Quel est le site Web ?

https://www.facebook.com/199755003232059/

Finfinnee, Oromiyaa, Adama (2025)

23/07/2025

“Shira Marroo fi Jaal Waamiitiin qorumsi hamaan nutti dhufeera” Jaal Moo’ii

Ergama Marroo irraa itti kennamu hojiitti hiikuudhaaf tattaaffii gochaa kan jiran Jaal Waamii fi Abbaaseenaa hoogganoota garichaa hedduu nu jalaa nyaachaa turaniiru jechuun Jaal Moo’iin akka dubbate dhagahameera. Har’as jarri kun nu balleessuuf rafanii hin bulan kan jedhe Jaal Moo’iin sababa caasaa akka haaratti ijaarrachuu qabna jedhuun nu diiga jiru jedheera. Kanaafis gufuu nutti ta’uu danda’u jechuun kan yaadan hoogganoota buleeyyii kan akka Jaal Kaayyoo fi warreen biroo shiraan gala*fachuuf dhoksaan hojjechaa akka jiran irra geenyeerra jedheera.

Kanaaf shira Marroo, Jaal Waamii fi Abbaaseenaatiin lammaffaa hooggansa of-keessaa nyaachifna taanaan, kun lama du’uu keenya jechuun Jaal Moo’iin hoogganoota akka Jaal Abbaamaccaa fa’a waliin marii godhan irratti akka dubbate odeeffannoo miliqee bahe ni agarsiisa. Wanti nuti dagachuu hin qabne, nu keessa taa’ee kan Jaal Waamiidhaaf sochii keenya guyyaa guyyaan gaabasa dhiyeessu jiraachuu isaati jedheera. Kunis eenyu akka ta’e ni beekna; adda baasnees jirra jechuudhaan Jaal Waaqoo fi Jaal Morkaa yeroo gabaabatti miila jalaa dhahuuf akka jiran dubbii isaa keessatti akeekee jiraachuu odeeffannoo miliqee bahe ni mul’isa.

Gandummaan gola Shanee raasaa jira!

23/07/2025

“Beelli hidhattoota hedduu nu jalaa harcaasaa jira” Jaal Fandishee

Akkuma argaa fi dhagahaa jirru yeroo ammaa beelli akkasumas rakkinoonni garaa garaa hidhattoota danuu nu jalaa harcaasaa jira jechuun Jaal Fandishee akka dubbate dhagahameera. Tibba kana akka falaatti hidhattoonni kunneen osoo ilaalluu nu harkatti hin dhumin jennee bakkoota armaan dura sochii itti hin goonetti akka baqataniif murteessuun keenya ni yaadatamas jedheera. Kanaanis miseensonni Wallagga keessa sochii taasisaa turan gara Iluu Abbaa Booraatti baqachuun akka lubbuu isaanii baraaraniif haala mijeessinu illee danqaa hedduun nutti baay’ateera jechuun Jaal Fandsheen miira abdii kutannaa keessa galee dubbii gochuun dhagahameera.

Miseensooni garichaas haala jiruun abdii kan kutatan yemmuu ta’u waan nyaannu dhabnee muka nyaachaa jirra jechuun wanti keessa jiran daran hammaata ta’uu dubbachuun bal’inaan dubbachuu irratti argamu. Kunis hoogganoota garichaa gara oliitti mataa dhukkubbii uumuudhaan sababa beelaa fi rakkinoota garaa garaatiin miseensota hedduu dhabuuf jirra sodaa jedhuun raafama olaanaa keessa akka galan odeeffannoowwan ba’aa jiran ni agarsiisu. Kunis akka isaan quba walitti qaban kan godhe yoo ta’u hedduun isaanii sababa ofittummaa Marrootu balaa kana nutti fide jechuu irratti argamu.

Shaneen beelan waxalamaa jirti!

22/07/2025

Karaa galuun itti fufeera!

Hoogganoonni fi miseensonni Shanee gochaa shororkeessuummaa isaaniitti gaabbuudhaan yeroo ammaa kallattii hundaan galuu itti fufaniiru. Haaluma kanaan Sh/Lixaa Aanota akka Jalduu, Baakkoo Tibbee, Liiban Jaawwii fi kkf tti miseensonni garichaa hidhanoo guutuu waliin baay’inaan harka kennachuu ittti fufaniiru. Bifuma walfakkaatuun Gujii Lixaa Aanaa Qarcaatti miseensonni hidhannoo guutuu waliin harka kennatan jiraachuu odeeffannoo jiru ni mul’isa.

Nagana filannoo hin qabu!

22/07/2025

“Waan nyaannu dhabneetu muka nyaachaa jirra” Hidhattoota Shanee

Beelli fi rakkinni adda addaa waxalaa kan jiru hidhattoonni Shanee nama sagalee isaanii dhagahu dhabuudhaan yeroo ammaa beelan dhumaa jiraachuu odeeffannoowwan garaa garaa ba’aa jiru. Keessattuu zooniiwwan akka lixaa fi giddu galaa keessattti haalli jiru kan itti hammaate miseensonni garichaa ammas akka malee watwaachaa akka jiran barameera. Dhimmicha ilaalchisee Marroon tibbana haasawa godheen "Rakkinaa fi beela hin danda’u kan jedhu haa galu" jechuun qoosaa fakkeessee dubbachuun ni yaadatama.

Haa ta’u malee tibba darbe akka falaatti hoogganoonni fi miseensonni garichaa Wallagga keessa sochii godhan lubbuu isaanii baraaruuf jecha gara Iluu Abbaa Booraatti baqachuuf murteessuun isaanii ni yaadatama. Ta’us haalli jiru akkaan ulfaataa ta’uu kan kaasan miseensoonni fi hoogganoonni garichaa kunneen yeroo ammaa waan nyaannu dhabneetu muka nyaachaa jirra jechuun isaanii dhagameera. Haalli jiru kunis hoogganoota garichaa olaanoo biratti mataa dhukkubbii kan uume yemmuu ta’u rakkinni daran akka hammaatu kan taasise ofittummaa Marroo ta’uu bal’inaan hoogganoonni garichaa komii kaasuu irratti argamu.

Shaneen beelaan waxalamaa jirti!

22/07/2025

Odeeffannoo Addaa!

Tarkaanfii gootichi RIB fudhateen hooggansii fi miseensonni Shanee biyyee nyaataniiru!

Tarkaanfii boonsaa garee shanee irratti yeroo kana fudhatamaa jiruun hooggansa dabalatee miseensonni garichaa hedduun biyyee nyaachuu irratti argamu. Haaluma kanaan Sh/Kaabaa Aanaa Dagam ganda Alii Doorooitti tarkanfii fudhatameen hooggansii fi miseensonni hedduun daaraa botoroo ta’uuun barameera. Warreen tarkaanficha irraa hafan immoo hidhannoo guutuu waliin booji’amuu isaanii odeeffannoon argame ni agarsiisa. Garichi waqtii kana beelaan waxalamaa kan jiru yemmuu ta’u bakka sochii godhu maratti hawaasa darara jiraachuu odeeffannoowwan jiran ni mul’isu.

22/07/2025

"Rakkinaa fi beela hin danda’u kan jedhu haa galu" Marroo

Yeroo kana rakkinni fi beelli hooggansaa dabalatee miseensota garichaa gara gadii irratti hammaachaa dhufeera. Kunis gaaffiiwwanii fi komiiwwan hedduun akka Marroo irratti ka’a godhee jiraachuun beekamaadha. Garichi hanqina baajataa fi loojistikiin akka malee dararaa keessa kan gale yemmuu ta'u wantoota bu'uuraa kan akka nyaata hidhattootaaf sadarkaa dhiyeessuu hin dandeenye irra gahameera.

Haala amma keessa jiraniin nuffii keessa kan galan hoogganoonni garichaa hedduun akka jedhanitti ofittummaa Marrootu hidhattoota nu harkatti fixaa jira jechuun komii dhiyeessaa jiru. Komiiwwan dhiyaataa jiran mataa dhukkubbii kan itti ta'e Marroon dubbii godheen "Rakkinaa fi beela hin danda’u kan jedhu haa galu" jechuun dhagahameera. Marroon itti dabaluun "Icciitiin keenya illee dabarfamee kennamaa jira" kan jedhe yoo ta'u warreenuma komii nutti dhiyeessan kanatu dabarsee icciiticha kenna jira jechuun dubbachuu odeeffaannoon miliqee bahe ni agarsiisa.

Shaneen diigamee badaa jira!

22/07/2025

“Nuti rakkoo hamaa keessa gallee jirra” Shanee ZGG

Shaneen yeroo kana qorumsa keessaa ba’uu hin dandeenye keessa galaniiru. Isaaniis hanqina loojiskii garichaa muudateen hedduun isaanii beelaan dhumaa jiraachuu odeeffannoowwan adda addaa ba’uu irratti argamu. Haaluma kanaan beelaa fi rakkoo garaa garaan waxalamaa bakka jirutti hooggansi keenya gara olii jiru waraana irratti hirmaadhaa jedhee nu rakkisaa jira jechuun hidhattoonni Shanee zoonii GG dubbachuun dhagahameera.

Hanqina loojiskii garicha muudatee jiruun miseensonni garichaa baay’een waan nyaatan dhabuudhaan beelan dhumaa akka jiran odeeffannoon jiru ni agarsiisa. Gama biraatiin laggeen yeroo kana akka malee guutuudhaan waan rakkisaa jiruuf yeroo iddoo tokkoo gara biraattii sochii taasisfnu miseensota hedduu of-biraa dhabaa jirra jechuun miira abdii kutannaa keessa galanii dubbachuun isaanii barameera.

Miseensoonni garichaa kunneen akka jedhanitti hooggansi sadarkaan jiru garuu dhimmi keenya ilaalcha keessa osoo nuuf hin galchin akkuma waraana qofa irratti hirmaannu barabaada jedhaniiru. Isaaniis miira aarii keessa galuudhaan nuti gidduutti rakkoo olaanaa keessa gallee jirra jechuudhaan rakkoo hamaa gidduutti akka argaman ibsataniiru.

22/07/2025

“Marroon sitti fayyadameetu akka meeshaa si gata" Jaal Gammachuu Abbooyyee

Yeroo gara yerootti walitti dhufeenyi Marroo fi Jaal Gammachuu akkaan laafaa kan dhufe yemmuu ta’u Marroon haasawa tibbana godheen kana booda kan akka Gammachuu nan argadha jedhee hin yaadu jechuun dhagahameera. Innis “Gammachuu akka meeshaatti itti fayyadameen jira” jechuun kan dubbate yoo ta’u dubbiin isaa kun Gammachuu biratti muffii olaanaa uumee jira.

Kanarraa ka’uun Jaal Gammachuun armaan dura wantoota hedduuun Marroo gargaaruu isaa kaasuudhaan “Marroon sitti fayyadameetu akka meeshaa si gata galata" kan jedhe yoo ta’u dubbiin inni tibbana godhe immoo mogolee na buusee jira jechuun dhagahameera. Kanaanis Marroon ofittoo fi nama yaada akkasumas gahee hoogganoota garichaa tuffatuu dha jechuun Jaal Gammachuun dubbachuun barameera.

22/07/2025

“Waraanni hoogganaa isaa fakkaata” Jaal Abbaaseenaa👇👇

“Waraanni zoonii GG jiru hojiin isaa hannaa fi saamicha”

Waraanni hoogganaa isaa fakkaata jechuun Jaal Abbaaseenaa kan dubbate yemmuu warreen zoonii GG jiran hundi bifa jedhamuun danda’amuun hannaa fi saamicha hojii idilee godhachuu isaanii dubbateera. Kunis hooggansa irraa madde kan jedhu Abbasseenaan hoogganoonni zoonii GG jirtu hundi ishee hattuu fi saamtuu ta’uu ifatti dubbatee jira.

Gaafa hooggansi keenya (Marroon) haala jiru sirreessuuf yaalii godhu dura dhaabbachuun akka waan daangaan kaa’ee jiruutti nutti hin dabartan jedhanii danqaa itti ta’uu kaasee jira. Abbaaseenan jedhutti kunis kan ta’eef hannaa fi saamicha raawwachuuf akka ta’e dubbateera. Kanarraa ka’uun hanga dubbii “Duunee banna malee miseensonni Marroo Shawaa hin seenan” jedhanitti gahuun isaanii ni yaadatama jechuunis dubbii Jaal Abdiin armaan dura gochaa ture kaasee jira.

Shaneen diina uummataat!

22/07/2025

“Marroon bosona Qeellam fi daangaa Sudaan keessaa hin ba’u” Jaal Abdii Dhugaa

Marroon akkuma Oromoon yeroo hunda mammaaksa isaatiin “Lubbuun jirtiif udduun xiixxi” jedhu sana ta’ee jira jechuun Jaal Abdii Dhugaa dubbateera. Innis dubbii godheen “Sodaa irraa kan ka’e Marroon bosona Qeellam fi daangaa Sudaan keessaa ba’uu hin danda’u” jechuun akka dubbate odeeffannoon argame ni agarsiisa. Dubbii dhoksaan Jaal Abdiin godhe kana kan dhagahe Marroon miira aarii keessa kan galuudhaan Jaal Abdii gala*fachuuf shira xaxaa akka jiru barameera.

Haalumaa kanaan Marroon Jaal Warraaqsaa fi Abbaaseenaatti fayyadamee gurmii ajjee*ftuu qopheessuudhaan hoogganoota zoonii GG dura koo dhaabbatu jedhu mara dhabamsiisuuf gara hojiitti akka gale odeeffannoon garicha gidduudhaa miliqee bahe ni mul’isa. Jaal Abdiinis Marroon sodaataa waan ta’eef bosona Qellam fi daangaa Sudaan keessaa hin ba’u jedheera. Kana waan ta’eef wanti nu shakkisisu hin jirus jedheera.

Garuu jaleewwan isaa nu keessa taa’anii sochii keenya eeruu godhan jala buunee hordofuun dhabamsiisuu qabna jechuun hoogganoota isa jalaatti dubachuun dhagahameera. Itti dabaluunis Marroon jira jechumaaf wixxirfata malee bakka zooniin lixaa itti sochii godhu Wallagga keessa iyyuu sochii gochuu hin danda’u kan jedhe Jaal Abdiiin kun immoo sodaata ta’uu isaa agarsiisaa jedheera. Dandeettiin Marroo shiraan hoogganoota gala*fachuu fi garicha diiguu yoo ta’e malee waraana hoogganuu hin danda’u jeechuun miira tuffiin akka dubbate odeeffannoon miliqee bahe ni mul’isa.

Marroon leenca ilkaan hin qabne ta’eera!

20/07/2025

Warra bittimsuu amaleeffate‼️

Gurmiin odeessee buluu bare yaada kufaatii qabatee miidiyaa hawaasaa irraa wacaa jira. Gurmiin kun akkuma lukkuun nyaata yemmuu dhiyeessituuf bittimsitu sana qabsoo Oromoo gochuuf yeroo isaan tattaaffii godhan argaa jirra. Warri hedduun isaanii carraa mootummaan kenneefii turetti fayyadamuu kan dadhabanii dha.

Garuu biyya ambaatti baqatanii bargarii faranjii nyaachaa qabsaa'aa of-fakkeessu. Kanaanis sammuu kufaa baatanii waa'ee kufaatii odeessu. Ofii ijjannoo hin qabanii ibsa ijjannoo jechuudhaan nutti qoosu.

Boo'anii boochiisuun hojii isaanii idilee ta'ee jira. Kan ofii boo'inirra warra faallaa qabsoo Oromoo hojjechuun uummata keenya waggootaaf cunqursaa turaniif daboo ba'u. Isaan kun warra safuu hin beekne fi gadi galoo saba keessaa ba'nii dha.

Gurmiin achumee bittimsuu amaleeffate‼️

20/07/2025

Gurmiin achumee "Amala hindaanqoo qaba"🤣

Gurmiin achumee bararaan akkuma hindaanqoo ta'uu dhaan qabsoo Oromoo bittimsuu ta'ee jira. Gurmiin kun yaada ijaarsaa hin qabu. Kan ijaarame diiguuf immoo duubatti hin jedhu. Kanaaf ergamtuu diinaa ta'anii halkanii guyyaa faallaa qabsoo Oromoo hojjetu. Sammuu diigame baataniitu ilaalcha diigumsaa facaasu.

Haa ta'u malee ofii caraanuun ala bu'aan isaan buusan tokko illee hin jiru, borus hin jiraatu. Amma immoo inumaa akka waan mootummaan ibsa ijjannootiin kufuu osoo ofii ijjannoo hin qabaanne kanaan uummataa goyyoomsuuf tattaaffii godhu.

Uummanni erga eenyummaa isaanii baree waggoonni torba darbaniiru. Isaan garuu ofii isaanii baruu hin dandeenye. Kana booda akka hindaanqoo ta'uudhaan qabsoo Oromoo bittimsuun gurmii achumeetiif hin danda'amu.

Ibsa ijjannoo dura ijjannoo qabaadhaa‼️

Finfinnee, Oromiyaa

23/07/2025

23/07/2025

22/07/2025

22/07/2025

22/07/2025

22/07/2025

22/07/2025

22/07/2025

22/07/2025

22/07/2025

20/07/2025

20/07/2025

Adresse

Site Web

Notifications

Raccourcis

Partager

Type