Cooking with youya

Cooking with youya Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Cooking with youya, Jijel.

27/11/2025

بيتزا كاري نكهة تشهي وتدي العقل😍🍕

المقادير وطريقة التحضير:
نحطو مغرف كبيرة خميرة وكأس حليب دافئ ومغرف كبيرة سكر ونص مغرف كبيرة ملح وربع كأس زيت ونضيفو الفرينة تدريجيا ونلمو حتى تولي عجينة طرية نخليوها تخمر ومن نفتحوها متوسطة في صينية الفرن الا كنت دهنتو بزيت ومن بعد نحطو صلصة طماطم والطون والزيتون والفرماج وندخلوها طيب في فرن يكون سخون
صلصةً الطماطم :
نقطعو 3حبات صغار طماطم الا كنت قشرتهم وزدت فوقهم زيت الملح وشوية سكر ونص مغرف كبيرة طماطم مصبرة والثوم ونخليوهم يتقلاو مليح على نار تكون هادئة ومن بعد نزيدولها شوية ماء ونخليوها طيب ومن بعد نريحيها
وبصحتكم 😍

25/11/2025

خبيرات بزيتون عجينة هشة وسهلة التحضير 😍✨

المقادير وطريقة التحضير:
نحطو 4كيسان فرينة ومغرف ونص سكر ومغرف ونص خميرة الخبز ومغرف كبيرة ملح وربع كأس زيت نخلطوهم ومن بعد نزيدو الماء دافىء تدريجيا حتى تولي عجينة طرية نخلوها تخمر وبعد ماتخمر نقسمو العجينة الى كريات الحجم كما تحبو ونشكلوهم ومن بعد نخلوهم يخمرو ومن بعد نزينوهم بزيتون وندهنوم بالبيض وندخلوهم يطيبو في فرن يكون سخون حتى يتحمر وبصحتكم 😍✨

24/11/2025

سلق بالصوص بنينة وسهلة😍✨

المقادير وطريقة التحضير:
نجيبو شوية ثوم مع زيت ونزيدولها نص مغرف كبيرة طماطم مصبرة ونقليوها مليح ومن بعد نزيدو حبة طماطم مرحية والملح نخلوها تتقلى مليح ومن بعد نزيدو توابل الا تحبو والماء ونخلوها طيب على نار هادئة
ومن بعد نجيبو سلق الا يكون مقطع رقيق ومغلي ومصفي من الماء خلاص نضيفولو شوية ملح والتوابل وحبة بيض و2مغارف كبار فرينة واللحم مرحية او دجاج ونخلطو كلش من بعد نشكلوهم كريات ونغمسو الكريات فالفرينة ونحطوهم يتقلاو في زيت سخون حتى يتحمرو على نار هادئة ومن بعد نحيوهم ونحطوهم فالصوص ونخليوهم يعقدو وبصحتكم ✨😍

23/11/2025

✨ “لامونا بالليمون… البنة لي تنعش نهارك!

المقادير وطريقة التحضير:
نجيبو 500gفرينة ونص كأس ماء ونص كأس سكر ونص كأس زيت ونص كأس عصير الليمون و3مغارف صغار خميرة الخبز ومغرف صغيرة ملح وحبة بيض ومبشور الليمون نحطوهم كامل يتخلطو حتى تولي عجينة طرية ونخلوها تخمر ومن بعد نقسموهم الى كريات صغار ونجيبو المول الا ندهنوه بالمارغارين ونفتح الكريات كما موضح فالفيديو ونشكلوهم كامل ونخلوها تخمر ومن بعد ندهنوها بحبة بيض وندخلها الفرن طيب وتتحمر ونخرجوها وهي سخونة ندهنوها بالعسل وبصحتكم 😍✨

21/11/2025

🍃 شربة فريك خفيفة وسهلة

المقادير وطريقة التحضير:
نحطو لحم في شوية زيت وحبة كبيرة بصل مسكرفجة وثوم نقليوهم مليح ومن بعد نزيدو حبة طماطم مسكرفجة ونقليوها ونزيدو الملح والتوابل وماتكثروش بزاف توابل ومن بعد نزيدو نص مغرف طماطم مصبرة ونقليوها مليح ونضيفو فلفل حار ونمرقو بالماء سخون نخليو اللحم يطيب شوية ومن بعد نزيدو الفريك الا كنت شللتو مليح ونخلوه يطيب مليح ومن بعد نزيدو شوية حمص وكي طيب ويتختار مليح نطفيوه وبصحتكم 🤭✨

20/11/2025

موسكتشو يومي بنين وساهل فاتحضير 🤭✨

المقادير وطريقة التحضير:
نحطو 4حبات بيض وكأس ناقص صبع سكر ورشة ملح ونخلطو حتى يضاعف الخليط ويولي ابيض ونزيدو كأس زيت ونخلطو تدريجيا ونزيدو كأس حليب دافئ ونخلطو ونزيدو 2اكياس خميرة الحلوى و3كيسان فرينة ونخلطو حتى يولي الخليط شويةثقيل ومن بعد نحطو شوية من الخليط في صحن ونزيدولو مغرف كبيرة كاكاو ونخلطو ومن بعد نجيبو المول ونبقاو نحطو طبقة بطبقة كي نكملو نخلطو الخليط ونحطوه يطيب في فرن يكون سخون وبصحتكم

19/11/2025

بيتزا رولي بعجينة خفيفة وسهلة 😍✨

المقادير وطريقة التحضير:
نحطو كأس حليب دافئ ومغرف كبيرة خميرة الخبز ومغرف كبيرة سكر وحبة بيض و2مغارف مارغارين و2مغارف زيت نخلطهم ونلمهم بالفرينة مع نص مغرف كبيرة ملح ونص باكي خميرة الحلوى نخليها تخمر ومن بعد نحلها مستطيل ونحط صلصة الطماطم والطون والزيتون والفرماج الحشو اختياري ونذهنهم بالبيض وندخلهم يطيبو في فرن ساخن
صلصة الطماطم :
حبة صغيرة بصل نزيد 2حبات زرودية مبشورين وثوم مبشور وطماطم مبشورة ونحطهم يتقلاو ملح وتوابل ومغرف طماطم مصبرة ومن بعد نمرقها بنص كأس ماء سخون ونخليها تنشف مليح ونميكسيها وبصحتكم 😍🤍

17/11/2025

قراثان البطاط باللحم المفروم مفرمجة وتذوب فالفم😍✨

المقادير وطريقة التحضير:
نقطعو البطاط مكعبات ونحطوها تتقلى شوية ومن بعد نقطعو البصل ونضيف الملح ونخلوه يذبل شوي ونضيف التوابل واللحم المفروم ونحرك ونخلي اللحم يتقلى مليح ومن بعد نحضرو البيشاميل ونحطو 500 مل حليب في كسرونة ونزيدو 2مغارف كبار فرينة وملعقة كبيرة مارغرين ونخلطو كلش ونضيف الملح وتوابل ونخلو البيشاميل يعقد مليح ونطفي عليها ومن بعد نضيفو البيشاميل مع اللحم ونخلطو كلش ومن بعد نحطو البطاط في صينية الفرن ومن فوق الخليط والبطاط والفرماج وندخلوه يتحمر وبصحتكم

16/11/2025

لوبيا تفصاص بنينة وبطريقة بزاف ساهلة 😍✨

16/11/2025

خبيزات محشيين وخفاف 😍✨

المقادير:
كأس حليب دافئ
ملعقة صغيرة سكر
ملعقة صغيرة خميرة
ملعقة صغيرة ملح
الفرينة

11/11/2025

مسمن مقرمش وبطريقة سهلة ✨😍

نحطو 3كيلات سميد رطب وكيلة فرينة ونص مغرف كبيرة ملح ومغرف كبيرة سكر ونحلطو كلش ونضيفو الماء دافىء تدريجيا حتى تولي عجينة طرية بزاف وتلسق فاليد نخلوها ليلة كاملة فثلاجة ترتاح ومن بعد نعجنوها ونديروها كريات ونشكلوها كما موضوح فالفيديو وبصحتكم✨

11/11/2025

الطبخ في المطبخ هو لغة حُبّي
🥧😌🍪👩🏻‍🍳

Adresse

Jijel

Site Web

Notifications

Soyez le premier à savoir et laissez-nous vous envoyer un courriel lorsque Cooking with youya publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Cooking with youya:

Raccourcis

Partager