03/09/2025
1️⃣6️⃣-shi i Listës Fituese të AAK-së, Mentor Januzaj ✅
Mentor Januzaj vjen nga fshati Isniq.
Është Magjistër i Shkencave Ekonomike, me mbi 10 vite përvojë në sektorin privat të financave dhe kontabilitetit. Është i angazhuar në shumë biznese vendore si kontabilist dhe këshilltar financiar, duke dëshmuar integritet, profesionalizëm dhe transparencë.
Përveç përvojës profesionale, Mentor Januzaj ka qenë gjithmonë i angazhuar në aktivitete të ndryshme. Rrugëtimi i tij si student nuk ishte vetëm mësim, por edhe angazhim për ta bërë zërin studentor-rinor vendimmarrës në udhëheqjen e Universitetit në Pejë. Gjatë kësaj kohe ka ushtruar detyrat:
• Senator në Universitetin “Haxhi Zeka” si përfaqësues i studentëve;
• Kryetar i Këshillit Studentor në Fakultetin e Biznesit, Pejë;
• Anëtar i Këshillit Drejtues të Fakultetit të Biznesit;
• Themelues i Unionit Studentor “Haxhi Zeka”;
• Themelues i Klubit Skitar “Mariashi” në Deçan – një iniciativë për promovimin e sportit dhe turizmit dimëror në Bjeshkët e Belegut;
• Aktivist i palodhshëm për zhvillimin e rinisë dhe nismave kreative në zonën tonë.
Angazhimi i tij i vazhdueshëm në aktivitete rinore, akademike dhe qytetare ka formuar një profil të fuqishëm dhe të besueshëm, duke i dhënë Mentor Januzajt aftësinë dhe përvojën për vendimmarrje të qëndrueshme, udhëheqje të drejtë dhe qasje të ndershme e transparente në çdo proces.
Mentor Januzaj – Një zë i ri për Deçanin, një kandidat me dije, përvojë dhe vullnet të sinqertë për të përfaqësuar denjësisht interesin e qytetarëve të komunës sonë.
Aleanca e ka nder të ketë pjesë të listës fituese një kuadër si ai. Isniqi e ka nder ta ketë përfaqësues dhe Kuvendi Komunal ka nevojë për kontributin e tij!
Urime, suksese e fitore Mentor! 1️⃣6️⃣✅
✅
✅
✅
