22/10/2025
یونیسیف افغان زده کوونکو ته د ښوونیزو کڅو د ویشلو بهیر پېل کړ.
د ملګرو ملتونو له ماشومانو د ملاتړ صندوق (یونیسف) پر خپله اېکس پاڼه لیکلي، چې په افغانستان کې یې پر ۱.۵ میلیونو ماشومانو د ښوونیزو کڅوړو وېش پیل کړی دی.
یونیسف په بیان کې زیاته کړې، چې دا کڅوړې او ښوونیز توکي د افغانستان د ۱۵ زرو ښوونځیو پر زدهکوونکو وېشل کېږي چې دا مرستې د نړیوال بانک په ملاتړ برابرې شوې دي.
په دې کڅوړو کې د ښوونځي بکس، پنسلونه، کتابچې، او شمعي رنګې دي. له دې وړاندې هم یونیسف ویلي و چې په افغانستان کې د بېلابېلو لاملونو له وجې ۴ میلیونه ماشومان له زدهکړو بې برخې دي.
