Meca Media

Notre mission est d’informer, d’éduquer, d’inspirer......

Mecamedia Official est une plateforme médiatique professionnelle dédiée à l’actualité, au sport, à l’histoire, aux documentaires, à la culture, au divertissement et aux histoires communautaires.

28/08/2026

🇨🇩 TSHISEKEDI ATANGAZA MAZUNGUMZO YA KITAIFA, AWEKA MASHARTI KUHUSU MADARAKA NA AFC/M23

Rais wa Jamhuri ya Kidemokrasia ya Congo, Félix-Antoine Tshisekedi, ametangaza kufunguliwa kwa mazungumzo ya kitaifa yatakayofanyika ndani ya DRC, akisema lengo ni kuimarisha umoja wa taifa, kujenga amani na kuhusisha nguvu mbalimbali za kijamii katika mustakabali wa nchi.

Katika hotuba yake kwa taifa, Tshisekedi amesisitiza kuwa mazungumzo hayo hayatalenga kugawana madaraka au nafasi za serikali, na kwamba taasisi zilizopo pamoja na mfumo wa kikatiba vinapaswa kuheshimiwa.

Rais Tshisekedi pia ameweka msimamo kuhusu ushiriki wa AFC/M23, akilikataa kundi hilo katika mfumo alioutangaza na kulielezea k**a nguvu inayosaidia Rwanda katika kile ambacho serikali ya Kinshasa inakitaja kuwa uchokozi dhidi ya DRC.

Hatua hiyo inafungua mjadala kuhusu nani atashiriki katika mazungumzo hayo, ajenda zitakazojadiliwa na namna yatakavyosaidia kufikia suluhisho la kudumu la mgogoro wa kisiasa na kiusalama nchini Congo.

Bonyeza hapa ili utu follow Meca Media
Meca Media Facebook⁠

Soma zaidi: www.Mecamediaafrica.com

Mwandishi: Mangwa

28/08/2026

🇨🇩 MAJOR MAVUGO WA TWIRWANEHO: “MIMI MWENYEWE NI MUFULIRU, JESHI LETU LINA MAKABILA YOTE”

Major Mavugo, mmoja wa viongozi wa Twirwaneho, amesema kuwa kikosi chao kinajumuisha watu kutoka makabila mbalimbali bila ubaguzi.

Akizungumzia suala la utambulisho wa kikabila ndani ya kikosi hicho, Mavugo alisema: “Mimi mwenyewe ni Mufuliru.”

Ameongeza kuwa watu wanaounda kikosi hicho wanatoka katika jamii tofauti, akisisitiza kuwa kwa mujibu wake, hakuna kabila linalotengwa.

“Jeshi letu linaundwa na makabila yote, bila ubaguzi,” alisema Major Mavugo.

Kauli hiyo ni msimamo wake kuhusu muundo wa Twirwaneho, huku masuala ya makundi yenye silaha na mahusiano ya kikabila yakiendelea kuwa mada nyeti katika eneo la mashariki mwa Jamhuri ya Kidemokrasia ya Congo.

Bonyeza hapa ili utu follow Meca Media
Meca Media Facebook⁠

Soma zaidi: www.Mecamediaafrica.com

Mwandishi: Mangwa

28/08/2026

🇳🇵 NEPAL: MAELFU YA WATU WADAIWA KUTOWEKA BAADA YA MAFURIKO MAKUBWA

Maelfu ya watu wanaripotiwa bado kutoweka nchini Nepal kufuatia mafuriko makubwa yaliyoathiri maeneo mbalimbali ya nchi hiyo.

Kwa mujibu wa taarifa za awali, shughuli za utafutaji zinaendelea katika maeneo yaliyoathirika, huku vikosi vya uokoaji vikijaribu kuwatafuta watu ambao bado hawajulikani walipo.

Mafuriko hayo yamesababisha hali ngumu kwa wakazi wa maeneo yaliyoathirika, huku kiwango kamili cha madhara kikiendelea kutathminiwa.

Taarifa zaidi kutoka kwa mamlaka zinatarajiwa kadiri shughuli za utafutaji na uokoaji zinavyoendelea.

Bonyeza hapa ili utu follow Meca Media
Meca Media Facebook⁠

Soma zaidi: www.Mecamediaafrica.com

Mwandishi: Mangwa

27/08/2026

⚽️ NI RASMI: RONALDINHO AREJEA KWENYE SOKA LA KULIPWA AKIWA NA MIAKA 46

Italia: Gwiji wa soka kutoka Brazil, Ronaldinho Gaúcho, amerejea rasmi kwenye soka la kulipwa akiwa na umri wa miaka 46 baada ya kujiunga na Ravenna FC, inayoshiriki Ligi ya Serie C nchini Italia.

Ronaldinho amerejea kwenye soka la ushindani miaka 11 baada ya kucheza mechi yake ya mwisho rasmi akiwa na Fluminense mwaka 2015. Tangu wakati huo, amekuwa akishiriki zaidi katika michezo ya maonyesho na matukio ya soka.

Mshindi huyo wa zamani wa Ballon d'Or amethibitisha kuwa ana mpango wa kuingia uwanjani katika mchezo rasmi wa Ravenna, akisema yuko tayari kucheza kwa dakika chache na kisha kuangalia hali yake ya mwili.

Ronaldinho pia ana lengo la kufikisha mabao 300 katika soka la kulipwa, jambo ambalo limeongeza hamasa miongoni mwa mashabiki wanaosubiri kumuona tena akicheza katika mchezo rasmi.

Kwa kurejea kwake akiwa na miaka 46, macho ya mashabiki wa soka duniani sasa yanaelekezwa Serie C, wakisubiri kuona k**a uchawi wa R10 utaangaza tena ndani ya uwanja.

Uchawi wa R10 unarudi Serie C! 🇧🇷⚽🔥

Soma zaidi: mecamediaafrica.com
Mwandishi: AKILI ANDREW MICHAEL

27/08/2026

🇨🇩🇿🇲 RDC YAFUNGUA KITUO KIPYA CHA MPAKANI CHA LONSHI KATI YA HAUT-KATANGA NA ZAMBIA

Serikali ya Jamhuri ya Kidemokrasia ya Congo imefungua rasmi kituo kipya cha mpakani cha Lonshi, katika jimbo la Haut-Katanga, ikiwa ni hatua inayolenga kuimarisha usalama wa mipaka, udhibiti wa uhamiaji na biashara kati ya RDC na Zambia.

Kituo hicho kilizinduliwa Agosti 26, 2026 na Naibu Waziri Mkuu na Waziri wa Mambo ya Ndani, Jacquemain Shabani Lukoo, katika eneo la Sakania.

Kituo kipya kina ofisi 17 za kiutawala, vyumba 22 vya malazi kwa wafanyakazi wa mpakani pamoja na kisima cha maji, hatua inayotarajiwa kuboresha mazingira ya kazi ya maafisa wanaosimamia mpaka huo.

Mamlaka zinaeleza kuwa kituo hicho pia kitasaidia kurahisisha biashara halali, kudhibiti watu wanaovuka mpaka na kupambana na udanganyifu na shughuli haramu za kuvuka mipaka.

Serikali pia imesisitiza kuwa kampuni zinazofanya shughuli katika eneo hilo zinapaswa kuheshimu sheria za RDC pamoja na wajibu wao kwa jamii zinazozunguka miradi yao.

Bonyeza hapa ili utu follow Meca Media
Meca Media Facebook⁠

Soma zaidi: www.Mecamediaafrica.com

Mwandishi: Mangwa

27/08/2026

🚨⚽ BARCELONA YAONGOZA 1-0 DHIDI YA ATHLETIC CLUB, RAPHINHA AFUNGA

Barcelona imefanikiwa kupata bao la kwanza dhidi ya Athletic Club kupitia mshambuliaji wake Raphinha.

Raphinha alitikisa nyavu katika dakika ya 38 na kuiweka Barcelona mbele kwa bao 1-0. Bao hilo lilitokana na pasi ya mwisho iliyotolewa na Pedri.

Kwa mujibu wa takwimu za mchezo, Raphinha alimalizia nafasi hiyo kwa mguu wa kushoto, huku Barcelona ikiendelea kutafuta mabao zaidi.

Barcelona 1-0 Athletic Club.

Bonyeza hapa ili utu follow Meca Media
Meca Media Facebook⁠

Soma zaidi: www.Mecamediaafrica.com

Mwandishi: Mangwa

27/08/2026

MV AMANI: Meli kubwa zaidi katika Ziwa Tanganyika yavutia kwa uwezo wake

Meli ya MV AMANI, yenye urefu wa takribani mita 90, imeendelea kuvutia wananchi kutokana na ukubwa wake na uwezo wake wa kusafirisha abiria pamoja na magari katika Ziwa Tanganyika.

Meli hiyo inaelezwa kuwa na uwezo wa kubeba hadi abiria 600, huku pia ikiwa na uwezo wa kusafirisha magari kutoka Uvira nchini Jamhuri ya Kidemokrasia ya Congo (DRC) kuelekea Kalemie, kupitia Kigoma nchini Tanzania.

MV AMANI ina ghorofa tatu na huduma mbalimbali ikiwemo mgahawa pamoja na vyumba maalumu vya VIP, hali inayoiweka katika nafasi ya kipekee miongoni mwa meli zinazofanya safari katika Ziwa Tanganyika.

Njia yake kuu inahusisha Uvira 🇨🇩 → Kigoma 🇹🇿 → Kalemie 🇨🇩. Kwa sasa, meli hiyo inatajwa kuwa katika kituo cha Kigoma hadi itakapotolewa taarifa nyingine kuhusu safari yake.

Soma zaidi: mecamediaafrica.com
Mwandishi: AKILI ANDREW MICHAEL

27/08/2026

🚨🇨🇩 MASHARIKI MWA RDC: DENIS MUKWEGE AONYA KUHUSU MADHARA YA KUFUNGWA KWA VYUO VIKUU

Mshindi wa Tuzo ya Nobel ya Amani, Dkt. Denis Mukwege, amezungumzia kusimamishwa kwa shughuli za masomo katika vyuo kadhaa vilivyopo maeneo yanayodhibitiwa na AFC/M23, Kivu Kaskazini na Kivu Kusini.

Katika taarifa yake ya Agosti 26, 2026, Mukwege amekosoa uamuzi wa Kinshasa wa kusimamisha shughuli za masomo katika maeneo hayo, pamoja na uteuzi uliofanywa na mamlaka za AFC/M23 katika baadhi ya taasisi za elimu ya juu.

Kwa mujibu wa Mukwege, hatua hizo zinaweza kuongeza matatizo kwa wananchi ambao tayari wameathiriwa kwa kiasi kikubwa na hali ya usalama mashariki mwa RDC. Ameonya kuwa kuvurugika kwa elimu kunahatarisha mustakabali wa vijana wa eneo hilo.

Mukwege ametoa wito wa kurejeshwa kwa shughuli za masomo na kusisitiza kuwa vyuo vikuu havipaswi kuingizwa katika migogoro ya kisiasa na kijeshi.

Takribani taasisi 11 za elimu ya juu, zikiwemo zilizopo Goma na Bukavu, zinatajwa kuathiriwa na hatua hiyo.

Bonyeza hapa ili utu follow Meca Media
Meca Media Facebook⁠

Soma zaidi: www.Mecamediaafrica.com

Mwandishi: Mangwa

27/08/2026

🇨🇩 KINSHASA: JAMII YA BANYAMULENGE YAOMBA KESI ZA WAFUNGWA WAKE ZIHARAKISHWE

Ujumbe wa jamii ya Banyamulenge ukiongozwa na aliyekuwa mbunge Enock Ruberangabo umekutana na Waziri wa Sheria mjini Kinshasa kujadili hali ya baadhi ya wanajamii hao walioko kizuizini.

Ujumbe huo umeomba uchunguzi na usikilizwaji wa kesi zao uharakishwe, ukisema baadhi yao wamekaa kizuizini kwa muda mrefu. Pia umeomba kila kesi ichunguzwe kivyake kwa kuzingatia haki za watuhumiwa na taratibu za sheria.

Waziri wa Sheria amesisitiza uhuru wa mahak**a na kuomba taarifa zaidi kuhusu kesi hizo kabla ya hatua nyingine kuchukuliwa. Hakuna tangazo la kuachiliwa mara moja kwa wafungwa lililotolewa baada ya mkutano huo.

Bonyeza hapa ili utu follow Meca Media
Meca Media Facebook⁠

Soma zaidi: www.Mecamediaafrica.com

Mwandishi: Meca Media

27/08/2026

🇨🇩 1997: MAAFA YA WAKIMBIZI TINGI-TINGI WAKATI VITA VIKIIZONGA ZAIRE

Mnamo Januari 2, 1997, hali ya kibinadamu katika kambi ya wakimbizi ya Tingi-Tingi, takribani kilomita 270 kusini-mashariki mwa Kisangani, ilikuwa mbaya sana wakati vita vikiendelea mashariki mwa Zaire, ambayo leo ni DRC.

Takribani wakimbizi 120,000 walikuwa wakiishi Tingi-Tingi, wengi wao wakiwa Wahutu kutoka Rwanda waliokimbia nchi yao baada ya mauaji ya kimbari ya mwaka 1994.

Mashirika ya misaada yaliripoti uhaba mkubwa wa chakula, maji, makazi na dawa, huku mamia ya watu wakifariki kutokana na magonjwa na utapiamlo. Baadhi ya wakimbizi walifikia hatua ya kubadilishana nguo zao ili kupata chakula.

Kwa mujibu wa taarifa ya wakati huo, WHO ilikuwa imeonya kuhusu hatari ya mlipuko mkubwa wa kipindupindu. Médecins Sans Frontières iliripoti mamia ya vifo kambini, wakiwemo watoto wengi wenye umri chini ya miaka mitano.

Wakati huo, serikali ya Zaire ilikuwa imetangaza vita dhidi ya waasi waliokuwa wakiongozwa na Watutsi na kuungwa mkono na Rwanda, huku ikiahidi kufanya mashambulizi makubwa kurejesha maeneo ya mashariki yaliyokuwa yamepotea.

Mashirika ya kibinadamu yalionya kwamba kuongezeka kwa mapigano kungeweza kuweka maisha ya maelfu ya wakimbizi katika hatari kubwa zaidi, na kuitaka jumuiya ya kimataifa kusaidia kufanikisha usitishaji wa mapigano.

🎥🇨🇩 Video hii ni kumbukumbu ya Januari 1997, miezi michache kabla ya kuanguka kwa utawala wa Mobutu Sese Seko na Zaire kubadilishwa jina kuwa Jamhuri ya Kidemokrasia ya Congo.

Bonyeza hapa ili utu follow Meca Media:
Meca Media Facebook⁠

Soma zaidi: Mecamediaafrica.com

✍️ Mwandishi: Shuri M.

#1997

Adresse

Congo
Lubumbashi
23231

Site Web

http://www.mecamediaafrica.com/

Notifications

Soyez le premier à savoir et laissez-nous vous envoyer un courriel lorsque Meca Media publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.