20/10/2024
KUNGIYAR YANJIRIDA TA KASA RESHEN JIHAR KATSINA TA TAYA GWAMNA RADDA MURNAR SAMUN BABBAR LAMBAR YABON KUNGIYAR TA KASA.
قُنْغِيَرْ يٰنْجَرِيْدَ تَا قَسَ رٖيْشٖينْ جَهَرْ كَشِنَهْ تَا تَيَ غُمْنَ رَطْطَ مُرْنَرْ سَامُنْ بَبْبَرْ لَمْبَرْ يَبُونْ قُنْغِيَرْ تَا قَسَ۔
Daga Farida Idris Katsina
دَغَ فَرِيْدَ إِدْرِسْ كَشِنَهْ۔
Mun samu kwafin
takardar sanarwar manema labarai, mai dauke da sa hannun Shugaban Kungiyar 'NUJ' ta Jihar Katsina, Kwamared Tukur Hassan Dan'ali.
مُنْ سَامُ كُوْفِنْ تَكَرْدَرْ سَنَرْوَرْ مَنٖيْمَ لَابَرَيْ، مَيْ طَوْكٖيْ دَ سَ هَنْنُنْ شُوْغَبَنْ قُنْغِيَرْ 'يٰنْ۔يُوْ۔جٖيْ' تَا جَهَرْ كَشِنَهْ، كُوْمَرٖيدْ تُكُرْ حَسَنْ طَنْعٰلِ۔
A madadin kungiyar 'NUJ', ta jihar Katsina da daukacin 'ya'yanta, na taya Mai Girma Gwamnan Jihar Katsina Malam Dikko Ummaru Radda phD, CON, muranar lashe kyautar babbar lambar yabo ta bana da kungiyar Yan'jarida ta 'kasa (NUJ) ta yi bikin mika lambar yabon a Legas, a ranar Al'hamis 17 ga watan Oktoban, 2024.
أَ مَدَدِنْ قُنْغِيَرْ 'يٖينْ۔يُوْ۔جٖيْ'، تَا جَهَرْ كَشِنَهْ دَ طَوْكَثِنْ يٰيٰنْتَ، نَا تَيَ مَيْ غِرْمَ غُمْنَنْ جَهَرْ كَشِنَهْ، مَالَمْ دِكْكُ عُمَرْ رَطْطَ فِيْ۔هٖيثْ۔دِيْ، سِيْ۔أُوْ۔يٖنْ مُرْنَرْ لَاشٖيْ لَمْبَرْ يَبُوْ تَا بَنَ دَ قُنْغِيَرْ يٰنْجَرِيْدَ تَا قَسَ ( يٰينْ۔يُوْ۔جٖي) تَايِ بِكِنْ مِيْقَ لَمْبَرْ يَبُونْ أَ لٖيْغَسْ، أَ رَانَرْ أَلْهَمِسْ ١٧ غَ وَتَنْ أُوكْتُوْبَنْ، ٢٠٢٤۔
A tarihin Kungiyar a jihar Katsina, Gwamna Malam Dikko Umar Radda shi ne, gwamnan da ya fara samun irin wannan babbar lambar yabo mai daraja ta d'aya da shugabannin kungiyar ta kasa ke bayarwa ga gwarazan shugabanni a fadin tarayyar Nijeriya.
أَ تَارِيْهِنْ قُنْغِيَرْ أَ جَهَرْ كَشِنَهْ، غُمْنَ مَالَمْ دِكْكُ عُمَرْ رَطْطَ شِيْ نٖيْ،غُمْنَنْ دَ يَا فَارَ سَمُنْ إِرِنْ وَنْنَنْ بَبْبَرْ لَمْبَرْ يَبُوْ مَيْ دَرَجَ تَا طَيَ دَ شُوْغَبَنْنِنْ قُنْغِيَرْ تَا قَسَ كٖيْ بَايَرْوَ غَ غُوْرَزَنْ شُوْغَبَنْنِ أَ فَاطِنْ تَرَيْيَرْ نَجٖيْرِيَ۔
Wannan ya nuna karara cewa babbar kungiyar ta NUJ tana bin katafaren ci gaban da Gwamna ya yi, ta fuskar samar da ababen more rayuwa da ci gaban al'umma.
وَنْنَنْ يَا نُوْنَ قَرَرَ ثٖيْوَ بَبْبَرْ قُنْغِيَرْ تَا يٖينْ۔يُوْ۔جٖي تَنَ بِنْ كَتَافَرٖينْ ثِيْ غَبَنْ دَ غُمْنَ يَايِ، تَا فُسْكَرْ سَامَرْ دَ أَبَابٖينْ مُوْرٖيْ رَيُوَ دَ ثِيْ غَبَنْ أَلْعُمْمَ۔
Jagoranci nagaskiya da jajircewa da ci gaban jihar Katsina da gwamnan ya yi, na daga cikin abubuwan da kungiyar ta yi la’akari da shi wanda ya ba shi damar lashe wannan babbar lambar yabo.
جَاغُوْرَنْثِ نَغَسْكِيَ دَ جَاجِرْثٖيْوَ دَ ثِيْ غَبَنْ جَهَرْ كَشِنَهْ دَ غُمْنَنْ يَايِى نَا دَغَ ثِكِنْ أَبُوْبُوَنْ دَ قُنْغِيَرْ تَا يِى لَعَكَرِى دَ شِ وَنْدَ يَا بَا شِ دَامَرْ لَاشٖيْ وَنْنَنْ بَبْبَرْ لَمْبَرْ يَبُوْ۔
Kwamared Tukur Dan'ali ya kara da cewa, " a matsayinmu na shugabannin kungiyar ta 'NUJ' a jihar Katsina, mun lura da cewa jihar ta samu nasarori masu dimbin yawa a dukkanin bangarori a cikin shekara daya da ta gabata na gwamnatin Radd’a. Don haka muna kira ga Gwamna da ya ci gaba da mai da hankali kan wannan tafarki na shugabanci mai cike da rikon amana wanda hakan yasa shugabannin masu sana’ar Alkalami ( Yan'jarida) s**a girmama shi.
كُوْمَرٖيدْ تُكُرْ طَنْ عَلِى يَا قَارَ دَ ثٖيْوَ ، " أَ مَثَيِنْمُ نَا شُغَبَنْنِنْ قُنْغِيَرْ تَا 'يٖينْ-يُوْ-جٖيْ' أَ جَهَرْ كَشِنَهْ، مُنْ كُمَ لُوْرَ دَ ثٖيْوَ جَهَرْ تَا كَشِنَهْ تَا سَامُ نَسَرُوْرِ مَاسُ طِنْبِنْ يَوَ أَ دُكْكَنِنْ بَنْغَارُوْرِ أَ ثِكِنْ شٖيْكَرَ طَيَ دَ تَا غَبَاتَ نَا غُمْنَتِنْ رَطْطَ۔ دُونْ هَكَ مُنَ كِرَا غَ غُمْنَ دَ يَا ثِ غَبَ دَ مَيْ دَ هَنْكَلِى كَنْ وَنْنَنْ تَفَرْكِى نَا شُوْغَبَنْثِ مَيْ ثِكٖيْ دَ رِقُونْ أَمَانَ وَنْدَ هَكَنْ يَسَ شُوْغَبَنْنِنْ مَاسُ سَنَاءَرْ أَلْقَلَمِيْ( يَنْجَرِيْدَ) سُكَ غِرْمَمَاشِ۔
Daga karshe, shugaban na Jihar Katsina ya karkare da cewa, "wannan karramawa mai dimbin tarihi da a kai wa gwamna, malam Dikko Umar Radda ba tashi bace shi kadai, ta gwamnati da al'ummar jihar Katsina ce gaba daya, domin sai da ya zabure da goyon bayan mataimakansa har aka samu nasarar yin ayyukan da Kungiyar 'Yan'ridun ta kasa ta kalla har ta ba shi wannan babbar lambar yabo da ba kowa ake ba ba sai gwarzo ; gwarzonma nagaske".
دَغَ قَرْشٖيْ، شُغَبَنْ نَا جَهَرْ كَشِنَهْ يَا قَرْقَرٖيْ دَ ثٖيْوَ، " وَنْنَنْ كَرْرَمَاوَ مَيْ طِنْبِنْ تَرِيْهِ دَ أَ كَيْ وَ غُمْنَ، مَالَمْ دِكْكُوْ عُمَرْ رَطْطَ بَا تَاشِ كَطَيْ بَثٖيْ، تَا غُمْنَتِ دَ أَلْعُمْمَرْ جَهَرْ كَشِنَهْ ثٖيْ غَبَا طَيَ، دُوْمِنْ سَيْ دَ يَا زَابُرٖيْ دَ غُوْيُنْ بَايَنْ مَتَيْمَكَنْسَ هَرْ أَكَ سَامُ نَسَرَرْ يِنْ أَيْيُكَنْ دَ قُنْغِيَرْ يٖينْ جَرِيْدُنْ تَا قَسَ تَا كَلْلَا هَرْ تَبَا شِ وَنْنَنْ بَبْبَرْ لَمْبَرْ يَبُوْ دَ بَا كُوْوَ أَكٖيْ بَا بَ سَيْ غَورْزُوْ؛ غَورْزُنْمَا نَغَسْكٖيْ"۔
Kuma Kwamared Tukur Hassan Dan'ali ya diga ayar sanarwarsa da cewa, " su a kungiyance a jihar Katsina suna tunkaho da bugun gaba da alfaharin cewa suna da kyakkyawar alaka da mutuntawa tsakanin Majalisar kungiyar ta Jihar Katsina ta NUJ da kuma shugabancinta na kasa karkashin jagorancin, Dakta Chris Isiguzo”.
كُمَ كُوْمَرٖيدْ تُكُرْ حَسَنْ طَنْ عَالِى يَا طِغَ أَيَرْ سَنَرْوَرْسَ دَ ثٖيْوَ،" سُوْ أَ قُنْغِيَنْثٖيْ أَ جَهَرْ كَشِنَهْ سُنَ تُنْقَاهُوْ دَ بُغُنْ غَبَ دَ أَلْفَهَرِنْ ثٖيْوَ سُنَ دَ كٖيْكْكياوَرْ أَلَاقَ دَ مُتُنْتَاوَ ثَكَنِنْ مَجَلِسَرْ قُنْغِيَرْ تَا جَهَرْ كَشِنَهْ تَا نٖينْ-يُوْ-جٖيْ دَ شُغَبَنْثِنْتَ نَا قَسَ قَرْقَشِنْ جَاغُوْرَنْثِنْ ،دَكْتَ كِرِسْ إِسِيْغُزُوْ"۔
