The algerian marketing

The algerian marketing راك حاب تتعلم تسويق ! معليك غيير تجي هنا.. نحن الأصل و الباقي تقليد

logo with post➡️logo is inspired by a design found on Freepik➡️post is inspired by the original post as an idea to creat...
01/12/2025

logo with post

➡️logo is inspired by a design found on Freepik

➡️post is inspired by the original post as an idea to

create something new and different
➡️Using Photoshop and Illustrator


17/08/2025

🧠 كاش نهار جا في بالك بلي قادر يلعبولك عل مورال باش تشري؟
🔴 مالا بطبيعة الحال راهم يمارسو عليك بما يسمى بالتسويق العصبي
⬅️و جامي سقسيت روحك و قلت كيفش يخدم دماغي!
✅️مالا ارواح نقلك كيفش يخدم دماغك ( حنا نشوفوك كمستهلك)
🔹العلماء لقاو بلي الدماغ فيه 3 أجزاء رئيسية يخدمو كي يتلقى مخك أي إعلان:
✅️الدماغ الجديد (Neocortex)
هو لي يحلل المنطق: السعر، الجودة، المميزات.
⬅️ يعني هنا الزبون يقول: "اسك هاد تلفون عندو كاميرا مليحة؟"
✅️الدماغ الأوسط (Limbic system):
هو لي يتحكم فالمشاعر والعواطف ❤️.
⬅️ مثلاً إعلان يوري عائلة سعيدة ولا موسيقى حنينة، الدماغ الأوسط يقول: "تسما هاد المنتج راه مخلي لافامي فيري هابي!"
✅️الدماغ البدائي (Reptilian brain):
هذا أقدم جزء فالدماغ، يهتم بالحاجات الأساسية: الأمان، البقاء، المتعة 👀.
⬅️مثلاً إعلان فيه أكل سخون وداير بخار… الدماغ البدائي يقول: "جعت نروح نشري و ناكل كيما نودلز يميي ".
🔑 النتيجة: الزبون يظن راهو قرر بعقله، بصح القرار يجي غالبًا من المشاعر واللاوعي.
🔹راح تزيد تقول كيفش حتا شركات يتحكموا فينا؟
✅️اللعب على الألوان 🎨:
⬅️الأحمر = إثارة، استعجال (كلمة "تخفيضات" غالبًا حمراء).
⬅️الأزرق = ثقة وهدوء (بنوك ومؤسسات مالية).
⬅️الأخضر = طبيعة وصحة (منتجات بيولوجية).
👉 دماغك يربط اللون بالمعنى بلا ما يفكر.
✅️القوة تاع الصور 👁️:
⬅️صور وجوه سعيدة تخلي المستهلك يربط العلامة بالفرح.
⬅️صور أطفال تولّد عاطفة الحنان.
⬅️صور أكل "فاست فود" 🍔🍟 تخلي اللعاب يسيل.
✅️الموسيقى والأصوات 🎶:
⬅️موسيقى سريعة فالمول = تخليك تمشي وتستهلك أسرع.
⬅️موسيقى هادئة = تخليك تبقى أطول وتشري أكثر.
✅️الروايح 👃:
⬅️محلات المخبوزات يعمرو المكان بريحة الخبز باش الزبون يتشهى.
⬅️محلات الملابس تستعمل عطور خفيفة تزرع الإحساس بالفخامة.
✅️التكرار والتأثير اللاواعي 🔁:
الإعلان لي يتعاود بزاف يعلق فالذاكرة بلا ما تحس.
⬅️ كيما الجملة الإشهارية لي تلقى روحك ترددها وانت تغسل الصحون 😅.
✅️الندرة (Scarcity) ⏳:
عبارة "آخر قطعة" ولا "العرض محدود" تنشط الدماغ البدائي: الخوف من الفقدان.
✅️السوشيال بروف (Social proof) 👥:
⬅️كي يوريولك "90% من الناس اختارو هذا المنتوج"، دماغك يقول: "ما نحبش نكون مختلف، نختار كيفهم"
🔹ايا و هادو صوالح قاع وين نقدرو نلقاوهم؟
✅️الحوانت: الروائح، الموسيقى، توزيع السلع (يخلوك تدور بزاف باش تشري أكثر).
✅️المواقع الإلكترونية: لون زر الشراء، موقع الصور، العبارات القصيرة كيما "اشترِ الآن".
✅️الإعلانات التلفزيونية: مزيج صور + موسيقى + قصة قصيرة مؤثرة.
✅️السوشل ميديا: محتوى بصور بشر، قصص مؤثرة، ألوان صارخة.
🔹و زعما هاد النوع من التسويق اخلاقي؟🤔
✅️صح التسويق العصبي يبان حاجة خطيرة بزاف، بصح بزاف باحثين يقولك:
⬅️ يعتبر تلاعب بالناس؟
⬅️ اسك عندو حدود؟
⬅️ولا الشركات رايحة تولي تعرف رغباتنا أكثر منا؟
🔴 مالا نتا عزيزي المستهلك كونك واعي باش متكونش روبوت مبرمج تتحكم فيه الشركات
🎯 و نزيدك التسويق العصبي مشي مجرد "بيع ذكي"، هو فن يدخل للذاكرة، للمشاعر وحتى للغريزة.
✅️ الزبون يظن راهو يقرر بحرية، بصح في الواقع؟ الدماغ تاعو راهو يلعب معاه لعبة كبيرة، والشركة هي لي تحرك الخيوط 🎭.

و الله غير كارثة يجب إعادة النظر مع أصحاب الخواص ليوم هكذا و غدوا العلم لله رحم الله من توفى و ربي يصبر عائلاتهم ☹️💔
15/08/2025

و الله غير كارثة
يجب إعادة النظر مع أصحاب الخواص ليوم هكذا و غدوا العلم لله
رحم الله من توفى و ربي يصبر عائلاتهم ☹️💔

15/08/2025

😏 "ايماجيني برك ايماجيني تدخل للحانوت اسك تشري بسكو الديكور شباب؟"
✅️ مالا اجي نقلك بلي راه كاين نوع من التسويق يقدر يسيطر عليك وانت ماكاش داري
🎯لي هو التسويق الحسي: هذا هو الفن لي يخليك تحس بالبراند قبل ما تشريه، ويخلي عقلك يقول "ياو ادينييييي" حتى ولو جيبك يقول "ربي يستر" 💸😂.
📌 كي نقولو التسويق الحسي نقولو تان: انو الشركات تستعمل الحواس الخمسة (البصر، السمع، الشم، اللمس، الذوق) باش تخليك تتأثر وتقرر تشتري بلا ما تحس.
⬅️يعني، مشي غير عقلك لي يخدم، حتى أنفك، ودانك، وعينيك، وحتى معدتك يدخلوا فاللعبة 🍔👃👀.
💡 و على فكرة انو التسويق الحسي فيه بزاف طرق لي هي الحواس الخمس:
1️⃣ التسويق البصري (Visual Marketing) 👀
⬅️الألوان، الإضاءة، التصميم، وحتى شكل المنتج والتغليف.
⬅️ مثال: مطاعم الوجبات السريعة تستعمل الأحمر والأصفر باش يفتحو شهيتك.
⬅️زعما مشي صدفة كي تروح للمول وتلقى ستاند وردي حنين، هذا مخطط باش عينيك تحبو قبل قلبك.
2️⃣ التسويق السمعي (Auditory Marketing) 🎵
⬅️الموسيقى أو الأصوات الخاصة بالبراند.
⬅️مثال: صوت شعار "نتفليكس" 🎬 أو موسيقى معينة في المحلات تخليك تحس بالراحة وتطول في التسوق (وتصرف أكثر 💸).
3️⃣ التسويق الشمي (Olfactory Marketing) 👃
⬅️الروائح المدروسة باش تثير مشاعر معينة.
⬅️مثال: محلات الملابس لي دايما ريحتهم فريش وباردة، أو مقهى ستاربكس لي الريحة تاع القهوة توصلك قبل ما تدخل.
4️⃣ التسويق اللمسي (Tactile Marketing) ✋
⬅️الملمس تاع المنتج أو التغليف.
⬅️مثال: علب الشوكولا الفخمة تكون ثقيلة وناعمة باش تحس بالقيمة.
5️⃣ التسويق الذوقي (Gustatory Marketing) 😋
⬅️تذوق مجاني للمنتج قبل الشراء.
⬅️مثال: السوبرماركت لي يعطيك قطعة جبن أو شوكولا باش تجرب، وبعد تلقى روحك شاري الكيلو كامل.
🎯 بصح علاش وين نروح نلقاه مالغري منكونش علابالي بلي هدا هو اسمو الاكاديمي؟
⬅️يخلي البراند يبقى في ذاكرتك أطول.
⬅️يخلق ارتباط عاطفي وحسي بالمنتج.
⬅️يزيد احتمالية الشراء بلا ما تحس.
⬅️يقدر يفرق بينك وبين المنافسين حتى لو نفس السعر.
😂 نقولوه عن طريق متحبوش الزوالي يبان
✅️التسويق الحسي هو كيما كي تدخل للبولونجي باش تشري خبزة، تشم ريحة الكرواسون، تشوفو يلمع، تحب تذوقو يمدلك تذوق منو تسمع القرشمة لي فيه.... وفجأة تخرج بصاشس معمرةةةة وتقول "وش داني نشري؟" 🥐💸
🔴 اهبط للكومنت نزيدلك حاجة

13/08/2025

🚪 ابماجيني تدخل لحانوت، تقول غير نشوف و نخرج…
يجيك سي خونا يقلك: "ذوق هذي القطعة شوكولا، ماشي للبيع… للمعرفة برك" 😏
أنت ذوقت، عينيك برقت، ايا و حسيت بدوبانين وصل للفوق و يااااا يدك بدات تدخل للجيب هيهيهي 🍫💸
✅️ هادي الحالة نسموها التسويق التجريبي، يخليك تشتري بلا ما يحسسك أنك تشري. ومعنى آخر يخليك تتحسس للمنتج قبل ما تشريه… ولما الإحساس يدخل، القرار يجي وحدو.
✅️ انا ك شركة ولا حبيت نكون شركة ناشئة علاش نخير هاد نوع من التسويق:
⬅️الشركات لي تستعمل التسويق التجريبي غالبًا تزيد
⬅️نسبة الاحتفاظ بالزبائن (Customer Retention).
⬅️الدراسات تبين أن الزبون كي يعيش تجربة حسية أو افتراضية، نسبة تذكرو للبراند توصل حتى 70% مقارنة بـ 30% في الإعلانات العادية.
✅️ بصح يجيك سؤال كيفش نقدر نستعملو و انا منعرفوش مالا اجي نقلك بلي فيه 4 أنواع و هادو الأنواع على حساب نتا وش عندك كمنتج ولا خدمة ولي هي:
⬅️التجربة الحسية الواقعية: كيما محلات الشوكولا لي يمدولك قطعة قبل ما تشري 🍬.
⬅️الواقع الافتراضي (VR): تدخل عالم رقمي تعيش فيه المنتج، كيما تجربة قيادة سيارة وأنت جالس في معرضها 🚗.
⬅️الواقع المعزز (AR): يكون من خلال تلفونك لي نعار كامل شادو فيدك، تشوف كيف يبان البرودوي في حياتك، كيما تطبيقات الأثاث (تجرب الكنبة في صالونك قبل الشراء 🛋) كيما لوغو كي ديرو في موكاب.
⬅️الأحداث الحية (Live Events): مهرجانات أو عروض تفاعلية يخليو الناس يجربو المنتج وسط جو مرح 🎉.
😎 علاش هاد النوع يعتبر من اقوى أنواع التسويق
⬅️يخلي الزبون يحس أن المنتج عنده قيمة حقيقية، مش مجرد صورة.
⬅️يخلق رابطة عاطفية بين المستهلك والبراند.
⬅️ يزيد الإقناع لأن القرار مبني على إحساس وتجربة، مش على كلام فقط.
📌 مثال صغير:
في فترة من فترات طلقت شركة ناشطة تطبيق تجريبي الهدف تاعو الأول هو تعرف بالتطبيق و كلش و الهدف الاساسي وراء هدا انو تمد للمستخدم تجربة باش يعاود يستخدمو فل إطلاق الرسمي ليه
💬 نقردرو نقولو انو في التسويق التجريبي، ما تبيعش "الشيء"… تبيع القصة، الإحساس، والذكرى.
الزبون ينسى الإعلان، بصح ما ينساش التجربة ❤️‍🔥.

11/08/2025

🎯 بوث، راني باغي نبيع برودوي جديد
بصح.....
مازلت ما قررتش واش ندير فالطريقة تاع العرض؟
✅️ تسويق المنتج او بالأحرى طريقة ترويج للبرودوي تاعك ماشي "تصور، تحط الصورة، وتستنى" 😎
لاااااا…
✅️راه كاين حاجة اسمها Storytelling، يعني تبيع القصة قبل البرودوي ❤️‍🔥
✋ قبل ما تحكي القصة، سقسي روحك:
🔹 الزبون يعرفك ولا راك جديد عليه؟
🔹 البرودوي فيه حاجة تخليه مميز؟
🔍 في عالم التسويق، كاين بزاف قصص سوا خيالية سوا واقعية تقدر تستوحي منها فكرة القصة تع منتج ، بصح نخليك مع 4 كبار كيما فرقة الراب تاع القصص:
🎯 1. قصة البداية
⏩ تحكي كيف جاتك الفكرة، والمشاكل لي واجهتك، والعرق لي طاح باش توصل.
الناس تحب تحس بالجهد لي ورا البرودوي 💪
🎯 2. قصة الزبون
⏩ تحط الزبون في الفيلم: كيفاش كان قبل، واش تبدّل بعد ما استعمل البرودوي.
كي يشوف روحو فالحكاية، يكراشي فيك 😅
🎯 3. قصة الإلهام
⏩ تربط المنتج بقيمة ولا حلم كبير: الحرية، النجاح، اللمة…
كيما Nike تقولك "Just Do It" وانت تقول "علاه لا؟" 😂
🎯 4. قصة التحويل
⏩ توري التغيير الواضح قبل وبعد.
مثال: صورة شعر قبل الشامبو وبعدو… حتى الكلب تاع الجيران يشريه 😏
🤔 تقولّي: "بوث، بصح نقدر نستعمل قصتين ولا ثلاثة في نفس الوقت؟"
نقولك: إييه… كيما الكسكسي باللحم والحمص، المزيج يزيد يشهي ❤️
✅️ كمعلومة نزيدهالك انو قوة الـ Storytelling في التسويق:
⬅️يبدل المنتج من حاجة عادية لحاجة عندها روح.
⬅️يخليك تشوف قيمته بعينيك وقلبك، مش غير بمحفظتك.
⬅️يربطك بيه عاطفياً حتى تولي تفتخر بيه قدام صحابك.
🔴 اهبط للكومونتار نزيد نقلك حاجة

رحمك الله يا غالي انا لله و إنا إليه راجعون 🤲
10/08/2025

رحمك الله يا غالي
انا لله و إنا إليه راجعون 🤲

10/08/2025

✅️ الخوارزميات و التسويق بالمواقع التواصل الاجتماعي
📌 التسويق + الخوارزميات = القوة لي يحتاجها المسوق على السوشل ميديا
✅️اليوم أي براند ولا بزنس حاب ينجح على فيسبوك، إنستغرام، تيك توك، يوتيوب... لازم يفهم كيف الخوارزميات تخدم.
🔍 الخوارزميات واش تدير؟
هي أنظمة ذكية في كل منصة، تقرر واش يبان للناس وواش يبقى مخفي. ما تعرضش المحتوى عشوائي، بل على حسب:
• التفاعل: عدد اللايكات، التعليقات، المشاركات، المشاهدات...
• الوقت: هل الناس بقاو يتفرجو بزاف في الفيديو ولا خرجو بعد ثانيتين؟
• الاهتمامات: المنصة تعرف واش تحب تشوف (بالاعتماد على تاريخ مشاهداتك وتفاعلاتك).
💡 وين يجي دور التسويق؟
المسوق الشاطر يكيف محتواه باش يتماشى مع الخوارزمية ويخليها تخدم لصالحه:
• يدير محتوى قصير، جذاب يخلي الناس يبقاو متشوقين.
• يستعمل كلمات مفتاحية وهاشتاغات باش يبان في البحث والصفحات المقترحة.
• يختار أوقات النشر لي يكون فيها الجمهور أكثر نشاط.
• يخلق تفاعل حقيقي مع الجمهور (أسئلة، استطلاعات، ردود سريعة).
📈 نجيبو مثال من الواقع و نقولو انو:
✅️تيك توك مثلاً عندو خوارزمية تعتمد بزاف على الRetention Rate (النسبة المئوية للمدة اللي الناس تكمل الفيديو فيها). إذا الناس شافو الفيديو كامل، الخوارزمية تزيد توزعو على جمهور أكبر
🎯 كمعلومة تان:
✅️الخوارزميات هي “حارس البوابة” في السوشل ميديا.
✅️ إذا فهمت كيف تخدم، التسويق تاعك ماشي غير يوصل لجمهورك الحالي، بل يوصل حتى لناس ما يعرفوكش أصلاً، وهذا هو سر النمو السريع.

🧠💼 "تسويق والذكاء الاصطناعي؟ وش دخل ذكاء الاصطناعي فالتسويق!"كي نجو نقولو ذكاء الاصطناعي نقولو برمجة. كي نقولو برمجة نق...
08/08/2025

🧠💼 "تسويق والذكاء الاصطناعي؟ وش دخل ذكاء الاصطناعي فالتسويق!"
كي نجو نقولو ذكاء الاصطناعي نقولو برمجة. كي نقولو برمجة نقولو خوارزميات و مواقع التواصل بكل أنواعها مبرمجة على شيء و فيها خوارزمية معينة و لي تقدر تشوفو كأنو ذكاء اصطناعي مالا اجي معايا نشوفو
🧐 "ونتا في ميزك التسويق غير بوست فالفيسبوك وهاشتاغ فالستوري؟"
نونو لالا مآااااه، راه كاين ما يسمى بالتسويق بالذكاء الاصطناعي... يعني راك ماشي تسوّق، راك تخلي الروبو يسوّق بلا ما تتعب 😏
📱 الذكاء الاصطناعي دخل للسوق كما هاداك لي حاسب روحو فايق بكلش:
• يراقب الزبون
• يحلل وش راه يحب
• ويقترحلو البرودوي قبل ما هو يفيق واش راه حاب 😳
🛍️ ايماجيني تفتح عمك قوقل تروشارشي على متلا اسعار الحواسيب ولا كش حاسوب يكون بميزات ملاح، وبعد دقيقة يجيك إعلان في الإنستا على دي باج يبيعو الحواسيب!
اودي هادا مشي سحور... هادا AI راهو خدام على روحو 🔥
💡 وش يدير الذكاء الاصطناعي للتسويق؟
📊 1. تحليل البيانات
↪️ الزبائن راهي تدير لايكات، كومونتارات، وحتى وقت التصفح محسوب.
الذكاء الاصطناعي يحوس فالخلفية يقول:
"آه، هادا يحب تريكو من هاد النوع، مالا نبعثلو عرض كي يدخل اليوتيوب"
📩 2. إرسال الإيميلات في الوقت المناسب
↪️ مش كيما بكري وين تبعث للناس كامل فـ 8 الصباح 😴
درك AI يقولك:
"هادي تبان ناشطة مع القهوة تاع العشية، ابعثلها العرض في 16:32 بالضبط"
🤖 3. روبوتات الدردشة (Chatbots)
↪️ الزبون يكتب: "هلوووو، عندكم المقاس 38؟"
ويرد عليه الروبو:
"نعم، وعندنا عليه تخفيض خاص اليوم 😉"
🎯 4. توقّع المستقبل!
↪️ الذكاء الاصطناعي ماشي يقرأ الكف بصح يقدر يقولك: "هدا الزبون راهو على وشك يشري، ديرلو تخفيض يفرحو"
💥 التسويق + AI = قوة خارقة
يعني التسويق درك ولا كيف سبايدرمان، بصح الذكاء الاصطناعي هو البدلة التكنولوجية لي عطاهالو خوما توني ستارك 😎
التاجر لي يخدم بلا AI، راهو كيف الحطاب لي يخبط فالغابة بمنشار معطوب… يتعب بزاف وما يربحش

✅️و كمعلومة تان: ما تحقرش الذكاء الاصطناعي فالتسويق…
راهو ماشي جاي يسرق خدمتك، راهو جاي يزيدك فالفايدة!

06/08/2025

🎯 بوث راني باغي نخرج برودوي؟ بصح مازلت ما قررتش كيفاش نسعرو؟

آه خويا، تسعير المنتج ماشي "ندير فيه سعر من راسي وخلاص"!
لاااااااااااااااااااااا... راه كاين علم كامل عليه، نخدمو عليه بالعقل مشي بالعاطفة 😎
✋ قبل ما تخرج السعر، سقسي روحك:
🔹 هل المنتج تاعك جديد ومكانش كيفو؟
ولا كاين كيفو فالبلاد وبالزاف حتى تحشم تدخل بيه السوق؟
✋ بصح ماشي غير هاكاك!
كاين بزاف عوامل تدخل فالمعادلة… بحال السوق، التكلفة، المنافسة، وحتى الزبون واش مستعد يخلّص 💸
🔍 لوكان نروحو للماركوتينغ نلقاو الف طريقة و طريقة باش تسعر المنتج
🔴 بصح حنا نخليوك مع أربعة كبار كيما فرقة الراب تاع التسعير:
🎯 1. التسعير على أساس التكلفة:
تحسب شحال صرفت (المواد، الخدمة، الما والضو، حتى القهوة لي شربتها وانت تخدم)، وتزيد نسبة ربح.
⏩ كي تقولي: "هاذ السلعة خرجتلي بـ100 دج، نزيدلها 30% ونسومها بـ130 دج".
🎯 2. التسعير على أساس المنافسة:
تشوف شحال المنافس يسوم، وتقول: "أنا نزيد شوية باش نبان برستيج" ولا "نقص شوية باش نضرب فالراس" 🤭
🎯 3. التسعير على أساس القيمة:
هنا ما يهمكش شحال كلفك، تهمك القيمة فالدماغ تاع الزبون.
⏩ زعما الزبون يشوف منتجك ويقول: "واو، هذا يساوي الذهب!" 💎
إييه، ومن بعد تبيعلو بالسعر لي يشوفو يستاهلو.

🎯 4. التسعير على حسب تغير السوق:
⏩ كي السوق يطلع، نطلع معاه. كي يطيح، نطيح بشوية باش ننجّم.
يسمى ايضا بالسعر الديناميكي، ما يبقاش ثابت، كيف السلع فالأنترنت كي يديرو برومو ولا في رمضان 😅
🤔 تقولّي: "بصح هادو بلاك ميساعدونبش يا بوث!"
اهبط للكومونتار 📩 نزيدلك حاجة ❤️

05/08/2025

🧐 "نتا حسبالك غير أرواح و أطلق البرودوي؟"
لا خويا، الدنيا ماشي هكا... قبل ما نطلقو أي منتج، لازم نخدمو شوية عقل، ماشي غير قلب! ❤️‍🔥
📊 لازم دراسة سوق، باش نعرفو السوق واش راهو طالب، الزبون واش راهو حاب، والمنافس واش راهو داير. وبعدها نروحو نختارو الإستراتيجية الصحيحة باش نخرجو بالبرودوي كي لعريس واجد للعرس 😎
📦 وهاكم 4 طرق باش تخرج بيهم برودوي للسوق:
1️⃣ منتج جديد في سوق جديد
↪️ فيها شوي ريسك بصح مربحة كي تكون دارس السوق مليح، كي شغل دير مشروع ولا ستارت اب في منطقة ما فيهاش منافسة.
2️⃣ منتج جديد في سوق حالي
↪️ متلا كي تفتح قهوة جديدة فيها ديكور متختلف و قهوة ببنة ماشي نورمال 🥰فوسط القهاوي ( راكم تعرفوهم)… لازم يكون عندك سبب يخلي الزبون يجربك.
3️⃣ منتج معدل في سوق حالي
↪️ يعني نفس البرودوي بصح طوّرت فيه شوية، تقدر متلا قاطو خرجتو بنكهة جديدة 😅
4️⃣ منتج حالي في سوق جديد
↪️ كي تدي الكسرة تاعنا ل سويسرا متلا وتقولهم جربوها مع حوت السالامون"، نفس المنتوج بصح مع ناس جداد.
👀 تقولي واش دخل هذا فالتسويق؟
اجي نقلك مالا
✅️ التسويق هو المخ وراء كل برودوي… كيفاه توزعو، كيفاه تروّجلو، كيفاه تلبسلو كرافاطة قدام الزبون 😌
لأنو كل سوق عندو طريقة تعامل، والبرودوي لازم يتماشى مع طبيعة السوق المستهدف.
🎯 يعني التسويق ماشي غير منشور في الفايسبوك( كينا ني ندير انا 🥹)… راهو استراتيجية، تموقع، فهم عميق للمستهلك، ومعرفة وقتاش تقول "هاك البرودوي لي تحتاجو من زمان وانت معلابالكش!" كي شغل راني باغي حاجة بصح معلاباليش وشنو هي 🥹

🧐 زعما تشري حاجة غير كي تعجبك؟آه يا جزايري كحل راس 😂، قبل ما نحكو على الجودة، لازم نحكو على أول حب من النظرة الأولى 😍(أق...
04/08/2025

🧐 زعما تشري حاجة غير كي تعجبك؟
آه يا جزايري كحل راس 😂، قبل ما نحكو على الجودة، لازم نحكو على أول حب من النظرة الأولى 😍
(أقصد أول مرة تشوف فيها المنتج فالفترينة ولا فالإنستغرام😒)
📊 في حياتنا كمستهلكين، عندنا 4 أنواع من العلاقات مع المنتجات:
• 💔 جودة قليلة وسعر قليل: ماشي مشكل، نخدم بيها مرة ونرميها
• 🤑 جودة عالية وسعر عالي يا خويا نخلصها مهم نرتاح
• 😭 جودة قليلة وسعر عالي هنا تحس روحك حشاوهالك
• 🥹 جودة عالية وسعر قليل تلقاها مرة في العمر… وكي تلقاها، تشري زوج
كاين معلومة نزيدهالكم: كاين بعض المنتجات متحتاجش جودة باش تتباع فل مارشي و ماشي شرط تكون ماركة تعها معروفة ولا شابة لأنها ببساطة تشبع الحاجات لي مندولهاش حنا البال
💭 بصح علاش نديسسديدي ندي المنتج؟
• 👛 على حساب الميزانية؟
• 🛠️ على حساب الحاجة؟
• 💅 ولا حاجة كمالية باش نبان شابة في ستوري؟
يعني نتا ونيّتك 🙃
✅️ و لوكان نجو نهدرو عل جودة و وش دورها فالتسويق راح تعرف بلي الجودة كي تكون شابة، ما تحتاجش تخسر دراهمك عل اشهار
الناس تهدر عليك بلا ما تقولهم:
"شريت من فلان، ما شاء الله!"
"منتج واااعر، لازم تسييه!" 🔥
هادا هو أقوى تسويق:
الهدرة بالفم – Word of Mouth 👄
و نزيدكم حاجة!
تختلف الجودة باختلاف المنتج
لاب توب ماشي كيما كيلو طعام 🙄
وأخيرا ماشي كل حاجة تشوفها تديها… بصح كي تكون الجودة شابة والسعر يعاون، قلبك يتقلب وتقول: غير نتي لي نديك❤️

Adresse

El Affroun
9011

Site Web

Notifications

Soyez le premier à savoir et laissez-nous vous envoyer un courriel lorsque The algerian marketing publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à The algerian marketing:

Raccourcis

Partager

Type