10/10/2025
Sa fè kèk tan, Patrice Salomon te like yon videyo epi notifikasyon an te vin jwenn mwen. Mwen tonbe sou jèn gason sa, ki dèyè paj PM Plumemots.
Misye pwopoze sou paj sa yon seri videyo, kote l ap evoke yon ansanm souvni kolektif ki te make anfans nou.
Sou yon ton naratif e imoristik, l ap fè nou reviv yon ansanm detay ki kite anprent yo sou lavi nou, men ki souvan echape nou.
Kontni PM Plumemots yo orijinal e yo pwopoze yon lòt rega- yon rega pwofon sou egzistans kolektiv nou kòm pèp.
Se yon seri videyo senp, men ki gen sosyoloji, antwopoloji, literati peyi a.
Se yon fòm odyans- m te ka di- ki raple nou Maurice Sixto, pandan l ap fè w ri, men tou l ap aprann ou anpil sou reyalite w.
Li retounen nou nan vilaj la ankò, kote lè lanjelis tonbe, timoun rasanble pou tire kont anba je granmoun.
Si Televizyon ak rezo sosyal fè disparèt bagay sa yo, men li pwopoze yon espas pou nou kontre e gade tèt nou ansanm.
Se modèl kontni sa yo mwen ankouraje e m ap kontinye ankouraje sou rezo a. Limyè pou jenn gason sa. Mwen ankouraje nou al suiv misye. M tag li nan pòs sa.
