15/08/2025
Ilaahaw caafimaadka noo siyaadi kuwayaga bukana caafi๐คฒ
Maalintii hadaan geeri la guu soo sheegin qof kaa ag dhow baa loo soo sheegayaa masaajidadana si joog ah baa dad dhintay loogu tukanayaa mararka qaar tiro badan sidookale dad buka oo duco soo codsaday baa looga ducaynayaa jimcihii h**ena masjid jaamaca Burco khudbadu waxay ku saabsanayd caafimaadka iyo dadka xanuunada ka cabanaya oo loo duceeyay goobaha dadku isugu yimaadaan waxay isku war gelinayaan qof dhitay mid dhakhtar loo qaaday mid ka soo baxay iyo mid hada loo wado isla goobahaana qaar badan ayaa ka sheegaya in ay bucaan socod yihiin oo xanuunsanayaan.
Dhulalka xabaalahana waxaa la sheegay in ay h**e u buuxsamaan oo hadba dhul horleh la bilaabo dadka koonayaasha xabaalaha xigaana waxay sheegeen in labada gelinba maydad badan la dhaafiyo
dadka dhimanayaana ma kala laha yar iyo wayn ee waa qaybaha bulshada oo dhan oo dhalinyaradu ka midtahay sidookale waxaa ka mid ah dad caafimaad lagu ogaa oo hal mar lagu soo boodayo iyo kuwo in tay seexdaan subaxii la arkayo iyagoo mayd ah. Dad badan oo aan arintan wax ka waydiiyay waxay ii sheegeen in ilaa shan iyo tobankii sano ee danbeba dhimashada iyo bukaankuba aad u bateen.
markaan waydiiyay waxa ay sababta u malaynayaan qaderta alle ka sokow waxay intooda badani iisheegeen in ay umalaynayaan cuntada iyo dawada oo dhacay in sababtu tahay kuwo kalena waxay ku dareen qaadka iyo in ay ka shakisanyihiin in sun badaha lagu daadiyay.
Dhanka kale waxaa sii badanaya goobaha caafimaadka ee gaarka loo leeyahay oo cilaashyadu ka midyihiin waxaadna arkaysaa iyadoo baraha bulshada aad looga xayaysiinayo.
Sijoogto ahna waxaa telefoon kaaga ugu soo dhacaya fariimo gaagaaban oo lagugu ogaysiinayo dhakhaatiir iyo goobo caafimaad oo xanuuno badan lagu dawaynayo
โ๐ฝAhmed Iidle
