉਸ ਦੀ ਵਿਭਿੰਨ ਕਿਰਦਾਰ ਨਿਭਾਉਣ ਦੀ ਸਮਰੱਥਾ ਹੈ।
“ ਗੁਲਾਲ" ਵਿੱਚ ਉਸਦਾ ਕਿਰਦਾਰ—ਇੱਕ ਜ਼ਖ਼ਮੀ, ਪਰ ਵਿਚਾਰਧਾਰਾ ਅਤੇ ਜੋਸ਼ ਨਾਲ ਭਰੇ ਅਧਿਆਪਕ ਦਾ ਹੈ । ਉਸ ਕਿਰਦਾਰ ਨੂੰ ਵੇਖ ਕੇ ਲੱਗਦਾ ਸੀ ਜਿਵੇਂ ਉਹ ਸਿਰਫ਼ ਇੱਕ ਅਦਾਕਾਰ ਨਹੀਂ, ਸਗੋਂ ਇੱਕ ਜੀਉਂਦੀ-ਜਾਗਦੀ ਇਨਕਲਾਬੀ ਆਤਮਾ ਹੋਵੇ।
“Shaurya" ਦੇ ਕੋਰਟ ਰੂਮ ‘ਚ ਜਦੋਂ ਉਹ ਖੜ੍ਹਾ ਹੁੰਦਾ ਅਤੇ ਪੂਰਾ ਸਿਸਟਮ ਉਸਦੀ ਆਵਾਜ਼ ਨਾਲ ਕੰਬ ਉੱਠਦਾ ਤਾਂ ਲੱਗਦਾ ਹੈ ਜਿਵੇਂ ਇਨਸਾਫ਼ ਨੂੰ ਜ਼ੁਬਾਨ ਮਿਲ ਗਈ ਹੋਵੇ।
“ਹੈਦਰ" ਵਿੱਚ ਉਹ ਆਪਣੀਆਂ ਅੱਖਾਂ ਅਤੇ ਹਾਵ-ਭਾਵ ਨਾਲ ਕਿਰਦਾਰ ਦੀ ਅੰਦਰੂਨੀ ਪੀੜ ਨੂੰ ਪ੍ਰਗਟ ਕਰਦਾ ਹੈ।
ਇੱਕ ਡਾਢੇ ਪੁਲਿਸ ਅਧਿਕਾਰੀ (ਬਲੈਕ ਫ੍ਰਾਈਡੇ) , ਇੱਕ ਗੁੰਝਲਦਾਰ ਖਲਨਾਇਕ (ਸਰਕਾਰ) ਅਤੇ ਇਕ ਸਿੱਖ ਕੈਪਟਨ ਰਣਵਿਜੈ ( ਦ ਗਾਜ਼ੀ ਅਟੈਕ ) ਦੇ ਕਿਰਦਾਰ ਉਸਦੀ ਐਕਟਿੰਗ ਸਮਰੱਥਾ ਨੂੰ ਵੱਖਰੀਆਂ ਉਚਾਈਆਂ ‘ਤੇ ਲੈ ਜਾਂਦੇ ਹਨ।

ਡਿਜੀਟਲ ਯੁੱਗ ਵਿੱਚ ਵੀ ਮੈਨਨ ਨੇ “ਸਪੈਸ਼ਲ ਓਪਸ" ਅਤੇ “ਫਰਜ਼ੀ" ਵਰਗੀਆਂ ਸੀਰੀਜ਼ ਵਿੱਚ ਆਪਣੀ ਪ੍ਰਤਿਭਾ ਨੂੰ ਸਾਬਤ ਕੀਤਾ, ਜੋ ਉਸ ਦੀ ਸਮਕਾਲੀਨ ਸਾਰਥਕਤਾ ਅਤੇ ਅਨੁਕੂਲਤਾ ਨੂੰ ਦਰਸਾਉਂਦਾ ਹੈ।ਸਪੈਸ਼ਲ ਓਪਸ ਵੈੱਬ ਸੀਰੀਜ਼ ਨੇ ਅੱਜ ਕਲ ਓ ਟੀ ਟੀ ਤੇ ਧਾਂਕ ਜਮਾਈ ਹੋਈ ਹੈ । ਉਸ ਵਿਚਲਾ ਹਿੰਮਤ ਸਿੰਘ (ਕੇ ਕੇ ਮੈਨਨ) ਅੱਜ ਕਲ ਖੂਬ ਚਰਚਾ ‘ਚ ਹੈ।

ਪਰ ਇਸ ਗੱਲ ਤੋਂ ਵੀ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਕਿ ਮੈਨਨ ਦੀ ਜ਼ਿਆਦਾਤਰ ਪਛਾਣ ਗੈਰ-ਵਪਾਰਕ ਜਾਂ ਮੁੱਖਧਾਰਾ ਤੋਂ ਹਟਕੇ ਫਿਲਮਾਂ ਨਾਲ ਰਹੀ ਹੈ । ਉਸ ਨੇ ਵਪਾਰਕ ਸਿਨਮੇਂ ਵਿੱਚ ਘੱਟ ਕੰਮ ਕੀਤਾ, ਜਿਸ ਕਾਰਨ ਉਸ ਦੀ ਪਹੁੰਚ ਵਿਸ਼ਾਲ ਦਰਸ਼ਕ ਵਰਗ ਤੱਕ ਸੀਮਤ ਰਹੀ। ਉਦਾਹਰਣ ਵਜੋਂ, ਉਸ ਦੀਆਂ ਜ਼ਿਆਦਾਤਰ ਫਿਲਮਾਂ ਨੇ ਬਾਕਸ ਆਫਿਸ ’ਤੇ ਵੱਡੀ ਸਫਲਤਾ ਹਾਸਲ ਨਹੀਂ ਕੀਤੀ, ਜੋ ਮੁੱਖਧਾਰਾ ਸਟਾਰਡਮ ਲਈ ਜ਼ਰੂਰੀ ਹੁੰਦੀ ਹੈ। ਉਸ ਦੀਆਂ ਜ਼ਿਆਦਾਤਰ ਭੂਮਿਕਾਵਾਂ ਸਹਾਇਕ ਜਾਂ ਖਲਨਾਇਕ ਵਾਲੀਆਂ ਰਹੀਆਂ, ਜਿਸ ਕਾਰਨ ਉਹ ਮੁੱਖਧਾਰਾ ਦੇ ਹੀਰੋ ਵਜੋਂ ਸਥਾਪਤ ਨਹੀਂ ਹੋ ਸਕਿਆ।

ਮੈਨਨ ਦੀ ਫਿਲਮਾਂ ਦੀ ਚੋਣ ਕਈ ਵਾਰ ਬਹੁਤ ਚੋਣਵੀਂ ਰਹੀ ਹੈ, ਜੋ ਇੱਕ ਤਰਫ ਤਾਂ ਉਸ ਦੀ ਕਲਾਤਮਕ ਸੁਹਜ ਨੂੰ ਦਰਸਾਉਂਦੀ ਹੈ, ਪਰ ਇਸ ਨਾਲ ਉਸ ਦੀ ਵਪਾਰਕ ਪਹੁੰਚ ਸੀਮਤ ਹੋਈ। ਕੁਝ ਫਿਲਮਾਂ ਜਿਵੇਂ “ਦੀਵਾਰ: ਲੈਟਸ ਬ੍ਰਿੰਗ ਅਵਰ ਹੀਰੋਜ਼ ਹੋਮ" (2004)ਨੇ ਉਸ ਦੀ ਪ੍ਰਤਿਭਾ ਨੂੰ ਪੂਰੀ ਤਰ੍ਹਾਂ ਪ੍ਰਦਰਸ਼ਿਤ ਨਹੀਂ ਕੀਤਾ, ਜਿਸ ਕਾਰਨ ਉਸ ਦੀ ਸਮਰੱਥਾ ਦਾ ਪੂਰਾ ਇਸਤੇਮਾਲ ਨਹੀਂ ਹੋ ਸਕਿਆ।

ਹਾਲਾਂਕਿ ਮੈਨਨ ਦੀ ਅਦਾਕਾਰੀ ਨੂੰ ਆਲੋਚਕਾਂ ਨੇ ਸਰਾਹਿਆ, ਪਰ ਉਸ ਨੂੰ ਮੁੱਖਧਾਰਾ ਅਵਾਰਡਾਂ ਜਿਵੇਂ ਕਿ ਫਿਲਮਫੇਅਰ ਜਾਂ ਨੈਸ਼ਨਲ ਅਵਾਰਡ ਵਿੱਚ ਨਾਮਜ਼ਦਗੀਆਂ ਜਾਂ ਜਿੱਤਾਂ ਦੀ ਘਾਟ ਰਹੀ। ਇਹ ਉਸ ਦੀ ਪ੍ਰਤਿਭਾ ਦੇ ਮੁਕਾਬਲੇ ਇੱਕ ਕਮੀ ਮੰਨੀ ਜਾ ਸਕਦੀ ਹੈ।

ਜੇਕਰ ਮੈਨਨ ਨੂੰ ਵਧੇਰੇ ਮੁੱਖਧਾਰਾ ਪ੍ਰੋਜੈਕਟਾਂ ਵਿੱਚ ਮੌਕਾ ਮਿਲੇ ਅਤੇ ਉਹ ਆਪਣੀ ਚੋਣਵੀਂ ਪਹੁੰਚ ਨੂੰ ਕੁਝ ਹੱਦ ਤੱਕ ਵਿਸਤਾਰ ਦੇਵੇ, ਤਾਂ ਉਸ ਦੀ ਪ੍ਰਤਿਭਾ ਹੋਰ ਵੀ ਚਮਕ ਸਕਦੀ ਹੈ। ਫਿਰ ਵੀ, ਉਸ ਦੀ ਵਿਰਾਸਤ ਇੱਕ ਅਜਿਹੇ ਅਦਾਕਾਰ ਦੀ ਹੈ ਜੋ ਕਲਾ ਨੂੰ ਵਪਾਰ ਤੋਂ ਉੱਪਰ ਰੱਖਦਾ ਹੈ, ਅਤੇ ਇਹ ਉਸ ਦੀ ਸਭ ਤੋਂ ਵੱਡੀ ਤਾਕਤ ਹੈ।

07/26/2025

'ਸਿਆਰਾ' ਬਾਰੇ ਚਰਚਾ ਜਾਰੀ ਹੈ। ਜਾਣਨ ਦੀ ਕੋਸ਼ਿਸ਼ ਹੋ ਰਹੀ ਹੈ ਕਿ ਬੇਹੱਦ ਸਧਾਰਨ ਕਹਾਣੀ ਹੋਣ ਦੇ ਬਾਵਜੂਦ ਵੀ ਇਹ ਫਿਲਮ ਰਿਕਾਰਡ ਤੋੜ ਬਿਜ਼ਨੈਸ ਕਿਵੇਂ ਕਰ ਗਈ। ਜਿੱਥੋਂ ਤੱਕ ਮੇਰੀ ਸਮਝ ਹੈ, ਕਹਾਣੀ ਭਾਵੇਂ ਸਧਾਰਨ ਸਗੋਂ ਕਈ ਤਰ੍ਹਾਂ ਨਾਲ ਤਰਕਹੀਣ ਵੀ ਸੀ। ਖਾਸ ਕਰ ਕੇ ਜਿਵੇਂ ਅਲਜਾਈਮਰ ਦੀ ਬਿਮਾਰੀ ਨੂੰ ਇੱਕ ਗਿਮਿਕ ਵਾਂਗੂ ਵਰਤਿਆ ਗਿਆ।

ਪਰ ਜਿਵੇਂ ਇਸ ਫਿਲਮ ਵਿੱਚ ਨੌਜਵਾਨਾਂ ਅਤੇ ਅੱਲ੍ਹੜ ਉਮਰ ਦੇ ਦਰਸ਼ਕਾਂ ਦੀਆਂ ਭਾਵਨਾਵਾਂ ਨੂੰ ਟਾਰਗੇਟ ਕੀਤਾ ਗਿਆ, ਸ਼ਾਇਦ ਉਹ ਫਿਲਮ ਦੀ ਯੂ. ਐਸ. ਪੀ. ਬਣਿਆ। ਦੇਰ ਬਾਅਦ ਇੱਕ ਨਵੇਂ ਚਿਹਰਿਆਂ ਵਾਲੀ ਰੋਮਾਂਟਿਕ ਫਿਲਮ ਆਈ। ਉਸ ਵਿੱਚ ਅੰਗ-ਪ੍ਰਦਰਸ਼ਨ ਅਤੇ ਕਾਮ-ਸਬੰਧਾਂ ਦੇ ਖੁੱਲ੍ਹੇ ਦ੍ਰਿਸ਼ ਹਨ। ਬਿਨਾ ਵਿਆਹ ਦੇ ਨਾਇਕਾ ਦੇ ਘਰਵਾਲੇ ਨਾਇਕਾ ਨੂੰ ਨਾ ਸਿਰਫ਼ ਨਾਇਕ ਨਾਲ ਹਿੱਲ-ਸਟੇਸ਼ਨ 'ਤੇ ਘੁੰਮਣ ਭੇਜ ਦਿੰਦੇ ਹਨ ਸਗੋਂ ਜਾਣ ਲੱਗੇ ਮੁੰਡੇ ਨੂੰ ਮਾਂ ਦਹੀ ਵੀ ਖੁਆ ਕੇ ਭੇਜਦੀ ਹੈ। ਇਹ ਸ਼ਰੇਆਮ ਭਾਰਤੀ ਪਰਿਵਾਰਾਂ ਦੀ ਪਰੰਪਰਾ ਦੇ ਉਲਟ ਜਾਣ ਵਾਲੀ ਗਿਮਕਰੀ ਹੈ। ਭਾਵ, ਫਿਲਮ ਵਿੱਚ ਉਹੀ ਸਭ ਖੁੱਲ੍ਹਾਂ ਵਿਖਾਈਆਂ ਗਈਆਂ ਹਨ ਜੋ ਅਜੋਕਾ ਕਿਸ਼ੋਰ ਮਨ ਆਪਣੇ ਖਿਆਲਾਂ ਵਿੱਚ ਮਾਣਦਾ ਅਤੇ ਹਕੀਕੀ ਜੀਵਨ ਵਿੱਚ ਮਾਨਣਾ ਚਾਹੁੰਦਾ ਹੈ।

ਇਸ ਤੋਂ ਇਲਾਵਾ ਵੀ ਫਿਲਮ ਨੇ ਔਰਤਾਂ ਨਾਲ ਜੁੜੀ ਇੱਕ ਮਨੋਵਿਗਿਆਨਕ ਗੁੰਝਲ ਨੂੰ ਬਾਖੂਬੀ ਇਸਤੇਮਾਲ ਕੀਤਾ। ਮੁਹੱਬਤ ਦੇ ਰਿਸ਼ਤੇ ਵਿੱਚ ਇਹ ਆਮ ਔਰਤ ਦੀ ਕਲਪਨਾ ਹੁੰਦੀ ਹੈ ਕਿ ਜੇ ਉਸਨੂੰ ਕੁਝ ਹੋ ਜਾਵੇ, ਉਸਦੇ ਮਰਦ ਦਾ ਕੀ ਪ੍ਰਤੀਕਰਮ ਹੋਵੇਗਾ। ਉਹ ਖਿਆਲਾਂ ਵਿੱਚ ਸਿਰਫ਼ ਇਸ ਕਰ ਕੇ ਬਹੁਤ ਵਾਰ ਖੁਦ ਨੂੰ ਮਰ ਗਿਆ ਤਸੱਵੁਰ ਕਰਦੀ ਹੈ ਤੇ ਆਪਣੇ ਸਾਥੀ ਦਾ ਸੰਭਾਵੀ ਵਿਹਾਰ ਕਲਪਿਤ ਕਰਦੀ ਹੈ। ਮਾਨਸਿਕ ਰੋਗ ਦੀ ਸ਼ਿਕਾਰ ਨਾਇਕਾ ਲਈ ਜਿਵੇਂ ਨਾਇਕ ਆਪਣਾ ਸੰਗੀਤਕ ਕੈਰੀਅਰ ਦਾਅ 'ਤੇ ਲਾ ਦਿੰਦਾ ਹੈ, ਸਮਝ ਸਕਦੇ ਹਾਂ ਉਸਨੇ ਅੱਲ੍ਹੜ ਉਮਰ ਦੀਆਂ ਕੁੜੀਆਂ ਨੂੰ ਕਿੰਨਾ ਵੱਡਾ ਦੁਖਾਂਤਕ-ਸੁੱਖ (ਥੀਏਟਰ ਦੀ ਭਾਸ਼ਾ ਵਿੱਚ ਟ੍ਰੇਜਿਕ ਰਿਲੀਫ਼) ਦਿੱਤਾ ਹੋਵੇਗਾ। ਸ਼ਾਇਦ ਇਹੀ ਕਾਰਣ ਰਹੇ, ਫਿਲਮ ਹਰ ਥਾਂ 'ਤੇ ਵੱਡੇ ਪੱਧਰ 'ਤੇ ਨੌਜਵਾਨ ਦਰਸ਼ਕਾਂ ਨੂੰ ਆਪਣੇ ਨਾਲ ਜੋੜ ਸਕੀ। ਜਿਸ ਦਿਨ ਮੈਂ ਇੱਥੇ ਚੰਡੀਗੜ੍ਹ ਫਿਲਮ ਵੇਖਣ ਗਿਆ, 70-80 ਦਰਸ਼ਕਾਂ ਵਿੱਚੋਂ ਸ਼ਾਇਦ ਅਸੀਂ ਚਾਰ ਕੁ ਹੀ ਵੱਡੀ ਉਮਰ ਦੇ ਲੋਕ ਸਾਂ।

ਸੋ, ਕੁਲ ਮਿਲਾ ਕੇ ਇਸ ਫਿਲਮ ਨੇ ਕੁਝ ਵੱਖਰਾ ਕਰਨ ਦੀ ਕੋਸ਼ਿਸ਼ ਕੀਤੀ ਜਿਸ ਕਰ ਕੇ ਬਿਨਾ ਵੱਡੀ ਸਟਾਰ-ਕਾਸਟ ਤੋਂ ਵੀ ਫ਼ਿਲਮ ਬਾਕਸ-ਆਫ਼ਿਸ 'ਤੇ ਕਮਾਲ ਕਰ ਗਈ। ਮੈਨੂੰ ਨਹੀਂ ਲੱਗਦਾ ਕਿ ਪੰਜਾਬੀ ਇੰਡਸਟਰੀ ਵਿੱਚ ਇਹੋ ਜਿਹੀ ਕੋਈ ਫਿਲਮ ਕੰਮ ਕਰੇਗੀ ਪਰ ਪੰਜਾਬ ਸਿਨੇਮੇ ਵਿੱਚੋਂ ਜਿਸ ਤਰ੍ਹਾਂ ਰੋਮਾਂਟਿਕ ਤੱਤ ਮਰ ਗਿਆ ਜਾਂ ਜੋਕਰ-ਨੁਮਾ ਹੋ ਗਿਆ ਹੈ, ਉਹ ਜਰੂਰ ਪਰੇਸ਼ਾਨ ਕਰਦਾ ਹੈ।

(ਪਾਲੀ ਭੁਪਿੰਦਰ ਸਿੰਘ ਦੀ ਕਲਮ ਤੋਂ)

07/25/2025

ਮੈਂ ਜਸਵਿੰਦਰ ਬਰਾੜ ਨੂੰ ਉਦੋਂ ਤੋਂ ਜਾਣਦਾ ਜਦੋਂ ਇਹ ਬਠਿੰਡੇ ਚੰਦਸਰ ਬਸਤੀ ਚ ਮੇਨ ਰੋੜ ਤੇ ਬਣੇ ਇੱਕ ਕੱਚੇ ਜਿਹੇ ਕਮਰੇ ਵਿੱਚ ਗਾਇਕੀ ਸਿੱਖਣ ਆਉਂਦੀ ਹੁੰਦੀ ਸੀ । ਜਸਵਿੰਦਰ ਦੇ ਉਸਤਾਦ ਦਾ ਨਾਮ ਸ਼ਾਇਦ ਗੁਰਤੇਜ ਕਾਬਲ ਸੀ ।

ਸ਼ਾਇਦ ਅੰਮ੍ਰਿਤਾ ਵਿਰਕ ਵੀ ਆਉਂਦੀ ਹੁੰਦੀ ਸੀ ਉੱਥੇ ਗਾਇਕੀ ਸਿੱਖਣ । ਇਹ ਦੋਨੋ ਕੁੜੀਆਂ ਬਹੁਤ ਗਰੀਬ ਪਰਿਵਾਰ ਤੋਂ ਸੀ । ਗਾਇਕੀ ਇਹਨਾਂ ਨੇ ਕੋਈ ਬਹੁਤੀ ਦੇਰ ਨਹੀਂ ਸਿੱਖੀ ਤੇ ਜਲਦੀ ਹੀ ਕੈਸਟ ਕੱਢ ਦਿੱਤੀ ਸੀ । ਇਹ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ rebirth ਦਾ ਸਮਾਂ ਸੀ । ਦਲੇਰ ਮਹਿੰਦੀ ਦੇ ਆਉਣ ਨਾਲ ਪੰਜਾਬੀ ਮਿਊਜਿਕ ਇੰਡਸਟਰੀ ਚ ਇੱਕ ਵਾਰ ਫੇਰ ਜਾਨ ਪਈ ਸੀ ਪਰ ਇਹ ਪੰਜਾਬੀ pop ਦਾ ਸਮਾਂ ਸੀ ।

ਫੇਰ ਆਪਣੇ ਇੱਕ ਮਿੱਤਰ ਦੇ ਫਾਦਰ ਸਾਹਿਬ ਨੇ ਗੋਇਲ ਮਿਊਜ਼ਿਕ ਨਾਮ ਦੀ ਕੰਪਨੀ ਬਣਾਈ ਤੇ ਲੋਕਲ ਗਾਇਕਾਂ ਨੂੰ ਮੌਕਾ ਦਿੱਤਾ । ਇਸ experiment ਨੂੰ ਐਨਾ ਕ responses ਮਿਲ਼ਿਆ ਕਿ ਗੋਇਲ ਮਿਊਜਿਕ ਕੰਪਨੀ ਨੂੰ ਦਿੱਲੀ ਦਿਆਂ ਡਿਸਟ੍ਰਿਬਿਉਤਰਾਂ ਨੂੰ ਕੈਸਟਾਂ ਦੀ ਸਪਲਾਈ ਪੂਰੀ ਕਰਨੀ ਔਖੀ ਹੋ ਗਈ ਸੀ । ਇਸੇ ਚੱਕਰ ਚ ਜਿਹੜਾ ਕਹਿੰਦਾ ਮੈਂ ਗਾਇਕ ਹਾਂ, ਉਹਦੀ ਕੈਸੇਟ ਕਢਾ ਦਿੰਦੇ।

ਇਸ ਵਰਤਾਰੇ ਤੋਂ ਬਠਿੰਡਾ ਗਾਇਕਾਂ ਦਾ ਗੜ੍ਹ ਬਣਨਾ ਸ਼ੁਰੂ ਹੋਇਆ ਸੀ , ਇਥੋਂ ਹੀ ਧਰਮਪ੍ਰੀਤ , ਹਰਦੇਵ ਮਾਹੀਨੰਗਲ , ਬਲਕਾਰ ਸਿੱਧੂ , ਜਸਵਿੰਦਰ ਬਰਾੜ ਅੰਮ੍ਰਿਤਾ ਵਿਰਕ , ਲਾਭ ਹੀਰੇ ਵਰਗਿਆਂ ਦੇ ਕਰੀਅਰ ਦੀ ਸ਼ੁਰੂਆਤ ਹੋਈ ।

ਚਲੋ ਹੁਣ ਵਾਪਿਸ ਮੁੜਦੇ ਹਾਂ , ਜਸਵਿੰਦਰ ਬਰਾੜ ਤੇ । ਸ਼ੁਰੂ ਵਿੱਚ ਜਸਵਿੰਦਰ ਬਰਾੜ ਦੀ ਗਾਇਕੀ ਬਹੁਤ ਬੇਕਾਰ ਸੀ । ਇਹ ਤੇ ਅੰਮ੍ਰਿਤਾ ਵਿਰਕ ਬਹੁਤ ਬੇਸੁਰਾ ਗਾਉਂਦੀਆਂ ਸੀ । ਉਦੋਂ ਸਸਤੇ ਅਖਾੜਿਆਂ ਦਾ ਦੌਰ ਸੀ । ਇਹਨਾਂ ਨੂੰ ਅਖਾੜੇ ਮਿਲਣ ਲੱਗ ਗਏ । ਜਸਵਿੰਦਰ ਬਰਾੜ ਬੇਸ਼ੱਕ ਇੱਕ ਬੇਸੁਰੀ ਗਾਇਕਾ ਸੀ । ਪਰ ਉਹਦੇ ਸੁਪਨੇ ਉਹਦੇ ਟੀਚੇ ਬਹੁਤ ਵੱਡੇ ਸੀ । ਗੱਲ ਫੇਰ ਉਹੀ ਆ ਜਾਂਦੀ ਐ law of attraction ਵਾਲੀ। ਜਸਵਿੰਦਰ ਬਰਾੜ ਦੀ ਉਹਦੀ ਮਾੜੀ ਗਾਇਕੀ ਕਰਕੇ ਬਹੁਤ ਆਲੋਚਨਾ ਹੋਈ ਸ਼ੁਰੂ ਵਿੱਚ। ਪਰ ਜਸਵਿੰਦਰ ਬਰਾੜ ਡੋਲੀ ਨਹੀਂ , ਬਾਕੀ ਘਰਦੇ ਹਲਾਤ ਕੁਝ ਇਹੋ ਜਿਹੇ ਸੀ ਪਿੱਛੇ ਮੁੜਨ ਦੇ ਰਾਹ ਵੀ ਹੈਣੀ ਸੀ । ਜਦੋਂ ਕਰੋ ਜਾਂ ਮਰੋ ਦੀ ਸਥਿਤੀ ਹੁੰਦੀ ਹੈ ਉਦੋਂ ਲੋਕ ਅਕਸਰ ਕੁਝ ਕਰ ਜਾਂਦੇ ਹੁੰਦੇ ਨੇ ।

ਜਸਵਿੰਦਰ ਬਰਾੜ ਅਖਾੜੇ ਲਾਉਂਦੀ ਰਹੀ , ਅਖਾੜੇ ਲਾਉਂਦੀ ਲਾਉਂਦੇ ਉਹਦਾ ਗਲਾ ਪੱਕ ਗਿਆ ਤੇ ਉਹ ਮਿਰਜ਼ਾ ਬਹੁਤ ਵਧੀਆ ਗਾਉਣ ਲੱਗ ਗਈ । ਮਿਰਜ਼ਾ ਗਾਉਂਦੇ ਗਾਉਂਦੇ ਉਹਦੀ ਹੇਕ ਲਮੀ ਹੁੰਦੀ ਗਈ ਤੇ ਜਸਵਿੰਦਰ ਬਰਾੜ ਨੇ ਆਪਣੇ ਨਾਮ ਹੇਠ ਸਭਤੋਂ ਲਮੀ ਹੇਕ ਦਾ ਰਿਕਾਰਡ ਦਰਜ ਕਰਾਇਆ। ਬਿੰਦਰਖੀਏ ਦਾ ਵੀ ਰਿਕਾਰਡ ਰਿਹਾ ਸਭਤੋਂ ਲਮੀ ਹੇਕ ਦਾ ਸ਼ਾਇਦ ਉਹ ਜਸਵਿੰਦਰ ਬਰਾੜ ਤੋਂ ਪਹਿਲਾਂ ਸੀ ।

ਜਸਵਿੰਦਰ ਬਰਾੜ ਚ ਇੱਕ ਕਲਾ ਸੀ ਉਹਨੂੰ ਅਖਾੜੇ ਚ ਰੰਗ ਅਤੇ ਸਰੋਤੇ ਦੋਨੋ ਬੰਨ੍ਹਣੇ ਆਉਂਦੇ ਸੀ । ਉਹਦੀ ਇਸ ਕਲਾ ਨੂੰ , ਲੰਮੀ ਹੇਕ ਨੂੰ ਤੇ ਮਿਰਜੇ ਨੂੰ ਇਹੋ ਜਿਹਾ response ਮਿਲਿਆ ਕਿ ਜਸਵਿੰਦਰ ਬਰਾੜ ਕੋਲ ਅਖਾੜਿਆਂ ਦੀ ਬੁਕਿੰਗ ਦੀ ਲਾਈਨ ਲੱਗ ਗਈ । ਜਸਵਿੰਦਰ ਬਰਾੜ ਦਾ ਨਾਮ ਅਖਾੜੇ ਲਾਉਣ ਵਾਲੇ ਮੁੱਖ ਗਾਇਕਾਂ ਚ ਆਉਣ ਲੱਗ ਗਿਆ । ਤੇ ਇੱਕ ਸਮਾਂ ਇਹੋ ਜਿਹਾ ਵੀ ਆਇਆ ਜਦੋਂ ਜਸਵਿੰਦਰ ਬਰਾੜ ਦੇ ਅਖਾੜਿਆਂ ਤੇ ਨੋਟਾਂ ਦਾ ਮੀਂਹ ਵਰਦਾ ਹੁੰਦਾ ਸੀ ।

ਪਰ ਹੁਣ ਇੱਕ ਮੱਕੜ ਨਾਲ ਇੰਟਰਵਿਊ ਆਈ ਜਿਸ ਵਿੱਚ ਜਸਵਿੰਦਰ ਸਰੋਤਿਆਂ ਦੇ ਨੈਗੇਟਿਵ ਕਮੈਂਟਾਂ ਤੋਂ ਪ੍ਰੇਸ਼ਾਨ ਹੋ ਕੇ ਮਾਨਸਿਕ ਸੰਤੁਲਨ ਗਵਾਉਂਦੀ ਨਜ਼ਰ ਆਈ । ਉਹ ਡਿਪਰੈੱਸ਼ਨ ਦਾ ਸ਼ਿਕਾਰ ਹੋਈ ਨਜ਼ਰ ਆਈ ।

ਤੁਸੀ ਦੇਖੋ ਜਿਹੜੀ ਔਰਤ ਮਾੜੇ ਹਲਾਤਾਂ ਨਾਲ ਐਨੀ ਦਲੇਰੀ ਨਾਲ ਲੜੀ ਉਹ ਚੰਗੇ ਹਲਾਤਾਂ ਚ ਆ ਕੇ ਡੋਲ ਗਈ ।

ਹਲੇ ਸਾਡਾ ਨਵਾਂ ਨਵਾਂ ਵਾਹ ਪਿਆ ਇਹਨਾਂ ਸਮੱਸਿਆਵਾਂ ਨਾਲ ,ਅੱਜ ਤੱਕ ਅਸੀਂ ਭੁੱਖ ਦੇ ਦੁੱਖ ਸੁਣੇ ਸੀ , ਹੁਣ ਰੱਜਿਆਂ ਦੇ ਦੁੱਖ ਦੇਖਣ ਦਾ ਦੌਰ ਹੈ । ਅਸੀ ਅੱਜਤਕ ਤੱਕ ਤਕਲੀਫਾਂ ਦੇ ਦੁੱਖ ਦੇਖੇ ਸੀ ਹੁਣ ਸਹੂਲਤਾਂ ਦੇ ਦੁੱਖ ਦੇਖਣ ਦਾ ਦੌਰ ਚੱਲ ਰਿਹਾ ।

ਪਰ ਇਹ ਦੌਰ ਵੀ ਲੰਘ ਜਾਣੇ ਐ, ਜਿਵੇਂ ਸਾਨੂੰ ਭੁੱਖ ਦਾ ਹੱਲ ਪਤਾ ਲੱਗ ਗਿਆ ਐਂਵੇ ਸਾਨੂੰ ਇੱਕ ਦਿਨ ਅਫਰੇਵੇਂ ਦਾ ਹੱਲ ਵੀ ਪਤਾ ਲੱਗ ਜਾਣਾ ।

ਪਰ ਫਿਲਹਾਲ ਅਫ਼ਰੇਵੇਂ ਦਾ ਦੌਰ ਹੈ , ਸਹੂਲਤਾਂ ਚ ਦੁਖੀ ਰਹਿਣ ਦਾ ਦੌਰ ਚੱਲ ਰਿਹਾ । ਹੁਣ ਰੱਜਣ ਤੋਂ ਪੈਦਾ ਹੋਈਆਂ ਸਮੱਸਿਆਵਾਂ ਦਾ ਦੌਰ ਹੈ ।

ਹੱਲ ਉਹੀ ਹੈ ਪਹਿਲੇ ਵਾਲਾ evolution, mental development,,,,

Gaurav Khanna

07/25/2025

ਪੰਜਾਬੀ ਗਾਇਕ ਬੀਰ ਸਿੰਘ ਨੇ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ ਸ਼ਹੀਦੀ ਸਮਾਗਮ ’ਤੇ ਗਲਤੀ ਦੀ ਮੰਗੀ ਮੁਆਫੀ
ਸ੍ਰੀਨਗਰ ਵਿਖੇ ਹੋਏ ਇੱਕ ਸਰਕਾਰੀ ਸਮਾਗਮ ਦੌਰਾਨ ਪੰਜਾਬੀ ਗਾਇਕ ਬੀਰ ਸਿੰਘ ਦੀ ਪੇਸ਼ਕਾਰੀ ਨੇ ਵਿਵਾਦ ਖੜ੍ਹਾ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਉਸ ਨੇ ਸਿੱਖ ਸੰਗਤ ਅਤੇ ਸ੍ਰੀ ਅਕਾਲ ਤਖਤ ਸਾਹਿਬ ਤੋਂ ਜਨਤਕ ਤੌਰ ’ਤੇ ਮੁਆਫੀ ਮੰਗੀ ਹੈ। ਇਹ ਸਮਾਗਮ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਦਿਵਸ ਨੂੰ ਸਮਰਪਿਤ ਸੀ, ਜੋ ਪੰਜਾਬ ਸਰਕਾਰ ਦੇ ਭਾਸ਼ਾ ਵਿਭਾਗ ਵੱਲੋਂ ਆਯੋਜਿਤ ਕੀਤਾ ਗਿਆ ਸੀ। ਕੀ ਸੀ
ਸਮਾਗਮ ਦੌਰਾਨ ਬੀਰ ਸਿੰਘ ਦੀ ਪੇਸ਼ਕਾਰੀ ਦੌਰਾਨ ਕੁਝ ਲੋਕਾਂ ਨੇ ਪੰਜਾਬੀ ਗੀਤਾਂ ’ਤੇ ਡਾਂਸ ਕੀਤਾ, ਜਿਸ ਨੂੰ ਸਿੱਖ ਸੰਗਤ ਨੇ ਗੁਰੂ ਸਾਹਿਬ ਦੀ ਸ਼ਹੀਦੀ ਨੂੰ ਸਮਰਪਿਤ ਇਸ ਪਵਿੱਤਰ ਸਮਾਗਮ ਦੀ ਮਰਿਆਦਾ ਦੇ ਉਲਟ ਮੰਨਿਆ। ਸਮਾਗਮ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਣ ਤੋਂ ਬਾਅਦ ਸਿੱਖ ਭਾਈਚਾਰੇ ਵਿੱਚ ਰੋਸ ਪੈਦਾ ਹੋਇਆ ਅਤੇ ਬੀਰ ਸਿੰਘ ਦੀ ਪੇਸ਼ਕਾਰੀ ਨੂੰ ਅਣਉਚਿਤ ਅਤੇ ਅਣਜਾਣਪੁਣੇ ਵਾਲਾ ਦੱਸਿਆ ਗਿਆ। ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ (ਐਸਜੀਪੀਸੀ) ਨੇ ਵੀ ਇਸ ਘਟਨਾ ਦੀ ਨਿਖੇਧੀ ਕੀਤੀ ਅਤੇ ਪੰਜਾਬ ਸਰਕਾਰ ਤੋਂ ਮੁਆਫੀ ਦੀ ਮੰਗ ਕੀਤੀ।
ਵਿਵਾਦ ਵਧਣ ਤੋਂ ਬਾਅਦ ਬੀਰ ਸਿੰਘ ਨੇ ਤੁਰੰਤ ਪ੍ਰਤੀਕਰਮ ਦਿੰਦੇ ਹੋਏ ਇੰਸਟਾਗ੍ਰਾਮ ’ਤੇ ਇੱਕ ਵੀਡੀਓ ਜਾਰੀ ਕੀਤਾ ਅਤੇ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਇੱਕ ਰਸਮੀ ਪੱਤਰ ਵੀ ਲਿਖਿਆ। ਉਸ ਨੇ ਕਿਹਾ, “ਮੈਂ ਸਟੇਜ ’ਤੇ ਜਾਣ ਤੋਂ ਪਹਿਲਾਂ ਪਿੱਛੇ ਲੱਗੇ ਬੈਨਰ ਨੂੰ ਨਹੀਂ ਦੇਖਿਆ। ਪ੍ਰੋਗਰਾਮ ਸ਼ੁਰੂ ਕਰਨ ਤੋਂ ਬਾਅਦ ਹੀ ਸਾਨੂੰ ਅਹਿਸਾਸ ਹੋਇਆ ਕਿ ਅਸੀਂ ਵੱਡੀ ਗਲਤੀ ਕਰ ਰਹੇ ਹਾਂ, ਕਿਉਂਕਿ ਇਹ ਸਮਾਗਮ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੀ ਸ਼ਹੀਦੀ ਨੂੰ ਸਮਰਪਿਤ ਸੀ। ਅਸੀਂ ਤੁਰੰਤ ਪ੍ਰੋਗਰਾਮ ਰੋਕ ਕੇ ਸੰਗਤ ਤੋਂ ਮੁਆਫੀ ਮੰਗੀ ਅਤੇ ਸਲੋਕ ਮਹਿਲਾ ਨੌਵਾਂ ਪੜ੍ਹਿਆ।” ਬੀਰ ਸਿੰਘ ਨੇ ਆਪਣੀ ਗਲਤੀ ਨੂੰ ਸਵੀਕਾਰ ਕਰਦੇ ਹੋਏ ਕਿਹਾ ਕਿ ਉਸ ਨੇ ਆਪਣੀ ਮੈਨੇਜਮੈਂਟ ਟੀਮ ਨੂੰ ਬਰਖਾਸਤ ਕਰ ਦਿੱਤਾ ਹੈ ਅਤੇ ਭਵਿੱਖ ਵਿੱਚ ਅਜਿਹੇ ਸਮਾਗਮਾਂ ਦੀ ਮਰਿਆਦਾ ਦਾ ਪੂਰਾ ਧਿਆਨ ਰੱਖਿਆ ਜਾਵੇਗਾ। ਉਸ ਨੇ ਸ੍ਰੀ ਅਕਾਲ ਤਖਤ ਸਾਹਿਬ, ਜਥੇਦਾਰ ਸਾਹਿਬ ਅਤੇ ਪੂਰੇ ਸਿੱਖ ਭਾਈਚਾਰੇ ਤੋਂ ਮੁਆਫੀ ਮੰਗਦੇ ਹੋਏ ਕਿਹਾ, “ਮੈਂ ਨਿਮਰਤਾ ਨਾਲ ਮੁਆਫੀ ਮੰਗਦਾ ਹਾਂ ਅਤੇ ਅਕਾਲ ਤਖਤ ਸਾਹਿਬ ਵੱਲੋਂ ਦਿੱਤੀ ਜਾਣ ਵਾਲੀ ਕਿਸੇ ਵੀ ਸਜ਼ਾ ਨੂੰ ਸਵੀਕਾਰ ਕਰਨ ਲਈ ਤਿਆਰ ਹਾਂ। ਅਜਿਹੀਆਂ ਗਲਤੀਆਂ ਦੁਬਾਰਾ ਨਹੀਂ ਹੋਣਗੀਆਂ।” ਸੰਗਤ ਅਤੇ ਸੰਸਥਾਵਾਂ ਦਾ ਪ੍ਰਤੀਕਰਮ
ਬੀਰ ਸਿੰਘ ਦੀ ਮੁਆਫੀ ਨੂੰ ਕਈਆਂ ਨੇ ਸਕਾਰਾਤਮਕ ਪ੍ਰਤੀਕਰਮ ਦਿੰਦੇ ਹੋਏ ਸਤਿਕਾਰਯੋਗ ਅਤੇ ਨਿਮਰਤਾ ਭਰਪੂਰ ਕਦਮ ਦੱਸਿਆ ਹੈ। ਹਾਲਾਂਕਿ, ਸਿੱਖ ਸੰਗਤ ਅਤੇ ਸੰਸਥਾਵਾਂ ਵੱਲੋਂ ਸਮਾਗਮਾਂ ਵਿੱਚ ਸੱਭਿਆਚਾਰਕ ਅਤੇ ਧਾਰਮਿਕ ਸੰਵੇਦਨਸ਼ੀਲਤਾ ਨੂੰ ਲੈ ਕੇ ਜ਼ਿਆਦਾ
ਜਾਗਰੂਕਤਾ ਅਤੇ ਜਵਾਬਦੇਹੀ ਦੀ ਮੰਗ ਵੀ ਉੱਠ ਰਹੀ ਹੈ। ਐਸਜੀਪੀਸੀ ਨੇ ਇਸ ਮਾਮਲੇ ’ਤੇ ਸਖਤ ਰੁਖ ਅਪਣਾਉਂਦੇ ਹੋਏ ਪੰਜਾਬ ਸਰਕਾਰ ਨੂੰ ਵੀ ਸਵਾਲ ਕੀਤੇ ਹਨ।
ਬੀਰ ਸਿੰਘ ਇੱਕ ਮਸ਼ਹੂਰ ਪੰਜਾਬੀ ਗਾਇਕ, ਗੀਤਕਾਰ ਅਤੇ ਸੰਗੀਤਕਾਰ ਹਨ, ਜੋ 2013 ਤੋਂ ਪੰਜਾਬੀ ਸੰਗੀਤ ਜਗਤ ਵਿੱਚ ਸਰਗਰਮ ਹਨ। ਉਸ ਨੇ ‘ਲਵ ਪੰਜਾਬ’, ‘ਲਹੌਰੀਏ’, ‘ਗੋਲਕ ਬੁਗਨੀ ਬੈਂਕ ਤੇ ਬਟੂਆ’ ਅਤੇ ‘ਆਜਾ ਮੈਕਸੀਕੋ ਚੱਲੀਏ’ ਵਰਗੀਆਂ ਪੰਜਾਬੀ ਫਿਲਮਾਂ ਲਈ ਗੀਤ ਲਿਖੇ ਅਤੇ ਗਾਏ ਹਨ। ਉਸ ਦੇ ਸਿੰਗਲਜ਼ ਜਿਵੇਂ ਕਿ ‘ਤੂ ਤੇ ਮੈਂ’, ਜੋੜਾ ਝਾਂਜਰਾ ਦਾ,‘ਸਾਹ’, ਅਤੇ ‘ਜਿਥੇ ਮਾਲਕ ਰੱਖਦਾ’ ਨੇ ਉਸ ਨੂੰ ਕਾਫੀ ਪ੍ਰਸਿੱਧੀ ਦਿੱਤੀ।
ਇਸ ਵਿਵਾਦ ਨੇ ਧਾਰਮਿਕ ਅਤੇ ਸੱਭਿਆਚਾਰਕ ਸਮਾਗਮਾਂ ਵਿੱਚ ਜ਼ਿੰਮੇਵਾਰੀ ਅਤੇ ਸੰਵੇਦਨਸ਼ੀਲਤਾ ਦੀ ਮਹੱਤਤਾ ਨੂੰ ਇੱਕ ਵਾਰ ਫਿਰ ਉਜਾਗਰ ਕੀਤਾ ਹੈ। ਬੀਰ ਸਿੰਘ ਦੀ ਮੁਆਫੀ ਨੇ ਸਥਿਤੀ ਨੂੰ ਸ਼ਾਂਤ ਕਰਨ ਵਿੱਚ ਮਦਦ ਕੀਤੀ ਹੈ, ਪਰ ਇਹ ਘਟਨਾ ਸਮਾਜ ਨੂੰ ਇਹ ਸੋਚਣ ਲਈ ਮਜਬੂਰ ਕਰਦੀ ਹੈ ਕਿ ਅਜਿਹੇ ਸਮਾਗਮਾਂ ਦੀ ਯੋਜਨਾਬੰਦੀ ਅਤੇ ਪੇਸ਼ਕਾਰੀ ਵਿੱਚ ਜ਼ਿਆਦਾ ਸਾਵਧਾਨੀ ਦੀ ਲੋੜ ਹੈ।

07/24/2025

ਸੁਨੀਲ ਗਰੋਵਰ

ਜੇ ਸੁਨੀਲ ਗਰੋਵਰ ਕਪਿਲ ਸ਼ਰਮਾ ਦੇ ਸ਼ੋਅ ਤੋਂ ਵੱਖ ਹੋ ਜਾਣ, ਤਾਂ ਨੈੱਟਫਲਿਕਸ ਵਰਗੇ ਪਲੈਟਫਾਰਮ ਵੀ ਅਗਲੇ ਸੀਜ਼ਨ ਨੂੰ ਸਾਈਨ ਕਰਨ ਤੋਂ ਪਹਿਲਾਂ ਦੋ ਵਾਰ ਸੋਚਣਗੇ। ਕਿਉਂਕਿ ਸੁਨੀਲ ਕੋਲ ਕਿਰਦਾਰਾਂ ਦੀ ਵਿਭਿੰਨਤਾ, ਡਾਇਲਾਗ ਡਿਲੀਵਰੀ ਵਿੱਚ ਸੰਪੂਰਨਤਾ, ਅਤੇ ਦਰਸ਼ਕਾਂ ਨਾਲ ਜੁੜਨ ਦੀ ਡੂੰਘੀ ਸਮਝ ਹੈ। ਭਾਵੇਂ ਸਕ੍ਰੀਨ ਟਾਈਮ ਸੀਮਤ ਹੈ, ਪਰ ਕੁਝ ਮਿੰਟਾਂ ਵਿੱਚ ਹੀ ਸ਼ੋਅ ਨੂੰ ਮਨੋਰੰਜਕ ਬਣਾ ਦਿੰਦੇ ਹਨ। ਹਰ ਐਪੀਸੋਡ ਵਿੱਚ ਆਪਣੇ ਕਾਮਿਕ ਪੰਚਾਂ ਅਤੇ ਲਾਜਵਾਬ ਨਕਲ ਨਾਲ ਲੋਕਾਂ ਨੂੰ ਹਾਸੇ ਨਾਲ ਲੋਟਪੋਟ ਕਰ ਦਿੰਦੇ ਹਨ।

ਪਿਛਲੇ ਵੀਕੈਂਡ ਅਜੇ ਦੇਵਗਨ ਆਪਣੀ ਫਿਲਮ *ਸਨ ਆਫ ਸਰਦਾਰ 2* ਦੇ ਪ੍ਰਮੋਸ਼ਨ ਲਈ ਸ਼ੋਅ ਵਿੱਚ ਆਏ ਸਨ। ਇਸ ਐਪੀਸੋਡ ਵਿੱਚ ਸੁਨੀਲ ਗਰੋਵਰ ਨੇ ਅਜੇ ਦੇਵਗਨ ਅਤੇ ਦਾਰਾ ਸਿੰਘ ਦੋਵਾਂ ਦੀ ਨਕਲ ਇੰਨੀ ਸ਼ਾਨਦਾਰ ਅਤੇ ਮਜ਼ੇਦਾਰ ਕੀਤੀ ਕਿ ਦਰਸ਼ਕ ਹੈਰਾਨ ਰਹਿ ਗਏ।

ਦਰਅਸਲ, ਨਕਲ ਵਿੱਚ ਉਨ੍ਹਾਂ ਦਾ ਲਹਿਜ਼ਾ ਕੰਟਰੋਲ ਸ਼ਾਨਦਾਰ ਹੁੰਦਾ ਹੈ, ਚਾਹੇ ਉਹ ਪੰਜਾਬੀ, ਹਰਿਆਣਵੀ ਜਾਂ ਬਾਲੀਵੁੱਡ ਸਟਾਈਲ ਹੋਵੇ। ਲੁੱਕ ਅਤੇ ਹਾਵ-ਭਾਵ ਨਾਲ ਕਿਰਦਾਰ ਵਿੱਚ ਇਸ ਤਰ੍ਹਾਂ ਸਮਾ ਜਾਂਦੇ ਹਨ ਕਿ ਹੂਬਹੂ ਜਾਪਦਾ ਹੈ। ਉਨ੍ਹਾਂ ਦੀ ਟਾਈਮਿੰਗ ਅਤੇ ਇਮਪ੍ਰੋਵਾਈਜ਼ੇਸ਼ਨ ਕਾਮੇਡੀ ਨੂੰ ਕਲਾਸ ਵਿੱਚ ਬਦਲ ਦਿੰਦੀ ਹੈ।

ਸੁਨੀਲ ਗਰੋਵਰ ਸਿਰਫ ਕਾਮੇਡੀਅਨ ਨਹੀਂ ਹਨ, ਉਹ ਇੱਕ ਪਰਫਾਰਮਿੰਗ ਆਰਟਿਸਟ ਹਨ, ਜੋ ਮਮਿਕਰੀ ਨੂੰ ਕਲਾ ਦੇ ਪੱਧਰ ਤੱਕ ਲੈ ਜਾਂਦੇ ਹਨ। ਕੁਝ ਲੋਕ ਸ਼ੋਅ ਦੇ ਨਾਂ ਨਾਲ ਚਮਕਦੇ ਨੇ, ਤੇ ਕੁਝ ਐਸੇ ਨੇ ਜੋ ਆਪਣੀ ਕਲਾ ਨਾਲ ਸ਼ੋਅ ਨੂੰ ਚਮਕਾ ਦਿੰਦੇ ਨੇ। ਕਪਿਲ ਸ਼ਰਮਾ ਹੋਸਟ ਨੇ, ਪਰ ਰੂਹ ਤਾਂ ਸੁਨੀਲ ਗਰੋਵਰ ਨੇ। ਸਕ੍ਰਿਪਟ ਕਪਿਲ ਪੜ੍ਹਦੇ ਨੇ, ਪਰ ਜਾਨ ਸੁਨੀਲ ਪਾਉਂਦੇ ਨੇ। ਜਦੋਂ ਸੁਨੀਲ ਸਟੇਜ 'ਤੇ ਆਉਂਦੇ ਨੇ, ਤਾਂ ਸਿਰਫ਼ ਕਾਮੇਡੀ ਨਹੀਂ ਹੁੰਦੀ — ਇੱਕ ਪਰਫਾਰਮੈਂਸ ਹੁੰਦੀ ਏ ਜੋ ਯਾਦ ਰਹਿ ਜਾਂਦੀ ਏ। ਕਪਿਲ ਦੇ ਸ਼ੋਅ ਨੂੰ ਅੱਜ ਵੀ ਲੋਕ ਗੁੱਥੀ, ਮਸ਼ਹੂਰ ਗੁਲਾਟੀ ਤੇ ਡਾ. ਮਸ਼ਹੂਰ ਲਈ ਯਾਦ ਕਰਦੇ ਨੇ, ਨਾ ਕਿ ਚੁਟਕਲਿਆਂ ਲਈ।

ਸੁਨੀਲ ਦੀ ਐਕਟਿੰਗ 'ਚ ਜਾਦੂ ਏ, ਮਿਮਿਕਰੀ 'ਚ ਕਲਾਸ ਏ, ਤੇ ਕਿਰਦਾਰਾਂ 'ਚ ਜਾਨ ਏ। ਤੇ ਇਹੀ ਫਰਕ ਏ — ਕੋਈ ਸ਼ੋਅ ਬਣਾਉਂਦਾ ਏ TRP ਨਾਲ, ਤੇ ਕੋਈ ਦਿਲ ਜਿੱਤਦਾ ਏ ਟੈਲੇਂਟ ਨਾਲ।

ਜੇ ਨਵਾਂ ਕਿਰਦਾਰ ਮਿਲੇ ਤਾਂ ਉਸ ਨੂੰ ਵੀ ਆਪਣੀ ਅਦਾਕਾਰੀ ਨਾਲ ਕਹਾਣੀ ਦੀ ਮੰਗ ਵਿੱਚ ਜੋੜ ਲੈਂਦੇ ਹਨ, ਪਰ… ਪਰ ਮੌਕੇ ਬਹੁਤ ਘੱਟ ਮਿਲਦੇ ਹਨ।
ਕਾਪੀ

07/24/2025

ਦਰਦ ‘ਚੋਂ ਗੁਜ਼ਰ ਰਹੀ ਹੈ ਗਾਇਕਾ ਜਸਵਿੰਦਰ ਬਰਾੜ
ਜਸਵਿੰਦਰ ਬਰਾੜ, ਇੱਕ ਅਜਿਹੀ ਕਲਾਕਾਰ ਜਿਸ ਦੀਆਂ ਗੀਤਾਂ ਨੇ ਪੰਜਾਬੀ ਸੰਗੀਤ ਦੀ ਦੁਨੀਆ ਵਿੱਚ ਇੱਕ ਵੱਖਰੀ ਪਛਾਣ ਬਣਾਈ ਹੈ, ਅੱਜ-ਕੱਲ੍ਹ ਆਪਣੀ ਜ਼ਿੰਦਗੀ ਦੀਆਂ ਚੁਣੌਤੀਆਂ ਨਾਲ ਜੂਝ ਰਹੀ ਹੈ। ਉਸ ਦੀਆਂ ਵੀਡੀਓਜ਼ ਅਤੇ ਪਰਫਾਰਮੈਂਸ ਨੂੰ ਵੇਖ ਕੇ ਲੋਕ ਅਕਸਰ ਉਸ ਦੀ ਆਵਾਜ਼ 'ਤੇ ਟਿੱਪਣੀਆਂ ਕਰਦੇ ਹਨ। ਕੁਝ ਲੋਕ ਕਹਿੰਦੇ ਹਨ ਕਿ ਉਸ ਦੀ ਪੁਰਾਣੀ ਵਾਲੀ ਗਾਇਕੀ ਦਾ ਜਾਦੂ ਹੁਣ ਨਹੀਂ ਰਿਹਾ, ਆਵਾਜ਼ ਵਿੱਚ ਉਹ ਪਹਿਲਾਂ ਵਾਲੀ ਤਾਕਤ ਨਹੀਂ ਜਾਪਦੀ। ਪਰ ਇਹਨਾਂ ਟਿੱਪਣੀਆਂ ਦੇ ਪਿੱਛੇ ਇੱਕ ਅਹਿਮ ਸਵਾਲ ਅਕਸਰ ਅਣਗੌਲਿਆ ਰਹਿ ਜਾਂਦਾ ਹੈ—ਕੀ ਅਸੀਂ ਕਦੇ ਸੋਚਿਆ ਹੈ ਕਿ ਉਹ ਕਿਸ ਹਾਲ ਵਿੱਚ ਗਾ ਰਹੀ ਹੈ? ਜਸਵਿੰਦਰ ਬਰਾੜ ਸਿਰਫ਼ ਇੱਕ ਗਾਇਕਾ ਨਹੀਂ, ਸਗੋਂ ਇੱਕ ਮਾਂ ਵੀ ਹੈ, ਜਿਸ ਦਾ ਪੁੱਤਰ ਲੰਬੇ ਸਮੇਂ ਤੋਂ ਗੰਭੀਰ ਬਿਮਾਰੀ ਨਾਲ ਲੜ ਰਿਹਾ ਹੈ।

ਇੱਕ ਮਾਂ ਲਈ ਆਪਣੇ ਬੱਚੇ ਦੀ ਇਸ ਜੰਗ ਨੂੰ ਵੇਖਣਾ ਕਿੰਨਾ ਮੁਸ਼ਕਲ ਹੁੰਦਾ ਹੈ, ਇਸ ਦਾ ਅੰਦਾਜ਼ਾ ਸ਼ਾਇਦ ਸਿਰਫ਼ ਉਹੀ ਲਗਾ ਸਕਦਾ ਹੈ ਜੋ ਇਸ ਦਰਦ ਵਿੱਚੋਂ ਗੁਜ਼ਰਦਾ ਹੈ। ਹਸਪਤਾਲ ਦੇ ਚੱਕਰ, ਦਵਾਈਆਂ ਦਾ ਖਰਚਾ, ਅਤੇ ਇਲਾਜ ਦਾ ਬੋਝ—ਇਹ ਸਭ ਇੱਕ ਆਮ ਇਨਸਾਨ ਲਈ ਅਸਹਿ ਸਕਣ ਜੋਗ ਹੁੰਦੇ ਹਨ। ਇਨ੍ਹਾਂ ਸਾਰੀਆਂ ਮੁਸੀਬਤਾਂ ਦੇ ਬਾਵਜੂਦ, ਜਦੋਂ ਜਸਵਿੰਦਰ ਸਟੇਜ 'ਤੇ ਖੜ੍ਹਦੀ ਹੈ, ਤਾਂ ਉਹ ਸਿਰਫ਼ ਸੁਰਾਂ ਨੂੰ ਨਹੀਂ ਸੰਵਾਰਦੀ, ਸਗੋਂ ਆਪਣੇ ਅੰਦਰ ਚੱਲ ਰਹੀ ਜੰਗ ਨੂੰ ਵੀ ਸੰਭਾਲਦੀ ਹੈ। ਉਸ ਦੀ ਹਰ ਨੋਟ, ਹਰ ਬੋਲ ਵਿੱਚ ਉਸ ਦੀ ਹਿੰਮਤ, ਦਰਦ ਅਤੇ ਮਮਤਾ ਦੀ ਝਲਕ ਹੁੰਦੀ ਹੈ। ਉਹ ਸਿਰਫ਼ ਗੀਤ ਨਹੀਂ ਗਾਉਂਦੀ, ਸਗੋਂ ਆਪਣੀ ਜ਼ਿੰਦਗੀ ਦੀਆਂ ਮਜਬੂਰੀਆਂ ਨਾਲ ਲੜਦੀ ਹੈ ਅਤੇ ਆਪਣੇ ਪਰਿਵਾਰ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕਰਦੀ ਹੈ।

ਇਸ ਸਭ ਦੇ ਬਾਵਜੂਦ, ਸਮਾਜ ਵਿੱਚ ਅਕਸਰ ਇੱਕ ਕਲਾਕਾਰ ਨੂੰ ਸਿਰਫ਼ ਉਸ ਦੀ ਪਰਫਾਰਮੈਂਸ ਦੇ ਆਧਾਰ 'ਤੇ ਜੱਜ ਕੀਤਾ ਜਾਂਦਾ ਹੈ। ਅਸੀਂ ਉਸ ਦੀ ਆਵਾਜ਼ ਦੀ ਤੁਲਨਾ ਕਰਦੇ ਹਾਂ, ਉਸ ਦੀ ਊਰਜਾ ਨੂੰ ਮਾਪਦੇ ਹਾਂ, ਪਰ ਉਸ ਦੀ ਜ਼ਿੰਦਗੀ ਦੇ ਹਾਲਾਤ ਨੂੰ ਸਮਝਣ ਦੀ ਕੋਸ਼ਿਸ਼ ਬਹੁਤ ਘੱਟ ਕਰਦੇ ਹਾਂ। ਜਸਵਿੰਦਰ ਵਰਗੇ ਕਲਾਕਾਰ, ਜੋ ਆਪਣੇ ਨਿੱਜੀ ਜੀਵਨ ਦੀਆਂ ਮੁਸੀਬਤਾਂ ਦੇ ਵਿਚਕਾਰ ਵੀ ਸਟੇਜ 'ਤੇ ਖੜ੍ਹ ਕੇ ਲੋਕਾਂ ਦਾ ਮਨੋਰੰਜਨ ਕਰਦੇ ਹਨ, ਉਹਨਾਂ ਦੀ ਹਿੰਮਤ ਅਤੇ ਜਜ਼ਬੇ ਨੂੰ ਸਲਾਮ ਕਰਨਾ ਚਾਹੀਦਾ ਹੈ।

ਇਸ ਲਈ, ਅਗਲੀ ਵਾਰ ਜਦੋਂ ਤੁਸੀਂ ਕਿਸੇ ਕਲਾਕਾਰ ਦੀ ਪਰਫਾਰਮੈਂਸ ਵੇਖੋ, ਤਾਂ ਉਸ ਦੀ ਆਵਾਜ਼ ਦੇ ਨਾਲ-ਨਾਲ ਉਸ ਦੇ ਜੀਵਨ ਦੀ ਕਹਾਣੀ ਨੂੰ ਵੀ ਸਮਝਣ ਦੀ ਕੋਸ਼ਿਸ਼ ਕਰੋ। ਹੋ ਸਕਦਾ ਹੈ ਕਿ ਉਸ ਦੀਆਂ ਅੱਖਾਂ ਵਿੱਚ ਛੁਪਿਆ ਦਰਦ, ਉਸ ਦੇ ਗੀਤਾਂ ਵਿੱਚ ਸੁਣਾਈ ਦੇਣ ਵਾਲੀ ਕਮਜ਼ੋਰੀ ਨਾਲੋਂ ਕਿਤੇ ਜ਼ਿਆਦਾ ਡੂੰਘਾ ਹੋਵੇ। ਜਸਵਿੰਦਰ ਬਰਾੜ ਵਰਗੇ ਕਲਾਕਾਰ ਸਾਨੂੰ ਸਿਖਾਉਂਦੇ ਹਨ ਕਿ ਸੰਗੀਤ ਸਿਰਫ਼ ਕਲਾ ਨਹੀਂ, ਸਗੋਂ ਜ਼ਿੰਦਗੀ ਦੀਆਂ ਜੰਗਾਂ ਨੂੰ ਝੱਲਣ ਦਾ ਇੱਕ ਜਰੀਆ ਵੀ ਹੈ। ਉਹਨਾਂ ਦੀ ਹਰ ਪੇਸ਼ਕਾਰੀ ਵਿੱਚ ਸਿਰਫ਼ ਸੁਰ ਹੀ ਨਹੀਂ, ਸਗੋਂ ਉਹਨਾਂ ਦੀ ਜ਼ਿੰਦਗੀ ਦਾ ਸੰਘਰਸ਼ ਵੀ ਸ਼ਾਮਲ ਹੁੰਦਾ ਹੈ।

ਆਓ, ਅਸੀਂ ਸਿਰਫ਼ ਆਲੋਚਕ ਨਾ ਬਣੀਏ, ਸਗੋਂ ਉਹਨਾਂ ਦੇ ਹਾਲਾਤ ਨੂੰ ਸਮਝਣ ਵਾਲੇ ਸਰੋਤੇ ਵੀ ਬਣੀਏ। ਕਿਉਂਕਿ ਕਈ ਵਾਰ, ਇੱਕ ਕਲਾਕਾਰ ਦੀ ਆਵਾਜ਼ ਵਿੱਚ ਸੁਣਾਈ ਦੇਣ ਵਾਲੀ "ਕਮਜ਼ੋਰੀ" ਅਸਲ ਵਿੱਚ ਉਸ ਦੀ ਜ਼ਿੰਦਗੀ ਦੀ ਹਿੰਮਤ ਦੀ ਗਵਾਹੀ ਹੁੰਦੀ ਹੈ।

07/24/2025

ਮਹਾਨ ਰੈਸਲਰ ਹੁਕ ਹੋਗਨ ਨਹੀਂ ਰਹੇ ਸ਼ਰਧਾਂਜਲੀ:
ਹੁਕ ਹੋਗਨ, ਜਿਸ ਦਾ ਅਸਲੀ ਨਾਮ ਟੈਰੀ ਜੀਨ ਬੋਲੀਆ ਸੀ, ਪੇਸ਼ੇਵਰ ਕੁਸ਼ਤੀ ਦਾ ਇੱਕ ਅਜਿਹਾ ਨਾਮ ਸੀ ਜਿਸ ਨੇ ਨਾ ਸਿਰਫ਼ ਅਮਰੀਕਾ, ਸਗੋਂ ਸਾਰੇ ਸੰਸਾਰ ਵਿੱਚ "Hulkamania" ਦੀ ਤੂਫਾਨੀ ਲਹਿਰ ਚਲਾਈ। 1953 ਵਿੱਚ ਜਨਮੇ, ਹੁਕ ਹੋਗਨ ਨੇ 1980 ਅਤੇ 1990 ਦੇ ਦਹਾਕਿਆਂ ਵਿੱਚ WWE (ਉਦੋਂ WWF) ਅਤੇ WCW ਨੂੰ ਨਵੀਆਂ ਉਚਾਈਆਂ ਤੱਕ ਪਹੁੰਚਾਇਆ। ਉਸ ਦੀ ਸੁਨਹਿਰੀ ਮੁੱਛ, ਪੀਲੀ ਪੱਟੀ, ਅਤੇ "24-ਇੰਚ ਪਾਇਥਨ" ਬਾਹਾਂ ਨੇ ਉਸ ਨੂੰ ਇੱਕ ਅਜਿਹਾ ਆਈਕਨ ਬਣਾਇਆ ਜਿਸ ਨੂੰ ਪੰਜਾਬੀ ਸਮਾਜ ਸਮੇਤ ਦੁਨੀਆ ਭਰ ਦੇ ਕੁਸ਼ਤੀ ਪ੍ਰਸ਼ੰਸਕਾਂ ਨੇ ਦਿਲੋਂ ਪਿਆਰ ਦਿੱਤਾ।ਹੁਕ ਹੋਗਨ ਦੀ ਸਭ ਤੋਂ ਮਸ਼ਹੂਰ ਜਿੱਤ ਸੀ ਰਸਲਮੇਨੀਆ III (1987) ਵਿੱਚ, ਜਿੱਥੇ ਉਸ ਨੇ ਐਂਡਰੇ ਦ ਜਾਇੰਟ ਨੂੰ ਹਰਾਇਆ। ਇਹ ਮੈਚ ਕੁਸ਼ਤੀ ਦੇ ਇਤਿਹਾਸ ਵਿੱਚ ਸੁਨਹਿਰੀ ਅੱਖਰਾਂ ਵਿੱਚ ਲਿਖਿਆ ਗਿਆ, ਕਿਉਂਕਿ ਉਸ ਨੇ 400 ਪੌਂਡ ਤੋਂ ਵੱਧ ਵਜ਼ਨ ਵਾਲੇ ਐਂਡਰੇ ਨੂੰ ਸਲੈਮ ਕੀਤਾ, ਜੋ ਉਸ ਸਮੇਂ ਅਸੰਭਵ ਮੰਨਿਆ ਜਾਂਦਾ ਸੀ। ਉਸ ਦੀਆਂ ਲੜਾਈਆਂ, ਜਿਵੇਂ ਕਿ ਰੈਂਡੀ ਸੈਵੇਜ, ਦ ਰੌਕ, ਅਤੇ ਸਟਿੰਗ ਨਾਲ, ਨੇ ਪ੍ਰਸ਼ੰਸਕਾਂ ਨੂੰ ਰੋਮਾਂਚਿਤ ਕੀਤਾ। ਉਸ ਦਾ "ਹਾਲੀਵੁੱਡ" ਹੋਗਨ ਅਵਤਾਰ, ਜਿੱਥੇ ਉਸ ਨੇ nWo (ਨਿਊ ਵਰਲਡ ਆਰਡਰ) ਦੀ ਅਗਵਾਈ ਕੀਤੀ, ਨੇ ਕੁਸ਼ਤੀ ਨੂੰ ਇੱਕ ਨਵਾਂ ਰੰਗ ਦਿੱਤਾ।ਪੰਜਾਬੀ ਸਮਾਜ ਵਿੱਚ ਕੁਸ਼ਤੀ ਦਾ ਵਿਸ਼ੇਸ਼ ਸਥਾਨ ਹੈ। ਪੰਜਾਬ ਦੇ ਪਿੰਡਾਂ ਵਿੱਚ "ਦੰਗਲ" ਅਤੇ WWE ਦੀ ਪ੍ਰਸਿੱਧੀ ਨੇ ਹੁਕ ਹੋਗਨ ਨੂੰ ਇੱਕ ਪ੍ਰੇਰਣਾਦਾਇਕ ਨਾਮ ਬਣਾਇਆ। ਉਸ ਦੀ ਸ਼ਕਤੀ, ਸਟਾਈਲ, ਅਤੇ "ਭਰਾਵੋ, ਆਪਣੇ ਹੁਕਮੇਨੀਆਕਸ ਨੂੰ ਸੁਣੋ!" ਵਰਗੇ ਨਾਅਰਿਆਂ ਨੇ ਪੰਜਾਬੀ ਨੌਜਵਾਨਾਂ ਨੂੰ ਉਸ ਦੀ ਸਖਤ ਮਿਹਨਤ ਅਤੇ ਜਨੂੰਨ ਤੋਂ ਪ੍ਰੇਰਿਤ ਕੀਤਾ। ਉਸ ਦੀਆਂ ਫਿਲਮਾਂ ਜਿਵੇਂ ਰੌਕੀ III, ਨੋ ਹੋਲਡਸ ਬਾਰਡ, ਅਤੇ ਰਿਐਲਿਟੀ ਸ਼ੋਅ ਹੋਗਨ ਨੋਜ਼ ਬੈਸਟ ਨੇ ਵੀ ਉਸ ਨੂੰ ਘਰ-ਘਰ ਪਹੁੰਚਾਇਆ।ਹੁਕ ਹੋਗਨ ਦੇ ਜੀਵਨ ਵਿੱਚ ਵਿਵਾਦ ਵੀ ਸਨ, ਪਰ ਉਸ ਦੀ ਕੁਸ਼ਤੀ ਪ੍ਰਤੀ ਸਮਰਪਣ ਅਤੇ ਪ੍ਰਸ਼ੰਸਕਾਂ ਨਾਲ ਜੁੜਨ ਦੀ ਕਲਾ ਨੇ ਉਸ ਨੂੰ ਅਮਰ ਬਣਾ ਦਿੱਤਾ। 24 ਜੁਲਾਈ, 2025 ਨੂੰ, 71 ਸਾਲ ਦੀ ਉਮਰ ਵਿੱਚ, ਦਿਲ ਦਾ ਦੌਰਾ ਪੈਣ ਕਾਰਨ ਉਸ ਦੀ ਮੌਤ ਨੇ ਸੰਸਾਰ ਨੂੰ ਸਦਮੇ ਵਿੱਚ ਪਾ ਦਿੱਤਾ। ਪਰ, ਉਸ ਦੀ ਵਿਰਾਸਤ ਸਦਾ ਜਿਉਂਦੀ ਰਹੇਗੀ। ਪੰਜਾਬੀ ਸਮਾਜ ਦੀ ਤਰਫੋਂ, ਅਸੀਂ ਇਸ ਮਹਾਨ ਕੁਸ਼ਤੀਬਾਜ਼ ਨੂੰ ਸਲਾਮ ਕਰਦੇ ਹਾਂ। Hulkamania ਸਦਾ ਚੱਲਦਾ ਰਹੇਗਾ

07/24/2025

ਪੰਜਾਬੀ ਸਿਨਮੇਂ ‘ਚ ਨਵਾਂ ਟ੍ਰੈਂਡ ਚੱਲ ਪਿਆ। ਸੋਸ਼ਲ ਮੀਡੀਆ ਤੇ ਮਸ਼ਹੂਰ ਲੋਕਾਂ ਨੂੰ ਫਿਲਮਾਂ ‘ਚ ਲੈਣ ਦਾ ,ਕਰੈਕਟਰ ਆਰਟਿਸਟ ਦੇ ਤੌਰ ਤੇ । ਐਕਟਿੰਗ ਦਾ ਭਮਾਂ ਊੜਾ ਐੜਾ ਨਾਂ ਆਉਂਦਾ ਹੋਵੇ । ਹੁਣ ਸੋਸ਼ਲ ਮੀਡੀਆ ‘ਤੇ ਫਾਲੋਅਰਜ਼ ਦੇਖੇ ਜਾਂਦੇ ਨੇ , ਉਹ ਉਨ੍ਹਾਂ ਦੇ ਲੱਖਾਂ ‘ਚ ਹੁੰਦੇ , ਸੋ ਫਿਲਮਾਂ ਆਲੇ ਸੋਚਦੇ ਕਿ ਇਨ੍ਹਾਂ ਨੂੰ ਲੈਣ ਨਾਲ ਇਕ ਤਾਂ ਫ੍ਰੀ ‘ਚ ਐਨੇਂ ਲੋਕਾਂ ਤੱਕ ਫਿਲਮ ਦੀ ਪ੍ਰਮੋਸ਼ਨ ਹੋ ਜਾਊ ‘ਤੇ ਨਾਲ ਹੋ ਸਕਦਾ ਉਨ੍ਹਾਂ ਚੋਂ ਕੁਝ ਹਜ਼ਾਰ ਆਪਣੇ ਚਹੇਤੇ ਨੂੰ ਦੇਖਣ ਲਈ ਸਿਨਮੇਂ ਦਾ ਰੁਖ ਵੀ ਕਰ ਲੈਣ । ਆਹ ਚੁੰਮਿਆਂ ਆਲ਼ੀ ਭਾਬੀ , ਦੀਦਾਰ ਗਿੱਲ, ਟੋਕਰਾ ਟੀਵੀ ਆਲ਼ਾ ਸ਼ਰਨ ਅਤੇ ਧੂਤੇ ਹੋਰਾਂ ਦਾ ਫਿਲਮਾਂ ‘ਚ ਤਾਹੀਉਂ ਦਾਅ ਲੱਗ ਗਿਆ । ਥੀਏਟਰ ਕਰਨ ਆਲ਼ੇ ਬਥੇਰੇ ਨੇ , ਐਕਟਿੰਗ ਵੀ ਘੈਂਟ ਕਰ ਸਕਦੇ ਨੇ , ਪਰ ਅੱਜ ਕਲ ਕੋਈ ਨੀ ਪੁੱਛਦਾ , ਕਿਉਂਕਿ ਉਹਨਾਂ ਦੇ ਪੱਲੇ ਸੋਸ਼ਲ ਮੀਡੀਆ ‘ਤੇ ਫਾਲੋਅਰਜ਼ ਹੈਂ ਨੀ । ਵੈਸੇ ਵੀ ਪੰਜਾਬੀ ਫਿਲਮਾਂ ਬਣਾਉਣ ਵਾਲਿਆਂ ਨੂੰ ਪਤਾ ਹੁਣ ਚੰਗਾ ਕੰਟੈਂਟ ਨੀ ਚੱਲਦਾ ਚਾਹੇ ਜਿੰਨੇ ਮਰਜ਼ੀ ਪ੍ਰਤਿਭਾਸ਼ਾਲੀ ਕਲਾਕਾਰ ਲੈ ਲਓ , ਜੇ ਐਹੋ ਜਿਹੇ ਲਟਕਿਆਂ ਝਟਕਿਆਂ ਨਾਲ ਫ਼ਿਲਮ ਨੂੰ ਓਪਨਿੰਗ ਮਿਲਦੀ ਹੈ ਤਾਂ ਇਹਦੇ ‘ਚ ਮਾੜੀ ਗੱਲ ਕੀ ਹੈ । “ਸਰਵਾਲ੍ਹਾ ਜੀ” ਇਸਦੀ ਉਦਹਾਰਨ ਹੈ ।

07/23/2025

ਬੱਬੂ ਮਾਨ ਦੇ ਐਡਮਿੰਟਨ ਤੇ ਵਿੰਨੀਪੈਗ ਵਾਲੇ ਸ਼ੋਆਂ ਬਾਰੇ ਭੰਬਲਭੂਸਾ ਜਾਰੀ ਹੈ....ਬੱਬੂ ਮਾਨ ਦੀ ਟੀਮ ਨੇ ਦੱਸਿਆ ਹੈ ਕਿ ਟਿਕਟ ਮਾਸਟਰ ਨਾਲ ਕੋਈ ਰੌਲਾ ਹੋਣ ਕਰਕੇ ਉਹਨਾਂ ਨੇ ਆਪਣੀ ਸਾਈਟ ਤੇ ਸ਼ੋ ਕੈਂਸਲ ਹੋਣ ਦੀ ਖਬਰ ਪਾ ਦਿੱਤੀ ਪਰ ਹੋਰਨਾਂ ਸਾਈਟਾਂ ਤੇ ਟਿਕਟਾਂ ਦੀ ਵਿੱਕਰੀ ਜਾਰੀ ਹੈ।

07/22/2025

ਕਿੱਥੇ ਗਈ ਗਰੇਸੀ ਸਿੰਘ
“ਸਿਆਰਾ” ਦੀ ਅਨੀਤਾ ਪੱਡਾ ਨੂੰ ਸਾਦਗੀ ਅਤੇ ਸੁੰਦਰਤਾ ਦੀ ਮਿਸਾਲ ਦੱਸਿਆ ਜਾ ਰਿਹਾ ਸੀ ਤਾਂ ਮੈਨੂੰ ਗੌਰੀ ਯਾਨੀ ਗਰੇਸੀ ਸਿੰਘ ਯਾਦ ਆ ਗਈ। ਪਤਾ ਨਹੀਂ ਕਿੰਨੇ ਫਿਲਮੀ ਪ੍ਰੇਮੀਆਂ ਨੂੰ ਇਹ ਅਦਾਕਾਰਾ ਯਾਦ ਹੋਵੇਗੀ, ਪਰ ਸਾਦਗੀ, ਮਾਸੂਮੀਅਤ ਅਤੇ ਜ਼ਬਰਦਸਤ ਅਦਾਕਾਰੀ ਦਾ ਅਜਿਹਾ ਨਮੂਨਾ ਸੀ ਗਰੇਸੀ ਸਿੰਘ ਕਿ ਦੁਨੀਆ ਦੀਵਾਨੀ ਹੋ ਜਾਵੇ। "ਓ ਰੀ ਛੋਰੀ" ਹੋਵੇ ਜਾਂ "ਰਾਧਾ ਕੈਸੇ ਨਾ ਜਲੇ", ਲਗਾਨ ਦੇ ਹਰ ਗੀਤ ਵਿੱਚ ਗਰੇਸੀ ਸਿੰਘ ਨੇ ਇੰਨੇ ਸੁੰਦਰ ਹਾਵ-ਭਾਵ ਦਿੱਤੇ ਸਨ ਕਿ ਦੇਖਣ ਵਾਲਾ ਤਾਰੀਫ਼ ਕੀਤੇ ਬਿਨਾਂ ਨਾ ਰਹਿ ਸਕੇ।

ਅਤੇ ਮੁੰਨਾ ਭਾਈ ਵਿੱਚ "ਚਿੰਕੀ, ਤੂੰ ਬੋਹਤ ਚੇਂਜ ਹੋ ਗਈਲੀ ਹੈ ਰੇ", ਉਹ ਪੂਰਾ ਕਿਰਦਾਰ ਹੀ ਜ਼ਬਰਦਸਤ ਸੀ।

ਉਹ ਇਸ ਗੱਲੋਂ ਖੁਸ਼ਕਿਸਮਤ ਰਹੀ ਕਿ ਟੀ ਵੀ ਸੀਰੀਅਲ ਅਮਾਨਤ ਅਤੇ “ਹਮ ਆਪਕੇ ਦਿਲ ਮੇਂ ਰਹਿਤੇ ਹੈਂ” ਫ਼ਿਲਮ ਵਿੱਚ ਛੋਟਾ ਜਿਹਾ ਰੋਲ ਕਰਨ ਦੇ ਨਾਲ ਹੀ ਉਸਦੀ ਹਿੰਦੀ ਫਿਲਮਾਂ ਦੀ ਮੁੱਖ ਹੀਰੋਇਨ ਦੇ ਰੂਪ ਵਿੱਚ ਐਂਟਰੀ ਹੋ ਗਈ । ਫਿਲਮਾਂ ਦੀ ਕਿਸਮਤ ਵੀ ਅਜਿਹੀ ਕਿ 2001 ਵਿੱਚ ਆਮਿਰ ਨਾਲ ਲਗਾਨ, ਫਿਰ 2003 ਵਿੱਚ ਅਨਿਲ ਕਪੂਰ ਅਤੇ ਅਮਿਤਾਭ ਬੱਚਨ ਨਾਲ ਅਰਮਾਨ, ਫਿਰ ਇਸੇ ਸਾਲ ਅਜੇ ਦੇਵਗਨ ਨਾਲ ਗੰਗਾਜਲ ਅਤੇ ਫਿਰ ਸੰਜੇ ਦੱਤ ਦੀ ਅਵਾਰਡ ਜੇਤੂ ਫਿਲਮ ਮੁੰਨਾ ਭਾਈ ਐਮਬੀਬੀਐਸ।

ਹਰ ਫਿਲਮ ਵਿੱਚ ਮੁੱਖ ਭੂਮਿਕਾ ਅਤੇ ਅਰਮਾਨ ਨੂੰ ਛੱਡ ਕੇ ਬਾਕੀ 3 ਵੱਡੀਆਂ ਹਿੱਟ ਦੇਣ ਦੇ ਬਾਵਜੂਦ, ਗਰੇਸੀ ਸਿੰਘ ਦਾ ਫਿਰ ਕੀ ਹੋਇਆ, ਉਹ ਅੱਗੇ ਏ-ਗ੍ਰੇਡ ਫਿਲਮਾਂ ਵਿੱਚ ਕਿਉਂ ਨਾ ਦਿਖਾਈ ਦਿੱਤੀਆਂ, ਕਿਉਂ ਉਨ੍ਹਾਂ ਨੂੰ ਕੇਆਰਕੇ ਦੀ ਮਹਾਂ ਬਕਬਾਸ ਫਿਲਮ “ਦੇਸ਼ਦਰੋਹੀ” ਅਤੇ ਬੇਸਿਰ ਪੈਰ ਦੀ ਪੰਜਾਬੀ ਫਿਲਮ “ਚੂੜੀਆਂ” ਕਰਨੀ ਪਈ, ਕਿਉਂ ਉਹ 2013 ਤੋਂ ਬਾਅਦ ਫਿਲਮਾਂ ਵਿੱਚ ਦਿਖਾਈ ਹੀ ਨਾ ਦਿੱਤੀ ? ਕੀ ਇਸ ਲਈ ਕਿ ਬਦਲਦੇ ਟਰੈਂਡ ਦੇ ਹਿਸਾਬ ਨਾਲ ਉਨ੍ਹਾਂ ਨੂੰ ਬਿਕਨੀ ਸ਼ੂਟ ਕਰਨਾ ਮਨਜ਼ੂਰ ਨਹੀਂ ਸੀ? ਜਾਂ ਕੋਈ ਹੋਰ ਵਜ੍ਹਾ ਸੀ ਜਿਸ ਨੇ ਚੰਗੇ ਟੈਲੇਂਟ ਨੂੰ ਹਜ਼ਮ ਕਰ ਲਿਆ?
ਸਿਧਾਰਥ ਅਰੋੜਾ ਸਹਿਰ

07/22/2025

ਸਮੀਖਿਆ - Special Ops 2
ਘੱਟੋ-ਘੱਟ ਸ਼ਬਦਾਂ ਵਿੱਚ:
"ਚੰਗੀ ਹੈ ਪਰ ਪਹਿਲੇ ਨਾਲੋਂ ਥੋੜੀ ਢਿੱਲੀ ਲੱਗੀ।"

2008 ਵਿੱਚ 'ਏ ਵੈਡਨਸਡੇ' ਦੇਖਣ ਤੋਂ ਬਾਅਦ ਤੋਂ ਮੈਂ ਨੀਰਜ ਪਾਂਡੇ ਦਾ ਵੱਡਾ ਪ੍ਰਸ਼ੰਸਕ ਹਾਂ। 2020 ਵਿੱਚ ਕੋਵਿਡ ਸਮੇਂ Special Ops ਦਾ ਪਹਿਲਾ ਸੀਜ਼ਨ ਦੇਖਿਆ ਤਾਂ ਦੇਖਦਾ ਹੀ ਰਹਿ ਗਿਆ । ਏਨਾਂ ਘੈਂਟ ਸਪਾਈ ਥ੍ਰਿਲਰ ਪਹਿਲਾਂ ਨਹੀਂ ਸੀ ਦੇਖਿਆ। ਸ਼ਾਨਦਾਰ ਵਿਦੇਸ਼ੀ ਲੋਕੇਸ਼ਨ, ਸੁੰਦਰ ਸਿਨੇਮੈਟੋਗ੍ਰਾਫੀ, ਜ਼ਬਰਦਸਤ ਐਕਸ਼ਨ, ਸੀਟ ਨਾਲ ਚਿਪਕਣ ਵਾਲਾ ਸਸਪੈਂਸ ਅਤੇ ਥ੍ਰਿਲ। ਇਸ ਸੀਰੀਜ਼ ਵਿੱਚ ਹਿੰਮਤ ਸਿੰਘ ਦਾ ਕਿਰਦਾਰ ਬਹੁਤ ਸ਼ਾਨਦਾਰ ਲਿਖਿਆ ਗਿਆ ਹੈ। ਕੇਕੇ ਮੇਨਨ ਦੀ ਅਦਾਕਾਰੀ ਨੇ ਇਸ ਵਿੱਚ ਚਾਰ ਚੰਨ ਲਾਏ ਹਨ। ਕੁਝ ਸਿਨੇਮਾ ਪ੍ਰੇਮੀਆਂ ਮੁਤਾਬਕ ਭਾਰਤੀ ਸਿਨਮਾਂ ਦੇ ਇਤਿਹਾਸ ਵਿੱਚ ਇਸ ਤੋਂ ਵਧੀਆ ਯਥਾਰਥਵਾਦੀ, ਦੇਸ਼ਭਗਤ ਕਿਰਦਾਰ ਨਹੀਂ ਲਿਖਿਆ ਗਿਆ। ਮੈਨੂੰ ਇਹ ਕਿਰਦਾਰ ਇੰਨਾ ਪਸੰਦ ਹੈ ਕਿ ਮੈਂ ਇਸ ਦੀਆਂ ਖੂਬੀਆਂ 'ਤੇ 3-4 ਪੋਸਟਾਂ ਲਿਖ ਸਕਦਾ ਹਾਂ।

ਖੈਰ, ਗੱਲ ਕਰਦੇ ਹਾਂ ਦੂਜੇ ਸੀਜ਼ਨ ਦੀ। 7 ਐਪੀਸੋਡਾਂ ਦਾ ਸੀਜ਼ਨ ਹੈ, ਇਸ ਵਾਰ ਸਾਈਬਰ ਕ੍ਰਾਈਮ ਦਾ ਵਿਸ਼ਾ ਹੈ। ਉਹੀ ਥ੍ਰਿਲ, ਸੁੰਦਰ ਲੋਕੇਸ਼ਨ, ਐਕਸ਼ਨ ਅਤੇ ਹਿੰਮਤ ਸਿੰਘ ਦਾ ਆਕਰਸ਼ਕ ਕਿਰਦਾਰ ਹੈ ਜੋ ਆਪਣੇ ਸੁਪਰੀਮ ਬੌਸ (ਰੱਖਿਆ ਮੰਤਰੀ) ਨੂੰ ਵੀ 'ਨਾ' ਕਹਿਣ ਦੀ ਹਿੰਮਤ ਰੱਖਦਾ ਹੈ। ਪਹਿਲੇ ਐਪੀਸੋਡ ਵਿੱਚ ਹੀ ਦੇਸ਼ ਦੇ ਮਸ਼ਹੂਰ ਡਾ. ਭਾਰਗਵ ਦਾ ਅਗਵਾ ਹੋ ਜਾਂਦਾ ਹੈ। ਨਾਲ ਹੀ ਰਾਅ ਦੇ ਏਜੰਟ ਵਿਨੋਦ ਸ਼ੇਖਾਵਤ ਦੀ ਸਾਜ਼ਿਸ਼ ਅਧੀਨ ਹੱਤਿਆ ਹੋ ਜਾਂਦੀ ਹੈ। ਇਹਨਾਂ ਦੋਹਾਂ ਕੇਸਾਂ ਨੂੰ ਸੁਲਝਾਉਣ ਦਾ ਕੰਮ ਹਿੰਮਤ ਸਿੰਘ ਦੀ ਟੀਮ ਨੂੰ ਦਿੱਤਾ ਜਾਂਦਾ ਹੈ। ਨਾਲ ਹੀ ਪ੍ਰਕਾਸ਼ ਰਾਜ ਦਾ ਟਰੈਕ ਵੀ ਚੱਲਦਾ ਹੈ ਜੋ ਇਸ ਸੀਜ਼ਨ ਦੀ ਕਮਜ਼ੋਰੀ ਹੈ। ਇਸ ਟਰੈਕ ਵਿੱਚ ਲੇਖਕ-ਨਿਰਦੇਸ਼ਕ ਮੌਜੂਦਾ ਸਰਕਾਰ ਦੀ ਆਲੋਚਨਾ ਕਰਦੇ ਨਜ਼ਰ ਆਉਂਦੇ ਹਨ। ਜਿਵੇਂ ਪ੍ਰਕਾਸ਼ ਰਾਜ ਨਿੱਜੀ ਜੀਵਨ ਵਿੱਚ ਕਰਦੇ ਹਨ, ਉਸੇ ਤਰ੍ਹਾਂ ਦਾ ਕਿਰਦਾਰ ਉਹਨਾਂ ਨੇ ਨਿਭਾਇਆ ਜੋ ਗੈਰ-ਜ਼ਰੂਰੀ ਲੱਗਿਆ। ਮੁੱਦਾ ਸਰਕਾਰ ਦੀ ਆਲੋਚਨਾ ਨਾਲ ਨਹੀਂ, ਹਿੰਮਤ ਸਿੰਘ ਤਾਂ ਇਸ ਵਿੱਚ ਮਾਹਰ ਹੈ, ਪਰ ਪ੍ਰਕਾਸ਼ ਰਾਜ ਦੇ ਕਿਰਦਾਰ ਰਾਹੀਂ ਜਿਹੜੇ ਤਰੀਕੇ ਨਾਲ ਕਰਵਾਈ ਗਈ, ਉਹ ਬਹੁਤ ਨਾਟਕੀ ਲੱਗੀ। ਸਕ੍ਰਿਪਟ ਹੋਰ ਵੀ ਚੁਸਤ ਹੋ ਸਕਦੀ ਸੀ। ਨਿਰਦੇਸ਼ਨ ਚੰਗਾ ਹੈ, ਐਡੀਟਿੰਗ ਅਤੇ ਬੀਜੀਐਮ ਜ਼ਬਰਦਸਤ ਹੈ। ਹਿੰਮਤ ਸਿੰਘ ਦੇ ਰੂਪ ਵਿੱਚ ਕੇਕੇ ਮੇਨਨ ਦਾ ਕੋਈ ਜਵਾਬ ਨਹੀਂ। ਜਿੰਨੀ ਸਿਫਤ ਕੀਤੀ ਜਾਵੇ, ਓਨੀ ਘੱਟ ਹੈ। ਅਗਲੇ ਸੀਜ਼ਨ ਦਾ ਇੰਤਜ਼ਾਰ ਉਹਨਾਂ ਲਈ ਰਹੇਗਾ। ਬਾਕੀ ਸਾਰੇ ਕਲਾਕਾਰਾਂ ਨੇ ਵੀ ਚੰਗਾ ਕੰਮ ਕੀਤਾ। ਵਿਲੇਨ ਦੇ ਰੂਪ ਵਿੱਚ ਤਾਹਿਰ ਰਾਜ ਵਧੀਆ ਲੱਗੇ। ਕਰਨ ਟੈਕਰ, ਸਯਾਮੀ ਖੇਰ, ਵਿਨੈ ਪਾਠਕ, ਜੋ ਪਿਛਲੇ ਸੀਜ਼ਨ ਵਿੱਚ ਸਨ, ਇਸ ਵਿੱਚ ਵੀ ਸ਼ਾਨਦਾਰ ਰਹੇ। ਜੇਕਰ ਪਟਕਥਾ ਹੋਰ ਚੁਸਤ ਹੁੰਦੀ ਤਾਂ 4 ਸਟਾਰ ਮਿਲ ਸਕਦੇ ਸਨ! ⭐⭐⭐1/2
~ਗੋਵਿੰਦ ਪਰਿਹਾਰ

Punjabvision.com

07/26/2025

07/26/2025

07/25/2025

07/25/2025

07/24/2025

07/24/2025

07/24/2025

07/24/2025

07/23/2025

07/22/2025

07/22/2025

Address

Telephone

Website

Alerts

Contact The Business

Shortcuts

Share

Category