04/02/2026
Maanta awooddu kuma koobna kursi dowladeed, ciidan ama miisaaniyad qaran. Awooddu waxay u guurtay meel kale—halkaas oo hal qof, hal qoraal, ama hal muuqaal uu saameyn ku yeelan karo malaayiin qof daqiiqado gudahood. Baraha bulshada waxay noqdeen goob lagu sameeyo aragti, lagu abuuro taageero, laguna dumiyo qabka cidda aad is haysaan.
Dowladduhu waxay ku shaqeeyaan nidaamyo; sharci, iyo habraacyo qaata waqti dheer. Laakiin baraha bulshadu xeer ma laha, xuduudna ma leh. Hal farriin ayaa beddeli karta sida ay dadku u arkaan dhacdo, hoggaamiye ama dal dhan. Taasi waa sababta maanta dooddaha waaweyn, kacdoonnada fikraddeed, iyo caddaadiska ugu culus ay uga bilaabmaan dunida online, ka hor inta aanay gaadhin hoolalka rasmiga ah ee laga arrimiyo.
Cidda fahanta awooddan oo si masuuliyad leh u adeegsata, waxay yeelanaysaa saameyn ka ballaadhan tan hay’ad rasmi ah. Cidda dayacda ama u aragta madadaalo keliya, iyadaa feker ahaan iyo qof ahaanba si dadban loo maamulayaa!
Ridwan Aye
