13/06/2024
موضوع اليوم ان شاء الله راح يكون حول طريقة استخراج رخصة TLC بالنسبة للإنسان جاي بفيزا إلى مدينة نيويورك سيتي او المقيمين او حاملي الجنسية .
ملاحظة : رخصة TLC هي عبارة عن رخصة يجب التقديم عليها لكل شخص مهما كان ( فيزا او مقيم ) حتى يتمكن من الاشتغال في ثلاث انواع من النقل الخاص داخل مدينة نيويورك و التي هي :
FHV
Taxi cap
Green cap
- الموضوع يتم بالنفس الطريقة بالنسبة للمقيمين الشرعيين فقط الأمر مختصر بالنسبة لهم بإضافة السوشيل من الاول من دون القيام بالخطوات الأخرى .
- سبق و كتبت منشورات على نيويورك و في إحدى المنشورات كتبت على واش لازمك تدير كي تلحق هنا .
من بين الخطوات قلت لازمك دير رخصة السياقة و تطلب tax id و اليوم جا الدور لي نحتاجو فيهم هادو الزوج ( راح نحط المنشورات السابقة في التعليق )
- المنشور حتى و مراكش محتاجه ديرله حفظ و خليه عندك ، لأنه المعلومات لي فيه قليل وين راح تلقاها في غروب لأنه بزاف ناس ميعرفوش بلي ممكن تعملها .
نبدا على بركة الله :
اول شي لازم رخصة السياقة نتاعك من صنف D يتم تحويلها إلى صنف E , ما عليك غير تروحو ل DMV تدي معاك الرخصة D و تحولها ، مراح يديرو معاك والو من غير انك تخلص تقريبا 45 دولار .
ثانيا : Tax id لي قلنا بلي لازم طلبه من مكتب محاسب اول ما توصل ، هاذا لازم يكون جاهز عندك و يكون عندك رقم Tax حتى تتمكن من طلب الرخصة .
ثالثا :
تدخل للموقع التالي و الخاصة بالرخصة و هو الموقع الوحيد و الرسمي ، تعمل فيه aplication
https://apps.nyc.gov/lars/
بالنسبة للشخص لي معندوش سوشيل ، الأمر جد بسيط مكان السوشيل حط رقم EIN و هو الموجود في ورقة Tax Id .
و تقدم على التطبيق بالشكل عادي و بكامل المعلومات نتاعك و الأمر جد.سهل ، راح تحط فقط المعلومات نتاعك من اسم و لقب و تاريخ الميلاد و رقم الرخصة ....
ملاحظة هنا في تواريخ الميلاد راهم يكتبو الشهر قبل اليوم
بعد التقديم و لي السعر هو 257 دولار تقريبا ب 15 دقيقة راح يرسلولك امايل فيه تأكيد التطبيق نتاعك و يرسلولك رقم التأكيد و لي هو راح يكون أيضا رقم الرخصة فيما بعد .
فقط عملو save لأنك راح تحتاجو في كل الخطوات القادمة .
بعد الحصول على التأكيد راح يعلموك بباقى الخطوات لي لازم ديرهم و أيضا ترفع المستندات نتاعك من خلال الموقع التالي :
https://a156-nauf.nyc.gov/tlcup/
باش تدخل راك تحط
رقم التأكيد tlc
اخر خمس أرقام من السوشيل و إلى EIN لي سجلت بيه
و zip code لي راك دايره في العنوان .
تدخل تلقى الحساب نتاعك .
- في الأول راح تصور رخصة السياقة صنف E
- تجيب شهادة طبية من عند الطبيب تصورها و تحطها ( تقدر ديرها مجانا با medecaid لي عندك أو بالسعر 65 دولار عند أي طبيب ) .
قم بتحميل و طباعة الورقة من الموقع التالي و ديها للطبيب يعمرها و صايي
https://www.nyc.gov/assets/tlc/downloads/pdf/driver_medical_form_b.pdf
- او كاينة ورقة يسموها defensive driving 6h ، هادي تروح عند auto ecole تخدمها بين 50 او 70 دولار بلا ما تقرأ و إلى تديرها اونلاين بشي 30 دولار و تقرأ 6 سوايع اونلاين .
بعدها تروح تدير drug test , تحكم موعد labcop لي معتمد من عندهم و تروح تفوت drug test بعد ثلث ايام هكا راح يرسلو النتيجة و راح تشوف بلي تم في التطبيق نتاعك .
راح نحطلك صورة في التعليقات عن الأماكن لي تدير فيهم drug test .
از يمكنك الاتصال و الحجز على الرقم التالي (800) 923-2624 .
سعر drug test هو 34 دولار
بعدها : تحجز موعد في الموقع التالي : https://uenroll.identogo.com/workflows/15425Y
و تروح يصوروك و يديرولك البصمات ،راح تخلص 90 دولار
هادو كامل الخطوات كي ديرهم راح يتحدث في الحساب نتاعك بشكل اتوماتيكي .
هنا بقالك اخر شي و لي هو لقرايا لمدة اربع ايام ، واحد للذوى الاحتياجات الخاصة و ثلاث ايام تقرأ فيها قوانين TLC و كل ما يتعلق بيها .
راه كاين و ين تقرأ حتى بالعربية ، نصيحة كي تروحو تقراو حطو رواسيكم مليح مليح باسك القوانين راح تحتاجوهم بزاف سينون و الله تشبعو بروصيات .
هنا راح تحجز و تخلص في إحدى المدارس و تروح تقرأ هاد المدة
هااذ الموقع راح تلقى فيه جميع المدارس المعتمدة
https://www.nyc.gov/assets/tlc/downloads/pdf/tlc_renewal_provider_list.pdf
ادخل للموقع نتاع كل مدرسة و شوف واش يخرج عليك حسب العنوان و السعر
سعر الدراسة راح يكلفك بين 400 و 450 دولار على ما اعتقد ( تأكدوا من الموقع نتاع المدارس ) .
بعد ما تخلص لقرايا نتاعك ب 48 ساعة راح يتحدث الحساب نتاعك و بكون كامل ، قبل ذالك راح يوصلك امايل بلي كونط نتاعك جاهز و يعطوك موقع باش تحجز فيه و تروح تفوت الامتحان .
سعر الامتحان 50 دولار ( مش متأكد 100% )
الامتحان جد سهل خاوتي اذا تبعتو مليح وقت لقرايا لأنه كله متعلق بالقوانين و الفهم نتاعك للخريطة
للنجاح لازم تطيب نسبة 75% او 70% من 80 سؤال .
سعر
اذا نجحت راه مباشرة يقولك الموقع راك نجحت ، و اذا منجحتش راح يبعثولك امايل تزيد ادخل و حجز موعد آخر حتى تدي .
ملاحظة : التطبيق راح تنتهي صلاحيته بعد ثلاث اشهر من التقديم ، يعني كن متنجحش راح تعاود تخلص 257 من جديد .
هادي هي الخطوات كاملة ، فقط لازم تعرفو بلي حاليا الرخصة تسمحلك تخدم taxi الأصفر فقط لأنه التطبيقات حاليا لا تقبل اي سائق جديد ، سيتم تسجيلك في قائمة الانتظار .
