03/07/2025
2.7.2025ရက်နေ့က ဘင်္ဂလားဒေ့ရှ်အမျိုးသမီးဘောလုံးအသင်းနဲ့မြန်မာအမျိုးသမီးဘောလုံးအသင်းတို့ဟာ
အာရှဖလားခြေစစ်ပွဲအတွက်ယှဥ်ပြိုင်ကစားခဲ့ရာ
ဘင်္ဂလားဒေ့ရှ်အသင်းက မြန်မာအသင်းကို 2-1နဲ့ အနိုင်ရသွားခဲ့ပါတယ်။
မြန်မာအသင်းကို အရမ်းမျှော်လင့်ထားပေမယ့် ရှုံးနိမ့်သွားတဲ့အတွက် ၀မ်းနည်းမိကြောင်း၊ယွန်း၀တီလှိုင်လို ပြေးအား တွန်းအားကောင်းတဲ့ကစားသမားကို ထုတ်လိုက်တာဟာ နည်းပြရဲ့မှားယွင်းတဲ့လုပ်ရပ်ဖြစ်ကြောင်း၊ကစားပုံကစားနည်းက ဟာကွက်တွေရှိပြီး ကစားတာ ပျော့ကြောင်း၊ဒိုင်ကလည်း ကိုယ့်ဖက်မရှိသလိုဖြစ်နေပြီး ပန်နတီတွေအများကြီးရသင့်ပေမယ့် မပေးတာကြောင့် ရှုံးတာဖြစ်နိုင်တယ်လို့ သွားရောက်အားပေးတဲ့ ပရိတ်သတ်အချို့က ဆိုပါတယ်။
မြန်မာအမျိုးသမီးအသင်းနည်းပြအနေနဲ့ကတော့ ခုပွဲအတွက် စိတ်မကောင်းဖြစ်မိပြီး နောက်ပွဲတွေမှာ ကြိုးစားသွားပါမယ်လို့ ပြောကြားလာပါတယ်။
သို့ပေမယ့်လည်း ကစားပွဲရလဒ်အရ နောက်လာမယ့်ပွဲကို နိုင်ခဲ့ရင်တောင် မြန်မာအသင်းအတွက် အာရှဖလား၀င်ခွင့်ရဖို့ အခွင့်အရေးနည်းပါးဖြစ်သွားပြီ ဖြစ်ပါတယ်။
