Je M'en Fous

Je M'en Fous صفحة يوصى بها اكثر من مليون شخص همنا إرضاء جميع المتابعين بدون استثناء لجميع زوارنا نعلمكم بأن هذه الصفحة هي الاصل اما الباقي فكله تقليد سجل إعجابك و شكرااا
(1)

الحمد لله صفحة je m'en fous ليست للتباهي ولا حتى عن شخصيتي هي صفحة اجتماعية للمتابعين ❤️

الشكر لكل شخص لي خلاني نعبر سواءا من نصائح مالڤري منيش ننصح روحي بيها بصح نمدها من قلبي ❤️

تشرفت بكل المتابعين و خاوة خاوة وصفحة توعوية ونقية دائما ان شاء الله ❤️😊

19/09/2025

الحقيقة المرة 💔😔

19/09/2025

متخممش ، راك كيما خويا ، دك نفريها انا ، دقيقة نكون عندك ، متتقلقش ، فارية باذن الله ، راني معاك ، اي شي يخصك راني هنا ، وقت تحب تحكي عيطلي ...
كلمات كيما هاذو مهما كانت حالتك يدخلو لقلبك direct و يخلوك تحس بلي مراكش وحدك و انك حتى و تتلفلك و تعجز على شيء ما و متعرفش راه كاين ناس معاك يدعموك و يخلو مساعدتهم لك من اولاوياتهم ❤️

فهذيك الدقيقة تريح و صح تحس بلي المشكل هذاك راح يفوت مهما كان هاذو هوما نوع الناس لي رانا محتاجينهم في حياتنا ❤️😔

19/09/2025

شي ناس راح يرفضوك وراح يختارو أشخاص غيرك ...
دايرين في بالهم انو هذوك الأشخاص لي خيروهم راح يكونو الأفضل 😔

بصح في وقت لاحق اي في أحد الأيام راح يفيقو ويعرفو انك كنت الأفضل وانك كنت تستاهل وملازمش يرفضوك بصح فات الأوان لأنهم كانو يحوسو على أشخاص و اشياء أفضل ومعرفوش يفرقو بين الأفضل و الأرخس و خلاوك وحدك ...

معليش عاجلا أو آجلا راح يعرفو انهم فقدو الأفضل لي كانو يحوسو عليه ببساطة الأفضل راح يكون مع الأفضل دائما فلا تهتم ❤️😊

19/09/2025

الله يمهل ولا يهمل ❤️🤲

19/09/2025

علاه تبدلت ...
مبقيتش كيما كنت ...
شبيك وليت هك ...
حسيتك ميش نفس الشخص ...

كيفاه قسى قلبك هك وليت تتخلى ببساطة متتأثرش كي يخدعوك ويغدروك متتأثرش كي يحكوا في ضهرك ويشروا في وجهك 🙄

شبيك وليت متحزنش كي يروح واحد من حياتك أعلاه مبقيتش تغيضك كي يردولك خيرك شر أعلاه مراكش متأثر كي راهم يقولو فيك وبيك وعليك أعلاه وليت بارد متحجر قليل البكية والضحكة شيء ما يحزنك حق الحزن وشيء ما يفرحك حق الفرح ياخي بدلوك اكيد ميش انت 💔

لا ابدا مبدلونيش je suis le même برك عرفت صلاحي عرفت قيمتي غاضتني نفسي لي راني نضيع فيها عاتفاهات فقت والحمد لله لي عاوني نفيق بكري قبل ما يفوت الوقت في دنيا هادي واحد ما يستاهل تمشي معاه بقلبك تا صح تقولولي كيفاه قصدك نولو منافقين لا ابدا il faut rester toujours le même متتبدلو عجال حتى بنادم mais لازم تتعاملو avec le principe de négligence متتعلقوش بزاف متربطوش حياتكم بناس لازم تتعلمو تفرحوا تبكوا تحزنوا تعيشيو وحدكم ومتحتاجو حتى بنادم في حياتكم الا احتجتوا ادعوا ربي هو سندكم وعونكم أما ناس عمركم تربطوا les solutions de votre problème بيهم و متتأثروش بغيركم لي راح راح ربي يسهل عليه متتعاملوش مع ناس على اساس أولويات ديما خلوهم جزئيات مجزئة من حياتكم ⁦❤️😉

19/09/2025

صح والله الديفو فينا للاسف 💔😔

19/09/2025

اللهمَّ خفِّف عنّا ثِقَلَ هذه الأيام وارزقْنَا قوةَ الصبر واشرحْ صدورَنَا و انزع منها ما استثقلتهُ أنفسُنا د وأرِح قلوبَنَا و ارزقنا فأنت أعلمُ بما تحتاجُهُ أنفسُنَا يا اللّه ❤️🤲

18/09/2025

رب عطالي الصبر في كل شيء الا الذل ❤️‍🔥💪

18/09/2025

صدقني ‏لا تحاول تحسين صورتك لأحد
أنت عادي في نظر من لا يعرفك مغرور في نظر من يكرهك
رائع في نظر من يحبك
خليك طبيعي 🤍💪

18/09/2025

اكبر جريمة ممكن ديرها في روحك انك تحشم وتكون نية ❤️😉

18/09/2025

علابلك بلي اليوم اللي راح تموت فيه راح يكون يوم عادي جدا متتوقعش يكون مميز.. تنوض الصباح عادي كيما أي نهار تاكل و تشرب و تهدر مع الناس وتضحك وفي لحظة ما تموت 😥

الفكرة أن اليوم راح يكمل عادي وبعدما يدفنوك.. اللي عنده حاجة رح يخدمها و اللي عنده شغل راح يكمله و الناس تروح ترقد باش تنوض الصباح تأكل تشرب و تضحك مكانش أي تغير كبير راح يصرا ف العالم.. ف الجزائر.. -ممكن ف الأسرة يفتقدوك و يحزنوا عليك أيام أو شهور ولكن راح يكملوا حياتهم عادي 💔

كل شيء راح يستمر بصفة عادية لكن انت اللي حياتك راح تتغير تغير جذري، مكانش اللي راح يوقف معاك ف اليوم المهم هذا أخدم لهذا اليوم" وَكُلُّهُمْ آَتِيهِ يَوْمَ الْقِيَامَةِ فَرْدًا"...

علابالي راكم تعرفو هذ الهدرة لكن مليح ساعة ساعة نتفكروا شوية ❤️🤲

18/09/2025

حاجة شابة كي تنوض صباح ونتا عارف وين راك رايح سواءا للخدمة ولا القراية …
ممكن انت درت في بالك انك تتعب راك تسوفري بصح دائما شوف للمستقبل لأنك راح تنجح ❤️

حاجة ماتدوم تدور ليام وتقول ياحسرا كي كنت نخدم ياحسرا كي كنت نقرا لذا اتفتح نهارك بابتسامة و شغف ☺️

صباح الخير ❤️🤚🏻

Adresse

Bejaïa

Site Web

Notifications

Soyez le premier à savoir et laissez-nous vous envoyer un courriel lorsque Je M'en Fous publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type