Chef Mami

01/04/2025

بمناسبة عيد الفطر المباركة
قروب الشاف chef mami
يتقدم باتهاني للجميع
كل عام وانتم سعداء انقياء بقلوب بيضاء 🤍ووجوه مشرقة مبتسمة كل عام وانتم آمنين مطمئنين كل عام والفرحة تعم حياتكم والعافية تغلف اجسادكم عيدكم مبارك كل عام وانتم بخير تقبل الله منا ومنكم صالح الاعمال

18/02/2025

25/01/2024

نصائح مطبخية رمضانية
ماتنساوش قراءة القرآن والصلاة في وقتها والنوافل

🥣قبل ماتبداي تطيبي وجدي كامل وش تحتاجي قدامك وجدي ساشي للقشور و بسينة فيها رغوة وجافال باش كي تكملي بماعن البصل ولا البيض ولا السكرفاج ارميهم فالبسينة تتنحالهم ريحه
🥣البوراك كي تقليه ماتحطيهش فوق بعضاه يتطلق ويتزيت لالا وقفيه في كسكاس يقطر من الزيت ويبقا مقرمش
🥣الدجاج المرحي تع المثوم و الرولي...الخ ديريلو توابل الشاورما
🥣الدولمة كي تحفري الخضرة حكيها الداخل بالملح وفلفل اسود باش ماتجيكش سامطة
🥣 البطاطا لي تعمري بيها البوراك فوريها في كسكاس فوق الشربة تجي بنينة وماتطلقلكش الماء
🥣الغراتان اذا حبيتيها حمرا من فوق رشي لاشابلوغ قبل ماتطيب
🥣لاشابلوغ كي ترحيها تبليها بالتوابل لي تحبيهم
🥣المعقودة كي تشكليها حطيها تبرد مليح تحكم روحها مبعد اقليها
🥣الحشاوش باش مايذبلوش روليهم في طراشن papier وخبيهم في بورتمونجي

🥣اشري كناش حطيه ف الكوزينة مع ستيلو يساعدك تكتبي فيه وش ناوية ديري فطور اليوم ، تكتبي كاش وصفة سمعتيها ف يوتيوب ولا TV ، تكتبي لراجلك يشريلك مشتريات، اذا دايرة عرضة تكتبي Menu باش غدوة من ذاك تطبقي برك ..الخ ماتضاليش تدوري وتحوسي على ورقة وستيلو

🥣باش يذوبلك الدجاج المجمد حطيه في طبسي فيه ماء ومغرف معمرة ملح
🥣لافينيقغات تاع سلاطة عصري فيها نص حبة طوماطيش تجي تهبل
🥣لي سوفلي بش يجوك محمرين الصفار تع البيض زيديلو مغيرفة لحظة أو خل
🥣خبز الدار بش يخمرلك سخني الكوشة وطفيها وحطيه يخمر الداخل في حاجة تع حديد
🥣كي تكوني تلمي فالماعن باش تغسليهم حطي براس قهوة يطيب نحي الدوخة تع الصيام باش تبداي تغسلي
🥣كي تكوني توجدي فالفطور اذكري ربي مثلا تخدمي فالبوراك قولي سبحان الله سبحان الله حتى تكملي ، تغسلي الماعن استغفري...الخ

🥣 للقضاء على النفخ و النعاس و الفشلة مور الإفطار أشربي كاس أتاي ينشط و مفيد جدا لنفخ و مشاكل الهضم

زيديلنا نصيحة ولا حيلة تعتمديها في رمضان و انويها صدقة لخياتك في ميزان حسناتك 🥣🌙🥗

للامانة العلمية منقولة لتعم الفائدة

22/10/2023

فضلا وليس امر شوية دعم في انستغرام ،،
https://instagram.com/chef.mami_?igshid=MzMyNGUyNmU2YQ==