07/21/2025
كنعقل مزيان على أول مبيعة ديالي ف 2018 😍 جبتها من eBay (يامات إيباي ههه 😅) كانت بـ$10 💵 طرت بالفرحة 🎉 أول مرة كندخل دولار غا بزهر 🔥 كان إحساس لا يوصف، بحال إلا حققت إنجاز عالمي 🌍 وفعلاً كان إنجاز كبير بالنسبة ليا 💪
حيت أول مرة كنشد فيها الفلوس 💸 وأول خطوة إيجابية فحياتي 🚀 من قبل كنت غير طالب جاب 10 فالباك 😅 مستقبل مجهول ❓ ورغبة منعدمة فكلشي 😔
الحمد لله من بعد مرحلة التيه 🌫️ دخلت مرحلة "طحين الدولار" 😂 من بعد ديك $10 بديت كنقول فراسي: واش نقدر نزيد؟ 🤔 واش راني فطريق صحيح؟ واش هادشي عندو مستقبل؟ 💭
رغم 100 سؤال كيطيحو عليا يومياً 🧠 خديت القرار و مشيت للخطوة الموالية 🛤️ خرجت من لافاك 👋 خطوة صعيبة على بزاف، ولكن بالنسبة ليا ماكانش عندي خيار آخر 🚫
ماكنتش كنشوف راسي فالقراية 📚 كنت كنشوف راسي فـعالم الانترنت 💻 وعالم الدولار 💰 ولكن منين خرجت من لافاك، تصدمت بالواقع 🥶 كنت حاسبها ساهلة، قلت غير نخرج غنلقى آلاف الدولارات كتستناني 😂
ولكن بقيت 3 شهور بلا ريال 🥲 كنخربق، كنحاول، وكنطيح 😞 وشيطان كيقوليا: "شفتيني؟ راك كتخربق" 👿
3 شهور دازت ⏳ 5 شهور دازت ⌛ 8 شهور دازت 🔥 وانا باقي فبلاصتي 😩 بدا اليأس كياكل فيا 💔 وقلت مع راسي: صافي مشيت فيها 🚫
بديت نندم، وكنقول: كون بقيت فلافاك 😓 على الأقل محسوب عليها 🎓 ولكن واخا هاكاك كان عندي أمل، تال واحد النهار وأنا متكي فبيتي كنشوف فالسقف 🛏️ جاتني فكرة 💡
قلت: علاش لا منشدش شي program نبدل ليه الديزاين 🎨 (نتفرج شي فيديو فـيوتيوب 🎥 كي ندير ليها) ونبيعو غير بفري ترافيك 🌐 كمحاولة أخيرة 😤
جمعت الوقفة 🚶 مشيت شعلت البيسي 🖥️ دخلت واحد الدورة (مع الأسف تمسحات دابا 😔) تابعت مزيان ✅ وريّسكنيت البرنامج (بدلت المعالم ديالو) 🎯 حيث كان وايت ليبل 🔁
وبديت نسوق ليه 🌍 وفنهار اللول ديال التسويق ضربت بيه $45 💥 قسم بالله الفرحة كانت خيالية 😍 بحال ربحت شي بطولة عالمية 🏆 8 شهور ديال الكفاح و الجهاد و المقاتلة من اجل $45 هههه
..(يتبع 🔜)
