05/13/2026
hin danda'aamu!
Eega ABO'n hundooytee marsaa durastiif sababa mootummaa Somaaliyaatiin gufuun Jaarraa Abbaa Gadaa faa mudattee, Jaarraafi Saahibban qabsoo waggaa 5'n hidhamanii, hidhaadhaa bahuun Abdiin Jaarmiya Qabsoo Oromoo dukkanooyte booda;
ABO marsaa itti aantuun deebisanii jaaruuf Waahila Qabsoo Bilisummaa Oromoo kan tahe Mullis Gadaa kan Qabsoo barbaacha Ertiraa turee; Ertiraa hanga Baadiyyaa Carcar faana qabsoo barbaacha dhukkaawe argate Jaarraan.
Wareegama Elemoo fi Hundee booda jechuudha.
Jaarraa fi Mullis Gadaa qabsoo eegaluuf obbaleewwan isaanii warra baratan kan Magaalaa Finfinnee jiran dubbisuuf Finfinnee dhaqan.
Finfinnee namni keenya akka ammaa kanaa miti qubaan lakkaawama.
Jaarraa fi Mullis namicha Baalee Ahmad bunaa jedhamu, kan Buna Daldalu Isa argatanii waliin dubbatan, namni Baalee kunis bulchee ganama Obbo Leencoo fi Baaroo Tumsaa warra yeroo sanitti baratan Jaarraa faa waliin wal qunnamsiise.
Jaarraafi Mullis Gadaatiis Leencoo Lataa fi Baaroo Tumsaa waliin wal arganii waliin dubbatanii, Jaarraa fi Mullis waan silaa dhufaniif yaada isaanii itti ibsatan.
Leencoo fi Baaroon inumaahuu mootummaa yeroo sanii keessatti qabsoo taasisanii, Dargii mootummaama yeroo sanii haroomsanii waliin itti fufuu akka yaada qaban itti himan Mullis fi Jaarraatti.
Baaroo fi Leencoon dhaabaa karaa nagaa ICAT keessa jiran.
Hayilee Fidaa hoogganaa dhaabaa ME'soonii.
Inumaahuu yaada qabsoo Bilisummaa Oromoo jedhu san achumatti akka dhaaban gorsan.
Yeroon sun yeroo Mootummaan Somaaliyaa Itiyoophiyaa weeraruuf kallattii garagaraatiin biyya seenuuf yaalii godhaa jirutti waan taheef, Leencoo fi Baaroon, Jaarraa Abbaa Gadaatiin Mullis kun Somaalee fakkaata; Somaalee sehanii Mootummaan qabee hidhuu danda'a dafiiti gad deebisi jedhaniin.
Jaarraa fi Mullis Gadaa yaada silaa dhufaniif jara kanarraa dhabnaan of duuba gad deebi'an gara Harargee.
Jaarraan faan Ooyruu Harargee Lixaa Diida Niinniiti qaban. JAARRAAN Mullis kana fuudhee ummata achii waliin wal barsiisaa kishif jedhanii gara Biyyaa of duuba gad deebi'uuf murteessan.
Amma yaada kiyya irraan utaala dubbiin dheertuudha..............................
Achi booda turtii waggaa 1 booda Dargiin warra Akka Dr faa fannisuun; miseensota Paartii Misi'oon hunda fonqolcha mootummaatiin shakkee barbaadee adamsuu eegale.
Dargiin dhaaboota siyaasaa hunda ugguree miseensota barbaaduu jalqabe.
Leencoo fi Baaroon miseensota Paartii ICAT tahuu isaaniiti.
Yeroo kana Jaarraa Abbaa Gadaatiif Mullis Gadaa Harargee Bahaa bakka Dhagaa Gachanaa jedhamutti ABO deebisanii ijaaruun; bobbaa eegaluun mandhee mootummaa Dargii hedduu cabsuun ummata dammaysuun, miseensonni baayyachuun, caaseefamni hooggansaa diriiree dargii quba tokkotti dhaabaa turan.
Akka fakkeenyaatti 1976 kaampii Waraana Dargii guddoo Baddannoo faa fakkeenya fudhachuu dandeenya.
Yeroon tun yeroo itti qaqqaaliwwan akka faan itti wareegaman nu yaadachiifti.
ABO'n humna godhachuun Carcaritti baballatee, dhuma 1977 Bookee bakka jedhamutti Kora isaa jalqabaa taa'e. Korri kun Kora Saqaataa jedhama.
Yeroo tana yeroon Jaal Magarsaa Barii fi Baaroo Tumsaa faan Dargii dheefa ABO'tti dabalaman.
Kanaanis Kora Saqaataa irratti ABO'n hoogganaa Dhaabaa Sooressa Jaarraa Abbaa Gadaa irra deebi'iin muuduun; itti Aanaa isaa Mullis Gadaa akkasumaas Jaal Bobbasaa dhaabaa ajajaa waraanaa walii galaa; Jaal Badhoo Dachaasaa ajajaa sabqunnamtii Raadiyoo;
Baaroo Tumsaa Afaanoota hedduu waan danda'uuf qunnamtii Alaatiin isa muudanii biyya Alaatti erguuf qophiirra turan.
Jaal Magarsaa Barii hogganaa Saglii kutaa Kibba Bahaa taasisuun muudan; san dura Magarsaa Barii Dargii jalatti Godina Baalee hogganaa ture.
Eega ABO'n mudaame saglii waraanaa waliin gara kutaa ergan.
Bakki tarsimoo ABO taate guddoon Ammaas Harargee Bahaa karroodha. Yeroo kana ABO'n eega hojii eegalee Bobbaasaa Dhaabaa ajajaan Waraanaa Malkaa Bal'oodha tarsimoo bobbaa Waraanaa kennuu jalqabe.
Yeroo tana Lataa, Tashomaa Eebbaa fi obbo Leencoon Dargiin dheefa Maayaa Qallootti ABO'tti dhaqan.
Hoggantoonni dhaabaa eega Leencoo, Abbaa Caalaa Lataa fi nama Tashomaa Eebbaa jedhamu simachuun keessummeessanii, haala Finfinnee jiruufii waan tokko tokko haala qabsoon irra jirtuus itti himan booda, Jaarraa Abbaa Gadaa faan Salaatuuf gara Masgidaa deeman.
Tanaafii tana jidduutti,
Leencoo Lataa fi Baaroon marii jalqaban,duriis jaala turan.
Bakka san Zawiyyaa xiqqootu ture, achi keessatti marii jalqaban, Zaawiyyaa san dura eegduu ykn Wardiyyaa Jaal Magarsaa jedhamuutu jira.
Badhoon dhufee waliin dubbatan, achirratti wal didan, waliif galuu didan, san dura ammoo Bahaaroo fi Badhoo jidduu hariiroon jirtu gaarii hin turre, Baaroon; Badhoo akka waan qalbiin fayyaa hin qabneetti Jaarraa faattuu himaa ture.
Yeroo kana walitti bu’iinsi isaan jidduutti uumame.
Waan irratti wal dhaban, Leencoo Lataa tolchee beeka. Guyyaa kana guyyaan Jarri lameenuu wareegame.
Wareegamuu Baaroo fi Badhootiin Jaarraa Abbaa Gadaatiifi hoggantoota dhaabaa hedduu hamileen cabxe.
Akkataa wareegama isaanii Oromoon dhaaba gaafachuun waan hafuu miti; Keessattuu Obbaleessi Baaroo Tumsaa Qees Baaroo kana Jaarraan amanaa jechuudhaan itti dhaame.
Maatiinis, Oromoonis sababa ajj-eechaa jara lameenii dhaaba gaafachuun waan hin hafne.
Kanaaf akkataa ajj-eechaa isaanii, wal dhabdee isaanii, ka'umsa wal dhabdee hunda ragaa waraqaadhaan, Leencoo barreesisee waraqaa koppii godhee hambifate.
Achi booda Leencoon Jabuutii dhaqee Baroon shiraan ajj-eefame jechuudhaan summii facaase.
Yeroo san ammoo dhaabaaf gaarii miti jedhee haala ajj-eechaa Baaroo maatiin akka hin beekne kan Jaarraa faa dhoorge Leencoo mataasaa ture.
Ajajaa Waraa-naa, Malkaa Balloo jiru bira ergaan geesse; Bahaaroo akka waan amantii fakkeessanii ajj-eesanii fakkeessuun itti himan, waraana hunda keessa olola kana baballisan. Achiin Jaarraa irratti fonqolcha taasisan.
Jaarraa hamma lubbuun ajj-eesuutti barbaaduun dhiibanii dhaabaan ala godhan.
Leencoo game Siyaasaa taphateen, Gara dhaabaatti deebi'uun, ABO dhuunfatanii obbaloota jiddutti ibidda qabsiisan, ABO gargar facaasan, hoogganaa dhaabaa taasisanii muudan, achi booda hin turre Magarsaan warra Shinniigaatti wareegame keessaa tokko tahe.
Jaarraa miira keessa galchanii dhiibanii baasan, Jaarraan aariin IFLO hundeesse tan maqaa Islaama Oromiyaatiin loltu.
ABO'n sadi mo 5'n taate. Dhumarratti Leencoon deemee ulee TPLF kennee ilmaan Oromoo kaampiitti walitti qabee murr-uq godhee, ofii Booleen biyyaa bahe.
Hiree Oromoo kaampaanii daldalaa taasifatan.
Kanaatu seenaa bareechuuf kitaaba Barreessee, qabsoo waggaa 50'm walakkaa Jaarraa yoo nun je'e Ummanni Surprised tahuun qabu. Barumaatu bara waan haarawaati.
Galatoomaa🙏🙏
