Therapist/Adan Mohamed

Therapist/Adan Mohamed للتوازن بين الصحة النفسية والجسدية والاجتماعية
أنت فقط بيدك اختيار شكل حياتك 🌼

المواقف والصدمات مادايما بتتنسى في مواقف وقفنا عندها كتير بس ماقدرنا نتخطى الأثر بتاعا...ماشرط تكون صدمة كبيرة ممكن يكون...
01/07/2025

المواقف والصدمات مادايما بتتنسى في مواقف وقفنا عندها كتير بس ماقدرنا نتخطى الأثر بتاعا...
ماشرط تكون صدمة كبيرة ممكن يكون موقف أو كلمة حسيت فيها بإنك ماكفاية أو حسيت بالخوف أو الاحباط أو عدم التقدير
أيا كانت المشاعر السيئة حتفضل جواك وتكبر مع السنين💔
من غير ماتكون عندها شكل ثابت ....

بتبدأ تتحول لسرعة غضب ـ استياء
عدم ثقة في النفس
حزن بدون سبب
دموع بتنزل في اقلا موقف...
رجفة زيادة في ضربات القلب والكتييير من الأعراض النفسية والجسدية...

بس أول مانسمي المشاعر دي بأسمها حتبدأ الصورة توضح ويبدأ العقل يربط الأحداث ويشيل الأثر بتاع الموقف....
تمرين بسيط بساعدك تتخلص من المشاعر أو المواقف المحبطة👌
احكي الموقف في جمل بسيطة:>
مثلا لما فلان قال لي انت مابتفهم حسيت بإحباط وبحزن...
بعدها فسر الحدث حسب فهمك الحالي يعني مثلا الحصل ماعندي ذنب فيهو...أو مابعبر عني...
والحقيقة 👇
ودا المهم انو الحصل مابعبر عني او ماعندي ذنب في الحصل

وراقب جسمك ورد فعلك هل وانت بتكتب في رجفة أو خنقة أو دموع كل دا معناها الجسم بتفاعل مع الحدث...

وبعدها اسمع صوتك وكرر الحقيقة القلتها 👆

نحنا مابنرجع للماضي عشان نتألم 💔
نحنا بنرجع مواقف الماضي عشان نفك الرابط بينا ونكمل حياتنا 💫
نحنا ممكن ننسى بس جسمنا عمرو مابنسى👌


🕊️ رجعت بعد فترة غياب بسيطة… بس المطمئن إن النفس تعرف طريقها دائمًا للضوء.مرات الحياة بتشدّنا شوية، نغيب، نرتب دواخلنا، ...
17/06/2025

🕊️ رجعت بعد فترة غياب بسيطة… بس المطمئن إن النفس تعرف طريقها دائمًا للضوء.

مرات الحياة بتشدّنا شوية، نغيب، نرتب دواخلنا، نعيد ترتيب الحواس…
لكن الجميل إنو كل رجعة نقدر نخليها أعمق، أصدق، وأقرب للسلام.

🌱 في الصفحة دي، حنرجع نحكي عن:

كيف نتصالح مع أنفسنا لما نغلط.

ليه ما لازم نكون إيجابيين طول الوقت عشان نكون بخير؟

وخطوات بسيطة تساعدنا نحب الحياة شوية شوية… حتى في الأيام المربكة.

لو مريت بيوم ثقيل، تذكّر/ي: وجودك كفاية. أنت ما مطالب/ة بالكمال، خليك علي طبيعتك🫶

👣 جاهزين نبدأ من جديد؟
خلّونا نرجّع الروح للصفحة… وبالراحة.

مصاصي الطاقة🥵في ناس ما بتشرب دمك، لكن بتمص طاقتك!مصاصي الطاقة ما لازم يكونوا بس في أفلام الرعب، أحيانًا بيكونوا حوالينا ...
01/05/2025

مصاصي الطاقة🥵

في ناس ما بتشرب دمك، لكن بتمص طاقتك!

مصاصي الطاقة ما لازم يكونوا بس في أفلام الرعب، أحيانًا بيكونوا حوالينا بدون ما ننتبه…☹️
ناس دايمًا بتشتكي، بتنشر السلبية، أو بتحبطك كل ما تحاول تتقدم ، بتنتقدك.
بتقلل من نجاحك وافكارك 🫷

لو حسّيت إنك تعبان بعد لقاء أو مكالمة، اسأل نفسك:
هل الشخص ده بيضيف لي ولا بيستهلكني؟

حماية طاقتك النفسية ما أنانية، دي عناية ذاتية.
اختار محيطك زي ما بتختار لبسك… لازم يريحك ويحسسك بالأمان.
راجع دايما دايرة الناس حواليك لما تقعد معاهم بتكون مبسوط .؟..
ولا بترجع تعبان وعندك احساس بجلد الذات ؟

الدعم النفسي... كتف الحنان في زمن الوجع"في الدنيا دي، مرات بنمر بي أيام تقيلة، نحس كأنو الهم راكب فوق قلوبنا وما قادرين ...
22/04/2025

الدعم النفسي... كتف الحنان في زمن الوجع"

في الدنيا دي، مرات بنمر بي أيام تقيلة، نحس كأنو الهم راكب فوق قلوبنا وما قادرين نلقا نفسنا.
ساعات بنضحك مع الناس، لكن جوانا بكاء ما ظاهر.
هنا بيجي دور الدعم النفسي...
الكلمة الطيبة، الحضن الحار، والكتف البيريّحك تبكي فيهو بدون ما يقول ليك "أنت ضعيف".

الدعم النفسي ما بس أخصائي ولا جلسة علاج... الدعم ممكن يكون صاحب بيسمع ليك، أمك القريبة من قلبك💚
، أو حتى زول غريب قال ليك "أنا معاك". الكلمة الطيبة بتشفي، والنظرة الحنينة بتهدي، والحضور الصادق بيطمن.🫶

أوعى تحس إنك لو طلبت مساعدة معناها إنت ضعيف... بالعكس، ده دليل على قوتك، إنك عارف إنك محتاج سند، وإنك بشر. وما تنسى... الزول العندو قلب طيب ممكن يكون نور لغيرو، حتى لو هو ذاتو في ظلام.

خلونا نكون لبعض... نطبطب، ونسمع، ونسند. لأنو في النهاية، الراحة بتيجي لما تحس إنو في زول حاسي بيك 💝

إنتِ ما مطالبة تكوني "يا قوية يا ضعيفة"… إنتِ إنسانة، وعندك الحق تحزني وتخافي وتتصرفي احيانا حسب عاطفتك...وما في حاجة اس...
20/04/2025

إنتِ ما مطالبة تكوني "يا قوية يا ضعيفة"… إنتِ إنسانة، وعندك الحق تحزني وتخافي وتتصرفي احيانا حسب عاطفتك...

وما في حاجة اسمها قرار نهائي… كل خطوة ممكن تتراجع لو ما ناسبتك دي حياتك، وإنتِ اللي بتكتبيها صفحة صفحة.📃
مامطالبة تعملي زي الحواليك لمجرد انك خايفة من العتاب أو الانتقاد ✋️

خلي صوتك دايما واضح
بعبر عنك وعن قناعاتك
وعن مشاعرك
وعن الحاجة الانتي عايزة تعمليها..
اتعلمي تقولي لا ❌️
ماعيب ابدا طالما انتي ماحابة او مافاضية
مامطالبة تقدمي تبرير أو توضيح لرفضك
حياتك منفصلة عن الناس ظروفك مختلفة
مقدراتك مختلفة...
يبقى مالازم تسايري مجتمعك علي الحاجة الماعايزاها
طالما مابتغضب ربنا أو بتأذي شخص تاني
يبقى انتي عندك حرية التصرف
خلي دايما عندك حدود واضحة
واقلعي زمنك وزمن راحتك
وكتري من القعاد مع نفسك ومع الناس البتدعمك
والبتخفف عنك 🫶

ماعيب تقولي انا تعبتا وتعبري عن ضيقك
ماعيب انك تطلبي المساعدة من أي مختص أو طرف واثقة فيهو
طالما بسمعك وبوجهك من غير أحكام....

الأسرة سلاح ذو حدين 💔يمكن أن تشكل حماية وأمان ودعم للفرد ويمكن ان تكون حجر اساس لدمار وضرر نفسي وجسدي علي المستوى القريب...
09/04/2025

الأسرة سلاح ذو حدين 💔
يمكن أن تشكل حماية وأمان ودعم للفرد ويمكن ان تكون حجر اساس لدمار وضرر نفسي وجسدي علي المستوى القريب والبعيد.
الاسرة تشترك مع ٥ مؤسسات للتنشئة لكن!!
انا دائما أرى أن دور الاسرة وخصوصا الاسرة النووية في توفير أرض خصبة وصحية لسلامة الطفل 👶
ويقع عليها دائما الحمل الأكبر والمسؤوليات...
الاسرة ليست رعاية وتوفير أكل وشرب وملابس .
هناك فرق بين الرعاية والتربية والاحتواء...
الرعاية يمكن أن يؤديها اي شخص سواء شخص متزن أو غير متزن.
لكن ❌️
التربية يقوم بها فقط من عنده قدرة علي العطاء والتحمل والتعلم
لانها تأتي بالتعلم من الأخطاء...
هنا فترات اذا لم تدركها وتغرس فيها ماتريد في أبنائك فلن تعود خصوصا ال٦سنوات الأولى فهي اشبه بمرحلة (البصم) عند البط
اذا لم تجد الفراخ شيئا يتحرك لتركض خلفه خلال أقل من ١٥ دقيقة بعد الفقس واقصاه ٢٤ ساعة فلن تستطيع الحركة مجددا

وايضا مرحلة اخذ الفيتامينات في أشهر الحمل سيخرج الطفل وهو مفتقد لآلية تصنيع أو امتصاص الفيتامينات مثل مايحدث لغالبية الأطفال من تكرار نقص الحديد وسيكون يحاجة للتعويض
كل فترة..
لاتجعلوهم يعانون كما عانيتم🎭

هل سألنا نفسنا ليه معظم الناس بتشكي من الاكتئاب والاضطرابات؟وليه مختلفة عن زمان ؟وشنو الأسباب الخلتا تظهر بالطريقة الواض...
06/04/2025

هل سألنا نفسنا ليه معظم الناس بتشكي من الاكتئاب والاضطرابات؟
وليه مختلفة عن زمان ؟
وشنو الأسباب الخلتا تظهر بالطريقة الواضحة دي🤔
ببساطة شديدة 👇
🖼.كلما ابتعد الإنسان عن بيئتو الطبيعية كلما قلت المناعة وزاد توترو كيف؟
يعني الإنسان معروف انو من الارض والطبيعة يعني الهواء المشي والاكل الطبيعي من غير اضافات صناعية..
🎭.الانسان كائن اجتماعي اذا ابتعد عن التجمعات والاختلاط مع الناس حيقل مستوى تحملو للبشر وحيفقد المهارات الاجتماعية.
🎤 الإنسان مستقبل ومرسل بمعني بتكلم ومتفاعل مع المجتمع وبستقبل من المجتمع بقدم خدمات وحوار ومشاركة وبستقبل كلمات وتقدير وعطايا فلما يكون مستقبل بس حتقل فاعلية الإرسال يعني حيختل التوازن الطبيعي حيكون اكتر عرضة للتوتر والضيق لما يتكلم مع الحواليهو فبحصل انعزال أو وحدة.
العلاج او الوقاية حاجة بسيطة
💚انك تخصص زمن للتجمعات
🌼تتمشي تتأمل في الطبيعة..
🍪تعتمد علي الاكل الصحي ..
🏃‍♂️تمارس الرياضة ...
❌️تبعد علي قدر الإمكان من الأجهزة والسوشيال ميديا لانها بتخليك ماواقعي لأنك بتشوف صور مثالية وحتبدأ تفقد قناعتك بحياتك 💔

العلاج والدعم النفسي هو أمان للنفس🩵بحثك عن المساعدة ليس ضعف ّ؛انت تشحن طاقة روحك لتواصل الحياة بشكل مريح🫠المرض النفسي لي...
25/03/2025

العلاج والدعم النفسي هو أمان للنفس🩵
بحثك عن المساعدة ليس ضعف ّ؛انت تشحن طاقة روحك لتواصل الحياة بشكل مريح🫠
المرض النفسي ليس دائما وهم❌️
وليس وصمة وحرج 🚫
المرض النفسي مثله مثل المرض العضوي لكن الاختلاف ان المرض العضوي يسهل تأكيده بالأشعة أو الفحوصات المختبرية
لذلك يسهل الاعتراف به...
وعدم رؤية ولمس المرض النفسي لاتنفى وجوده✋️
انت لا تختار ضغوطاتك أو آلامك لكن تستطيع اختيار العلاج 💊


عطفا علي ماسبق👉مشهد يوسف وهو بيحكي عن التجربة مليان كمية من المشاعر المختلطة واكتر حاجة كانت واضحة جدا شعورو بفقد الاهتم...
23/03/2025

عطفا علي ماسبق👉
مشهد يوسف وهو بيحكي عن التجربة مليان كمية من المشاعر المختلطة واكتر حاجة كانت واضحة جدا شعورو بفقد الاهتمام والحب ....
الأطفال اذا مااتعلموا يعبرو عن مشاعرن حيكبروا وهم عندهم فجوة وصراعات مكبوتة....
بكونوا وجبة ساهلة لاي كلام معسول...
اذا مالقوا مشاعر حب واحتواء وحنان حيفضلوا طول العمر يتسولوها 🚫
يوسف في حالة صدمة فرافض فكرة انو وسام شخص سئ لمجرد انو قال ليهو انا بحبك وعزز دا بالاهتمام وباللعب فرسخ فكرة انو شخص طيب.
وعقدة الحب والخوف زي [ماذكرتا في البوست السابق]
كل مانكتب عن التحرش بلاقي في فجوة كبيرة لسة محتاجين نملاها حاجات كتيرة الحرص والاهتمام والحب غير المشروط حب فطري بدون مقابل🩵
وننتبه لانو البيدوفيليا اضطراب زيو وزي اي مرض ممكن يصيب اي شخص...
حقيقة التحليل كتير علي المشهد وعلي المسلسل نفسو لانو بعكس كمية من المشاكل النفسية والعلاقات بشكل جميل ومحزن في نفس الوقت....

#التحرش

في سؤال خلاني أكتب البوست دا ليه يوسف في مسلسل لام شمسية متعلق بوسام رغم انو متهم بالتحرش ؟❌️ دي اسمها عقدة الحب والخوف ...
21/03/2025

في سؤال خلاني أكتب البوست دا
ليه يوسف في مسلسل لام شمسية متعلق بوسام رغم انو متهم بالتحرش ؟❌️
دي اسمها عقدة الحب والخوف وهي عقدة نفسية حسية وفكرية غير سوية بتتميز بالسلوك غير الطبيعي بحصل تلاعب عاطفي من المتحرش للطفل زي التعامل اللطيف وانو يقدم ليه هدايا ويعاملو بطريقة تخلي الطفل يحبو خصوصا لو الطفل فاقد للاهتمام ،
لما يحصل التحرش بتخلي الطفل في صراع في المشاعر وبقنع نفسو انو ماممكن شخص لطيف يكون سبب في الألم لانو مستخدم أسلوب التعزيز بالهدايا أو اللطف.
وهنا بكون الطفل في حالة صدمة ولخبطة في مشاعرو فالجسم بعمل حيلة نفسية دفاعية عن حالة الخوف والصدمة فببدا يصدق المواقف اللطيفة والمعاملة فبتمسك بالعلاقة برغم الألم أو عدم الراحة لمجرد التعلق وأحيانا ممكن يصل الطفل ( لمتلازمة استوكهولم) ودي بكون فيها تعاطف مع المعتدي أو المجرم.
ودا حقيقة لفت نظر الناس لانو ممكن المتحرش يكون انسان وقدوة ومكانة اجتماعية ...
يعني المتحرش ماالا يكون متعاطي أو حرامي ...
في أغلب الحالات المتحرش بكون شخص مقرب من العائلة وممكن يكون فرد منها خال اب او جد أو عم مافي زول معصوم.
فلازم ننتبه كمسئولين من أطفال انو نخلى بالنا من الأطفال
يعني مابنخون ونقطع العلاقات بس نكون حذرين .🚫
وعشان البوست مايطول عندنا بقية عن شخصية وسام المتحرش❌️
#التحرش

Address

Alexandria

Website

Alerts

Be the first to know and let us send you an email when Therapist/Adan Mohamed posts news and promotions. Your email address will not be used for any other purpose, and you can unsubscribe at any time.

Shortcuts

Share

Category