09/21/2025
دا د زر ګرامه اوسپنې یو بسکټ دی، دا چې خامه یي قیمت یې شاوخوا 30 افغانۍ دی. او که تاسې د آس نعل ورنه جوړ کړئ، نو دا شاوخوا 150/200 افغانۍ ارزښت پیدا کوي. او که تاسې د عصري علومو په برکت د ستن جوړولو کارخونه لرئ او د ګنډلو ستنې ورنه جوړې کړئ، نو د دې ارزښت شاوخوا 9000/8000 زره افغانیو ته لوړېږي.
که دا لړۍ روانه ولرئ او له دې کم ارزښته اوسپنې نه نورې ارزښتناکې پرزې جوړې کړئ، نو د دې اوسپنې ارزښت سلهاؤ زرو ته لوړېږي!
لکه دا اوسبنه، زموږ ارزښت او درنښت هم په علم او پوهه پورې تړلی! څومره چې زياته پوهه ترلاسه کوو هغومره مو ارزښت لوړېږي. ربي زدني علما.
استاد حامد افغان
