Lander Productions, La Vereda, Santiago (2025)

Enpresyon sou Mayo, kepi... konsepsyon logo, lebel, badge, realizasyon fim, feyiton, video mizik elatriye.

07/11/2025

LA FILLE À PAPA
💃🏻💃🏻💃🏻💃🏻👩🏾‍❤️‍👨🏻👩🏾‍❤️‍👨🏻🥀🍂👩🏾‍❤️‍👨🏻👩🏾‍❤️‍👨🏻💃🏻💃🏻💃🏻💃🏻
Epizòd #1

Écrit ✍️ par: Lander
FaceBook: Lander Productions

Tit: Lanmou papa pou pitit li se yon bagay inik
👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻👩🏾‍❤️‍👨🏻

Fè yon pitit pa rete la, gade l k ap grandi, ba' l lanmou, viv avè l tankou w t ap grandi ak rèv ou, fè l konprann reyalite lavi, sitou si w ta pou kont ou, hm se pa yon ti jwèt bagay... Gen fanm, mwen byen di fanm, fanm vanyan, fanm 2 pye pantalon ki leve pitit yo pou kont yo, san prezans papa ni menm yon fanmi ki pou ede l. Yon MANMAN se yon lòt lavi, se yon kado ki vo tout bagay, yon bon manman se sa nèt. Men, nou paka pase sou sa pou n inyore lanmou papa pou pitit yo tou, gen papa ki konn sa sa vle di papa, gen papa ki leve pitit yo menm jan tou, san èd manman, san èd fanmi ni menm yon zanmi. Sa konn pi difisil toujou, paske, anpil fwa, gason sa oblije aprann viv tankou fanm sitou si l ap leve yon pitit fi, jis pou l konprann reyalite pitit la pi byen epi mennen l nan bon chimen pou evite l pèdi nan echèk ak dezespwa. Non m se Wise Lander, kite m pran swen pou m rakonte w istwa bèl fanmi sa a an seri, ki t ap viv yon Lanmou papa san prezans pèsòn e ke nan yon senp rankont anpil bagay pral chanje... m ap kòmanse konsa :

Nathalie se te yon jenn demwzèl ki te gen anviwon 20 ane. Depi lè l t ap grandi, li pat janm jwenn pèsòn kòm sipò pou li ke papa l, amitye yo te pwofon anpil. Esaïe, papa Nathalie, se te yon gason vanyan, ki te gen yon pwomès pou l onore, wi li te pwomèt madanm li ke l ap angaje l nan edikasyon pitit fi yo a, e l ap leve l tankou yon papa responsab. Pwomès sa te respekte, paske Esaïe te sispann viv lavi l pou li, men pito li te konsakre l pou reyisit grenn pitit fi li a.

Kòmansman pat fasil ditou, men jan Rosaline te pwomèt Esaïe a, li sanble te toujou akonpanye l e ba' li fòs pou l te mennen gwo konba sa a...

Epòk Nathalie te gen 2...9 ane yo, Esaïe te oblije mennen l tout kote l pase, li te konn g on ti chou nan tèt li ak 2 ti très lage sou figi l, se te pi bèl e meyè kout peny Esaïe te konn fè. Aprè sa, li se yon gason 5 dwèt, manje l pat manje nenpòt fanm te ka fè...

Li te eseye tout bagay pou l te siviv, paske l t ap viv li menm sèl, san pèsòn, ni menm yon kouzen, matant. Ti Biznis li te ouvè ki t ap al pete yon pòt delivrans pou li se te yon restoran tou prè lakay li, li te kòmanse l anba dra jiskaske l transfòme l an yon restoran 5 etwal nan vil la.

Avan sa, Esaïe pat sispann rankontre lòt fanm ki te vle viv avèk li, men li te toujou di, pwoblèm li nan moman pa pwoblèm fanm, men pito yon manman k ap renmen ni li, ni pitit fi li a e li te sèmante ke l p ap mennen okenn fanm sou Prensès li tout tan li poko gen 20tan e se li k ap apwouve chwa a, sinon l ap rete tann toujou.

Waw! Ki modèl gason sa en?

Ebyen, yon jou, Pandan Esaïe t ap prese al chèche Nathalie nan yon seminè, li kwaze ak Juliette, yon moun li te konnen depi nan anfans li, men ki te toujou ap jwe tout kou l konnen pou Esaïe renmen avè l, sitou lè l vin remake siksè mouche a fè nan lavi li. Tout fanmi Juliette te vle sa tou. Men, moun sa yo pat bon moun ditou, sitou nan zafè lajan, pa gen anyen yo p ap fè pou li.

Sou wout la, pandan Esaïe nan machin li, li wè yon moun a distans k ap fè l siy pou l kanpe :

Esaïe di : "Men, sa sanble ak Juliette ? Sa manzè ap fè la, tchuipsss..."

Epi lè l rive sou moun nan, li kanpe.

Juliette
— Slt beau gosse ! Mais attends, on dirait que tu voulais pas arrêter la voiture juste pour me saluer ?

Esaïe
— Bonsoir Juliette ! Je suis en re**rd pour aller chercher ma fille, et toi tu voulais juste me saluer ? Alors que tu pouvais m'envoyer un texto.

Juliette
— À ton avis, je n' t'avais pas envoyé de textos ? Se pou w di ou pa li yo. Men m konprann après tant d'années san w pa gen pèsòn avè w se nòmal pou w ap eseye inyore kèk santiman. M ap pran pasyans, w ap fini pa konprann e lese w ale yon jou.

Esaïe
— Laisse-moi te rappeler que je suis pressé Juliette. Ou deja bay salitasyon an, mwen resevwa l, donc...

Juliette
— "Donc" quoi ? Ou pa menm mande m kote m prale pou w t a ban m yon woulib menm epi🙄 ki mòd mank de cham sa, Esaïe pa m nan pat konsa non, ou g on moun ki vle chame w nan plas mwen ?

Esaïe
— Juliette, Juliette, Juliette ! Ou konnen byen ke ni mwen ni ou nou pa gen okenn relasyon ki ale pi lwen ke 2 moun ki te abite sou menm katye e ki gen yon relasyon vwazen, vwazin, mwen respekte moun lakay ou. Arrête tes petits jeux. stp.

Juliette
— Okey, okey ! Mawozo kreyòl, gad on bèl fanm konsa ou panse w ka reziste anba cham li ? Gade m byen Esaïe, ki sa m manke ? En ? Chak doub mwen se yon zam sediksyon. E m byen kanpe, ou wè e w konnen m edike, sitou m g on bèl fòm, e pa enkyete w mwen pa gen defo kabann, mwen di w sa deja, mwen pa bezwen pale w de dous Zazou, mwen se manman myèl la menm, epi ou pa menm vle akòde m yon chans ? Si m ap fè chen nan pye w se pa paske m paka jwenn lòt Nèg non, men pito se ou ki mezi pye m, se ou m toujou wè nan rèv mwen, se ou m vle ki pou ap tranche m tankou zaboka, ki pou ap ouvè kokoye m, si se pou lajan ou konnen m pa sezi pou sa, men w se yon nonm ak siksè, se pa tout gason ki ka fè trayay ou fè pandan tou ane sa yo Zazou, mwen damou w bb.

Esaïe
— Mwen konprann ou, n ap pale sou sa aprè, paske Nathalie pa tolere mwen anreta nan anyen.

Juliette
— D'accord, dans ce cas, kite m akonpanye w paske m gen ijans pou m ale nan Lopital ki tou prè lekòl Nathalie a.

Esaïe ezite..., epi li aksepte pou evite pèdi plis tan ak evite lòt ti annui aprè.

Juliette pwofite de woulib la pou l manyen defans Esaïe nan machin nan, li te deja abiye ak yon san fouk nwa, li mete yon kilòt tanga blan, trè seksi e li fè ti branch yo ki nan senti kilòt la moute anlè pantalon san fouk la, senti pantalon an pa tache, epi l mete yon ti top, tanzantan l ap atire rega Esaïe sou li. Ki gason ki pa t ap bande ? Imajine w yon fanm anfòm konsa, k ap pale pou l sedui w ak vwa l, chak sa l ap di tankou se alsiyis li anvi fè, epi l ouvè kò l nan machin nan, wout la pa twò bon, pou w soti anndan Byennak 4 pou desann Kasolèy pou rive Raboto nan lopital la, pandan seminè a t ap fèt tou prè a nan Lise Raboto a... chak kout sakad machin nan bay, Juliette bay yon alsiyis "sss ay Zazou, dousman bb, o sssssssm w ap touye m, ou vle bloke ssss sentim" nan yon vwa ki seduizan, epi chak moman sa li pwofite pase men l sou pantalon malere a ke l toujou di se yon aksidan...
Menm si w pa renmen fi sa, ou paka pa kanpe sou 3e pye w, amwenke sèvo w pa fonksyone byen oubyen w pa du genre, tankou w pa gason ki wè nan fanm...

Pandan Esaïe pral janbe yon pon, ki gen anpil ti sakad li pral bay, manzè Juliette tou depoze men l sou pantalon an tankou s on moun k ap antre levye nan yon ti kamyonèt ki chaje pou Ènri...

Epi l kenbe Esaïe di nan pati enferyè li, li di l: "si w pa dakò pou w manyen m jodi a aprè w fin al dèyè Nathalie, m ap anmède w san kanpe e ou p ap ka mete m atè."

Pandan Esaïe pral pouse men l lòt bò epi pou l reponn li pou l di li si l kontinye l ap sezi wè l mete l deyò nan machin nan, se moman l al pote boure sou yon gwo baskil ki te chaje ak sab "bow, krrrriiiiirrrrrkkkkk" tout moun sou wout la sezi.

Machin nan tèlman t ap vini ak yon vitès, li vòltije al tonbe lotbò lari a, Esaïe vòltije frape nan vit la epi l tonbe sou devan machin nan, tèt li deyò, rès kò l anndan machin nan, paske l tèlman t ap fè prese, li pat menm sonje mete senti sekirite. Tout Moun men non bouch, men nan tèt...

Ou kwè malere a t a al pèdi lavi l la?

📖Ti Leson Moral
Pa janm dakò rete nan yon pozisyon a 2 e prive ak yon moun ou konnen ki gen entansyon ki kont pa w la. Epi lè w ap kondui, evite sedui chofè a menm si ti afè w t ap grate w dènye nivo.

Nou pa swete sa, men ase souvan lanati toujou deside kont chwa nou

Mwen pa gen plis mwen ka di, ke Reyaji, pataje istwa bay yon lòt moun epi, ret branche pou pati 2 a...

👉 Asuiv...
Epizòd #2 “Menm Bondye Nathalie t ap retire kòm kriminèl si sa se t a vre” 💔😞

🤗𝐏𝐚 𝐞𝐳𝐢𝐭𝐞 𝐟𝐞̀ 𝐊𝐨̀𝐦𝐚𝐧𝐭𝐞̀ 𝐲𝐨 𝐥𝐨𝐧𝐠, 𝐬𝐞 𝐭𝐨𝐮𝐣𝐨𝐮 𝐲𝐨𝐧 𝐩𝐥𝐞𝐳𝐢 𝐩𝐨𝐮 𝐦𝐰𝐞𝐧 𝐩𝐨𝐮 𝐦 𝐫𝐞𝐩𝐨𝐧𝐧 𝐭𝐨𝐮𝐭 𝐧𝐞̀𝐭, 𝐞𝐩𝐢 𝐚𝐯𝐢 𝐰 𝐞𝐧𝐩𝐨̀𝐭𝐚𝐧 𝐚𝐧𝐩𝐢𝐥. 𝐃𝐢 𝐧𝐨𝐮 𝐤𝐢 𝐬𝐚 𝐰 𝐩𝐚𝐧𝐬𝐞 𝐝𝐞 𝐞𝐩𝐢𝐳𝐨̀𝐝 𝐨𝐮 𝐬𝐨𝐭 𝐥𝐢 𝐚...

04/11/2025

SÈMAN ANBA LAPLI ☔
Epizòd 6
💔💦💦💦💦💦💦💦💦💦💦💦

Écrit ✍️ par:
FB: Lander Productions

Tit: Lanmò Papa Nadège pat yon enjistis
😓😓😓💔💔💔💔💔💔💔💔

«Finalman, nou ka dakò sou pwen sa avèk kèk moun "Gen bagay ki konn rive w, se yon paran w ki kite l sou lavi, kit yon byen, kit yon mal" e se sa menm Nadège ap viv la...»

😞Sanble Kenzo pat janm gen tò vre ?

Bagay yo sanble konplike lè yo parèt pi klè a
Nadège pat sispann poze tèt li kesyon or repons tout te nan kle USB, gen verite ki ka blese plis pase yon lòt, men ti kal pa ti kal Nadège t ap dekouvri yo.

Pi gwo kesyon an kounya se
"Pou ki sa papa m itilize non m pou kòd sekrè l pandan l t ap fè sekrè ak yon bagay ki si danjere konsa ?"

Li te fè tout tan l ap li jounal papa a.
Chak Fraz li fin li te soti ak yon liy dlo nan zye l, pandan fwa sa a, tan an te sispann kriye, poutan l te bouche tou nwa ak yon tan fò.

📖 Jounal Papa Nadège pa Sispann revele

Pandan Nadège ap li, li rive nan yon pati ki anonse plis danje
Kote papa l te ekri:
«Mwen pa konn kijan ni kòman, men jodi a mwen pran nan cho, Black L aprann tout bagay, men l poko konnen si pitit la se pou mwen, si m pa prese jwe pye m ak fanm mwen ak tout pitit mwen, sa ka koute m lavi mwen menm ak tout fanmi m.

Se nan moman, telefòn li sone...
Non Kenzo moute

— Alo Nadège ! Ou pa gen anpil tan devan w, ou dwe prese aprann verite a pou w konnen ki sa w ap fè.

Nadège
— Kenzo, pou ki sa w pat jis di m tout bagay ou fini ? Epi ki rapò w te gen ak papa m ki koz ou enplike nan istwa sa ?

Kenzo
— Ou pa t ap kwè menm yon Fraz si se te mwen ki t ap di w nan bouch. Si w fin li tout bagay ki sou kle USB a, w ap konprann tout sa ki esansyèl yo, w ap menm konn koz lanmò papa, e w ap dekouvri tout bon...bon...pa...

Apèl la t ap koupe tanzantan, jiskaske Nadège tande yon gwo bri ki fèt epi apèl la koupe

Enkyetid li ogmante tankou tansyon yon granmoun ki pa kontwole sa l ap manje.

Nadège prese ale nan dènye fichye ki sou kle USB a pou l ka konn verite a pi rapid pou l evite twòp sispens.

💔 Gen verite menm je ki wè l paka kwè ni konprann

San ezite, li ale nan dènye fichye a, se la l pral wè yon videyo ki gen kòd, ki potko janm li, men avan li jwenn yon tèks papa l te ekri ankò:
"Chè jounal, jodi a se 20 Mas 2021, li deja 4h¹⁵ nan maten, si m viv yon minit an plis konnen BONDYE ka ede m rete pou yon jounen ankò, men pa kwè m ap viv 2. Istwa sa mwen pat janm antre Ti Papiyon Ble ladan l paske l se kè m, tanpri Bondye, enpridans mwen koz mwen siyen ak lanmò m, Black L gentan prepare yonn nan meyè solda l yo pou elimine m si yo rive konnen m gen pitit, lavi m p ap sifi po yo pran. Tanpri papa epanye lavi Ti Papiyon Ble. E si l ap li istwa sa se paske m gentan mouri e ke yo dekouvri k kòm pitit mwen. Tanpri Bondye voye yon pwotektè sou wout li, pa kite l sibi."

Figi Nadège vin mov, je l yo vin wouj, kè l ap bat fò, e se la tou li rive konprann yon ti kras pou ki papa l pat mete l nan istwa sa, men omwen, daprè Nadège papa k te dwe mete l okouran epi voye l ale lwen si l te panse ak danje yo vrèman.

Lè l eseye li videyo ki nan menm pati ak jounal la, ki se te dènye fichye li wè sou kle USB a. Yo re mande l yon Modpas, li re mete menm non an, epi Videyo a kòmanse li...

Li wè yon nonm chita ak yon gwo palto nwa, yon mas nwa, epi 2 gwo gason byen miskle kanbe bò kote l tankou sekirite, yo chaje zam sou yo, sekirite yo te an nwa tou epi l tande vwa papa l k ap di: "Black L, mwen konnen m ap mouri jodi a, men m p ap regrèt anyen, paske w se yon chyen, yon malpwòpte ki pat dwe sou moun ki panse l ka limite chwa moun ki nan antouraj li, ki panse l ka kontwole tout moun e maltrete fanm li vle e si w pa prese touye m, se mwen k ap rann ou sèvis la pou m met yon bal nan tèt ou kokorat."

Epi Black L reponn li
"André, aaah monchè, ou konnen m entouchab, e wi mwen fè sa m vle, pou ki sa w t al fè gwose erè sa ti papa? Ou te twò alèz? Se 2e chèf wi ou te ye? Ou te Kòmande isi a tankou se te mwen wi, se sèl mwen w pat ka bay lòd wi tèlman m te ba' w enpòtans, menm 3e chèf la ki te la anvan w, ki poko janm ban m dezòd, se apre w wi mwen te mete l epi kounya se mwen w ap rele kokorat? Pa enkyete w, mwen pat gen ide kite w viv menm yon segond apre m te fin dekouvri bagay sa yo, men m te anvi wè w k ap soufri, e jodi a m ap kontan wè w k ap sipliye m, k ap mande padon e malgre tou k ap mouri tankou yon chyen. Ou pa diy pou m pale avè w ankò 2e chèf e depi devan w m ap tou repare erè m nan."

Nadège gentan konprann ke Black L la se te Chèf sa papa l t ap sere l la ki plis ou mwens sanble ak yon gang puisan. Epi l gentan konprann ke se petèt yon moun papa l te konnen e ki te jwenn lòd papa l pou pwoteje l jiskaske sa tounen lanmou fi ak gason.

Epi Videyo a Kontinye li...
Black L rele 3e chèf la.
Epi l wè moun nan parèt ak menm teni nwa a, jou sa sèl papa l ki te an ble, epi gran chèf la di 3e chèf li sot rele a: "Pou tout bon sèvis ou, fidelite w, pou tout sa w reprezante pou nou, jodi a devan André mwen nome w 2e chèf ou gen menm dwa avè m isi a lè m pa la, pyès sòlda paka fè fas avè, yo pa dwe adrese w pawòl yo san otorizasyon w, lavi yo pa anyen devan w depi jodi a ou se 2e chèf. Men fòk voryen sa ki rele André a vwayaje anvan e se premye misyon w antanke 2e chèf
Ou pral itilize Kòd 02 a pou w elimini misye devan je m nan."

Pandan l t ap pale konsa sòlda te mete ajenou devan l
Epi aprè l fin pale sòlda leve epi l, li rale zam li...

Nadège kòmanse kriye, li paka gade sa l pral wè a, l ap konsantre, dlo nan je l prèske neye l

Se moman sa l yon Kout bal pati: baw!

Nadège di: Nooonnn papa, non, papa cheri m nan (ak tout dlo nan je l)

Epi l tande vwa papa k ap di:
"Je nou gen pou l kale, nou gen pou n konprann ke misye se yon se yon bèt san kè"
Ak yon vwa graj, ki chache ak regrè, epi dlo nan je l ak koule. Lè Nadège gade li wè se nan pye yo bay papa l yon bal

Yo pouse l yon 2e bal nan lòt pye a, yo kase 2 men l, yo tchake l ak kouto epi yo leve l apiye l nan yon mi se la yo t ap al mete dènye bal la nan tèt li, men avan sa li wè bouch papa bat nan zòrèy 3e chèf la ki apèn pran grad 2e chèf la, li pa tande sa ki di a, e l pa konprann...

Aprè sa, Nadège bouche je l ankò li tande dènye bal yo pati: baw, baw, baw

3 bal nan tèt, se sa ki Kòd 02 a anndan klan Black L la.

Anyen pat ka konsole Nadège, men l pa wè rezon ki koz lanmò papa l nan videyo a, li oblije tounen nan Jounal ekri a, pandan l pral voye videyo a ale li wè 2e chèf la ap retire mas la nan figi l pou li pale ak gran chèf la...

Nadège di wi, retire mas la pou m ka wè figi w asasen e m ap jire sou lavi m, si w poki mouri m ap jwenn ou pou m touye w e m ap itilize menm kòd 02 sa pou ou tou, bann asasen san kè, bann mechan (tout sa l ap di yo se pandan l ap gade rès videyo a nan yon vwa tris, dlo nan je ak yon dezolasyon)

2e chèf la met ajenou ankò, li depoze zam li, li bese tèt li,
epi l di: "se te yon plezi pou mwen gran chèf, se toujou yon glwa ak yon gran onè pou mwen pou m egzekite lòd ou san fot. Mèsi paske w chwazi m kòm 2e chèf. Mwen p ap janm fè erè chyen yo te konn fè yo e m p ap janm fè w regrèt chwa sa."

Aprè l fin di pawòl sa yo, li retire mas la.

Kè Nadège manke rete
Moun ki te anba mas la se te egzakteman Kenzo. 2 je l rete kale, bouch li ouvè, je l paka fè dlo ankò yo wouj epi yon dènye tras dlo soti, tankou yon galon k ap dekoute dènye ma dlo l te genyen, se kòmsi tan an te sispann mache, van an te sispann soufle, epi Nadège ap di yon sèl bagay nan lespri l tankou yon moun ki vle distrè, ki prèske evade nan pwòp kò li:
"Kenzo touye papa m! Woy, an se te ou Kenkenn? 2e chèf, ou touye papa m Kenzo"
Lavi sa aaa hm, mistè ki ladan l yo plis pase zetwal yo ki nan syèl la.

«Èske Kenzo gen misyon pou l touye Nadège oubyen l vini kòm yon sovè vre? E pou ki sa tout istwa sa yo te Kòmanse konsa?»

👉 Asuiv...
Epizòd #7 “Yon lòt kout bal Pati men se pa nan videyo a” 💔😭
(Pandan Nadège pèdi nan lespri l yon bri bal pral fè l resezi l, e l pa konnen kote l soti ni kote l ateri...)

Pa pè fè kòmantè yo long sou, m ap reponn tout😇✨

22/10/2025

𝐋𝐀 𝐅𝐈𝐋𝐋𝐄 𝐀̀ 𝐏𝐀𝐏𝐀
Nouvo Feyton an kreyòl

Se yon ti istwa n ap renmen anpil
Kote lanmou papa pou pitit fi li ka koz reyisit li, konsa tou l ka mennen pitit sa nan echèk li.

Feyton an ap disponib sou chèn Watsap la «Vibration Des Cœurs»
Ak sou Fesbouk «Lander Productions» an

Pandan n ap enjoy «Sèman Anba Lapli ☔»
Nou pral viv yon lòt bèl kout plim nan «La Fille à Papa»

19/10/2025

💔💦💦💦💦💦💦💦💦💦💦💦
SÈMAN ANBA LAPLI ☔

Epizòd #5
Écrit ✍️ par: Lander
FB: Lander Productions

Tit: Yon senp Kle USB ki ka koz lanmò 4 Moun 🪦🕯️
💔💔💔💔💔💔💔💔💔💔💔

«Gen verite w fin konnen ou vin gen yon sèl priyè, w ap mande tout espri yo pou yo fè w bliye bagay konsa, pou Bondye retire w nan sa w ye a... men sa nou souvan bliye, Bondye pa antre nan konfli moun ak moun, li jis jije epi l kondane aprè, si w kwè m manti, li istwa Kayen ak Abèl...»

👀 Yon je k ap kontwole san rete

Nuit lan te prèske fin pase, lalin nan t ap klere tankou solèy midi, zetwal yo aliye nan syèl la tankou yo te gen yon bagay yo anvi di, lè Nadège leve tèt li nan syèl la se tankou li wè zetwal yo vle pran fòm yon figi, petèt se alisinasyon...men lanati chaje ak mistè. Li kenbe kle USB a li pè konekte l sou laptop li, tanzantan l remake yon moun k ap gade l nan fenèt kay li. Sa te vin ogmante nivo pè li plis.

Tout kesyon Nadège se:
«Kilès moun sa k ap gade a ye? Èske se Bòpè ti pitit la Kenzo te ap pale m talè a?»

Men tout sa yo se te san repons...

🌅 Jou a chanje, Men pwoblèm yo la pi rèd
Aprè Kenzo fin remèt Nadège kle USB a, li rele Élisa nan telefòn :

Kenzo
— Alo Lili! Kòman w ye trè chè ?

Élisa
— Pa gen tan pou sa yo Kenzo, di m nan ki nivo dosye yo ye. Ou di l tout bagay?

Kenzo
— Wi, mwen remèt li yon kle USB k ap di l tout bagay, sèlman m pa konn si l ap kwè e m pa konn kòman l ap konpòte l aprè l fin dekouvri tout verite sa yo. Mwen konnen l ka rayi m aprè, men...

Élisa
— Men ki sa Kenzo? Pou kounya se pa santiman w pou w bay proyorite non, se Lavi m ak tout lòt sa ki an danje yo wi. Ki sa w panse ki ka fè l doute de ou ankò oubyen rayi w aprè l fin li sa ki sou kle USB a?

Kenzo
— Sa pa enpòtan, jan w di a se sou pwoteksyon nou pou n panse. Men m konnen l ap rayi m lè l fin konn kèk bagay.

Brèf, yo met kontwòl sou nou wi, men pa enkyete w, yo p ap fè aksyon tout tan yo konnen m gen enfòmasyon yo epi kounya yo konnen Nadège gen kle USB a.

Élisa
— Ki kaka misye fè la ? Ou gen kran ou bay Nadège kle a pandan w konnen y ap siveye nou? E si yo vole avèk Nadège? Misyon nou ap tou echwe wi.

Kenzo
— Non, mwen konn sa m fè a. Mwen jis ap kreye mwayen pou m fè nèg yo met tèt yo deyò pou m fè aksyon.

Pandan Kenzo ap pale pil koze lou sa yo, Nadège menm pase nuit la blanch rive jouk maten an.
Li santi bagay sa ki nan men l lan se yon chay ki ka rale tout malè sou li otomatikman l ouvè l

Men, li pran souf li, li fèmen zye l epi l di:
> "Mwen pa konn si pou m louvri kle USB a ak si pou m jete l"
Menm moman yon machin pase deyò a ak 2 pòt dèyè yo ouvè epi yon parapli ble mare nan yonn nan chèz dèyè yo

Je l tonbe nan fenèt la li wè machin nan ki pase ak tout vitès, kè l fè vap.

Epi yon mesaj moute sou telefòn li:
> "Bonjou Nadège! Kenzo seyen akt lanmò w ak Kle USB sa. Dosye sa pa dosye pa w, men si w pa prese remèt li a moun sa w wè anfas lakay ou ak rad nwa a, n ap kontan mete yon parapli ble sou tonm ou ak tout foto Kenzo"

Mesaj sa fè kè Nadège bat 10fwa plis ke avan
Je l tonbe nan fenèt la, li wè nonm ki abiye an nwa ak yon gwo Chapo ki bare figi l.

Epi l jwenn yon lòt mesaj, yon lòt nimewo enkoni
> "Rele m kounya se Kenzo"

📞Li fè apèl la..
Kenzo
— Nadège, ou se sèl moun ki ka retire nou nan sa n ye a, yo paka manyen w nenpòt jan, sinon yo t ap annik touye w yo pran sa yo bezwen an, men yo gen yon baryè. Si w pa prese li sa ki sou kle a, y ap jwenn yon mwayen pou elimine nou tout avan menm ou jwenn solisyon pou w sove lavi nou an.

Nadège
— An Kenzo, sa vle di ou te nan zak malonèt epi w pa pè ou fouye yon moun ou konn ap di w renmen, ou prè pou w bay lavi w pou li epi se lavi l ou mete an danje pou w sove pa w? Ki jan de gason w ye Kenzo?

Li di tout sa yo ak yon vwa ki kraze, li pale ak yon dezesperans, li moutre yon tristè ki pwofon ak yon kè brize, melanje ak yon pwofon regrè...

—En Kenzo, mwen pran leson an, papa m te di m li se sèl moun ki renmen m, li se sèl moun ki prè pou pwoteje m, Bandi asasinen l ak katouch, depi lè sa m pat gen pèsòn jiskaske m vin kontre w, ou te menm pwomèt mwen plis, ou te pwomèt mwen yon lanmou ki pat janm ko pataje nan mond sa, ou te di m menm zanj yo ap jalou pou nou...men poutan ou te jis bezwen retire chay ki twò lou yo sou do w pou w te pase m nan plas la pou w te lib ak fanm ou, pitit ou pa vre Kenzo ?

Kenzo
— Ouvè sa ki sou kl-a, pi, Nap-fè vit...nou...gen tan ankò

(Apèl la t ap bay Pwoblèm pawòl yo soti pa moso epi apèl la koupe)

Nadège
—Alo! Alo! Kenzo, mwen pè pa ale. Alo!

💻 Sekrè ki sou kle USB a

Nadège santi l nan yon bagay ki plis pase l
Li konsantre l, li ouvè laptop li epi l konekte kle USB a.

Li wè yon sèl fichye sou li ki make: "Dosye Sekrè"

Lè l ouvè fichye a
Yo mande l yon modpas

Li eseye mete plizyè
Tankou : Kenzo, Nadège, Pitit mwen...li menm antre non fi yo te di l ki te mouri nan akouchman pou Kenzo a, men yonn nan yo pat kòrèk.

Pandan l ap fè tèt li travay, je l al tonbe nan fenèt la, li wè nonm an nwa ankò fwa sa ak yon parapli nwa nan men l paske tan te kòmanse farinen

Nadège kouri ouvè tout rido, li etèn limyè epi l chita atè a, devan kabann li...

Pandan l ap kouri chita atè a, parapli ble li a tonbe.

Se la lespri la frape sou mistè parapli ble a, epi l ekri: "PARAPLIBLE"

Tantativ la echwe ankò
Li re ekri l, men devan l li make "SEKRÈ"

Epi fichye a ouvè.

Li wè yon videyo ki dire 2h, 6 foto ak yon dokiman ki rele "Jounal 1" ak yon lòt ki rele "Jounal André Charles"

Li sezi, li di
"Men, sa se non papa m, sa vle di, papa m te asosye ak istwa sa? Oubyen se kèk lòt André Charles"

Li pat fè plis kesyon, li ouvè Jounal la. Yo mande l yon lòt modpas

San ezite li mete "TiPapiyonBle" (yon ti non papa l te ba' li, li te rele l konsa plis pase non nesans li)

Aksè aksepte, jounal la ouvè
Kè l manke rete!
"Kòman fè dokiman ouvè ak sinon sa papa m te ban m nan? Sa vle di se te jounal entim papa m tout bon?"
Li di sa pandan dlo ap koule nan je l dousman.

🕯️ Istwa sa kòmanse lontan

Nan premye paj Jounal la
Nadège jwenn yon ti tèks tou kout ki manke rete kè l
"Chè jounal, jodi a se 10 Janvye 2020, li fè egzakteman minui. Fanm mwen prè pou m mouri pou li a di m li ansent, pa gen pi bèl nouvèl pou mwen ke sa. Mwen sèlman rete pou m jwenn yon bon plan pou m sove pati lwen avèk madanm mwen ak tout bebe l ap pote pou mwen an."
Anba paj jounal la te siyen non l: "André Charles"

Nadège fè plizyè minit paka pale, dlo kase nan je l ak plis fòs pandan menm moman sa yon loray frape ak yon fòs tou se tankou menm syèl la te santi sa k ap travèse ti inosan sa k ap dekouvri sekrè sa yo ki twòp pou li.

Li la, l ap poze tèt li enpe kesyon ki twòp pou li:
"Papa m te gen yon fanm ansent? Li t ap kreye plan pou l pran azil avè l pandan mwen m te toujou la san m pat konn anyen? Ki rapò Kenzo gen ak istwa sa? Èske se sa ki koz lanmò papa m?"
Men tout repons yo te byen chita ap tann li sou kle USB a.

💬 Pawòl Moral

«Anpil fwa nou konn kwaze yon moun nou panse se aza poutan lanati deja ekri istwa l, ou jis poko viv li, e souvan istwa sa yo toujou trajik.»

👉 Asuiv...
Epizòd #6 “Lanmò Papa Nadège pat yon enjistis” 😞
(Lè Nadège fin li apèn 10% nan Jounal papa li te ekri a, li gentan konprann prèske 90% nan sa k ap pase yo. Men li poko konn kòman l ka evite lanmò pa li ak lòt moun yo...)

16/10/2025

💔💦💦💦💦💦💦💦💦💦💦💦
SÈMAN ANBA LAPLI ☔

Epizòd #4
Écrit ✍️ par: Wise Lander
FB: Lander Productions

Tit: Sèl Temwen an. Gen moun k ap gade w pandan w ap fè konfyans nan moman syèl la pa sispann kriye...
💔💔💔💔💔💔💔💔💔💔💔

«Ou konn fin jwenn konfyans anba yon lapli men se aprè w pral rann kont pandan dlo l ap tonbe sou ou l ap ale ak kè kontan w san w pa rann kont...»

🌧️Bri Dlo ak Panse yo konn melanje

Sware a tonbe dousman.
Lapli a pa fò, men li kontinye frape vè a tankou yon batman kè.
Nadège chita sou kabann li, parapli ble a ouvè bò pòt la, tankou yon fantom k ap veye.

Li panse ak Élisa… ak pawòl li yo:

«Kenzo te gen yon pitit. Fi a mouri pandan akouchman, mwen se sè defen an.»

Pawòl sa yo ap vire nan tèt li tankou yon sinema ki pa janm fini.
Li sonje Kenzo lè l te di:

«Si w konnen tout verite a w t ap konprann…»

E si se vre ? E si Élisa pa t konnen tout verite a?
E si Kenzo te genyen rezon?

Yon lòt gout dlo tonbe sou fenèt la.
Nadège leve, ouvri fenèt la yon ti kras, kite lapli antre.

«Lapli… ou te tande tout bagay. Ou konnen kiyès k ap di laverite, men ede m konprann tanpri, lave lespri m pou l pwòp e dispoze pou kalite bagay sa yo.»

Aprè l fin di sa, li tonbe nan yon refleksyon pwofon ak tèt li, li sonje lè l t ap pale ak Kenzo de foto a...

A wi! Se sa. Kenzo te di m fi ki nan foto a se te sè l, poutan mwen pat janm konn yon moun konsa.

Élisa di m Kenzo gen pitit e ke li se Matant ti moun sa bò kote manman l ki te mouri nan akouchman. Poutan...

Poutan, jou Kenzo te vin pale m de foto li ak lòt fi anba parapli ble a, mwen te wè non Élisa sou telefòn li ak yon ti kè, li te di m se te èks li, se yon ansyen fi l te genyen.

Élisa di m li vle sove lavi m, ki rapò Pitit Kenzo ak tout ansyen fanm li ka parèt yon danje pou mwen ? Amwenke Élisa se ansyen fanm Kenzo vre epi l gen lenpresyon fè m mal...

Nadège pran yon ti tan, li kale je l aprè, li frape men l nan vit fenèt la li di:
«Gen yon bagay ki pa klè, tou 2 moun yo ap ban m manti. Pou kisa Kenzo ap fè m sa ?»

Li re pete Fraz sa plizyè fwa nan yon vwa tris tankou li te prèske kriye: «Pou Kisa Kenzo ap fè m sa?»

Wi, se sa menm, Dlo lapli a ap tonbe yo konn makonnen tankou plizyè fil se konsa pafwa sèvo n konn ap melanje enfòmasyon pou nou, men yon senp ti repo ak yon ti soupi konn fè gran diferans...

👻 Yon Vwa nan Fènwa

Telefòn li klere ankò.
📱 Kenzo: «M ap tann ou demen, sou pon Rivière Blanche.»

Pon sa… se te menm kote yo te konn chita ansanm prèske chak fen semèn lè Kenzo te konn disponib pou li yo.
Li sonje li te di l sou plas sa:

«Si yon jou nou pèdi youn lòt, m ap toujou tounen isit pou m sonje w.»

Nadège t ap gade mesaj la ak yon melanj de pè ak kè kontan.
Yon pati nan li vle ale, yon lòt ap kriye “pa fè sa.”

Men finalman, lanmou bat pi fò pase krent.
Li deside ale, sitou li te santi li merite konnen verite a epi mete fen nan relasyon l ak Kenzo.

🌙 Sou Pon Rivière Blanche

Lapli a te sispann, men tan an te toujou mare.
Yon limyè jòn ap klere soti lwen, reflete sou dlo a.
Nadège rive.
Kenzo poko rive.

Li rete tann.
Minuit ap pwoche.
Yon ti van pase, pote sant flè ak imidite.
Apre kèk segonn, li tande yon bri dèyè li.

— “Nadège…”

Vwa a dous, men kase.
Kenzo soti nan lonbraj la, ak yon parapli nwa nan men li.

Nadège tounen dousman.
Je yo kwaze.
Lapli a kòmanse fè ti farinen.

Kenzo pwoche, men li pa touche l.
— “M te konnen w t ap vini.”

Nadège
— “Poukisa ou pa t di m tout bagay?”

Kenzo fèmen je l yon ti moman, li pran souf:
— “Paske gen bagay ki twò lou pou pataje, gen bagay ki ka fè m regrèt anndan istwa sa, e gen kè ki twò frajil pou pote yo.”

Nadège
— “Se konsa w jije kè mwen?”

Kenzo
— “Non… se paske mwen te pè pèdi w pi vit.”

Nadège vire je li, dlo lapli melanje ak dlo je.
— “Ou pèdi m deja, Kenzo. Se sèlman verite mwen vle konnen e ou dwe m li.”

Kenzo rale yon papye nan pòch li, li lonje l ba li.
Yon sètifika nesans.

“Ti fi a… se pa pitit mwen.”

💔Chay Verite a

Nadège pran papye a, li li:
Papa: Inkoni.
Manman: Léa Moreau.

Nadège
— “Léa… se non fi a, vre?”

Kenzo fè wi ak tèt li.
— “Kòm ou di mwen pèdi w deja, m ap ba' w tout verite a men avan pwomèt mwen w ap kite peyi a nèt e ke m p ap janm kwaze w ankò nan vi m, tanpri Nana.”

Nadège rete bèbè.
Li santi yon gwo chay ap leve sou kè l, men an menm tan, yon lòt ap peze l: kisa Élisa t ap chache alò? Epi Kenzo, ou di m pati kite peyi a pou n pa janm kwaze, ou konprann sa w di a? Sa vle di ou pa vle wè m a je w? Ou dakò pou m ale kite w?

Kenzo pran men li dousman.
— “Mwen t ap tann lapli a tonbe pou m di w verite a. Paske se li menm ki te temwen lanmou nou, li ka temwen doulè nou tou. E non bb, mwen p ap konvenk ou rete yon kote ki ka koze lanmò w”

Je Nadège t ap brile.
Li ta renmen kwè li.
Men gen yon frèt ki pase sou do li, gen yon bagay anndan l ki poko ka fin klè.

Kenzo
—"Lè Élisa te di w li vle sove w la, li te gen rezon, men m te sipliye l pou l pat di w anyen, men li te rankontre w kanmenm yon fason pou l te mete presyon sou do m"

Nadège
—"Ou poko janm di m anyen non, sa vle di fanm ou an gen lide elimine m pou w viv avè l ak pitit nou an?"

Kenzo pa t ka reponn, li bese tèt li...

Nadège kontinye pale
—"Ou pa di l se ou ki mennen tout pwoblèm sa yo nan vi m ? Ou pa di l pandan nou ansanm nan ou pa janm tande anyen mal sou mwen ? Depi lè w antre nan vi m mwen te panse m t ap rale yon souf aprè Papa m te fin mouri, ou te moutre m ou te prè pou w ede m wi e poutan se konsa sa te ye la? Pou ki sa lavi enjis konsa?"

Kenzo rale yon soupi, li leve tèt li, li di Nadège
—"Élisa pa fanm mwen, li pa ansyen fanm mwen, mwen te ba' w manti pou sa. Moun ki te anba parapli a pat sè m tou, se te Élisa, men mwen avè l gen yon pwoblèm an komen, li pa yon move moun, se gras ak li si m vivan toujou, menas nou an se ti pitit la, nou te sove lavi l anba men Bòpè l ki se gran frè Élisa, mwen t ap travay pou yo, nonm sa pa nan trèt ak moun e li konsidere mwen ak Élisa kòm 2 trèt paske nou pa t kite l touye timoun nan. Men gen bagay mwen p ap ka di w, m ap ba' w kle USB sa, konsidere l tankou se lavi yon prezidan ki nan men w, sou li w ap jwenn tout verite, e gen bagay k ap blese w pi fon pase yon kout ponya, sèlman m swete w konprann ki risk ki genyen e nan ki nivo ni vi w, ni vi Élisa, ni vi timoun nan ak vi pa m andanje."

🌫️Sèl Temwen an

Lè Kenzo vire do pou l fèmen parapli a pandan l pral lonje kle UBS a, Nadège santi yon mouvman sou lòt bò pon an.

Yon moun k ap gade yo.
Yon flanm sigarèt limen nan fènwa, epi etenn ankò.

Li rale men Kenzo dousman.
— “Kenzo… gen yon moun la.”

Kenzo vire, men pa gen anyen.
Lapli kontinye frape dlo a, men bri sa li tande a… se pa lapli sèlman.
Yon pye ap glise sou wòch, yon kòd ap rale...

Kenzo fè yon pa devan, gade lòt bò kote pon an, men tout sa yo wè, se yon parapli nwa ki t ap balanse nan van an.
Moun nan disparèt.

Nadège pran souf li, je l louvri lajè lalin nan.
Kenzo di dousman:
— “Pa enkyete w, men kounya ak Kle sa ki pral devwale w tout enfòmasyon sa yo vi w vin plis an danje ke avan. Men jan w te di a ou dwe konn verite a, men tanpri Nadège pridan. Moun sa w di petèt ki t ap gade nou an, ka petèt yon espyon ki temwen de dyalòg sa…”

Li pa reponn.

Pandan Kenzo pral vire pou l ale, lo f on ti gade Nadège
Epi li di l
—"Yon lòt gwo verite mwen vle w konnen ankò Nadège. Mwen renmen w pase 2 je nan tèt mwen, ou plis ke 2 je nan tèt mwen, san ou lavi m p ap gen sans. Pandan m ap eseye pwoteje w a distans, tanpri pwoteje vi w pou mwen tou e padone m paske w enplike nan dosye sa manmi, je t'aime"

Nadège gen yon dlo ki koule nan je l mele ak dlo lapli tankou yo 2 a met ansanm pou yo neye l ak verite ki twò lou pou li epi l sonje Élisa te di l:
> "Gen bagay ou pa konnen ki danjere anpil…”

Pou kisa yon moun ap di w li renmen w epi l trennen w nan yon danje ki tèlman twòp ki ka koute w lavi w ak lavi 3 lòt moun ? Petèt pafwa se paske se nou ki te sib la depi avan...

💬 Pawòl Moral

«Lè lapli ap kache sekrè yo, se silans ki konn parèt pi gwo trayizon an. Gen verite w fin konnen kè w ka bloke kèk segonn aprè.»

👉 Asuiv...
Epizòd #5 “Yon Kle USB ki ka koz lanmò 4 moun” 🕯️💔
(Lè Nadège kwè li lib, yon moun ap swiv tras li… ak yon foto nan men li. Li te panse se Kenzo ki mete l nan sa l ye a poutan se te li ki te sib la depi avan. Kenzo te jis yon sovè)

Dirección

La Vereda
Santiago

Teléfono

+50933397289

Página web

https://linktr.ee/WiseLander

Notificaciones

Sé el primero en enterarse y déjanos enviarle un correo electrónico cuando Lander Productions publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Lander Productions:

Lander Productions