Quel est le site Web ?

https://www.facebook.com/511831808980273/

Eve.canadalife

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Eve.canadalife, Création digitale, Montreal, QC.
(1)

🇨🇦 Canada Life & Secrets | خبايا وأسرار كندا
🎥 Reality, Jobs & Places | شغل أماكن ويوميات
☁️ Unfiltered Sketches | سكيتشات واقعية
👇 Did you follow me? | تابعتني؟

09/09/2026

هي المصاري من حقك ومن حق ولادك 💵
في حال كنتي مو مقدمة بعد على إعانة الطفل بكندا مافي اي مشكلة،، بتقدري بكل بساطة ترجعي تطلبي الدفعات السابقة لحد ال10 سنين لورا وبينزلوا بحسابك دفعة وحدة😉

كل اللي عليكي تعمليه
- تدخلي على حسابك ب CRA
- اختاري benefits & credits
- ضيفي اسم طفلك ومعلوماتو الشخصية
وقدمي الطلب
اما في حال المقيم الؤقت فلازم تكوني مقيمة بكندا مدة 18 ضهر متواصلين مع اثبات اقامة صالح المفعول..

لا تتأخري قدمي عليها وحصلي مصاري ولادك عالسريع

09/03/2026

سألوني مرة ليش #اوتاوا هية عاصمة #كندا الرسمية، مع انو #تورنتو اكبر مدينة و #مونتريال الاقدم ومشهورة اكتر!
فقررت ابحث ودور لعرفكن ع أسباب اختيار الملكة فيكتوريا اوتاوا تحديداً عاصمة لكندا.. 🇨🇦
من اهم الاسباب انو موقعها بعيد عن امريكا وبالوسط بين اونتاريو وكيبيك وكمان وحود نهر اوتاوا وقناة ريدو مهمين للتجارة والنقل..

ف برأيكن اوتاوا بتستاهل تكون العاصمة او بتفضلوا تختاروا مدينة تانية؟!

08/31/2026

تخيّل يكون إلك مصاري بالبنك وما بتعرف عنها! 💸🇨🇦

في اكتر من 1.8 مليار دولار وعشرات الملايين من الشيكات موجودة عند الحكومة الكندية من سنة 1898 ولليوم نايمة وما حدا طالب فيها..! شي بيصدم مو؟
بما إنو الشيكات الحكومية مالا وقت انتهاء صلاحية، ممكن جداً يكون إلك أو لعيلتك حصة من هالمبالغ وأنتو مو عرفانيين
الخطوات أسهل مما بتتخيل:
1️⃣ دخول على حسابك بـ CRA وفحاص Uncashed Cheques
2️⃣ أو دور بموقع Bank of Canada
3️⃣ وإذا كنت بكيبيك راجع Revenu Québec
دقيقة وحدة من وقتك ممكن ترجعلك مصاري ناسيها!

👇 شو ناطر؟ شيك على حسابك وبعات هالفيديو لصحابك بكندا ليشوفو بركي ناسين شي

08/28/2026

في تحولات بتنفرض عليك.. وفي تحولات إنت بتصنعا لتضمن نجاح مشروعك! 🩵

لما تقرر تفتح مطعم، الديكور مش بس شكل حلو ليجذب الزباين.. التصميم الصح هو اللي بيضمن إنو مطبخك يخدم أكبر عدد ممكن بأسرع وقت.. وهيدا بالضبط اللي حققوه فريق Jabali Brothers بمطعم Arabesque
من التخطيط العملي للمساحات، وصولاً للـ "Wow Effect" اللي بيخطف العين من أول نظرة بالـ 3D Wallpaper.. النتيجة كانت خيالية والتفاصيل بتحكي عن حالها. 🎬👇

إذا عم تفكر تبدأ أي مشروع (تجاري أو سكني) ب #مونتريال وتدور على فريق يترجم رؤيتك لواقع ملموس بأعلى جودة.. إنت بالمكان الصح

08/26/2026

سيارات، كهربا، ومواد غذائية..
الأسعار رح تولع والسبب حرب تصريحات! 🚨🇨🇦

الخلاف اللي بلش كسياسة تحول بلحظة لحرب اقتصادية مباشرة بين #كندا و #أمريكا من شتائم علنية بين دوغ فورد وترامب، لتهديدات بقطع الكهربا والمعادن عن #أونتاريو، ورفع الجمارك لـ 50% على السيارات والحديد! 📉💣
رئيس الوزراء مارك كارني انسحب من المفاوضات، والنتيجة؟ جيبة المواطن الكندي هي اللي رح تدفع الثمن بالأيام الجاية.
مرروا الصور لتعرفوا تفاصيل هالتصعيد الخطير 👆

08/24/2026

بين أونتاريو وكيبيك.. خطوة وحدة ومشي!
أوقات أبسط التفاصيل ب #كندا بتعطيك أحلى تجربة متل إنك تقطع الحدود بين مقاطعتين مشي بس!
مشواري كان على جسر ألكسندرا (Alexandra Bridge)، جسر حديدي ضخم بيسمحلك تتنقل بين كيبيك وأونتاريو بثواني و المكان مجهز بمسارات للمشي والبسكليتات، وحتى للسيارات!

المنظر من هنيك بيعقد، وهيدي الأماكن البسيطة هي اللي بتعطي لكندا سحرها الحقيقي، وبتستاهل تتوثق بأحلى صورة 🎬✨

مين منكم جرب يقطع هالجسر قبل هيك، وشو أغرب مكان بكندا اكتشفتوه بالصدفة؟

08/21/2026

تحويل المصاري صار أسهل واسرع لبلدك واهلك 😉
عن طريق تطبيق تاب تاب Taptap Send Egypt بتقدر تحول للدول العربية متل مصر الاردن ولبنان وكتير دول تانية من حول العالم
من #كندا، امريكا ، استراليا، بريطانيا، واروربا
والاحلى انو بدون رسوم تحويل ع مصر تحديدا او برسوم قليلة
- المصاري بتوصل خلال دقايق عالحساب البنكي للشخص او ع محفظة فودافون او ع أي جهة ببلدك
- نزلوا التطبيق هلق واستفيدوا من كود EVLIN وكسبوا 20$ زيادة عأول عملية تحويل
Taptap Send Lebanon
وهلق ماعاد في حجة او عذر لتبعت مصاري عالسريع وبدون ماتتكلف كتير 💰 ☺️
This reel by Evlin Haddad 🇨🇦 — Canada Tips

08/19/2026

طيارتك تأخرت بكندا وقبلت باعتذار كترضية بسيطة؟

كلنا مننحط بهالموقف، الطيارة بتتأخر أو بتنلغى وموظف المطار بيجي بيعتذر بكل أدب وبيعطينا قسيمة أكل بـ 10 دولار أو فاوتشر لترضية الركاب، وأغلبنا بيقبل فيها بحسن نية!

بس يلي ما بيعرفه المعظم إنو بكندا في قانون فدرالي صارم اسمه (APPR) بيلزم شركات الطيران يعوضوك بمبالغ كاش محترمة إذا كان التأخير لسبب متعلق فيهن (متل صيانة أو نقص موظفين، مو بسبب الطقس العاصف او ظروف مش بايدن يعني)
التسعيرة حسب القانون واضحة:
إذا تأخرت من 3 لـ 6 ساعات بيحقلك 400 دولار.
وإذا تأخرت من 6 لـ 9 ساعات بيحقلك 700 دولار.
أما إذا تأخيرك وصل لـ 9 ساعات وأكتر، فهون بيحقلك تعويض 1000 دولار كندي بالتمام والكمال و كاش
شركات الطيران ممكن تعرض عليك فاوتشر (قسيمة سفر) كحل سريع. بس القانون بيعطيك الحق تختار، وفيك بكل بساطة وبدون إحراج تطلب التعويض كاش أو شيك ينصرف بحسابك بدال القسيمة.
معك سنة كاملة بعد موعد رحلتك لتدخل على موقع شركة الطيران وتقدم طلب التعويض. وإذا رفضوا، فيك تتواصل مع هيئة النقل الكندية CTA لمساعدتك!

خبروني مين صار معه تأخير طيران من قبل وقبل بوجبة أكل كتعويض؟

لا تنسوا تعملوا حفظ للبوست لترجعوله بسفرتكن الجاية، واعملوا منشن لرفيقكن يلي دايماً بيسافر ليكون عارف حقوقه.

08/17/2026

لا توقع على ورقة زيادة الإيجار فوراً! 🛑📄

كتير منا بيستلم إشعار بزيادة الإيجار وبيوقع عليه فوراً خوفاً من خسارة البيت أو الدخول بمشاكل، بس القانون (تحديداً في كيبيك) بيعطيك حقوق واضحة بتوفر عليك مبالغ كبيرة:

مهلة التبليغ: المالك ملزم يبلغك بالزيادة قبل 3 إلى 6 شهور من نهاية العقد

حق الرفض: من حقك ترفض الزيادة وتبقى قاعد بالبيت، بس بشرط تبعت جواب مكتوب خلال 30 يوم. (انتبه: إذا ما رديت، القانون بيعتبرك وافقت تلقائياً!)

الاستثناء الوحيد: إذا كان عمر البناء أقل من 5 سنين، ما بتقدر ترفض الزيادة

مين بيشتكي؟ إذا رفضت، مهمة المالك (مش أنت) إنه يروح لمحكمة الإيجارات (TAL) ليثبت أحقيته بالزيادة. وإذا ما راح إيجارك بيبقى على سعره القديم بدون أي زيادة

لازم تعرف حقك بالقانون ولا تترك مصاريك تروح لمجرد إنك ما بتعرف هالمعلومات
👇 شاركوني بالتعليقات: شو آخر نسبة زيادة إيجار وصلتكن هالسنة؟ وهل وافقتوا عليها؟

08/14/2026

مفكر إنو كندا بس ضرايب ومصاريف؟ 💸 في "مصاري مجانية" عم تروح عليك لأنك ببساطة ما عم تطالب فيها!
النظام المالي بكندا مصمم ليفيدك، بس الكاش ما رح يدق بابك لحاله. بهالپوست جمعتلك 3 أسرار لبرامج حكومية وبنكية بتنزلك مصاري حقيقية بحسابك:
✔️ شيكات حكومية كل 3 شهور حتى لو دخلك صفر! (السر كله بتقديم التاكس).
✔️ منحة مخفية بقيمة 2000$ لتعليم أطفالك بدون ما تودع ولا سنت من جيبتك (CLB).
✔️ هدايا ترحيبية بتوصل لـ 400$ من البنوك اللي عم تتنافس لتكسبك كعميل.
اسحبوا الشاشة لتقرؤوا كل التفاصيل وكيف فيكم تطالبوا بحقكم 👈
لا تتركوا المصاري ع الطاولة! احفظوا البوست لترجعوله، وشاركوه مع أي حدا واصل جديد أو عايش بكندا خليه يستفيد مالياً ويضبط أموره. ✈️🇨🇦
شاركونا بالتعليقات: مين كان بيعرف بهي الأسرار؟ وشو بتعرفوا برامج تانية بتعطي مصاري أو دعم بكندا؟ 👇

Adresse

Montreal, QC

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Eve.canadalife publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.