House Of Nutrition - بيت التغذية

House Of Nutrition - بيت التغذية في بيت التغذية نهتم بصحتك وصحة عائلتك ، ننصحك بما يناسبك من غذاء ونمنع عنك ما يضرك

29/09/2025

توضيح بخصوص زيت إيليو أو زيوت الصويا بصفة عامة
هاته الزيوت لا تصلح للقلي العميق ( بطاطا ، لحم ، دجاج ......)
الكلام من عند الشركة في الموقع الرسمي
تابع لتعرف

🍭حاب ندير معكم تحدي السكر لأسبوع، بلا سكر مضاف! ( كاين منتجات تلقاوها في ستوري زدت أضفتهم كارثة نتاع سكر)واش رايكم؟ قبل...
29/09/2025

🍭حاب ندير معكم تحدي السكر لأسبوع، بلا سكر مضاف! ( كاين منتجات تلقاوها في ستوري زدت أضفتهم كارثة نتاع سكر)
واش رايكم؟

قبل ما نحكي، في بالك 2 مغارف نتاع السكر لي ديريها في القهوة هي لي مختص تغذية يحاسبك عليها؟

❌ لا و ألف لا!
ياووو السكر المضاف في المنتجات هو المصيبة الكبرى.

📌 نعطيك مثال:
الصباح: شربت عصير بالحليب فيه 38غ سكر
(وهذا ما اعتبرتش أنك كليت ملفاي ولا قاطو!)

🍽 الغداء: نعتبرو كليت صحي، بصح شربت 33 سل مشروب غازي
زيدولها 36غ سكر

العشاء: كليت باطة ياوورت برك، فيها 22غ سكر

📊 المجموع: راك داير حوالي 90-100غ سكر في نهارك!

⚠️ في 10 أيام تلقى روحك كالي كيلو سكر
(تولي شريك رسمي لسيفيتال 😂)

مهم حاب تعرف أكثر منتجات فيها سكر مضاف ، شوف الكوارث في الستوري ( اضغط على صورة الصفحة يخرجلكم كل شيء) و جاوبوني على سؤال خليتلكم تاني

حاب نعطيك صدمة ؟! مالا أرواح نصدمك 🙂🙂 هوما قالو أنا خاطي: تروح تقرا البطاقة الغذائية: تلقى السكر: 11.55غ لكل 100 مل بحسب...
28/09/2025

حاب نعطيك صدمة ؟! مالا أرواح نصدمك 🙂🙂
هوما قالو أنا خاطي:
تروح تقرا البطاقة الغذائية: تلقى السكر: 11.55غ لكل 100 مل
بحسبة بسيطة العلبة فيها 33 سل ( 330 مل)
دك 11.55 نضربها في 3.3 = 38.115 غرام سكر

راك عارف شحال 38.61 غرام شحال ؟! راهو مسموح 25 غ سكر مضاف في اليوم الشخص البالغ (من جميع مصادر الاكل)

و انت صباح ربي مع القهوة راكي ضربت 1.5 الكمية المسموحة

المهم راني حطيتلك في الستوري ( قصة الصفحة ، اضغط على صورة البروفايل يخرجولك المنتجات) و كمية السكر لي فيهم.

المنشور طلعوه لأنه راح نحذفو , شوفو الستوريات الخلعة كبيرة كاين مشروب القرعة فيه رطل سكر 🙃🙃

28/09/2025

كمية السكر في بعض المنتجات الجزائرية
هذا الفيديو صورته منذ أكثر من 3 سنوات

تشفاو البروفيسور سلمى قدور الذي استضيفت في قناة البلاد مع المقدم يوسف زغبة ، حذرت من مادة sin150d ( تلقاو في الستوري واش...
28/09/2025

تشفاو البروفيسور سلمى قدور الذي استضيفت في قناة البلاد مع المقدم يوسف زغبة ، حذرت من مادة sin150d ( تلقاو في الستوري واش قالت و واش حذرت)
صحا واش هي ؟ واش دير ، وين نلقاوها؟

نبداو هذا الملون نلقاوه في عدة منتجات:
🍲 الجومبو و مرق البودرة
🍦 المثلجات
⚡ مشروبات الطاقة
🥤 المشروبات بنكهة الكولا و الصودا
🍬 الحلوى و البسكويت

هذا الملوّن فيه مركب يقدر يتكوّن اسمو 4-MEI، بعض الدراسات بينت بلي الاستهلاك العالي يقدر يزيد خطر السرطان على المدى البعيد (خصوصاً كي تشرب أو تاكل هاذ المنتجات يومياً).

النصيحة:
قلّل قدر الإمكان من هاذ المنتجات، خصوصاً للأطفال.
بدّل بالمشروبات الطبيعية: ماء، عصير فواكه طبيعي.
حضّر المرق و الحلويات في الدار، و ابتعد على الأشياء المصنّعة اللي فيها ألوان صناعية.

تلقاو في الستوري ( قصة الصفحة) كل المنتجات لي بحثت عليها ولقيت فيها هذه المادة.

#الصورة لا علاقة لها بالملون ، فقط للمنشور

علابالي بلي مش الجميع يقدر يوفر قمح كامل من المطاحن التقليدية، بصح راني حاب نعلمك كيف تختار 😎 (و حطيتلك منتجات نعتبروها ...
27/09/2025

علابالي بلي مش الجميع يقدر يوفر قمح كامل من المطاحن التقليدية، بصح راني حاب نعلمك كيف تختار 😎 (و حطيتلك منتجات نعتبروها مقبولة في الستوري، كذلك بعض شروحات كي كنت نطحن القمح الصلب ليوم)

المهم كيما علمتكم تختارو حسب الارقام لي تلقاوها في الملصق:
القمح اللين الكامل (فرينة كاملة)
🔹 نسبة الرماد: ~ 1.5%
🔹 بروتين: 12–13غ
🔹 دهون: ~2غ
🔹 ألياف: 10–12غ
🔹 كاربوهيدرات: 70–72غ
💡 هاد القيم تبين أن الفرينة فعلاً كاملة، فيها النخالة والجنين.

2️⃣ القمح الصلب الكامل (سميد كامل)
🔹 نسبة الرماد: 1.8–2%
🔹 بروتين: 13–14غ
🔹 دهون: 2–2.5غ
🔹 ألياف: 12–13غ
🔹 كاربوهيدرات: 68–71غ
💡 هاد القيم تدل أنو السميد كامل 100٪ ومغذي بزاف.
وعلاش هذه الارقام:
1. نسبة الرماد أول حاجة: كل ما كانت عالية القمح =كامل أكثر.
2. الألياف: تعكس كمية النخالة، عالية = صحي أكثر.
3. البروتين + الدهون: تدل أنو القمح فيه الجنين الطبيعي.

راني درت تقييم لكل فرينة و سميد حسب المكونات والتجربة الشخصية
شوفه كامل في الستوري كي العادة

صحا هذه الفرينة نتاع ماما تعرفوها؟! شفتوها في المحلات ، تعرفو لمن تصلح؟! باين قلة القليلة لي شافتها 😂😂😂 راني خليتلكم الجواب في الستوري 🤭🤭

27/09/2025

أرواحو تعرفو واش هو القمح المتكامل
هذا قمح الصلب ، مغسول في البيت و طحنتو في مطحنة تقليدية ، لقيت دقيق البلوط التقليدي ، و الدشيشة

ليوم رحت طحنت القمح الصلب ، ليوم تشوفو واش هو القمح المتكامل.درتلكم فيديو بالتفصيل عليه راح نحطو ليوم بإذن الله #تعديل ...
27/09/2025

ليوم رحت طحنت القمح الصلب ، ليوم تشوفو واش هو القمح المتكامل.
درتلكم فيديو بالتفصيل عليه راح نحطو ليوم بإذن الله

#تعديل راني حطيت الفيديو الان شوفوه
دكا كاين نقطة حاب نحكي عليها:
يا جماعة الخير نحتاج دعمكم راني في كل منشور نحط في الستوري ( لي هي قصة الصفحة ، اضغطو على صورة البروفايل) منتجات فيها نقد ليها

دك أنا راني نتفادى التعرض للمشاكل من خلال هذه خاصية الستوري ، لكن مانيش نلقى دعم و تفاعل إلا من قلة القليل

دك واش نفع دير منشور و تعرف الخطر و ما تعرف المنتج واش هو

او نحط عدة منتجات مليحة راني نوريلكم و تستفادو و يبقى النشر و الاستمرارية

مهم اني حذرتكم من sin102
و مزال مادة اخرى أخطر راح نحذركم منها

ملاحظة: لازم تعتادو يا متابعيني الاعزاء كي نحط منشور تروحو للستوري ديركت ، لازم هذا يكون كلمة سر بيناتنا

دكا ثاني روحو للستوري ما تشرو لولادكم و قللو قدر الامكان للكبار منها

صحا كون نقولك اللون الأصفر و البرتقالي خطر عليك و على ولادك؟ تبعني تعرف كاين مادة صناعية يسموها تارترازين (E102)، هذي مل...
27/09/2025

صحا كون نقولك اللون الأصفر و البرتقالي خطر عليك و على ولادك؟ تبعني تعرف
كاين مادة صناعية يسموها تارترازين (E102)، هذي ملون غذائي يعطي اللون الأصفر 🍋 أو البرتقالي 🟠 للمشروبات والحلويات.

📌 وين تلقاه؟

القازوزات والمشروبات الغازية لي لونها أصفر او برتقالي
عصير مجفف( أميلا كمثال) بنكهة البرتقال أو الليمون.
فلان أصفر.
الحلويات الملونة للصغار.
بعض أنواع البسكويت والكيكات الجاهزة.

حتى بعض الأدوية والفيتامينات الملونة للصغار.

المشاكل لي يقدر يسببها:

يقدر يجيب حساسية: طفح جلدي، حكة، ولا حتى شرى.

بعض الأطفال ولاو يجيهم فرط نشاط ويقلبو الدار ( راكم عايشينها)

لي عندهم حساسية من الأسبرين ولا ربو تحسسي يتأثرو بزاف.

ممكن يدير آلام في البطن ولا غثيان عند بعض الناس.

الإستهلاك بزاف وعلى المدى الطويل مش مليح، على خاطر الجسم ما يحتاجش المواد الصناعية.
( فوق هذا كاين دراسات ربطتها بمرض السرطان)

كي العادة تلقى في الستوري ( قصة الصفحة) بعض المنتجات لي فيها هذه المادة و واسعة الاستهلاك

كاينة في منتجات معروفة بزاف بزاف
حطيت فانتا عمدا و عطيتك سبب آخر باش تقاطع

حابين تشمو ريحة قهوة زمان ؟ وذوقها الرائع تبع تعرف ؟ انت كي نشوفو الأجانب يعطيو قيمة للقهوة، و يديرو عادات خاصة باش يشرب...
26/09/2025

حابين تشمو ريحة قهوة زمان ؟ وذوقها الرائع تبع تعرف ؟

انت كي نشوفو الأجانب يعطيو قيمة للقهوة، و يديرو عادات خاصة باش يشربوها، واحد يقول: "هاذو راهم يزيدو عليها!"

لكن الحقيقة 😅 القهوة لي نشربوها حنا في الغالب راهي قهوة درجة ثالثة أو رابعة – يعني أرخص حاجة في السوق.

قبل نحكو شوية أنواع القهوة:

روبيستا: أرخص، كافيينها عالي لكن نكهتها قوية وحمضيتها أقل
هذه المنتشرة في المحلات

أرابيكا: أغلى ثمنا 💎، نكهتها أرقى ومتوازنة، فيها حلاوة طبيعية وتعتبر الجودة العالية.

☕ اقتراحي ليكم:
✅ جرّبو قهوة خضراء (من أرابيكا) وتحمّصوها على راحتكم.
✅ أو جيبو قهوة مطحونة من أرابيكا أو مزيج بين أرابيكا + روبيستا باش تجيكم متوازنة.
✅ أقل شيء؟ جيبو روبيستا حب واطحنوها في الدار، راهي أفضل من المطحونة الجاهزة لي تبقى شهور مخزّنة.

كيما العادة حوست مليح و حطيتلكم في الستوري ( قصة الصفحة ، اضغط على صورة الصفحة يخرجولك) ماركات أرابيكا حب خضراء جاهزة للتحميص و أنواع أرابيكا مطحونة و خليط بينها و بين روبيستا

فرحتوني على الثقة لي وضعتوها فيا ، لما وجهتكم تشرو العسل ، شكرا بزاف بزاف لأنو: طلبات بزاف وصلت لأخي أمين ولدسعيد لتربية...
26/09/2025

فرحتوني على الثقة لي وضعتوها فيا ، لما وجهتكم تشرو العسل ، شكرا بزاف بزاف لأنو:
طلبات بزاف وصلت لأخي أمين ولدسعيد لتربية النحل ومنتجات الخلية مع حسن الثقة جبتلكم نفس العرض و فيه هدية يكفي أنك تذكر إسمي:

قبل نذكر لي ماشاف المنشور الأول: أمين راهو جاري و أخي الكبير و موجهي و قدوة ليا و فوق هذا
صديقي الموثوق (أستاذ في مجال تربية النحل، وعندو دورات عديدة – شوفو التعليقات 👇) عندو عسل طبيعي 100% من إنتاجه الخاص بأنواع مختلفة:

🌿 عسل السدر → 6000 دج/كغ
🌵 عسل الصبّار → 4000 دج/كغ
🌳 عسل الكاليتوس → 5000 دج/كغ
🏔️ العسل الجبلي → 5000 دج/كغ

التوصيل متوفر ، سواء للمكتب او للمنزل ، المهم تصلك الجودة و الثقة على ضمانتي أنا إسلام

كيما قلت وكاين تخفيض خاص لكل واحد يجي من طرفي (مختص التغذية إسلام) 👌
وزيد مش شرط تشري كيلو، تقدر تدي حتى ربع كيلو… أو تخلط وتاخذ ربع كيلو من كل نوع 😍

فوق هذا راح تحصل على هدية بعد شراءك من عنده ( حبوب طلع....شهد.....؟!)

#ملاحظة: هذه في وجه الله خالصة ، كدعم له و لمشروعه و كرد لو جزء قليل من نصائحه

يا جماعة الرايب خير ولا اللبن ؟ وشكون مليح ليا و انا نتحسس من اللاكتوز ؟ واش هذه bb12 لي تجي في القرعة نتاع اللبن؟ أولا...
26/09/2025

يا جماعة الرايب خير ولا اللبن ؟ وشكون مليح ليا و انا نتحسس من اللاكتوز ؟ واش هذه bb12 لي تجي في القرعة نتاع اللبن؟

أولا نبداو واش هي مكونات اللبن و الرايب لي نلقاوها في القارورة:
تلقى حليب+ خمائر لبنية لي هي المخمرات:

في الرايب التقليدي يتخمّر ببكتيريا ميسوفيليك (Lactococcus, Leuconostoc...) وهي لي تعطيه الحموضة والقوام.

المنتجات التجارية لي نلقاوها في المحلات غالباً تستعمل Streptococcus thermophilus و Lactobacillus delbrueckii، وبعض الشركات تزيد سلالات نافعة كيما Bifidobacterium BB-12 لي عندها فوايد مثبتة للجهاز الهضمي.( تلقاوها في صومام ، و مجمع جيبلي)

صحا و أنا نتحسس من اللاكتوز واش الحل؟!

التخمير ينقص اللاكتوز ويزوّد المنتج بإنزيمات تساعد على هضمه، يعني حتى الناس لي عندهم عدم تحمّل اللاكتوز يقدرو غالباً ياكلو الرايب أو اللبن بلا مشاكل كبيرة (أفضل من الحليب العادي).

صحا و في القيم الغذائية شكون خير؟!

شوف الرايب بروتين أكثر + دهون أكثر شوية مالا يشبعك أكثر.

اللبن: دهون وسعرات أقل لأنو الزبدة خرجت وقت الخضّ يجي خفيف ومنعش.

و تأكد من الملصق لأن القيم تختلف من شركة لشركة.

الفوايد الصحية:
المنتجات المخمرة تدعم صحة الأمعاء، توازن الميكروبيوم، وتقوي العظام بفضل الكالسيوم والبروتين. بعض الدراسات لقات أن استهلاك الياغورت مرتبط بانخفاض خطر السكري، خاصة إذا كان بلا سكر مضاف.

مالا كاين لي فيهم سكر مضاف ؟! إيه نعم كاين و انا بدوري بحثت و حوست و حطيتلك في ستوري كل المنتجات لي ما فيها سكر مضاف

كيما قلت كل العلامات لي ما فيها سكر مضاف حطيتها في ستوري مع بعض القيم الغذائية

كذلك حطيتلكم تاني في قصة الصفحة ( الستوري ، فقط اضغط على صورة بيت التغذية)منتج وعن عدة تجارب للناس لي تحسس من اللاكتوز والقولون العصبي جربوه و ردولي لخبر

Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque House Of Nutrition - بيت التغذية publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type