07/09/2025
Ou gade pònografi yon fwa nan vi ou deja ? Ou pran plezi nan sa ? 😊
Ebyen post sa se pou ou, an nou ale enjoy ansanm nan yon lòt fason.
Nb : Tèks sa pa pou mwen, se sou paj Mumu Show mwen pran li, pou pataje avèk ou.
(Mwen envite nou abone avèk li).
Let's Go !
--------------
Pònografi ka afekte yon relasyon seryezman, menm rive detwil, paske li gen enpak sou lespri, kè, ak konpòtman nan koup la. Men rezon prensipal yo, baze sou obsèvasyon ak etid syantifik:
1. Li kreye atant ireyèl sou sèks ak patnè a
Lè yon moun gade pònografi regilyèman, yo vin gen yon vizyon falsifye sou kijan sèks ak entimite dwe ye.
Anpil videyo pònografik montre sèn ekzajere ak aksyon ki pa natirèl.
Lè moun nan finn foksyone ak patnè li, li ka santi fristrasyon paske eksperyans reyèl la pa menm ak sa li te wè a.
Sa lakòz diminisyon atirans pou patnè a, paske li konpare l ak imaj ireyèl nan tèt li a.
Etid Journal of S*x Research montre ke anpil konsomasyon pònografi ogmante ensatisfaksyon seksyèl nan relasyon yo.
2. Li fè Diminye koneksyon emosyonèl
Sèks se pa sèlman yon zak fizik, men yon lyen emosyonèl ki fè koup raproche youn ak lòt.
Pònografi souvan izole moun k’ap konsome Li a , paske li fè eksperyans lan sèlman pou plezi pèsonèl li ,san koneksyon ak patnè a.
Sa ka lakòz patnè ki gade pònografi a vin emotyonèlman frèt, mwens senpatik, e mwens enterese nan bezwen emosyonèl lòt la.
Etid Psychology Today montre ke koup kote youn nan patnè yo gade pònografi twòp gen tandans gen mwens konvèsasyon pwofon,mwens jantiy,e nan relasyon sa gen plis konfli.
3. Li fè Ogmante trayizon ak mank konfyans
Pònografi ka vin yon fòm de trayizon emosyonèl oswa seksyèl, menm si li pa gen kontak fizik ak yon lòt moun ki reyèl.
Lè yon patnè dekouvri lòt la ap gade pònografi an kachèt, sa kreye mank konfyans.
Yo ka santi yo pa sifi, yo pa bèl, oswa yo pa enteresan ase pou patnè yo.
Sa konn mennen nan jalouzi, mepriz, ak anpil konfli.
Etid American Association for Marriage and Family Therapy rapòte ke 56% koup ki te gen pwoblèm pònografi te santi li menm grav tankou yon relasyon ekstramarital.
4.Li ka koz ou vinn dejwe e fè’w depandan seksyèlman
Pònografi aji sou dopamin nan sèvo a menm jan ak dwòg tankou kokayin.
Pi plis yon moun gade li, se plis li bezwen kontni ki pi cho pou’l ka jwenn menm nivo satisfaksyon.
Sa kreye yon s*k depandans kote moun nan pèdi enterè pou patnè li oswa pou seksyalite natirèl.
Nan kèk ka, li ka menm mennen pwoblèm ereksyon oswa satisfaksyon seksyèl, paske sèvo a vin abitye sèlman ak pònografi.
Etid Cambridge University te montre ke sèvo moun ki dejwe nan pònografi gen menm modèl aktivasyon ak moun ki dejwe nan dwòg.
5. Li Menase estabilite fanmi ak relasyon alontèm
Lè konfyans kraze ak entimite diminye, koup la vin gen plis diskisyon, fristrasyon, e pafwa separasyon.
Si gen timoun nan relasyon an, yo souvan soufri tou, paske tansyon nan kay la vin ogmante.
Plizyè etid montre pònografi regilye ogmante risk divòs ak separasyon.
University of Oklahoma jwenn ke koup kote youn nan patnè yo kòmanse gade pònografi gen doub chans pou yo fini divòse.
6. Li ka fè’w Pèdi respè ak valè nan relasyon an
Pònografi souvan fè’w trete moun kòm objè, pa kòm yon moun ki gen emosyon ak diyite.
Lè yon moun abitye ak sa, li ka kòmanse wè patnè li menm jan an, tankou yon zouti pou satisfè bezwen seksyèl li.
Sa ka diminye respè mityèl ak vrè lanmou nan relasyon an.
Pònografi pa sèlman yon plezi ou pran an prive : li gen konsekans pwofon sou relasyon yo.
Li ka
-Detwi konfyans
-Redwi entimite emosyonèl
-Ogmante trayizon
-Kraze yon fanmi antye.
Pou pwoteje yon relasyon, koup yo dwe pale ouvètman sou seksyalite yo, Sa yap atann sa yo vle,mete limyè sou dezi yo,mete limit klè tou, epi chèche lòt fason pou nouri entimite ki baze sou respè ak lanmou.
Mèsi!
