10/13/2025
مشيت خدمت عند وحدة 4 ايام، قالت ليا نهار السبت تجي عندي عندي دار كبيرة، مشيت نهار اللول غسلت ليها حوايج، ونهار التاني غسلت الفراش، ومن غير داك الشي نغسل ونسيق والكوزينة والفطور، حيت راجلها مريض قالت ليا عاونيني ونشري ليك شي حوايج للدراري، وأنا عارفة باللي بهي عارفة ظروفي ، من السبت حتى الثلاثاء ساليت ليها كلشي، منين ولا راجلها بخير قالت ليا شوفي شي حوايج عجبوك نشريهم ليك، والله كنت ناوية نشوف شي حاجة رخيصة، مشيت لقيت سروال وتريكو بـ 180 درهم للبنت، والولد سبردينة ب 200 درهم، رجعت خبرتها قالت ليا غاليين خليه خليه حتى نشوف، قلت ليها ماشي مشكل، غير عطيني الخلاص راه خاصني نصرف ونقضي، وقلت ليها خلي الدراري نكسيهم أنا، قالت ليا لا لا تفاهمنا أنا نشري ليهم، ومن بعد دازت هاد السيمانة، منين مشيت عندها رمات عليا 100 درهم وقالت ليا نتي ما فيكش الخير، جايا عندي مع الصباح، والله العظيم الدراري بقاو بلا حوايج لا كراطب لا والو، وبغيت نقول ليك من هاد المنبر حسبي الله ونعم الوكيل فيك، دمعتي ودمعة الدراري مساكن يخرجو فيك انشاء الله.
#رسائلكــــــــم
