16/01/2026
Aksidente di tráfiko ku morto
Djaweps 15 di yanüari 2026 alrededor di 19.01'or, Sentral di Polis a dirigí un
unidat polisial pa F.D. Roosveltweg na altura di e kaya sin nòmber ku ta
konektá F.D. Rooseveltweg ku Veerisweg pa un aksidente di tráfiko ku persona
heridá.
For di investigashon ku polis a realisá na e sitio a sali na kla, ku un motosiklista
tabata kore riba F.D. Rooseveltweg den direkshon di Plaza Hariri,
Na altura di e kaya sin nòmber ariba menshoná, shofur di un vèn a subi F.D.
Rooseveltweg sin duna preferensia na e motosiklista
Konsekuentemente a surgi un aksidente entre e dos vehíkulonan aki,
E motosiklista ku a sufri varios leshon, a keda transportá ku urgensia pa Sala di
Emergensia di C.M.C
Den oranan despues di mèrdia di djabièrnè 16 di yanüari 2026, a drenta
informashon na polis ku e motosiklista a fayesé debí na leshonnan ku el a sufri
den e aksidente
Identidat di e víktima ta konosí i lo keda publiká despues, mientras ku personal
di Departamentu di Tráfiko ta enkargá ku e investigashon.
