01/09/2025
ဒီနိုင်ငံမှာ အသိမိတ်ဆွေ သူငယ်ချင်း ဆွေမျိုး မရှိတဲ့ သူအနေနဲ့ Videx Form မှာ Reference Person ဘယ်သူ့ကို ဖြည့်မလဲ ဘယ်လို ဖြည့်ရမလဲ ဆိုတဲ့ အကြောင်း ညီမ တစ်ယောက် message ကနေ မေးလာလို့ သူ့ကို ဖြေပေးတဲ့ အတိုင်း ကျွန်မ လျှောက်တုန်းက ဖြည့်ခဲ့တဲ့ အကြောင်းပါ
Reference Person ဆိုတာ ကျွန်မ နားလည်တဲ့ သဘောက
Form မှာ ဖြည့်ထားသမျှ ၊ ကိုယ်လျှောက်ဖို့ ပြထားတဲ့ စာရွက်စာတမ်း ၊ ကိုယ့်ရဲ့ motivation letter မှာ ရေးထားတဲ့ story မှန်ကန်ကြောင်း ကို ကိုယ့်ရဲ့အကြောင်း facts check ဖို့ တောင်းတာလို့ နားလည်ပါတယ်
ကိုယ်က အဲ့နေရာမှာ ဖြည့်ပေးလိုက်တဲ့ သူရဲ့ contact information ကနေ တစ်ဆင့် ကိုယ့်အကြောင်း မှန်ကန်လား သံရုံးဘက်ကနေ ဆက်သွယ်ပြီး စုံစမ်းချင် စုံစမ်းနိုင်ပါတယ်
အဲ့ဒါကြောင့် ကျွန်မ ဖြည့်ခဲ့တုန်းက ကျွန်မရဲ့ လုပ်ဖော်ကိုင်ဖက် (Indian) တယောက်ရဲ့ contact ဖြည့်ပါတယ် သူ့ကိုလဲ ကျွန်မ Visa လျှောက်ထားကြောင်းနဲ့ ကျွန်မအကြောင်းဖုန်းဆက်မေးခဲ့ရင် ထောက်ခံပေးဖို့ သေချာဖြေပေးဖို့ အကြောင်းကြားထားပါတယ်
လက်ရှိ ဂျာမဏီကို ရောက်နေတဲ့သူ ဖြစ်ဖို့ မလိုပါဘူး ကိုယ့်အကြောင်းကို သေချာသိတဲ့ စာသင်ပေးတဲ့ဆရာ ဖြစ်ဖြစ် ၊ ကိုယ့်အလုပ်က မန်နေဂျာ ၊ သူဌေး ကစလို့ ကိုယ့်ကို သေချာလေး အကူညီပေးမယ့် အင်္ဂလိပ်စကား ပြောနိုင်မယ့် သူဖြည့်တာ ကောင်းတယ် လို့ ထင်ပါတယ်
ဗီဇာ မရခင် ကျွန်မအကြောင်း သံရုံးက ဖုန်း/ အီးမေးလ် ကနေ ဆက်သွယ်ပြီး မမေးခဲ့ပါဘူး မေးချင်မှလဲ မေးမှာပါ ဂျာမဏီသံရုံးက မေးမမေးလဲ ကျွန်မ သေချာမသိပါဘူး ဒါပေမယ့် ကနေဒါ ဗီဇာ လျှောက်ရင်တော့ randomly သံရုံးက သူတို့ မေးချင်တဲ့သူရှိရင် ဖုန်းဆက်မေးတာတော့ သူငယ်ချင်းတချို့ ကြုံလို့ ကြားဖူးပါတယ် အဲ့ဒါကြောင့် စိတ်ချရအောင် ကိုယ့်ကို ကူညီပြီး ထောက်ခံပေးမယ့် သူကို ဖြည့်တာ စိတ်ချရမယ်လို့ ထင်ပါတယ်
အကယ်၍ ဖုန်း/ အီးမေလ် နဲ့ အမေးခံရလို့ ဖြေတဲ့အခါမှာလဲ စာသင်ပေးတဲ့ဆရာ ဆိုရင် စာကြိုးစားကြောင်း ရိုးသားကြောင်း တော်ကြောင်း ၊ မန်နေဂျာဆိုရင်လဲ အလုပ်ထဲမှာ ကြိုးစားကြောင်း လုပ်ဖော်ကိုင်ဖက်ကောင်းဖြစ်ကြောင်း ပြောပေးရင် လုံလောက်ပါတယ်
လာမေးတဲ့ ညီမကိုလဲ ကျေးဇူးတင်ပါတယ် ကျွန်မပိုစ့်တွေ
က အထောက်အကူဖြစ်တယ်ဆိုတာ သိရလို့လဲ ဝမ်းသာရပါတယ် အဆင်ပြေကြပါစေ…
