20/08/2025
My goodness
Ohhhh Cameroon 🥹🥹🥹
This contri di frighten me . Yesterday I be post some news for yehh say some padiman Kwara yi woman for Ebang inside Yamande then enter susungo nohh? Now I done get the full story👌👌
Look fine for this picture you go see woman yi head inside pot . Them say this woman na married woman for Messesa but e be get some yi sweet kanas for Ebang by name Eric wehh e di comot lie yi massa say e di go farm but wehh e di go nang na for this Eric yi arms. Small small so this woman fall in love with some Eric yi friend again . So when e cam Ebang now e di first go collect one mop for that Eric yi padiman before pass cam gi the remaining beans for Eric 👌👌👌
As Congosa pipo too no di rest, na so them sia cam tap Eric say that ya nga yi beans di ya ngeh for ya padiman yi hand . Eric just lay low , on weekend madam cam again wehh Eric no de around so madam first pass go take one mop again . Eric cam back then call yi e comot cam wehh beans nover even yet dry . E show say Eric poison yi leavam for house then comot go that yi padiman yi house go take padiman say make them go charge . Eric gi guy mimbo suté e drunk . Eric bring yi back for yi house then chuckam with nif 😳😳😳😳
Eric comot cam back for yi own house wehh madam don already sleep straight , Eric take cutlass butcher madam to pieces packam inside that big pot then comot lock house enter susungo . The next day na Eric call land lord tell yi say die man de inside yi house , na from there de cam broke Eric yi door then see this ndon 😳😳😳😳
The original husband for Messasi di drink kadji like say nothing nover happen 😳😳😳
Moral lesson. De no di put heart ontop universal charger because any man fit charge yi phone de any time 👌👌👌
