Smarthink Agency

12/05/2025

Amar Chaouch

30/04/2025

20/03/2025

سيدنا ♥️محمد♥️ ﷺ.
ليلة جمعة وليلة وترية من الأواخر
فاكثروا من الصلاة على حبيبنا المصطفى

20/03/2025

واستند فقهاء إلى ما نقل ابن رجب الحنبلي (رحمه الله) عن ابن هبيرة (رحمه الله): "وإن وقع في ليلة من أوتار العشر ليلة جمعة، فهي أرجى من غيرها". وله "إذا وافقت ليلة الجمعة إحدى ليالي الوتر من العشر الأواخر، فهي أحرى أن تكون ليلة القدر

اللهم إن كانت هذه الليلة ليلة القدر فأرفع أسماءنا في صحائف العُتقاء من النار ،ووالدينا وأهلنا وأحبابنا
اللهُم إننا نستودعُك أدعيِة فاضت بها قلوبنا فإستجبها يارحيم يارحمن ا
للهم أجعلنا من الذين تدبر فرحتهم في السماء الآن و أمانيهم أوشكت أن تكون انك علي كل شئ قدير.
ياأرحم الراحمين ياأرحم الراحمين ياأرحم الراحمين
ياذاالجلال والإكرام ياذاالجلال والإكرام ياذاالجلال والإكرام
ياحي يا قيوم برحمتك نستغيث

21/02/2025

علاش الهوا لي يخرج من فمك يجي بارد.. و خطرات سخون ؟

كي تنفخ على يديك بفمك مفتوح.. الهوا راح يخرج سخون.. بصح كي تدير فتحة صغيرة بشواربك وتنفخ مثلا على العدس السخون.. راح تحس بالهوا بارد..

السبب في هذي الظاهرة هو الحمل الحراري (Convection).. كي يكون المخرج (فمك) واسع.. الهوا راح يخرج بنفس الحرارة لأنو الضغط ما يتغيرش بزاف.. بصح كي يكون المخرج ضيق.. الضغط راح ينقص والهوا يتمدد.. وهذا اللي يخليه يبرد و تحس بيه بارد.. (راني نشوف فيك تجرب فيها 😂)

غالبا الهوا لي يخرج من الفم يكون بدرجة حرارة الجسم الطبيعية ولا درجة حرارة الجسم من الداخل.. جاية ثابتة حوالي 37 درجة.. بصح تختلف في الحالات المرضية..

21/02/2025

إن في دوام الذكر في الطريق والبيت والحضر والسفر والبقاع تكثيراً لشهود العبد يوم القيامة، فإن البقعة والدار والجبل والأرض تشهد للذاكر يوم القيامة، قال تعالى: {إذا زلزلت الأرض زلزالها * وأخرجت الأرض أثقالها * وقال الإنسان ما لها * يومئذ تحدث أخبارها * بأن ربك أوحى لها} فروى الترمذي في جامعه من حديث سعيد المقبري عن أبي هريرة قال: «قرأ رسول الله صَلَّى اللهُ عَلَيْهِ وَسَلَّمَ هذه الآية: {يومئذ تحدث أخبارها} فقال: أتدرون ما أخبارها؟ قالوا: الله ورسوله أعلم، قال: فإن أخبارها أن تشهد على كل عبد أو أمة بما عمل على ظهرها، تقول: عمل يوم كذا كذا وكذا» قال الترمذي: هذا حديث حسن صحيح.

04/02/2025

فرنسا قرابة قرنين تسرق في الجزائر، وكي جات خارجة، عذرا كي طردناها، ما شبعوش. باش تقدر تسرق تاريخ بلاد كومبلي خصك تكون سراق كبير ومكانش سراق محترف كيما فرنسا لي هي اصلا مبنية على السرقة من افريقيا والمستعمرات، تا منتخبهم الوطني سارقينو كلهم افارقة، بصح كيفاش تقدر تسرق تاريخ بلاد؟

في عام 1961، بدات القصة كي لاحظ المجاهد عبد الكريم بجاجا وثيقة غريبة في الأرشيف الوطني. هو في الحقيقة ماشي مجاهد، مي تعمدت نقولو مجاهد لأنو كيما المجاهدين دافعوا على أرضهم، هو دافع على جزء من تاريخ بلادو وقدر يكشف سرقة كبيرة .. سنة 1974، كمل قرايتو، وكانت أول دفعة خرجتها الجزائر مختصة في الأرشيف. في مركز قسنطينة بالذات لي كان المدير نتاعو، لقى وثيقة تبين كامل الوثائق اللي هربتها فرنسا، وخلاها المسؤول اللي كان قبلو، "آلان إيرلاند براندبيرغ"، لسبب ما. الوثيقة كانت تحمل تفصيليا عملية السرقة اللي دارتها فرنسا، كامل الليل كانت شاحنات عسكرية فرنسية تدخل وتخرج من مبنى الأرشيف في الجزائر العاصمة، و كل بلاصة فالوطن تسرق وترحل الأرشيف الجزائري.

راك متخيل معايا؟ 600 طن من الوثائق الجزائرية - يعني تقريبا 200 ألف علبة - تم تهريبهم في الليل للباخرة وطارو لفرنسا! الوثيقة كانت تحتوي حتى على أسماء السائقين والماتريكيل. هذا الشيء ماشي غير أوراق عادية، راهو تاريخنا وذاكرتنا الوطنية، وتوثيق لجرائم الاستعمار وحتى وثائق ترجع للفترة العثمانية. باش تعرف أنو فرنسا ما ركزتش غير على المال، بل دارت عملية منظمة لجميع مراكز الأرشيف باش تسرق الأرشيف هذا لأنه ببساطة كان حيعرِّيها أكثر ما هي عريانة.

واش كان في هذا الأرشيف؟

وثائق السيادة: ملفات سرية على الحركى والمتعاونين.
معاهدات تاريخية: 59 اتفاقية بين الجزائر وفرنسا من وقت العثمانيين.
خرائط عسكرية: تبين القلاع والممرات اللي استخدمهم الأمير عبد القادر.

رسائل المنفيين: وثائق نادرة من كاليدونيا الجديدة، وهي جزيرة كانوا ينفو فيها الجزائريين. واحدة من الوثائق لي لقاوها كانت رسالة تحكي كيفاش نقلوهم في الباخرة في ظروف قاسية، ورماوهم في جزيرة ميعرفو لا لغتهم لا دينهم، وكيش حاولوا يهربوا. هاد الرسالة كانت من أحد الهاربين اللي وصل للحرم الملكي سنة 1298 هجري وبعثها للسلطان العثماني، وعرضوها مؤخرا في معرض عرض بزاف من تاريخنا

بعد الاستقلال، كي بدات الجزائر تطالب بأرشيفها، فرنسا قالت بلي هذا "أرشيف الحركة، قصدي السيادة" وما تقدرش ترجعو. تخيل شحال وجههم صحيح!

في الثمانينات، شكلوا وفدا واتفقوا على استرجاعه والمراحل وتفاهمو وثائق الحركة يخلوهم عندهم، ولكن كالعادة، رئيسهم دار خدمتهم المفضلة، وهي يكونوا قذريــ ــيين وما عندهمش الكلمة، ونقض الاتفاق وألغى العملية كاملة. من بعد، دخلت الجزائر في مرحلة التسعينات، وبعد ما فاتت تلك المرحلة، من 2002 للحاضر، وهما يحاولوا بشتى الطرق باش يرجعوا ولو شوية من الأرشيف.
المضحك أن الجزائر قدرت ترجع جزء منو بعدما عرضاتو فرنسا في مزاد علني للباحثين، وتمكنت الجزائر من الدخول فيه بطريقة غير رسمية وشراء أرشيفها بأموالها!

واش صرا مؤخراً؟
داروا مشروع رقمنة كبير للوثائق اللي قدرنا نحافظوا عليهم:

مكتبة رقمية: فيها 50 ألف وثيقة على المجاهدين.
تصوير 360 درجة: للمواقع التاريخية كيما قلعة بني حماد.
أرشيف صوتي: تسجيلات نادرة من أيام الثورة.

خاصنا نشكر عبد الكريم بجاجا اللي كان السباق في كشف هذه السرقة. لولا يقظته، لكان راح علينا بزاف من التفاصيل حول هذه العملية.

اليوم، كل جزائري لازم يعرف بلي جزء كبير من تاريخنا راهو محبوس في فرنسا، وهاد القضية ماشي غير أوراق قديمة، راهي قضية سيادة وطنية. والنضال باش نرجعوا هذا الكنز التاريخي مازال مستمر.

درس مهم: التاريخ ما يتحفظش غير في الكتب، راهو في كل ورقة وكل وثيقة من ذلك الوقت. وكيما يقول المثل: "لي ما عندوش ماضي، ما عندوش مستقبل".

وأهم درس: شحال ما كنت قـــ ـذر متقدرتش تفوت قــ ـــذارة فرنسا الا لا كان اسمك الكــ ـيان الصـــ ـهيوني، ورسالة لكل جزائري من الجيل الصاعد وش ما صرا متقبلش تكون جنسيتك فرنسية حتى لو خلصوك ماشي تروح تجري عليها .. وكي تهاجر هاجر لكل بقاع الارض الا هديك الارض الخبيثة منيش نحكي مع المهاجرين لانو اغلبيتهم معذورين وكل واحد وظروفو وماشي من حقنا نحكمو على اي شخص.

04/02/2025

البارطاج خاوتنا ممكن توصل للضحايا أو الشهود.
جماعة ، فليكسيلي ، وفارسيلي في بريدي موب ونحكي معاك بلاكام واغراءات التقسيط والقروض وغيرها. 👇
نداء الى الجزائريين من مجموعة الدرك الوطني بغليزان.

01/02/2025

01/02/2025

علاه كلما انذكرت مدينة "بومبي" المدمرة تحس بتساؤلات وفضول عليها؟!

خاطرش لي صرالها يشبه بزاف لقصص القرآن على الأمم لي نزل عليها عقاب، حكايتها تشبه لواش صرى لسدوم وعمورة وثمود ومدين مثلاً بطريقة غريبة (أقوام لوط صالح وشعيب عليهم السلام)

مدينة "بومبي" (في إيطاليا) فيها غموض مشي قادرين نستوعبوه لحدّ الآن رغم أن احداثها مسجلة وملموسة! وقبل ما ندخلو في قصتها، نقولكم بلي الصور الصادمة لي غادي تشوفوها من بعد حقيقية!

في عام 79م يعني بعد رفع سيدنا "عيسى" عليه السلام بـ 40 عام؛ كان كاين شاب سموه "بليني الأصغر" قاعد في بيت عمه .. البيت هذا جاي قريب من مدينة "بومبي" بمسافة كيلومترات ..

"بليني" كان راقد، حتى جا عمه فطنه وقاله بلي كاين دخان راه يطلع من جهة "بومبي" .. يروحو هو وعمه يجرو للشط لي مقابل المدينة باش يشوفو واش كاين، وشافو مناظر غريبة؛ سحب ثقيلة فوق المدينة مع دخان كبير، وجاي منها صهد كأنها تغلي

مور وقت رجعت هاذيك السحب كحلة قاتمة والنهار رجع ليل فالمدينة، "بليني" حسبها سحب مطر .. بصح في ذيك الدقيقة تفجر بركان من وسط المدينة وبدات حمم بركانية وأحجار تطيح من السما كالأمطار وسيول نارية تجري تحتها، وفي وقت قصير اتردمت "بومبي" تحت الرماد ورجعت خراب، ومابقى فيها حتى كائن حي، لا أطفال لا كبار لاحيوانات لا نبات، وكانو 20 ألف نسمة!

حتى عم "بليني" كي جرب يقدم باش يروح يسلك الناس من بعيد ما تحملش وطاح مات!

مور ما خلاصت هاذ الكارثة وطفى البركان والنيران وانكشرت السحب قرر بليني يدخل للمدينة ويشوف شا صرى .. وكانت الفاجعة:

الناس تحجرو ورجعو أصنام "حرفيًا" .. رجعو دُمى، الناس ما لحقوش حتى يتحركو وتجمدو في بلايصهم، حرفيًا رجعو حجارة وتماثيل وهوما واقفين ولا راقدين ولا يقضو في أمورهم، الناس هاذو فالشكل تاعهم كانو يبانو كلي حسّو بالإنفجار بصح ملحقوش يتحركو من بلاصتهم!

التفاصيل هاذي لي حكيناها كتبها "بليني" في رسائل بصح المؤرخين ماعطاوهاش اهمية ولا كشغل ما صدقوهاش، حتى فالقرن 18 اكتشفو علماء الحفريات واش وصف "بليني" بالضبط، وكانت الصدمة كي لقاو القوالب تع الناس لي تحجرو

علابالك واش الغريب فالموضوع؟! علماء الحفريات لقاو لوحات فنية مرسومة (عـ ـري وجنـ ـس وشـ ذوذ) ولقاوها سالمة مافيها والو، ماحكمتش فيها أي نار وماتغطاتش بأي رماد، بصح البشر لي حذاها محروقين ومحجرين!

وهذا يدّينا لسؤال؛ شا دارو هاذ القوم حتى ستاهلو هاذ العقاب الواضح لي نزل عليهم!؟ وواش كان في هاذ المدينة!؟

تأسست "بومبي" فالقرن الثامن قبل الميلاد، وبناوها فوق جبل سموه "فيزوف" .. المدينة هاذي كانت من أكثر المدن خصوبة فالزراعة وكانت محاصيلها هي الأفضل وكانت مدينة ماطرة .. والتطور الزراعي والنجاح تاعهم خلاهم يتطورو حضاريًا ثاني، خاطرش إقتصاد قوّي يعني ثراء .. مالا توجهو للفنون والمسارح والحفلات .. والموقع تع المدينة الحيادي خلاها تكسب سلام من الممالك لي حذاها كيما روما مثلاً .. يعني تخيّل مدينة بأرض خصبة وسماء ماطرة واراضي واسعة بمروج خضراء وزيد دراهم بزاف وحضارة وبنية تحتية شابة

الناس هاذو مابقاوش في مجال الزراعة برك .. تطورو ورجع عندهم ثراء وقوة اكثر وخلاو الزراعة للعبـ ـيد وهوما توجهو لتجارات أخرى .. ومن كثرة الغنى حتى العبـ ـيد كانو يجيبو لي يخدمو عندهم! منهم المهاجرين لي كانو يجوها من ڤع أوروبا ومتمنيين يعيشو في جنة الأرض هاذي

بصح هاذ الناس كانت عندهم مشكلة .. بل مشاكل، كوارث!

التكملة في التعليق الأول ⬇️

01/02/2025

قال الله تعالى في سورة البقرة، الآية 286: ﴿لَا يُكَلِّفُ اللَّهُ نَفْسًا إِلَّا وُسْعَهَا﴾.

تفسير ابن كثير:

ربي سبحانه يقوللنا بلي ما يفرضش علينا حاجة فوق طاقتنا.. مهما كانت.. يعني.. كل أمر أو نهي في الدين راه في حدود اللي نقدرو عليه.. هذا من رحمة ربي بينا وتسهيلو علينا..

بصح وش تعلمنا هاذ الآية؟

تعلمنا بلي ربي رحيم بينا وما يفرضش علينا حاجة منقدروش عليها.. يعني أي حاجة نواجهوها في حياتنا.. سواء كانت تكاليف دينية ولا ابتلاءات.. راهي في حدود قدرتنا..

و هذا يخلينا نثيقو في ربي نتوكلو عليه ونجتهدوا في طاعتو.. ونكونوا متأكدين بلي نقدرو نتجاوزو الصعاب بعون ربي وتوفيقو لينا..