حلويات تقليدية جزائرية

09/09/2025

ڨريوش معسل
المقادير
4 كيلات فرينة + كيس خميرة كيميائية + كيلة مارغارين ذايبة + ملعقة صغيرة خميرة الخبز + رشة ملح + حبة بيض + ملعقة كبيرة خل أبيض + ملعقة صغيرة فانيليا + ماء و ماء الزهر
طريقة التحضير
في إيناء نخلط جميع المكونات مع بعض و نجمع العجينة بالماء و ماء الزهر حتى نتحصل على عجينة طرية نغطيها و نخليها ترتاح مدة نصف ساعة بعد ما ترتاح نفتحها بلمشينة تاع لبقلاوة و نقطعها بشكل طولي 16×8 شكلوها كيما في الصورة و نقليها في زيت ساخن على نار متوسطة و بالصحة و العافية
منقولة لي الاستفادة

08/09/2025

#نصائح لنجاح المقروض
#مقروض المقلة 🍯

#الوصفة التقليدية الأصلية 💯👌
#أهم نصائح نجاح المقروط :

▪️الوصفة التقليدية تقول 3 كيلات سميد بومبي والا ربعة ممسوحين مع كيلة سمن تقدرو تخلطوها مع شوية زيت لانو الزيت يطم شوية لعجين
▪️الوصفة الأصلية مافيهاش بياض بيض لكنا نزيدوه باه نضمنو المقروط مايتفتحلناش ف المقلة كيما تقدرو تعوضوه بمعلقة أكل فرينة كيما تقدرو تستغناو عليه
▪️الدقيق المستعمل من أهم أسرار نجاح المقروط لازم يكون متوسط قريب من الخشين
▪️كاين لي يزدو ملعقة سكر للسميد انا نفضل مانزيدهاش هكذا المقروط ثم ثم يحمار بفعل السكر ويقعد من داخل عجين.

▪️يفضل تبسو الدقيق والسمن وتخليوهم يريحو ليلة كاملة نتحصلو على نتيجة أفضل
▪️العجينة لازم تتلم بأطراف الأصابع برك مالازمش تتعجن
▪️بعدما تشمخي العجينة خليها تريح شوية إذا لقيتها نشفت زيديلها الماء وماء زهر بويسك كاين دقيق يشرب ودقيق مايشربش
▪️كي تجو تقليو المقروط لازم الزيت يغطيه كامل ويفضل تقليو ف شبكة كيما نتاع لفريتوز ومالازمش تقيسوه بزاف ولا تقعدو تقلبوه والا يتفتح
▪️العسل لازم يكون بارد وماتضيفولو حتى حاجة (ماء زهر)

إذا تفتحلك المقروط في المقلة هاذا راجع ل :
❌ بسستيه بزاف لذا يجب احترام المقادير❌ ناقص ماء
❌ الزيت ماسخنتش مليح
❌ مالزمش تحركوه بزاف ولا تقلبوه
إذا جاك المقروط يابس هاذا راجع ل :
❌ الدقيق المستعمل رقيق ولا خشين وفيه الرقيق❌ ماشي مبسس لذا يجب احترام المقادير❌ عجنتيه لازم يتلم بأطراف الأصابع برك❌ كثرتيلو الماء."

08/09/2025

تشارك بدون حشو يذوب في الفم بنين بزاف🥰🥰🥰
المكونات:
250غ مارغرين
2صفار بيض
كاس سكر ناعم
نصف كاس جلجلان محمص او مرحي
نصف كاس كاوكاو محمص او مرحي
نصف كيس خميرة الحلوة
لفاني
ربع كاس ماء زهر
عطر الزبدة
طريقة التحضير
نخلطو المارغرين مع الجلجلان او كاوكاو نزيد عطر الزبدة مع لفاني او كاس سكر ناعم او نزيدو الصفار او نحتافضو بالبيض باش نرمدو بيه نزيد نصف كيس خميرة الحلوة او نلمو بالفرينة او نشكلو الكرات على وزن 30غ او نشكلوها او نرمدوها فالبياض او نزيدو فالكاوكاو او نطيبهم،وبالصحة والعافية.🥰🥰🥰

08/09/2025

لي مدارتش هاد الكروكي ماتقولش كامل كليتو كروكي بالزيت سر واحد يخليه ناجح 💯 الوصفة من قناة مملكة ام جزائرية ❤️👑 ولاصحاب الزيرو الطريقة مكتوبة للاستفادة احفظوها تحتاجوها 🥰👇

في إناء العجانة ولا بالباتور نضع 5حبات بيض مع كاس وربع سكر حبيبات نخلطهم جيدا مدة 3د بعدها نضيف ملعقة كبيرة فانيلا رشة ملح ونضيف كاس ونصف زيت بالتدريج ثم نضيف ملعقة كبيرة خل ونضيف الفرينة من 930غ الى 1كغ ونضيف 2كيس ونصف خميرة الحلويات نتحصل على عجينة طرية لكن متتلاصقش في الاخير نضيف 2ملاعق زيت نقسم العجينة الى حرابش حسب الرغبة ونشكلهم في السنيوة مدهونة بالزيت وندهنهم بخليط حبة كاملة بيض مع ملعقة صغيرة كاكاو بني مع القليل من القهوة الساىلة وندهن بيه وجه الكروكي نزين بالفرشيطة وندخلو الفرن مسخن مسبقا على 180م كي يتحمر من الأسفل نشعل عليه من الاعلى بعدها نحيه نخليه يدفى ونقطعو بسكين منشاري ونعاود نرجعو للفرن يتحمر من الجيهتين ونقدمو
البيض لازم يكون بحرارة الغرفة والماس لي استعملتو يحمل 250ملل و المكونات بالميزان تلقوها في القناة الوصفة من قناة

08/09/2025

وصفة لي باركات صالي (مالحين)

للعجينة:
نحتاج 200 غ زبدة ولا مارغارين، مع 400 غ فرينة وشوية ملح (الفرينة تكون دوبل الزبدة). نخلطوهم مليح حتى يولي الخليط كيما الطعام، من بعد نزيدو عليهم حبة بيض ونلموهم بالماء، تقريبًا نص فنجان برك.

طريقة التحضير:
نجيبو لي مول تاع لي باركات (ولا أي شكل بغيتوه) نحلو العجينة ونديروها في لي مول، نثقبوهم بالفرشيطة وندخلوهم للفور على 180 درجة.

الحشوة (لاموس):
في صحن، نحطو علبة تونة، ونزيدو عليها جبن طري، وعلبة جبن بذوق الأعشاب والثوم (إذا كان عندك). نخلطو كلش بالبرا ميكسور.

في جهة واحدة أخرى، نحطو كاس كريمة سائلة (هاديك اللي تكون فيها 30% مواد دسمة)، نطلعوها بالباتور حتى تثقال.

نخلطو الخليطين مع بعض ونحطوهم في كيس حلواني (لا بوش). بعد ما يطيبو لي باركات، نعمروهم بهاد لاموس ونزيدو نزينوهم من الفوق بتونة مبشورة ولا جبن رابي. التزيين يبقى اختياري.

08/09/2025

نااس بكري يقولو...
كي تجوع أقصد خوالك وكي تتحڨر أقصد عمامك كاينة منها ولا هدرة برك

07/09/2025

#وصغة بيتزا كاري 🍂
درت رطل فرينة مع مغرفة ماشي معمرة خميرة لخبز ومغرفة سكر ونص باكي خميرة لحلوة باش تجيني طالعة فنجان زيت مخلط عادي وزيت زيتون ملح لميتها بالماء دافي وخليتها تخمر.

صوص طوماط : درت 2 حبات طماطم بالقشور نص حبة بصل زوج فصات توم رحيت كلش فروبو منبعد درتهم في مقلة زدت عليهم زوج مغارف زيت ملح مغرفة سكر فلفل اسود فلفل احمر زعترة وكاس ماء خليتهم حتى يطيبو مليح وطفيت عليهم.
دهنت سنيوة بزيت فرشت لعجينة تاعي درت صوص طوماط نصف كمية دخلتها طيب على فرن مسخن مسبقا ايا كي طابت من تحت خرجت بيتزا تاعي زدت كملت هديك صوص طوماط درت فرماج دخلتها طيب من فوق قيس ما يدوب لفرماج كي خرجتها درت زيتون كون زيت زيتون معدنوس 🍃
#بصحة #تابعونا #وصفاتية منقولة

07/09/2025

04/09/2025

افكار. تزيين طاولة المولد النبوي الشريف

31/08/2025

اكلة صيفية بدون لحوم نوجد في 30 د وصفة منقولة

28/08/2025

سلطة المحبوبة الكل اجي نوجدوها بكل سهولة 👌👌👌سلطة منقولة من وصفات مغربية

28/08/2025

طريقة تحضير درسة للشوربة و لحريرة