Femme Dz

Femme Dz Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Femme Dz, Création digitale, Constantine.
(2)

30/08/2026

بحت عن شخص؟؟

السلام عليڪم اختاه معليش تحطيلي مسج تحوسيلي فيه على بنادم اسمو زاڪي قبايلي(هو بجاوي ) تعيشي ختيتو عندي صافي لونطو محڪيتش معاه خايفة ڪشما صࢪالو تعيشي حمبوڪ شوفيلي ڪونطاڪت تاعو ولا اي حاجة تخصو ࢪبي يحفضڪ

25/08/2026

سلام عليكم جيت نحكي ليوم على جرح تاع أم كانت تستنى تفرح بوليدها كي تزوجو ..وليدها الوحيد لي لطالما حلمت تفرح بيه وتكون الزوجة تاعو عوض ليه وسند ..ضحات بقاع واش عندها ، تعبت و مدت وهي فرحانة وتقول في قلبها خلاص وليدي راح يتهنى هداك هو صح ..

دارتلو عرس يحمر الوجه و مهر يرفع الراس ..وزادت من حق هدوك ناس الخداعين فوق لازم لانو هي كانت تمشي على نيتها باختصار ..وقالت وليدي واحد و هادي مرتو لازمني نفرحهم ..دارت عرس يطرطق مع العلم انو ما قالتش واش راح دير لوليدها خلاتهالو مفاجأة يفرح بيها وجابت عروستها لي عاملتها افضل من بناتها..الحاجة لعزيزة تمدهالها وتقول معليش في سبيل الله ثم هادي عروستي وحدة نتهلا فيها ..لوكان وليدها تشوفو غير حاب يغلط تنوض دافع عليها وما تحبش شعرة طيح عليها
.لكن ما غطلش لي قال اذا انت اكرمت الكريم ملكته واذا انت اكرمت اللئيم تمردا والام عطاتهم قيمة وكرمتهم لكن اللؤم غلبهم وزادو دارو القرون وما كبرت فيهم حتى حاجة بالعكس ..

هي كانت حابة تفرّح وليدها لي كان رافض فكرة زواج من الأساس كان خاطيه مشاكل ناس قاع تحبو الحمد لله لاتي في روحو وحتى في دارهم ما يهدرش بزاف ! هو هكذا عقليتو ملي كان صغير ..عاش يتيم من باباه لي كان متعلق بيه ..بعدما كان يشوفو قدامو وناوي يعيش في الحضن تاعو فجأة لقاه ما كاش مات وخلاه في عمرو 10 سنوات برك ...غاضو الحال بزاف ومن هداك الوقت رجع يتكلم غير حاجة قليلة .

والحمد لله انو الام كانت صارحت المرأة ويماها و قالتلهم كلشي وهي ما نعرف اذا كانت حابة تتزوج برجل هداك ولا كانت هي ويماها عينهم في الاشياء الثمينة لي ضحات الأم ووليدها بيهم الله اعلم

يماه كان عمبالها هاد المرأة لي تزوج بيها راح تحس بوليدها وتحتويه وتكون حنينة معاه وتوقف معاه في الحلوة والمرة وتحفظ سرو وما تقولش صغيرة ولكبيرة ليماها لكن مع الاسف خاب ظنهم بزاف ..لانو هدوك ناس ما عاشروش بالصفا والنية كيما يقولو وما تغاضاوش على اخطاء تافهة و دارو من الحبة قبة وحبو لوكان يكون عندو دراهم اكثر ما قنعوش بواش عندو و شيعوه مع ناس بالكذب بالرغم من انو هو لحد الان قال نخليها لربي يوم القيامة نوقفلها ..
.دارولو الخلع وجاو يماها وباباها رفدوها من دار بلا خبر راجلها أصلا و شيعوه بالكذب والزور وقالو ما يخدمش مع انو هو يخدم عمل حر الحمد لله المهم جامي خلاها بالجوع او كذا..وما كاش في الدار لي يحاسبها او يقولها دناي لهيه وهاد المعاملة تفرعنت بيها مع الاسف و جحدو النعمة لي عطاهالهم ربي وقابلو المعروف بنكران الجميل وقابلو الاكرام بالاهانة والمكر والخداع ..

بالرغم من انهم كانو يعرفو ظروف تاع يماه ووليدها إلا انهم اخذو كلشي وما رحموهمش بالعكس هدي المرأة كانت نسات سلة في الشمبرة مالا هدرو عليها باه يرجعوها والله على ما أقول شهيد..واش تستناي من واحد يتكلم على سلة تاع بلاستيك .دمعة تاع الأم هاديك مستحيل تروح باطل عند رب العالمين وحرقة قلبها راح تخرج فيهم عاجلا او اجلا..وماكاش نهار سمعنا بلي كاش واحد ظلم وعاش بسلام ..هذه سنة الله في خلقه ..

الأم هديك جازو عليها بزاف صدمات واحزان في حياتها لكن ضربة هدي جاتها صعيبة بزاف راهي تدعي على ديك المرأة اللؤوم هي ويماها في كل وقت وعندها يقين في رب العالمين لانو جميع واحد فكر انو يأذيهم يدور يدور يطول يقصر ويطيح في الحفرة بإذن اللٰه..ما تنساوهاش هي ووليدها من صالح دعاءكم .. ان شاء الله

وما كتبناش هاد شي الا للتخفيف على حزن تلك الأم ومواساتها بالكلمة الطيبة ونقولولها رانا معاك بالدعاء ..وربي يعلم الحق ويعلم الظالم و المظلوم ..وعنده لا يضيع حق احد كما قال تعالى ( لاَ يُحِبُّ اللّهُ الجَهرَ بالسُّوءِ مِنَ القَولٌ إلاّ مَنْ ظُلِم..)

و.. دمتم بخير .

24/08/2026

طلب نصيحة

بعد عام زواج طفيت رجعت باه نجبد شعري بستة وستين كشفة راحلي الشغف تاع الحياة طفاني عام فات عليا تحسب عوام علااه بصكوو في هذا العام شفت خيانة متكررة تخيلو في شهور لوالا ومدابزاات مالغري يخدم بعيد من ويكاند باه يجي بصح كي يجي يليق ندابزو يليق ينوض ينقرش كرهت مالغري رافدة معاه كلش من ناحية مصروف بصح طفيت معاه دارلي لعجار بسيف نبكي دم مخلانيش نخرج بلا بيه تعقدت راهي غصة في قلبي انا لي كنت نخرج ونفطر برا وندور ونلبس رجعت من باب دار مانخرجش تعقدت رجعت مانقدرش نرد على روحي مانقدرش نهدر كي ندابزو ولا ندابز مع اي انسان نبقى غي ساكتة تقول حاجة تجي تبلعلي فمي راهي غصة كبيرة في قلبي نقول نطلق ونريح في دارنا ونصرف على روحي ولا هذي لفاكرة لي ني حاملتها مرات نقول بلاك ربي معطانيش معاه لولاد باه نفك روحي منه

23/07/2026

رسائلكم

بغيت نعرف رايكم دوك خويا راح للخارج أيا كي كان مروح فالطائرة لقا وحد لمرأة قاتلو نخطب اختك لابني هو ملتحي(يعجبني هذا النوع من الرجال )مام انا ذي لمرأة مانعرفهاش خلاص وهي متعرفنيش برك خويا حكالها عليا من قبل أيا هو قاللها أني نقوللها وبالطبع خويا قالي أنا كنت نقرا يعني كنت فالإقامة قتلو لالا ومبعد كي خممت مع روحي قلت عادي نجرب ونشوف كي روحت للدار قتلو إيه عيطلها قولها راهي حابة تشوفو وتجرب بلاك مكتوبها أيا هو محبش يعيطلها وزيد عندو غير الرقم نتاعها برك قداه من مرة نقولو لي عجبتني فالمرأة قاتلو نخطبو أختك يعني تحوس على العقلية مشي الزين وزيد كي أمي متوفية ربي يرحمها ملقيتش شكون يقنعو باه يعيطلها وتاني كاين وحدة تعرف خويا وهذي لمرأة تاني بصح منيش نتواصل معاها زعما نقدر نتواصل معها
هذي لحكاية عندها أشهر مي انا منسيتهاش وباقية في بالي

23/07/2026

رسائلكم

خطبني و دارنا مقبلوش بسبة كذبة كدبها جارهم عليه كي راحو يسقسيو من هداك نهار و انا وياه كيف كيف و لدرك مزلنا نحاولو كيفاه نتجمعو فلحلال و والديا جايين واعرين و يخافو من هدرة ناس حتى و كان هاد حاجة تاع حلال قتلهم بلي كون منديهش هوا نبقا هكا و كيما كان الحال رانا ف 3 سنين فهاد الحالة نسخف كي نشوف بنات يزوجو و يديو لي يحبو انا كون مجيتش قانعة بلي واش هدرو عليه كذب منقعدش معاه و خارج معايا راجل حاب يدير معايا لحلال كل مرة نلقاه دايقتلو على حكايتنا قالي زيدي اهدري معا داركم بلاك يهديهم ربي و انا نعرف راسهم يابس و ماما واعرة درك في بالها منيش معاه راهي مهنية عمري 26 داخلة ل 27 كي قتلها حابة كيفي كيفي ناس علاه فلقراية و حبستوني و حتى راجل لي شتيتو رفضتوه تقولي راكي فدار باباك واش زربك هيه علابالي بصح من حقي تاني نحتاج اي وحدة تنصحني واش ندير كيفاه نقنعهم راني في حيرة كي انا كي هوا و منقدرش نتخطاه لا أنا لا هوا جربنا و مقدرناش و صرات حادثة قبلي هكا حبت واحد و محبوش يمدوها ليه درك 10 سنين زواج و لدرك تبكي عليه منساتوش ماش حابة تصرالي كيفها و انا كون مشفتوش صح خاطيه من دار لخدمة صلاة منبقاش علاه جا تاع دواوات ولا بنات وحدي منقبلش لي تقدر لاشتة دعوة برك الله يحفظكم

سلام اختي معليش تحطي هذي الفوطو وتطلبي من المتابعين يدعولو ربي يشافيه دار حادث مرور بالموطو وراه كوما لليوم 8 الاسم : ي...
23/07/2026

سلام اختي معليش تحطي هذي الفوطو وتطلبي من المتابعين يدعولو ربي يشافيه دار حادث مرور بالموطو وراه كوما لليوم 8
الاسم : يوسفي عبد الرحمن

23/07/2026

رسائلكم
سلام البنات تعيشو مدولي رايكم راي تاع وحدة كبيرة وشاربة عقلها
انا متزوجة من خمس سنين العامين اللولين كنا هايلين منبعد منعرف واش صرا الزوج ديالي لوكان يصيب ندير انا كلش وهو يدير كلش للناس يطيح وينوض على خاطر ناس بصح دارو ومرتو ووليدو لالا...وكلما نتناقشو ونهدرلو يقولي راهم مكحلين قلبي من جهتكم...
كيفاش بدات الحكاية كنا راح نرحلو نبدلو دار الكراء متحركش كامل شفتو ما حوس ماسقسى على ديور لا والو ايا كي نهدر يقولي مازال حال مازال حال حتى الشهر الاخير وانا لي لقيت الدار وحوست وهدرت مع الراجل اتخيلو هو راح شاف وخلص الكراء. فقط انا لي كنت ندير كلش موراها جات دالة صاحبو كيفاش طاح وناض على جال صاحبو هو يهدر مع الرجال وينيڤوصي على السومة على البلاصة حتى جابلو الدار ....
انا كي حملت كنت نروح الخدمة على رجليا ونجي على رجليا جامي غضتو تسع اشهر وانا نمشي كي قتلو بصح علاش مديرش كاش هدة تسلف على صاحبك طونوبيل ولا جار ولا خوك ولا ديرلي يسير كاش نهار جامي عيطتلي وقتلي راهو يستنى فيك يسير يجيبك ....يقولي امشي امشي مليحة ليك المشية..انا شحنت ودرت القلب ودرت دورو على دورو وهبطت طونوبيل من الخارج 00 وكتبتها على اسمي خليتو حال فمو....ايا خطرة داني لدارنا نقعد يومين فاذا به نكتشف بلي الطونوبيل داها لصاحبو مرتو كانت راح تولد وخلاهالو صاحبو معندوش طونوبيل وقالو يا سي صاحبي خلي طونوبيل عندك كشما تسحق المادام ديالك وسي راجلي رجع على رجليه مسافة ساعة بين المنطقتين رجع يقطر قريب حبس قلبو كي لحق للدار باش هدرلي بلا مشاورة ديالي وقالي خليتلو طونوبيل حتى مرتو تولد وانت اقعدي في داركم ...مغضتنيش كي خلالو طونوبيل معليش لوجه ربي قد ما غاضتني الجاست تاع رجع على رجليه قريب مات يدير كلش على جال الناس
ايا طور الامر خطرة لقا عمتو تمشي رفدها وصلها لدارهم يا خياتي من هداك النهار كلما تجي رايحة كلما تجي مولية تعيطلو منبعد ولات كي تجي خالتو تجي عمتو تجي اختو يجي نسيبو هو لي يدي هو لي يجيب وانا نقولو اديني ولا جيبني ولا خرج وليدنا يقولي ياك تعرفي تسوقي خرجيه انت داق خاطرك اخرجي ادي يماك واخرجي متنسنيش...ويروح لدارهم هو ..ماعليناش مؤرخرا صرا نفس شيء قالي نجيب عمتي من واحد المكان وانا كانت عندي عطلة تاع اسبوع لي محركش روحو وقالي ارواحي نخرجكم ونهار قتلو خرجنا قالي نجيب عمتي من بلاصة مسافة زوج سوايع ايا خياتي طرطقت وليت حلوفة تاع الغابة قتلو راهي جاية لعندك ؟لدارك ؟ كاين خاوتها (عمامو) يروحو يجيبوها كاين باباك يجيبها راهي جاية لعند باباك ...خاوتك !!!انت واش دخلك فيها عندها راجلها يجيبها يديرلها يسير يجيبها في ميترو واش دخلك انت وعلاش حتى تقولها نجيبك (وكيما يجيبها تان يرجعها) ايا نحيتلو المفتاح تاع طونوبيل وقتلو كثرت على ما وصاوك اعطيني زبل ديالي بايعة ذهبي وحاطة جهدي باش جبتها اخرتها وليت نشوفها من سمانة لسمانة تلفتلو كسرلي باب كسرلي كرسي وقالي سما وليت طحان تخدمي وتسوقي تدخلي كيما تحبي تخرجي كيما تحبي وتزيدي تنحيلي المفتاح وتقامريني على دارنا قالي نحكم باباك ونقولهالو ضرك ولاول مرة شهر مهدرش معايا وعمتو عيطلها قدامي وقالها اخطوني يا رب اخطوني منجيش نديك دبري على روحك وخبط الباب وخرج موراها عمتو حرڤت عليا تلفون كي رفدتلها قتلها قتلو حبيت نخرج الطفل نكسيه قتلو هيا نخرجو قالي منديكش باش يجي يديك قتلها راني شهر وانا نقولو نكسو الطفل كل يوم يديرلي سبة محبش قتلو ايمالا نروح انا نكسيه وحدي وروح انت شوف شكون يسلفلك طونوبيل وجيبها مدلي المفتاح ناض يعيط( قاتلي بالحرف الواحد طفل خلاص العام مراحش يزيد يروح لاكراش يكمل بحوايج لعندو خلاصت لاسيزون كنت قادرة تصبري ماشي لازمة فاع ضرك)
وضرك لمدة شهر انا ندي وانا نجيب هو راه يتنقل بالكار ويسير يقضي يشري نقطة الى السطر حبيت نهدر مع بابا وخفت (في وسط نساء خاوتي راكم تعرفو) وانا جامي غضبت في دارنا 💔 هو ماهدر معايا ما هدرت معاه بصح غاضتني بسبة ناس وحدخرين مهدرش معايا شهر يعطيني بظهرو ويظل في دارهم ماعلابالو لا بيا لا بطفل الحل تعيشو سمحولي طولت هو راه كاين واحد الحل في راسي بصح خفت بزاااف

23/07/2026

رسائلكم

سلام حبيت نحكي حكايتي وان شاء الله لي تشوف حكايتي تدعيلي ، كان دائما الخطاب عليا ونقول لالا حتى كتب لحال مرة مع واحد منهم وقلت ايه ودرت معاه رؤية شرعية و رضى هو ومام انا علما رؤية شرعية " تقليدية منعرفو ما يعرفني ناس لخير عرفونا بعض " ومن بعد غدوة من ذاك رجع لخبر بلي مكانش مكتوب وكامل ، وبعد ذلك تواصلت معاه وبقينا تقريبا اشهور وتواصل مليح ومن بعد جبد روحو لا كاين حكاية كيما تاعي وكتب المكتوب مع بعض علما دخل قلبي وحبيتو ونطلب من كل وحدة شافت حكايتي تدعيلنا انو نكون حلال لبعض ويكون من نصيبي قلبي محروق عليه

23/07/2026

رسائلكم
سلام لبنات انا مع انسان فغولاصيو يتعمل معيا كيم يحب هو يتمصخر عليا هو وبنات عيلتو يضحكو قدمو عليا هو ثانيك يضحك معهم وعجبو الحال اومبعداتيك مين نقولو علاش درت هكداك معهم يقلي نرمال يقصرو معك برك وانا غير صبرا معه دوكاتيك اكتشفت عندي مرض بسبت ليبريسيو ولقلق وزعاف وهو نرمال قلي ستحملي وش ريكم مدلو ريكم لبنات بلا تعليقات سلبيا تعيشو

10/07/2026

#رسائلكم
أنا راجلي مريض بالسرطان مسكين عندو مدة عندها وحد الثلاث يام جات عندي ماما دخلتها للصالة ريحت شوي و قعدت مبعد نلقاها عندك في دارك ليتساع ربي يبارك نهار يموت راجلك بربي إن شاء الله نجي أنا وباباك نسكنو عندك فالدقيقة هاذيك بعد دخل راجلي كان رح يسلم عليها و سمعها وش قالت سكت مهدر والو و عاود رجع للشومبرة ماما تنشعت و كي روحت قالي ألبسي قشك داني لدارنا و قالي هنا خلاص المكتوب و لغدوة بعثلي قشي و ذهبي كامل عيطتلو قالي اسمحيلي خلاص هنا يحبس كلش انا الليل منرقدوش مالوجاع و السطر و ماليك يستناو فيا نموت بفارغ الصبر ...
تعيشو اعطوني طريقة نصلح غلطة ماما هي لي دارتها بيا والله ماني حابة نطلق شهادة لله راجلي كان معايا عسل صافي ملاك فوق الأرض

Adresse

Constantine

Site Web

Notifications

Soyez le premier à savoir et laissez-nous vous envoyer un courriel lorsque Femme Dz publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type