17/11/2025
انف.جار في أحد مخابر كلية الصيدلة بجامعة دمشق يودي بحياة الموظف في الكلية محمد غانم ، الذي تُوفي متأثراً بإصابته
بتنفجر مادة مجهولة بوش المخبري، بيهب كلو وبيشعل ومابيقدرو يعملولو شي لأنو طفايات الحريق والدوشات يلي بالمخبر هنن لنتصور معهن بس
بيسعفو المخبري عالمشفى الوطني يلي هو ناح الكلية فبيقلولو (آسفين ما منعالج حروق)
المخبري صار شهيد لقمة العيش وشهيد العلم
والمادة لسا مجهولة بالمخبر وموجودة بين الطلاب
والطفايات والدوش لساتن منظر بس
سبق من أربع أو خمس سنين صار معي حادث بمخبر بالكلية وانفجر إنبوب فيو أسبرين وفات بعيني...ووقتا (مشفى الأسد سابقا) اعتزرو وقالو ما عندن عينية
هالبوست لحتى تترحمو عالاستاذ محمد غانم وتقرأولو الفاتحة
كزا مرة شفتو كيف بيركد ليساعد الطلاب بالمخبر
