LB TV Punjab

09/09/2025

ਅਖੇ ਸਾਡਾ ਲੱਗਾ ਪੈਸਾ ਬੋਲੂਗਾ Hardeep Singh Dimpy Dhillon
ਜੇ ਤੁਸੀਂ ਐਨੇ ਕੁ ਹੀ ਸੁਹਿਰਦ ਹੁੰਦੇ ਮੀਂਹ ਰੁੱਤ ਤੋਂ ਪਹਿਲਾਂ ਆਹ ਸੇਮਨਾਲੇ ਡਰੇਨਾਂ ਹੀ ਸਾਫ ਕਰਵਾ ਦਿੰਦੇ ਸਹੀ ਨਿਕਾਸੀ ਹੁੰਦੀ ਨੁਕਸਾਨ ਅੱਧਾ ਰਹਿ ਜਾਂਦਾ!ਤੁਹਾਡੀਆਂ ਲਾਪ੍ਰਵਾਹੀਆਂ ਨੇ ਚੰਗੇ ਭਲੇ ਘਰ ਮੰਗਤਿਆਂ ਵਰਗੇ ਬਣਾਤੇ, ਹੁਣ ਅਰਥੀ ਤੇ ਬੁਲਬੁਲੇ ਲਾਉਣ ਦਾ ਕੀ ਫਾਇਦਾ?
ਦੋਸ਼ ਗਾਇਕਾਂ ਨੂੰ ਕਾਹਦਾ ਦਿੰਨੇ ਉ ਕੀ ਉਹ ਸਰਕਾਰ ਚਲਾਉਂਦੇ ਆ ? ਗਾਇਕ ਤੁਹਾਨੂੰ ਟੈਕਸ ਭਰਦੇ ਆ, ਲੋੜ ਸਮੇਂ ਆਵਦੀ ਕਮਾਈ ਚੋਂ ਕਿਸੇ ਦੀ ਬਾਂਹ ਫੜ੍ਹਦੇ ਆ ! ਜਿੰਨਾ ਥੋੜਾ ਬਹੁਤ ਕਰ ਰਹੇ ਸਿਰ ਮੱਥੇ 🙏🙏🙏

ਦੇ ਤਾਂ ਝੁੱਗੇ ਚੋਂ ਤੁਸੀਂ ਚਾਰ ਕਿਸ਼ਤੀਆਂ ਨਹੀਂ ਸਕੇ ਹੋਰ ਹੁਣ ਜਿਹੜੇ ਮਹਿਲ ਪਾ ਦੇਵੋਂਗੇ ਉਹ ਵੀ ਦਿਸ ਹੀ ਜਾਣੇ ਆ !

09/06/2025

09/04/2025

ਮੈਡਮ ਸਾਕਸ਼ੀ ਸਾਹਨੀ ਨੂੰ ਸਾਰੇ ਪੰਜਾਬ ਨੇ ਆਪਣੀ ਦਲੇਰ ਧੀ ਮੰਨ ਲਿਆ ਹੈ। ਇਹਨਾਂ ਬਾਰੇ ਇੱਕ ਛੋਟੀ ਜਿਹੀ ਗੱਲ ਸਾਂਝੀ ਕਰਦੀ ਹਾਂ। ਪਿਛਲੀ ਵਾਰ ਜਦੋਂ ਪਟਿਆਲੇ ਵਿੱਚ ਹੜ ਆਏ ਤਾਂ ਸੀਵਰੇਜ ਬਲੋਕ ਹੋ ਗਿਆ। ਮੇਰੇ ਘਰ ਦਾ ਸੀਵਰੇਜ 10 ਦਿਨ ਬਲੋਕ ਰਿਹਾ। ਮੈਂ ਮਿਊਨਸੀਪਲ ਕਾਰਪੋਰੇਸ਼ਨ ਵਿੱਚ ਅਨੇਕਾਂ ਸ਼ਿਕਾਇਤਾਂ ਕੀਤੀਆਂ। ਉਹਨਾਂ ਦੇ ਬੰਦੇ ਕਦੇ ਕਦਾਈ ਆਉਂਦੇ ਤੇ ਕਹਿ ਦਿੰਦੇ ਜੀ ਠੀਕ ਕਰ ਦਿੱਤਾ ਹੈ ਪਰ ਠੀਕ ਨਾ ਹੁੰਦਾ। ਘਰ ਵਿੱਚ ਰਹਿਣਾ ਮੁਸ਼ਕਿਲ ਹੋ ਰਿਹਾ ਸੀ। ਤੁਸੀਂ ਸੋਚ ਸਕਦੇ ਹੋ ਕਿ ਸੀਵਰੇਜ ਬਲੋਕ ਹੋਵੇ ਤਾਂ 10 ਦਿਨ ਰਹਿਣਾ ਕਿੰਨਾ ਔਖਾ ਹੈ। ਐਮਸੀ ਨੂੰ ਵੀ ਬਹੁਤ ਵਾਰ ਕਿਹਾ ਪਰ ਕਿਸੇ ਨੇ ਨਾ ਸੁਣੀ। ਇੱਕੋ ਜਵਾਬ ਦੇਈ ਜਾਣ ਕਿ ਤੁਹਾਡਾ ਘਰ ਨੀਵਾਂ ਹੈ। ਅਖੀਰ ਇੱਕ ਦਿਨ ਮੈਂ ਮੈਡਮ ਸਾਕਸ਼ੀ ਸਾਹਨੀ ਜੀ ਨੂੰ ਏਪੀਆਰਓ ਸਾਹਿਬ ਦੇ ਸੰਪਰਕ ਨਾਲ ਮੈਸੇਜ ਕੀਤਾ। ਉਹਨਾਂ ਨੂੰ ਦੱਸਿਆ ਕਿ ਮੇਰੇ ਪਤੀ ਫੌਜ ਵਿੱਚ ਅਫਸਰ ਹਨ ਤੇ ਮੈਂ ਇਕੱਲੀ ਇਥੇ ਰਹਿ ਰਹੀ ਹਾਂ। ਮੇਰੀ ਮਾਤਾ ਬਜ਼ੁਰਗ ਹੈ। ਮੇਰੇ ਲਈ ਬਹੁਤ ਮੁਸ਼ਕਿਲ ਹੋ ਰਿਹਾ ਹੈ ਤੇ 10 ਦਿਨ ਤੋਂ ਮੇਰੀ ਕੋਈ ਸੁਣਵਾਈ ਨਹੀਂ ਹੋ ਰਹੀ। ਯਕੀਨ ਮੰਨਿਓ 7:30 ਵਜੇ ਮੈਸੇਜ ਕੀਤਾ। ਸਢੇ ਵਜੇ ਤੱਕ ਡਿਪਟੀ ਕਮਿਸ਼ਨਰ ਦਫ਼ਤਰ ਤੋਂ ਮੈਸੇਜ ਆ ਗਿਆ ਕਿ ਤੁਹਾਡੀ ਸਮੱਸਿਆ ਹੱਲ ਹੋ ਜਾਵੇਗੀ। ਸਵੇਰੇ ਉਹੀ ਮਿਊਨਸੀਪਲ ਕਾਰਪੋਰੇਸ਼ਨ ਦੇ ਕਰਮਚਾਰੀ ਜੋ ਮੇਰੀ ਗੱਲ ਸੁਣ ਨੂੰ ਵੀ ਤਿਆਰ ਨਹੀਂ ਸਨ 8:15 ਤੇ ਮੇਰੇ ਘਰ ਦੇ ਬਾਹਰ ਖੜੇ ਸਨ। ਉਹਨਾਂ ਕੋਲ ਮਸ਼ੀਨ ਵੀ ਸੀ ਤੇ ਹੋਰ ਸਭ ਜਰੂਰੀ ਸਮਾਨ ਵੀ। ਉਸੇ ਵੇਲੇ ਮੈਨੂੰ ਡੀਸੀ ਆਫਿਸ ਤੋਂ ਫੋਨ ਆਇਆ ਕਿ ਤੁਹਾਡੇ ਕੋਲ ਬੰਦੇ ਪਹੁੰਚ ਗਏ ਹਨ। ਮੈਂ ਉਹਨਾਂ ਨੂੰ ਦੱਸਿਆ ਜੀ ਬੰਦੇ ਪਹੁੰਚ ਗਏ ਹਨ। ਉਹਨਾਂ ਕਿਹਾ ਕਿ ਕੰਮ ਹੁੰਦੇ ਹੀ ਮੈਂ ਉਹਨਾਂ ਨੂੰ ਦੱਸ ਦੇਵਾਂ। 10 ਮਿੰਟ ਵਿੱਚ ਸੀਵਰੇਜ ਕਲੀਅਰ ਹੋ ਗਿਆ। ਸਾਡੇ ਇਲਾਕੇ ਦੇ ਐਮਸੀ ਦਾ ਕਹਿਣਾ ਸੀ ਕਿ ਤੁਹਾਨੂੰ ਡੀਸੀ ਸਾਹਿਬ ਤੱਕ ਸ਼ਿਕਾਇਤ ਕਰਨ ਦੀ ਕੀ ਜਰੂਰਤ ਸੀ। ਮੈਂ ਕਿਹਾ ਜੀ ਮੇਰੀ ਕੋਈ ਸੁਣਵਾਈ ਨਹੀਂ ਹੋਈ। ਮੈਂ ਡੀਸੀ ਦਫਤਰ ਦੇ ਨੰਬਰ ਤੇ ਫੋਨ ਕਰਕੇ ਦੱਸ ਦਿੱਤਾ ਕਿ ਮੇਰਾ ਕੰਮ ਹੋ ਗਿਆ ਹੈ ਤੇ ਮੈਡਮ ਦਾ ਧੰਨਵਾਦ ਕੀਤਾ। ਮੈਂ ਮੈਡਮ ਨੂੰ ਨਿੱਜੀ ਤੌਰ ਤੇ ਨਹੀਂ ਜਾਣਦੀ ਸੀ। ਇੱਕ ਡੀਸੀ ਲਈ ਛੋਟੇ ਜਿਹੇ ਮਸਲੇ ਵਿੱਚ ਇਸਤਰਾਂ ਧਿਆਨ ਦੇਣਾ ਇਹ ਦੱਸਦਾ ਹੈ ਕਿ ਉਹ ਆਪਣੇ ਕੰਮ ਪ੍ਰਤੀ ਕਿੰਨਾ ਸਮਰਪਣ ਰੱਖਦੇ ਹਨ। ਉਸ ਦਿਨ ਤੋਂ ਬਾਅਦ ਮੈਨੂੰ ਮੈਡਮ ਇੰਝ ਲੱਗਣ ਲੱਗੇ ਜਿਵੇਂ ਮੇਰੇ ਆਪਣੇ ਹੀ ਹਨ। ਇੱਕ ਸੁਹਿਰਦ ਅਫਸਰ, ਜੋ ਜ਼ਮੀਨ ਨਾਲ ਜੁੜੇ ਹੋਏ ਹਨ, ਜਿਨਾਂ ਲਈ ਉਨਾਂ ਦੇ ਜ਼ਿਲ੍ਹੇ ਦਾ ਹਰ ਬੰਦਾ ਉਹਨਾਂ ਦੇ ਘਰ ਦਾ ਜੀਅ ਹੈ। ਪੰਜਾਬੀ ਵਿੱਚ ਕਹਿਣ ਮੁਤਾਬਕ ਉਹਨਾਂ ਵਿੱਚ ਅਹੁਦੇ ਦੀ ਕੋਈ ਬੋ ਮਿਜ਼ਾਜ ਨਹੀਂ। ਬਹੁਤ ਹੀ ਸਰਲ ਤੇ ਨਿਰਛਲ ਸੁਭਾਅ। ਧੰਨ ਨੇ ਉਹ ਮਾਪੇ ਜਿਨਾਂ ਦੀ ਅਜਿਹੀ ਧੀ ਹੈ। ਖੁਸ਼ਕਿਸਮਤ ਹਾਂ ਅਸੀਂ ਪੰਜਾਬੀ ਕਿ ਸਾਨੂੰ ਇੱਕ ਅਜਿਹੀ ਆਈਐਸ ਆਫੀਸਰ ਮਿਲੀ ਹੈ।
ਅਜਿਹੀ ਦਲੇਰ ਧੀ ਤੇ ਸਾਰੇ ਪੰਜਾਬ ਨੂੰ ਮਾਣ ਹੈ।

09/04/2025

ਨਵੇਂ ਬਣਾਏ ਐਲੀਵੇਟਡ ਹਾਈਵੇਅਜ਼ ਕਾਰਨ ਨੁਕਸਾਨ

ਜਿਸ ਮਸਲੇ ‘ਤੇ ਪਹਿਲਾਂ ਧਿਆਨ ਰੱਖਣ ਤੇ ਰੌਲਾ ਪਾਉਣ ਦੀ ਜ਼ਰੂਰਤ ਸੀ, ਪੰਜਾਬ ਦੇ ਰਾਜਨੀਤਿਕ ਆਗੂ ਹੁਣ ਹੜ੍ਹ ਆਉਣ ਤੋਂ ਬਾਅਦ ਜਾਗਣ ਲੱਗੇ ਨੇ।

ਅਸੀਂ ਕਾਫੀ ਸਮੇਂ ਤੋਂ ਐਕਸਪ੍ਰੈਸ ਹਾਈਵੇਅਜ਼ ਕਾਰਨ ਆਉਣ ਵਾਲੀਆਂ ਸਮੱਸਿਆਵਾਂ ਬਾਰੇ ਲਿਖ ਰਹੇ ਹਾਂ ਪਰ ਪੰਜਾਬ ਦੀ ਰਾਜਨੀਤਕ ਜਮਾਤ ਸੁੱਤੀ ਰਹੀ।

ਹੁਣ ਚਰਨਜੀਤ ਸਿੰਘ ਚੰਨੀ ਦੀ ਅਗਵਾਈ ਵਾਲੇ ਪਾਰਲੀਮੈਂਟਰੀ ਪੈਨਲ ਨੇ NHAI ਨੂੰ ਕਿਹਾ ਹੈ ਕਿ ਨਵੇਂ ਬਣੇ ਇਹਨਾਂ ਹਾਈਵੇਜ਼ ਤੋਂ ਮੀਹ ਦਾ ਪਾਣੀ ਲੰਘਣ ਲਈ ਠੀਕ ਤਰੀਕੇ ਨਾਲ ਰਾਹ (ਸਾਈਫਨ) ਨਹੀਂ ਰੱਖੇ ਗਏ ਤੇ ਇਸ ਨਾਲ ਕਿਸਾਨਾਂ ਦਾ ਨੁਕਸਾਨ ਹੋ ਰਿਹਾ ਹੈ।

ਸੁਖਜਿੰਦਰ ਸਿੰਘ ਰੰਧਾਵਾ ਨੂੰ ਵੀ ਹੁਣ ਧਿਆਨ ਆਇਆ ਹੈ ਕਿ ਪਾਣੀ ਲੰਘਣ ਲਈ ਰਾਹ ਨਾ ਰੱਖਣ ਨਾਲ ਕਰਤਾਰਪੁਰ ਲਾਂਘੇ ‘ਤੇ ਪਾਣੀ ਇਕੱਠਾ ਹੋ ਗਿਆ।

ਰੰਧਾਵਾ ਨੇ ਤਾਂ ਇਹ ਵੀ ਖੁਲਾਸਾ ਕੀਤਾ ਹੈ ਕਿ NHAI ਵਾਲਿਆਂ ਨੇ ਉਸਦੀ ਗੱਲ ਵੱਲ ਕੋਈ ਧਿਆਨ ਵੀ ਨਹੀਂ ਦਿੱਤਾ ਤੇ ਜਦੋਂ ਉਸਨੇ ਫੋਨ ਕੀਤਾ ਤਾਂ ਜਵਾਬ ਵੀ ਬੜਾ ਰੁੱਖਾ ਦਿੱਤਾ।

ਇਹੀ ਰੰਧਾਵਾ ਸਾਹਿਬ ਹਾਲੇ ਕੁਝ ਦਿਨ ਪਹਿਲਾਂ ਹੜ੍ਹਾਂ ਦੀ ਪੜਤਾਲ ਕਰਾਉਣ ਲਈ ਕਹਿ ਰਹੇ ਸਨ। ਹੜ੍ਹਾਂ ਨੇ ਕਈ ਰਾਜਨੀਤਕਾਂ ਦੀ ਅਕਲ ਵੀ ਨੰਗੀ ਕੀਤੀ ਹੈ।

ਪੰਜਾਬ ਸਮੇਤ ਹੋਰ ਰਾਜਾਂ ਨੇ ਪਹਿਲਾਂ ਵੱਧ ਤੋਂ ਵੱਧ ਪ੍ਰੋਜੈਕਟ NHAI ਨੂੰ ਦਿੱਤੇ, ਹੁਣ ਕੰਮਾਂ ਦੀ ਕੁਆਲਿਟੀ ਅਤੇ ਨਤੀਜਾ ਸਾਹਮਣੇ ਆ ਰਿਹਾ। NHAI ਦੇ ਬਹੁਤੇ ਪ੍ਰੋਜੈਕਟਾਂ ਵਿੱਚ ਘਟੀਆ ਪਲੈਨਿੰਗ ਨੰਗੀ ਹੋ ਚੁੱਕੀ ਹੈ।

09/04/2025

ਸਾਰੀ ਗੱਲ ਧਿਆਨ ਪੂਰਵਕ ਸੁਣੋ ਅਤੇ ਬਾਅਦ ਵਿਚ ਫੈਸਲਾ ਤੁਸੀਂ ਕਰਕੇ ਆਪਣੇ ਵਿਚਾਰ ਦਿਓ??

09/04/2025

ਇਹ ਫੋਟੋ ਪਾ ਪਾ ਕੇ ਬਹੁਤ ਸਾਰੇ ਪੇਜਾਂ ਤੋਂ ਇਹਨਾਂ ਨੂੰ ਭੰਡਿਆ ਜਾ ਰਿਹਾ ਹੈ । ਕੋਈ ਕਹਿੰਦਾ ਹੱਥ ਤੇ ਰੋਟੀ ਰੱਖ ਕੇ ਖਾਣ ਦਾ ਡਰਾਮਾ । ਕੋਈ ਕਹਿੰਦਾ ਇਹਨਾਂ ਲਈ ਪਿਕਨਿਕ ਆ । ਕੋਈ ਕਹਿੰਦਾ ਇਹਨਾਂ ਨੇ ਜੀਨਾਂ ਕਿਉਂ ਪਾ ਰੱਖੀਆਂ । ਲੋਕ ਤਰਾਂ ਤਰਾਂ ਦੀਆਂ ਗੱਲਾਂ ਬਣਾ ਰਹੇ ਹਨ । ਪਹਿਲੀ ਗੱਲ ਉਹਨਾ ਨੇ ਕਿਤੇ ਵੀ ਇਹ ਫੋਟੋ ਖਿਚਵਾ ਕੇ ਪੋਸਟ ਨਹੀਂ ਕੀਤੀ , ਸਗੋਂ ਕਿਸੇ ਨੇ ਉਹਨਾਂ ਦੀ ਰੋਟੀ ਖਾਂਦਿਆਂ ਦੀ ਫੋਟੋ ਖਿੱਚ ਲਈ । ਰਾਹ ਜਾਂਦੇ ਜੇ ਰੋਟੀ ਖਾਣੀ ਹੋਵੇ ਹਰ ਕੋਈ ਏਦਾਂ ਹੀ ਖਾਊ ਹੋਰ ਕਿਵੇਂ ਖਾਊ । ਦੁਜੀ ਗੱਲ ਕੱਪੜਿਆਂ ਦੀ ਤਾਂ ਇਹਨਾ ਕੱਪੜਿਆਂ ਵਿੱਚ ਰੱਤੀ ਭਰ ਵੀ ਬੁਰਾਈ ਨਹੀ । ਤੀਜੀ ਗੱਲ ਪਿਕਨਿਕ ਦੀ … ਤਾਂ ਜਿਵੇ ਹੋਰ ਸੈਂਕੜੇ ਲੋਕ ਰਿਪੋਰਟਿੰਗ ਕਰ ਰਹੇ ਹਨ ਓਵੇਂ ਹੀ ਇਹ ਵੀ ਆਪਣੇ ਚੈਨਲ ਵਾਸਤੇ ਗਏ ਸੀ । ਜਦੋਂ ਇਹ ਪਿਛਲੇ ਕਈ ਦਿਨਾਂ ਤੋਂ ਸਟੂਡੀਓ ਵਿੱਚ ਬੈਠ ਸਕੇ ਪ੍ਰੋਗਰਾਮ ਕਰ ਰਹੇ ਸੀ ਤਾਂ ਉਸ ਵੇਲੇ ਲੋਕ ਕੁਮੈਂਟ ਕਰ ਰਹੇ ਸਨ ਕਿ ਇਹ ਸਟੂਡੀਓ ਵਿੱਚ ਬੈਠ ਕੇ ਬੋਲਣ ਜੋਗੇ ਹਨ ਗਰਾਊਂਡ ਪੱਧਰ ਤੇ ਜਾ ਕੇ ਰਿਪੋਰਟ ਕਰਨ । ਹੁਣ ਜਦ ਉਹ ਆਪ ਉਸ ਖੇਤਰ ਵਿੱਚ ਜਾ ਕੇ ਰਿਪੋਰਟ ਕਰਨ ਲੱਗੇ ਤਾਂ ਲੋਕਾਂ ਨੇ ਹੋਰ ਨੁਕਸ ਕੱਡਣੇ ਸ਼ੁਰੂ ਕਰ ਦਿੱਤੇ। ਦੁਨੀਆਂ ਦੇ ਦੰਦੇ ਆਰੀ ਵਾਂਗ ਦੋਹੇਂ ਪਾਸੇ ਹਨ । ਲੋਕ ਕਿਸੇ ਨੂੰ ਨਹੀਂ ਛੱਡਦੇ ।

LBTV

09/02/2025

ਯੁਵਰਾਜ ਸਿੰਘ

08/30/2025

ਸੋਨੀਆਂ ਮਾਨ ਨੇ ਲੋਕਾਂ ਨੂੰ ਸਮਝਾਇਆ ਕਿ ਕਿਵੇਂ ਰੋਕਿਆ ਜਾ ਸਕਦਾ ਹੜ !!!

08/29/2025

ਭਗਵੰਤ ਮਾਨ ਬਾਬਤ ਇੱਕ ਗੱਲ ਹੀ ਕਹਿ ਸਕਦਾ , ਉਸਦੀ ਕਮੇਡੀ ਨੇ ਹੀ ਉਸਦੀ ਦੁਰਗਤੀ ਕਰਵਾ ਦੇਣੀ ਹੈ । ਜਿਸਦੇ ਸਿਰ ਤੇ ਬਣਿਆ ਉਹੀ ਵਿਨਾਸ਼ਕਾਰੀ ਬਣੇਗੀ ! ਅੱਜ ਇਹ ਭਾਵੇਂ ਮੁੱਖ ਮੰਤਰੀ ਹੈ , ਕੱਲ ਨੂੰ ਇਹ ਸਮਾਂ ਆਵੇਗਾ ਇਹਦੇ ਪਿੰਡ ਸਤੌਜ ‘ਚ ਕਿਸੇ ਨੇ ਇਸਦੇ ਕਹੇ ਤੇ ਪੰਚਾਇਤ ਮੈਂਬਰੀ ਦੀ ਵੋਟ ਨੀ ਪਾਉਣੀ ।
ਕਦੇ ਮੂੰਹੋ ਕੱਢੇ ਸ਼ਬਦ ਵਾਪਿਸ ਮੁੜੇ ਨੇ ?
ਉਹ ਵੀ ਅੱਜ ਦੇ ਸ਼ੋਸ਼ਲ ਮੀਡੀਆ ਯੁੱਗ ਵਿੱਚ ..
ਬੱਸ ਇਹੀ ਕਰਾਮਾਤ ਹੈ ਕਿ ਕਿਸੇ ਵੇਲੇ ਸੁਖਬੀਰ ਬਾਦਲ ਨੂੰ ਭੰਡ ਭੰਡ ਇਹ ਮੁੱਖ ਮੰਤਰੀ ਬਣਿਆ । ਅਜੇ ਵੀ ਉਸੇ ਸ਼ਬਦ ਦੀ ਸਵਾਰੀ ਕਰ ਰਿਹਾ ਤੇ ਉਸੇ ਸ਼ਬਦ ਨੇ ਹੁਣ ਇਸ ਨੂੰ ਮੁੱਖ ਮੰਤਰੀ ਤੋਂ ਲਾਹਨਤੀ ਵੀ ਬਣਾ ਦਿੱਤਾ ਹੈ । ਜੇ ਨਹੀਂ ਯਕੀਨ ਤਾਂ ਫਰੋਲੋ ਸ਼ੋਸ਼ਲ ਮੀਡੀਆ … ਇਹ ਉਹੀ ਸ਼ੋਸ਼ਲ ਮੀਡੀਆ ਹੈ ਜੋ ਕਦੇ ਮਾਨ ਦਾ ਸੰਗੀ ਸਾਥੀ ਬਣਕੇ ਵਿਚਰਿਆ ਹੈ !
ਤੁਸੀਂ ਇੱਕੋ ਸ਼ਸਤਰ ਲੈ ਕੇ ਸਾਰੇ ਯੁੱਧ ਨਹੀਂ ਲੜ ਸਕਦੇ । ਹੁਣ ਜੇ ਅਕਾਲੀਆਂ ਦੀ ਸਰਕਾਰ ਜਾਣ ਦੇ ਤਕਰੀਬਨ ਨੌਂ ਸਾਲ ਬਾਅਦ ਵੀ ਜੇ ਅਜੇ ਸੁਖਬੀਰ ਬਾਦਲ ਤੇ PTC ਸ਼ਬਦ ਹੀ ਭਗਵੰਤ ਮਾਨ ਦਾ ਸਹਾਰਾ ਨੇ ਤਾਂ ਤੁਸੀਂ ਸਮਝ ਸਕਦੇ ਹੋ ਡੁੱਬਦੇ ਨੂੰ ਤਿਣਕੇ ਦਾ ਸਹਾਰਾ ਹੈ ।
ਜੋ ਸ਼ਾਇਦ ਕਦੋਂ ਵੀ ਆਏ ਤੇਜ਼ ਵਹਾਅ ‘ਚ ਥੱਲੇ ਤੋਂ ਨਿੱਕਲ ਜਾਵੇ !
ਭਗਵੰਤ ਮਾਨ ਦੀ ਮੌਜੂਦਾ ਸਥਿਤੀ ਬਾਬਤ ਮੇਰੇ ਕੋਲ ਗੁਰਭਜਨ ਗਿੱਲ ਜਿਹਨਾਂ ਦੀ ਕਵਿਤਾ ਦਾ ਮਾਨ ਸਾਬ ਬਹੁਤ ਪਾਠ ਕਰਦੇ ਹਨ ਉਸੇ ਕਵੀ ਦੀ ਇੱਕ ਰੁਬਾਈ ਮਾਨ ਸਾਬ ਲਈ ਕਿ …

ਆਪੇ ਆਪਣੇ ਵੈਰੀ ਬਣ ਗਏ,ਸਾਡਾ ਦੁਸ਼ਮਣ ਬਾਹਰ ਨਾ ਕੋਈ।
ਧਰਮ ਧੁਰੇ ਤੋਂ ਲਾਹ ਕੇ ਆਪਾਂ, ਨੱਚ ਰਹੇ ਹਾਂ ਲਾਹ ਕੇ ਲੋਈ।
ਅਮਰ ਵੇਲ ਦੀ ਆਪਣੀ ਜੜ੍ਹ ਤਾਂ ਨਾ ਧਰਤੀ ਨਾ ਅੰਬਰੀਂ ਹੋਵੇ,
ਪੱਤ ਹਰਿਆਲੇ ਬਿਰਖ਼ ਸੁਕਾਵੇ, ਆਪਣਾ ਜਿਸ ਦਾ ਬੀਜ ਨਾ ਕੋਈ ।
#ਤਰਨਦੀਪ_ਬਿਲਾਸਪੁਰ

08/28/2025

ਇਸ ਸਾਲ ਕੈਨੇਡਾ ਵਿੱਚ ਪਹਿਲਾ ਨਾਲੋਂ ਘੱਟ ਇੰਟਰਨੈਸ਼ਨਲ ਸਟੂਡੈਂਟਸ ਆ ਰਹੇ ਹਨ |ਸਰਕਾਰ ਨੇ 4 ਲੱਖ 37 ਹਜਾਰ ਤੋਂ ਵੱਧ ਸਟੂਡੈਂਟਸ ਕੈਨੇਡਾ ਵਿੱਚ ਨਹੀਂ ਆਉਣ ਦੇਣੇ |ਇਸ ਦਾ ਨਤੀਜਾ ਇਹ ਹੈ ਕਿ ਕਨੇਡਾ ਦੇ ਕਾਲਜ ਤੇ ਯੂਨੀਵਰਸਿਟੀਆਂ ਨੂੰ ਵੱਡਾ ਆਰਥਿਕ ਘਾਟਾ ਪੈ ਰਿਹਾ ਹੈ | ਅੰਤਰਰਾਸ਼ਟਰੀ ਸਟੂਡੈਂਟਸ ਦੀ ਫੀਸ ਲੋਕਲ ਸਟੂਡੈਂਟਸ ਨਾਲੋਂ ਕਈ ਗੁਣਾ ਜਿਆਦਾ ਹੁੰਦੀ ਹੈ | ਲੰਗਾਰਾ ਕਾਲਜ ਨੇ 300 ਫੈਕਲਟੀ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ ਜਿਹੜਾ ਕਿ ਇਹਨਾਂ ਦੇ ਸਟਾਫ ਦਾ 25% ਬਣਦਾ ਹੈ |ਕਵੰਟਲਿਨ ਪੋਲੀਟੈਕਨਿਕ ਯੂਨੀਵਰਸਿਟੀ ਅਪ੍ਰੈਲ ਤੱਕ 80 ਹੋਰ ਫੈਕਲਟੀ ਨੂੰ ਨੌਕਰੀ ਤੋਂ ਕੱਢਣ ਦੀ ਤਿਆਰੀ ਕਰ ਰਹੀ ਹੈ |ਕੇਪੀਯੂ ਨੂੰ ਇਸ ਸਾਲ ਘੱਟੋ ਘੱਟ ਪੰਜ ਤੋਂ 10 ਮਿਲੀਅਨ ਡਾਲਰ ਦਾ ਘੱਟ ਰੈਵੀਨਿਊ ਆਵੇਗਾ |ਇਸ ਦਾ ਅਗਲਾ ਸਿੱਟਾ ਇਹ ਨਿਕਲੇਗਾ ਕਿ ਸਕੂਲਾਂ ਕਾਲਜਾਂ ਯੂਨੀਵਰਸਿਟੀਆਂ ਵਿੱਚ ਪੜਾਉਣ ਵਾਲੇ ਅਧਿਆਪਕਾਂ ਦੀ ਕਮੀ ਹੋਵੇਗੀ ,ਘੱਟ ਕੋਰਸ ਹੋਣਗੇ ਅਤੇ ਇਹ ਯੂਨੀਵਰਸਿਟੀਆਂ ਕਾਲਜ ਲੋਕਲ ਸਟੂਡੈਂਟਾਂ ਨੂੰ ਦਿੱਤੀ ਜਾਣ ਵਾਲੀ ਸਪੋਰਟ ਵੀ ਘਟਾ ਦੇਣਗੀਆਂ ਅਤੇ ਇਹਨਾਂ ਨੂੰ ਡੋਮੈਸਟਿਕ ਸਟੂਡੈਂਟਸ ਦੀ ਟਿਊਸ਼ਨ ਫੀਸ ਵਿੱਚ ਵਾਧਾ ਕਰਨਾ ਪਵੇਗਾ ਤਾਂ ਹੀ ਇਹ ਆਪਣੇ ਖਰਚੇ ਪੂਰੇ ਕਰ ਸਕਣਗੇ ਇਥੇ ਇਹ ਵੀ ਵਰਣਨਯੋਗ ਹੈ ਕਿ ਫੈਡਰਲ ਸਰਕਾਰ ਦੀ ਫੰਡਿੰਗ ਇਹਨਾਂ ਕਾਲਜਾਂ ਯੂਨੀਵਰਸਿਟੀਆਂ ਨੂੰ ਚਲਾਉਣ ਲਈ ਕਾਫੀ ਨਹੀਂ ਹੈ ਦੇਖੋ ਆਉਣ ਵਾਲੇ ਸਮੇਂ ਵਿੱਚ ਅੰਤਰਰਾਸ਼ਟਰੀ ਸਟੂਡੈਂਟਸ ਦੀ ਘਾਟ ਦਾ ਕਨੇਡਾ ਉੱਪਰ ਹੋਰ ਕੀ ਕੀ ਅਸਰ ਪੈਂਦਾ ਹੈ |
karan

08/28/2025

ਹੜਾ ਨੇ ਲੀਹੋ ਲਾਹੀ ਆਮ ਲੋਕਾਂ ਦੀ ਜ਼ਿੰਦਗੀ

08/28/2025

ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਫਾਜ਼ਿਲਕਾ ਜ਼ਿਲ੍ਹੇ ਦੇ ਹਲਕਾ ਬੱਲੂਆਣਾ ਅਤੇ ਅਬੋਹਰ ਦੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕੀਤਾ । ਜਿੱਥੇ ਉਹਨਾਂ ਨੇ ਇਲਾਕਾ ਨਿਵਾਸੀਆਂ ਦੀਆਂ ਮੁਸ਼ਕਿਲਾਂ ਨੂੰ ਨੇੜੇ ਹੋ ਕੇ ਸੁਣਿਆ ਓਥੇ ਹੀ ਮੌਕੇ 'ਤੇ ਉਹਨਾਂ ਨੇ ਆਪਣੇ ਵੱਲੋਂ ਪਾਣੀ ਦੀ ਨਿਕਾਸੀ ਲਈ ਪੰਪ ਅਤੇ ਪਾਈਪਾਂ ਪਿੰਡ ਵਾਸੀਆਂ ਨੂੰ ਸੌਂਪੀਆਂ ਤਾਂ ਜੋ ਕਈ ਦਿਨਾਂ ਤੋਂ ਖੜਾ ਪਾਣੀ ਉਹ ਆਪਣੇ ਪਿੰਡਾਂ ਅਤੇ ਖੇਤਾਂ ਦੇ ਵਿੱਚੋਂ ਕੱਢ ਸਕਣ।