Quel est le site Web ?

https://www.facebook.com/514190108444908/

𝐾𝑖𝑘𝑜𝑆𝑢𝑚𝑎.𝐵𝑒𝑎𝑢𝑡𝑦

Page d'Accueil
Algérie
Annaba
𝐾𝑖𝑘𝑜𝑆𝑢𝑚𝑎.𝐵𝑒𝑎𝑢𝑡𝑦

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de 𝐾𝑖𝑘𝑜𝑆𝑢𝑚𝑎.𝐵𝑒𝑎𝑢𝑡𝑦, Annaba.

أعشـــق الـــڪتب، الغطـــس الحـــࢪ، قضـــايا التحقيـــق والجࢪيمـــة و قـــطي 🌸

أنت أيضا مهووسة بالجمال مثلي ؟ تابعيني وشوفي الفࢪق ☺️

🚀 30k 💄🎁 لا أبيع منتجات، أختبر مفعولهم فقط

Collaboration?

➡️email 💌⬇️

23/07/2025

💥 خطر الصابون البلدي اللي ما يحكوهالكش 💥
شريتيه وفرحانة بيه؟ استني شوية قبل ما تمدحيه...
اهبطي لأول تعليق نحكو شوية على سلبياتو ✋

21/07/2025

أكثر حاجة طلبتوها مني 🎀🪒💄🧴✨ لمنتجات مع الصور وايضا كتابية تحت كل صورة لحتى يشوفوه اصحاب الزيرو. أقراو الفقرات مهمين 🥹♥
ولاي سؤال في اي مشكلة خليهالي تحت في التعليقات 🌸

20/07/2025

اكبر كذبة 🤥 رطبي وجهك قبل ما ترقدي
خلي قلب واهبطي نفهمك

19/07/2025

🌼 𝐺𝑙𝑜𝑤 𝑢𝑝 الجزء الثالث 💗🪡🧼🧴💅
+ وصفات جمالية خفيفة تخلي نفسك واو

🎀 حواجبك؟ راهي تحدد شكل الوجه
📌 الوصفة: خذي شوي زيت الخروع ودهني بيه حواجبك بعود قطن قبل ما ترقدي، وبعد جمعة ولا زوج راح تلاحظي الفرق، الحواجب تولي مرسومة وكثيفة بلا تكلف.

👄 شفايفك؟ لازم الروج يدوب فوقهم مش يتشقق!
📌 الوصفة: خلطي شوية سكر + شوية عسل + قطرة زيت زيتون، وافركي شفايفك بلطف، ومن بعد دهنيهم بفازلين ولا بلسم شفايف. النتيجة؟ شفايف موردة وطرية كي القطن.

🧖‍♀️ بشرتك راهي تعبانة منك موش العكس!
📌 الوصفة: خصصي نهار فالسمانة لـ "نهار راحة للبشرة": بلا مكياج، غير تونر طبيعي (ماء ورد ولا مغلي الشاي الأخضر)، وترطيب خفيف. وجهك يرتاح وانتي تزيدي تنوري.

🪞 نظرتك؟ لازم تعكس الراحة والطاقة موش التعب!
📌 الوصفة: كل ليلة ديري نقطتين زيت اللوز الحلو تحت عينيك ودلكيهم بنعومة، وقدري ديري كيس شاي أخضر بارد فوق عينيك 10 دقايق، bye bye للهالات!

👣 رجليك؟ ماشي لازم الصيف باش يكونو ناعمين!
📌 الوصفة: قبل ما ترقدي، انقعيهم فماء دافي مع شوية ملح وخل، افركيهم بحجرة، وبعدها دهنيهم بزبدة الشيا ولا فازلين ولبسي شراب قطني. الصباح تلقاي نعومة من عالم آخر.

💆‍♀️ فروة راسك؟ فيها السر تاع الشعر الصحي!
📌 الوصفة: ديري مساج خفيف بزيت جوز الهند ولا الأرغان مرتين فالسيمانة، هادشي ينشط الدورة الدموية ويقلل التساقط. شعرك يرجع يبرق ويزيد يطوال.

👗 رائحتك؟ لازم تبقى حتى كي تروحي!
📌 الوصفة: خذي شوية فازلين وخلطيه مع العطر تاعك، وحطيه فمناطق النبض (ورا الودنين، اليد، الرقبة). النتيجة؟ ريحة ثاااابتة وعلامة خاصة بيك.

🩷 آخر مرة مدحتي روحك؟ متخليش روحك تنساك!
📌 الوصفة: كل صباح، وقفي قدام المرايا وقولي: "أنا نضوي من الداخل، وجمالي يكبر كل يوم". التكرار راهو أقوى من أي وصفة.

🧼 الغسول؟ لازم يكون خفيف وحنين على وجهك!
📌 الوصفة: لو بشرتك دهنية استعملي غسول فيه الساليسيليك، ولو جافة استعملي غسول كريمي فيه B5. وقولي لا للغسولات العطرية.

✨ كل وصفة هي خطوة صغيرة، بصمة أنثى، ولمسة حب بينك وبين روحك.
📌 عجبتك الوصفات؟ خبيهم عندك وشاركيهم مع صحبتك لي تهتم بجمالها بلا تعقيدات 💕

متنسيش تابعيني 🌷 خليلي لايك واكتبيلي فالكومنتار: "سؤال يخص مشكلتك" ونخبرك بالحل بإذن المولى ✨

.Beauty

18/07/2025

منتجات جزائرية تستحق شرائها 💄🛍👑🧴🎀🌷

17/07/2025

😍💫 وعلاش هذا الكريم يلي صورتهولكم هو المفضل عندي
بلا مقدمات

👸🏻 لأنو فيه الحل للبنات لي يعانيو من:

🔹 البشرة لي تتلمع بسرعة
🔹 الجفاف الخفيف
🔹 أو حتى البشرة الحساسة لي تكره الكريمات الثقيلة والبنات يلي عندهم مسام واسعة في الوجه

✨ VG كريم النهار هو الحل المتوسط والمثالي!

وش فيه؟
💧 تركيبة خفيفة بزاف، تحسيها تذوب
🧴 Oil-free = ما يزيدش اللمعان
🌬️ Non-comedogenic = ما يسدش المسام
🫧 خالي من العطور القوية = بشرتك ترتاح
🎯 فيه مرطبات توازن البشرة وتخليها تشرب الكريم بلا ما تبقى لامعة

👑 تجربتي معاه؟
من أول أسبوع، وليت نحس وجهي رطب طول اليوم بلا ما يرجع دهني…
ولا كيما نقولو:
نفس الإحساس تاع البشرة النظيفة بعد ماتعملي دوش، يبقى فيك هاذاك الملمس تاع البايبي الصغير 🥹🩷

⏳ كملنا؟ مازال!

☀️ نصيحة ذهبية قبل ما تشري أي كريم نهاري:

🔍 ديري سكان لنوع بشرتك:

دهنية؟ شوفي Oil-Free, Matte Finish

جافة؟ شوفي Shea Butter, Hyaluronic Acid

مختلطة أو حساسة؟ خيري حاجة خفيفة، بلا عطر ولا كحول

وإذا فيه SPF؟ راكي وفرتي طبقة كاملة من الحماية ضد الشمس ✨

🍓 وين راكي هاربة؟!
روحي للتعليق الأول تلقاي فيه 🌸 وش لازمك تعرفي قبل ما تشري أي كريم نهاري
(سهلت عليك الخدمة، ما عندك حتى عذر 🙈💌)

📌 إذا عجبك المحتوى، بارطاجيه مع صديقاتك 🌷
📌 تابعيني باش يوصلك كل نافع، مجرب، ومضمون على KikoSuma 💄👑
📌 وقوليلي فالكومنتير: جربتي كريم VG؟ ولا عندك واحد آخر حبيتيه؟ نحب نعرف 👀

.Beauty
💕🧴

13/07/2025

𝐺𝑙𝑜𝑤 𝑢𝑝 𝑝𝑎𝑟𝑡 2 🌸💄🪒👑🧴
+ وصفات مكتوبة لجمالك

💋 بشرتك؟ ما تعبتش، كانت تستنى فيك تفيقيلها

📌 الوصفة: اغسلي وجهك كل صباح بماء دافئ وملعقة عسل، ثم رشي عليه ماء ورد بارد. الانتظام = وجه زجاجي.

💅 يديك؟ ما عادوش عاديين… صاروا أنوثويين بزيادة.

📌 الوصفة: خلطي زيت الزيتون مع عصير ليمون، دلكي يديك كل ليلة وشوفي التصبغ كيفاش يروح (متنسيش ترطبيهم بأي مرطب تحبيه)

🌪 حابة تتهلاي في روحك مليح وبشرة بدون عيوب وجلد اوزة
📌 وصفة: استخدمي مقشر خفيف مرتين في الأسبوع (سكر + زيت + عسل) لبشرة تتنفس. متنسيش ترطبي الكوعين والركبيتين والحوافر

🪞 كل ماتشوفي روحك في المرايا قولي وجهي رجع احسن من قبل وعقلك الباطني راح يخدع ويبدى يخدم بنفس افكارك ويشجعك تعملي غير لي يضويه اكثر.

📌 وصفة: روتين بسيط = تنظيف، ترطيب، ثم زيت فيتامين E قبل النوم. استيقاظك راح يكون ناعم، وبشرة صافية خاصة اذا عملتي فيتامين c التصبغ يقل تدريجيا وتضوي كي القمر

👠 حابة تمشي وكأنك فـ catwalk… حتى لو كنت فالدار.

📌 وصفة: ضعي نقطتين من highlighter طبيعي فوق عظمة الخد وزاوية العين… الإضاءة تلاحقك! حتى لو انتي مش خارجة التوهج هاذاك حيخلي الناس يتيهو فيك وانتي تحكي

🌸 مهووسة بوجه مثالي و تقاسيم وجهك وكأنها مرسومة عالكاتالوڨ

📌 وصفة: حاولي تعملي "مساج وجه" خفيف يوميا باستعمال الرولر او الڨولشا بزيت مناسب، دقيقتين كافية تفتّح البشرة وتخليها مشدودة. اذا معندكش استخدمي اصابعك

👑 صفاء وبشرة متوازة بدون زيوت حوالي الانف والجبهة؟

📌 وصفة: اشربي كوب ماء دافئ مع شرائح ليمون كل صباح – السر موش فالمكياج، بل من الداخل.

🖤 ما تحبيش تباني.. تحبي تفرضي حضورك؟

📌 وصفة: بخري وجهك مرة بالأسبوع + قناع طين طبيعي. النتيجة؟ بشرة نقية بنظرة قاتلة. معندكش مبخرة الوجه ديري برمة وفيها ماء يتغالى وغطي وجهك بشكير (فوطة). ملاحظة: متقربيش بزاف باه متحرقيش وجه

تحطي فون دو تان تلقاي منظر غير مرتب او قشور؟

📌 وصفة: خلط القليل من كريم الترطيب مع قطرة foundation = لمسة طبيعية وموحدة.

🧴 الكريم؟ مش عناية… هذا عقد حب بيني وبين روحي.
📌 وصفة: اختاري كريم فيه حمض الهيالورونيك إذا بشرتك جافة، أو جل الألوفيرا إذا دهنية.

📌 عجبتك اللمسة؟
شاركيها مع صديقتك يلي تحب التفاصيل وتفهم الفرق 💋
وعملي متابعة لصفحةkiko
في كل جملة سر، وفي كل وصفة لمعة ما تنطفيش ✨
لو عندك اي سؤال لمشكلة جمالية خليهالي في التعليقات 🫂🩷

.Beauty

11/07/2025

𝐺𝑙𝑜𝑤 𝑢𝑝 part 1 🧴💄🧴🪒🧼🎀👑
فقࢪة الڨلو ٱب بناءا على طلبكن جميلاتي الجزء الأول 🌸

10/07/2025

#رسائلكم. سلام كيكو بالمختصر راني منحطش لابروس في شعري منمشطوش خلاص حاسة جمالي راح وعينيا طفات ومبقيتش نعجب الناس كيف بكري مالڨري صغيرة وجاية للدنيا مي حاسة روحي تعبانة بزاف دايما حزينة وكل مرة نقول ليوم نبدا العناية بكاش روتين ويجي هاذاك النهار ويعدي ومندير والو. درك تطور الوضع عدت ماناكل مليح ماندوش الا في الضرورة ومتهاجمينيش بليز والله مامنجمة نهز يدي راني حاسة روحي ميتة بالحياة جثة متحركة غير نتنفس ونشرب الماء ونغسل وجهي كرشي منجمتش ناكل غير مغرف زوج غير باش من.موتش معندي حتى رغبة في حتى حاجة كنت نصلي بزاااف وندعي بزاااف من قبل ندعي ربي يغير حالي لمدة عواااام ودرك وصلت لنقطة الحضيض تشوفيني وتشوفي منظري نبان متشردة.
درك هذا الشيء أثر على جسمي تصبغات جسم مش متناسق نفسية تاعبة.
اعطيني روتين ساهل مفيهوش تعقيدات ومفيهوش منتجات بزاف والله حابة نتغير حابة نسعى ونرجع كيف ماكنت الاول وخير. املي فيك كيكو من بعد ربي.
وقوليلهم يدعولي ربي يفرج عليا وميضحكوش هذا ابتلاء او امتحان ولا عين والله ماني عارفة مهم متنسونيش ربي يعيشكم.
(الروتين والحل بحول الله أول كومونتاغ)

08/07/2025

شريت La roche-posay المقلدة بسعر الأصلية 😭💔💔💔💔💔 شوفو أول كومونتار

04/07/2025

تحسبي روحك تعرفي نوع بشرتك؟ 😳
تشري منتجات مبعد تتحيري: "علاش ما جابت حتى نتيجة؟🥲 راكِ مش وحدك… والسبب؟ أسهل مما تتخيلي!
❤️ شوفي أول كومونتاغ 🌷

30/06/2025

🐱✨ روتين العناية ب (ٱم كاي /MK) ✨🐾

لو عندك حيوان اليف قط، ارنب، عصفور، كانيش....خليه دايما بصحة ونظافة عبر روتين خاص به وإذا كان قط هذا روتينس اليومي لقطي لعلك تدي منو افكار🐾🪄🩷

☀️ يوميا:

🥤 نبدل له الماء ونخليه دايما نقي (أحيانا نبدلله 3 مرات)

👁️ نمسح عينيه إذا شفت وسخ بقطنة ومعقم

نمشط شعره (كل يوم للشعر الطويل – يوم اه ويوم لا للشعر القصير)

👀 نراقب حالته: هل أكل؟ نشيط؟ لعابه طبيعي؟

🍉نمدله 4 وجبات يوميا ولازم الدجاج او اللحوم الخاصة بالقطط كسف لي في الصورة لانو جسمو محتاج بروتين

🍵 نغسلله كل صباح أطباق اكله وشربه

🧼 أسبوعيا:

🛏️ نغسل فراشه أو نفض مكان نومه

🍽️ نعقم المواعين تاعو بالجافيل تأكدي انك شللتيهم مليح (الأكل والشرب)

👂 ننظف أذنيه بلطف (لو فيها شمع)

🧸 نغسل ألعابه

✂️ كل 3 إلى 4 أسابيع:

✂️ نقص أظافره شوي شوي (ملاحظة جد مهمة: الجزء الوردي يلي في ظفره ممنوع تقصيه لانو فيه أعصاب وراح تأذيه)

🔍 نراجع جلده وشعره (هل فيه حكة؟ بقع؟ تساقط؟ هل اصابته حشرات)

🐜 كل شهر:

💧 نحط له بيپيت أو بخاخ ضد البراغيث

📅 ندون كل تغيير لاحظتو

⚖️ نوزنه للتأكد أنه محافظ على لياقته 😻

🐛 كل 3 أشهر:

💊 نعطيه دوا الديدان (أقراص أو سائل)

🏥 كل 6 أشهر:

👩‍⚕️ زيارة للطببب للطمانينة

💩 تحليل براز باش نتاكدو من خلوه من الطفيليات

🛁 الحمام : انا دوشته اول ماجبتو للدار للاسف مكنتش نعلم انو القطط ممنوع تتحمم الا مرتان في العام.

🧴 ندوشه بشامبو قطط (لو متوسخ)، اني صورتو تحت

🐾 كل سنة:

💉 لقاح رباعي ضد الأمراض الأساسية

💉 لقاح السعار

😺 فحص شامل: أسنان، عيون، وزن

💌 نصيحة KikoSuma:

هذه الكائنات اللطيفة مش مجرد حيوان، هو قلب صغير يحتاج حب، دفء، واهتمام يومي، هو من بين الاسباب يلي قادر دخلك الجنة ومن بين الاسباب يلي تفرق كثير في ميزان حسناتك🐾💖

كذلك اخترت هذا النوع المحلي الموجود تقريبا في اغلب دول العالم لان القطط الاخرى كالسيامو وماشابهها لديها بسوت تأويها اصلا لذلك لن يحدث اس تغيير في العالم اذا اقتنيتها، تبنيت هذا القط لانه لم يكن لديه منزل وكانت حالته شبه مزرية وأنا سعيدة أنني انقذته 🩷🍵🐾

عنوان الطبيب: واد الذهب مقابل الكازنوس رقم الهاتف موحود في الصورة 🩷 تعاملهم زي العسل خاصة البنت يلي هناك 🌹

Adresse

Annaba

Site Web

facebook.com

Notifications

Soyez le premier à savoir et laissez-nous vous envoyer un courriel lorsque 𝐾𝑖𝑘𝑜𝑆𝑢𝑚𝑎.𝐵𝑒𝑎𝑢𝑡𝑦 publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.