Radio Lian Dame (RLD/UNPAZ)

06/08/2013

RADIO LIAN DAME, (06/08/2013) : AVISU MESTRADU UNIVERSIDADE DA PAZ


Univesidade da Paz mos iha Programa Mestradu, loke registu ba estudante foun Ano lectivo 2013 ba programa Mestradu iha:

1. Siencia de Direitu
2. Siencia de Administrasaun Publiku
3. Siencia de Relasaun Internasional
4. Siencia de Jestaun Bankaria

Hahu : 05 – 30 Agostu 2013
Fatin : Auditorio sala II Programa Mestrado Univesidade da Paz

Kriteria :
1. Candidatu Tenki prienshe formulariu nebe programa prepara

2. Candidatu nebe hakarak foti.
Gestão Bancaria Tenki hasai Lisensiatura (S1) iha Ekonomia Gestão, Acontabilidade no Bancaria.
Administrasaun Publiku: Tecnki hasai Lisensiatura iha Administrasaun no Ciencia Sosiais sira seluk.
Ciencia de Direito: Tenki hasai Liçenciatura iha Direito no Experiensia servisu Agencia Direitu nian minimal tinan 5 nia laran.
Relação Internasional: Tenki hasai Liçenciatura iha relação Internasional ka hasai kursus relação Internasional minimal fulan 6 no experesia servisu iha area Diploma minimal tinan 5 nia laran.

3. Hasai kursu iha Universidade ka Institutu Akreditadus

4. Prestasaun Komulativu (IPK) minimal : 2,75.

5 Tuir no passa Exame potensia Akademiku Fornese husi Programa.

Dokumentos sira nebe presija maka hanesan tuir mai ne'e:
1. Foto Copia Legalizada Diploma tahan 1
2. Transkrip Nilai Legaliser tahan 2
3. Fotografia 3x4 tahan 4 colorido
4. Foto copia Karya Ilmiah tahan 2.

Informasaun kompletu bele hare iha kuadru avisu programa Mestradu Univesidade da Paz ka Sekretariadu Programa Mestradu UNPAZ iha sala II Auditoriu ou bele kontaktu ba No. Tlmvl: 7724 5931/7743 5702 ou 7802 0735.

06/08/2013

RADIO LIAN DAME, (06/08/2013) : AVISU SIMU ESTUDANTES FOUN UNIVESIDADE DA PAZ


Fo hatene ba maluk Timor oan nebe maka remata ona Estudo iha Nivel Ensino Secundaria no hakarak kontinua ba Nivel Universitario katak Universidade Da Paz hahu simu Estudante foun ba Ano lectivo 2013 – 2014, ho Faculdade maka hanesan tuir mai ne'e:

I. Faculdade de Economi ho nia Departamento;
Departamento Bancaria, Departamento Gestão no Departamento Contabilidade.

II. Faculdade de Cências Soçiais Humanas ho nia Departamento;
Departamento Relasaun Internaçionais, Departamento Politica Dezenvolvimento no Departamento Estudo ba Dame.

III. Faculdade de Saúde Pública ho nia Departamento;
Departamento Saúde Pública.

IV. Faculdade de Direito ho nia Departamento;
Departamento Direito

V. Faculdade de Teknologia Agricultura ho nia Departamento;
Departamento Arquitectura, Departamento Industria no Departamento Civil.

VI. Faculdade de Teknologia Agricultura ho nia Departamento;
Departamento Teknologia Agricola, Departamento Concervação Recurco Natureza/konservasi Sumber Daya Alam.

Documentos sira nebe mak presija maka hanesan tuir mai ne'e:
1. Foto Copia Legalizada Diploma Tahan 1
2. Foto Copia Certidão Baptismo ou Certidão RDTL Tahan 1
3. Foto Copia Cartão Eleitoral Tahan 1
4. Fotografia 3x4 Tahan 2 Colorido
5. Osan Inskrisaun $: 16.00

Premeiro fase hahu loke husi data, 05 – 30 Agostu 2013.
Atu hatene informasaun klaru ita bo'ot sira bele ba hare iha quadro avisu UNPAZ, bele mos kontaktu ba No. Tlmvl : 7733 0108/7745 5457 ou 7801 1581.

14/06/2013

Vaga Serbisu Iha Timor-Leste

Dadaun ne’e Fundasaun Mahein [FM] buka hela Timor Oan na’in 2 (rua) ba Pozisaun: Peskizador Siguransa Nasional. Pozisaun ida ne’e hala’o knáar nu’udar peskizador sei halo peskiza no ánaliza ba Timor-Leste nia seitor siguransa, hatene no halo interpretasaun luan, no mos sai responsabiliza ho superviz...

06/06/2013

RADIO LIAN DAME, (06/06/2013) : Institutu Defeza Nasional – IDN sei promove kursu militar ba membru F-FDTL

Instituisaun Defeza Nasional –IDN ne’ebe hahu establese iha tinan Doiz Mill Dez no halo ona lansamentu iha semana kotuk atu implementa kursu militar ba membru FALINTIL-Forsa Defeza Timor-Leste.

Lia hirak ne’e hato’o husi Capitão Mariguera Pedro Klamar Fuik foin lalais ne’e iha Fatuhada Dili.

Klamar Fuik dehan Instituisaun IDN promove ona kursu de promosaun ba ofisial superior hahu iha fulan kotuk ba kursu intensivu lian portugues ba komponente trestres no komponente naval nian.

Partisipa iha Konfrensia ne’e maka hanesan Vise Primeriu Ministru Fernando Lasama, Prezidente Tribunal Rekursu, Claudio Ximenes no intidade governu nian sira seluk.

06/06/2013

RADIO LIAN DAME, (06/06/2013) : Australia La hatudu ninia Vontade diak kona-ba Tratadu lina Fronteira Tasi Timor

Membru Senadu Fakuldade Sosial Politika Universidade Nasional Timor Lorosa’e, Nolasco Mendes Konsidera Governu Australia durante ne’e la hatudu vontade diak ho Governu Timor-Leste hodi halo negosiasaun kona ba explorasaun mina no gas inklui tratadu lina fronteira tasi nian.

Argumentu ne’e nia hato’o foin lalais iha kapital Dili.

Nia dehan, nu’udar estudante no sidadaun Timoroan, prinsipal liu mak kadoras mina no gas tenke mai Timor-leste, tanba bazeia ba akordu Certain Maritima Agreement in The Timor Sea (CMATS) ne’e fo benefisiu ba nasaun rua, Timor-Leste no Australia.

Iha parte seluk, Peskizador La’o Hamutuk, Charles Schener hateten kompania Woddside mak fo proposta hodi halo Foating iha tasi leten kona-ba mina no gas iha Greater sunrise, la’os Governu Australia.

Antes ne’e, Primeiru Ministru Xanana Gusmao hateten, haruka ona karta ida ba Governu Australia hodi husu sira nia resposta kona-ba Timor-Leste atu lori akordu ba tribunal internasional wainhira la hetan solusaun iha prosesu arbitrazen.

06/06/2013

RADIO LIAN DAME, (06/06/2013) : Unidade Krime Graves sei prosesu kazu sira ne’ebe akontese iha tinan Rihun Ida Atus Sia Sia Nolu Resi Sia

Perkurador Jerald a Republika Jose da Costa Ximenes hateten iha tempu besik Unidade Krime Grave sei informa prosesu krimi Grave ne’ebe akontese Iha tinan Rihun Ida atus sia, sia nolu resin sira ba Ministeriu Publiku (MP).

Nia informa lia hirak ne’e hafoin hasoru malu ho Prezidenti Republika iha segunda feira foin lalais ne’e, iha Palasiu Prezidenti Aitarak-Laran.

Nia dehan, hafoin MP simu prosesu krime grave husi Unidade krime Grave, maka Timor-oan rasik mak sei kontinua prosesu kazu hirak ne’e to’o ninia rohan.

Kona-ba asuntu ne’e, Prezidenti Republika afirma katak kontinua suporta maka’as ba servisu Prekurador Jeral atu nune’e bele halo servisu ho responsabilidade ba nasaun ho povu iha rai ida ne’e.

06/06/2013

RADIO LIAN DAME, (06/06/2013) : Membru Polisia husi Unidade Task Force Baku Deputadu FRETILIN

Membru Polisia Nasional Timor Leste (PNTL) husi Unidade Taks Force baku no hasai lia fuan at hasoru membru parlamentu nasional husi Bankada Fretilin, foin lalais ne’e iha Audian – Dili.

Membru PN Manuel Castro ne’e hetan baku husi membru Task Force wainhira deputadu ne’e atu salva joven ida ne’ebe membru polisia husi Unidade Task Force nian baku.

Husi aktu membru PNTL ne’e, membru Parlamentu Nasional ejize ba Sekretariu Estadu Siguransa atu halo investigasaun ba kazu ne’ebe refere.

Ba akontesementu ne’e, segunda foin lalais ne’e PN la halao plenaria, tanba lideres Bankada halo sorumutu hodi koalia asuntu refere. Prezidenti PN, Vicente Guterres toma desizaun hodi halo reuniaun orjenti ho lider bankada no membru konsellu administrativu hodi bele halo desizaun ruma ba asuntu refere.

09/03/2013

RADIO LIAN DAME, (09/03/2013): Dirasaun Radio Lian Dame - RLD hamutuk ho Universidade UNPAZ sei halo seremonia despedida ba estudante semestre 7 hamutuk nain 6 ne'ebe durante ne'e halo knar nu'udar jornalista iha RLD. Seremonia Despedida ne'e sei hala'o tuku 02:00 OTL, Sabdu, (09/03). Jornalista hirak ne'e nia naran mak hanesan tuir mai ne'e;

1. Mario da Costa
2. Martinho Soares Pereira
3. Crizostomo Castro Martins
4. Jose Alexandre A. Silre
5. Ariska Marcal
6. Elias Borges

02/02/2013

RADIO LIAN DAME, (02/02/2013) : Informasaun husi Universidade da Paz ba estudante hotu-hotu husi fakuldade nen (6) nebe mak namkari iha Dili laran tomak atu mai partisipa Kuliah umum iha segunda-feira (04/02/2013) , tuku sia (9) dader nebe'e mak sei fo husi Dr. Jose Ramos Horta.

29/01/2013

RADIO LIAN DAME, (29/01/2013) : CNT Tebe Sai Raul Lemos Tanba Abandona projeitu Aitarak-Laran

Tanba Raul Lemos abandona Projeitu konstrusaun Ponte Aitarak-Laran, Consorsio Nasional Timor Leste (CNT) desidi hasai kompania ATRAMOR husi CNT, CNT promete Ponte ne’e sei finaliza iha fulan Abril ho kualidade ne’ebe diak.

CNT kompostu husi kompania 8, inklui kompania ATRAMOR ne’ebe hetan fiar hodi kaer obra ponte Aitarak-laran, maibe projeitu ponte ne’e abandona husi kompania ATRAMOR sai preokupasaun boot ba kapasidade kompania refere.

Resposta konaba projetu Aitarak-laran ne’ebe abandona, Nilton Gusmao ne’ebe hanesan Vice Prezidenti CNT hateten, projeitu ne’e entrega ona ba kompania Nilton Gusmao hodi finaliza projeitu Ponte Aitarak-laran iha fulan abril nia laran.

29/01/2013

RADIO LIAN DAME, (29/01/2013) : Xanana sei fo projeitu Dollar Tolu Ba CPD-RDTL

Lideransa masimu Kintu (V) Governu Konstitusional ho politika foun ida atu involve sidadaun tomak ba dezenvolvimentu, tanba ne’e, governu sei fo projeitu $3 (Dollar tolu) ba grupu CPD-RDTL hodi implementa.
Politika ne’e hato’o husi Primeiru Ministru Xanana Gusmao hafoin liu husi inkontru entre membru V Governu konstitusional iha salaun Ministeriu Negosiu estranjeiru no Koperasaun (MNEK) sabadu semana kotuk.

Eis Prezidenti Republika ne’e foti desizaun tanba haree ba realidade ne’ebe mak agora akontese iha terenu massa CPD-RDTL okupa rai komunidade husi Sub Distritu fatuberliu Distritu Manufahi nian hodi halo komunal.

Antes ne’e mos, Prezidenti da Republika, Taur Matan Ruak ho membru Governu halo ona sorumutu ne’ebe maka to’o ohin loron seidauk iha solusaun, Maijor Jeneral Falintil Forsa Defesa Timor Leste (F-FDTL), Lere Anan Timur tun diretamente hodi husu ba massa CPD-RDTL atu iha vizaun ida oinsa kontribui ba estabilidade no hadiak ekonomia maibe ho maneira ne’ebe maka la’os agora halo dadaun.

29/01/2013

RADIO LIAN DAME, (29/01/2013) : Governu rekuinese Bolseirus Timor oan halo violasaun seksual ho Feto Filipina

Governu liu husi Ministeriu Edukasaun, partikulamente Diresaun Nasional Dezenvolvimentu Siensia no Teknolojia rekuinese iha Bolseiru Timor oan ida ne’ebe estuda iha Filipina involve iha kazu ida hodi tenta halo violasaun seksual hasoru feto Filipina.

Informasaun ne’e mai husi Diretor Nasional Dezenvolvimentu dos Ciensias e Teknologia (DNDCT), Leonel da Costa Xavier foin lalais ne’e iha Dili.

Nia dehan tuir informasaun ne’ebe mak nia hetan husi adidu ministeriu eduksaun iha Filipina, katak, estudante ne’ebe mak ho inisial MAC tenta atu halo violasaun seksual hasoru feto Filipina nain ida, no nia rejeita halo violasaun hasoru feto Rua.

Leonel hatuir tan, informasaun mai husi adidu ME Filipina, MAC presiza osan Valor Rihun Hat Atus Lima Dollar Amerikanu hodi selu advogadu ida atu bele rejolve kazu ne’e. Maibe Ministeriu Edukasaun rasik laiha aitem ida bá kestaun ne’e, maske nune’e sei tetu atu bele rezolve tanba ne’e kestaun nasaun Timor Leste.

Leonel mos esplika tan katak, ba bolseiru sira ne’ebe mak hetan bolsu estudu husu governu, parte ME halo akordu ida ho bolseiru sira hanesan wainhira viola regras ne’ebe mak iha, tenke hapara nia estudu no lori fila ba Timor Leste.